ذكرتيني بقصة وحده عمرها ما سمعت من ابوها كلمة حب وحده ولو حتى بالغلط
وبعدين اكتشفت من امها انو ابوها معجب بشخصيتها مرررررررررررره ويحبها مووووووووووووووت
لكن عنده قاعده غبيه ما عجبتني
تعرفي ايش يقول
يقول اخاف اقولها عن حبي لها ويصيبها الغرور وانا ابغى بناتي متواضعات
بالله ايش رايك في هذي القاعده العجيبه !!!!!!
وعنده الحب غلط مررره حتى لو مثلا شافك مره تقولي لصحبتك انك تحبيها يقول ايش اللكاعه والمسخره والكلام الفاضي هذا !!!!!!؟؟؟؟؟؟
ومن كتر ما البنت خلاص حطت فكرة انو الحب غلط كانت لمن تقعد مع صحباتها اللي تحبهم
ما تعرف كيف تعبر عن مشاعرها لهم تخاف انهم يفهموها غلط ولمن شافت انو صحباتها عااادي يقولو كلام الحب بينهم حبت تجرب مره ولمن جات تعبر عن مشاعرها بكيت لانها ماقدرت انها تتكلم حست انو الشي هذا صعب عليها
وصارت وسيلة تعبيرها عن مشاعرها الورقه والقلم
ولمن عرفوا صحباتها حكايتها بدؤا معاها حبه حبه
الين صارت الحين لو قعدتي معاها تسمعي كل كلام الحب والدلع من فمها الين ما يكبر راسك وتصدقي نفسك خخخ
والحمد لله انها لقيت الحب عند صحباتها مو عند الشباب وحركاتهم
والبنت هذي واللي في قصتك ابدا تفكيرهم مو غلط
بالعكس ابائهم هم اللي مخهم مقلوب وتفكيرهم اهبل ( مع احترامي لابائهم ) لانو بناتهم بعدين حيتعبوا مع ازواجهم بعكس البنات اللي متعودين على هالكلام .. يعني حيخربوا بيوت بناتهم في المستقبل كمان لان الازواج يحبوا مين يدلعهم وبالطبع فاقد الشيء لا يعطيه
وانا اتمنى من الله ان يهدي ابائنا ويصلحهم ويخلي تفكيرهم فوق الصحيح
وشكرا ياقلبي على موضوعك
واسفه على الاطاله لكن حمستيني واثرتي شجوني
وتقبلي مروري
سونا