[الألماسة]

مبادرة جميلة إنك تطرحين هالموضوع حتى تعرفين رغبات العضوات



بالنسبة للموضوع الأول
أنا أرى إنو الموضوعين المنفصلين
أحسن حتى يكون في نظام
وما يكون في تعب للمصممات،
وياريت الطالبات والمصممات
يتفادون الدردشة في المواضيع
مثل الشكر على التصميم
وهالأشياء وبعدين العضوة
فيها تشكر المصممة مسبقا،
بدل الردود الي مالها فايدة وبتزيد
الصفحات من غير سبب.



بالنسبة للموضوع الثاني
فكرته رائعة وعجبتني كثير،
خصوصا أنه في الماضي
في مواضيع طلبات التوقيع السابقة
(ولا أقصد الإهانة) كان في بنات
ما يعرفون يصممون
ويجو يصممون تواقيع،
فلازم إنتي تختارين البنات الي تشوفين
تصاميمهم حلوة
وماشاء الله هم كثيرات
في منتدانا وتطلبين منهم يصممون للبنات،
ولو رفضوا براحتهم،
ومن سلبيات هالفكرة
أنه لما تبدا الدراسة بنات كتار
من المجموعة راح يكون مشغولين
في الدراسة في الوقت الي بيكون
في بنات خارج المجموعة مش مشغولات.



أما بالنسبة للموضوع الثالث
عندك كل الحق فيه،
وأعتقد العضوات يلجئن للمجاملة
لأنهم يخافون يجرحون مشاعر المصممة ،
بس بالعكس إذا ما عجبهم التصميم وجاملو مصممته
ماراح تحاول تنمي نفسها أكثر
وراح تظل على نفس المستوى،
فكل مصمم بارع صار بارع
بفضل الانتقادات على تصاميمه في البداية،
هالشي يخلي الانتقادات مفيدة جدا
مع تفادي جرح المشاعر زي ما قلتي



أرجو إنو رأيي يكون واضح

وشكرا لك أختي على طرح الموضوع

تحياتي