أول شيء
السلام عليكم ورحمة الله و بركاته و أشتقت لك مررره و للرحلهـ :)
ثاني شي
قصتي ،
كانت مع أختي الكبيرة ( بكر أمي )
أصابهـا مرض السكري و هي في ثالث ثانوي ،
و بعد كم سنة صار المرض يتعبهـا مرّه و كانت تحس بالتعب من أي مجهود ،
مرة السكر طالع و مرة نازل و مرة يوصل لأكثر من 500 !!
في يوم من الأيـام حصلت ظروف و تأثرت فيهـا
و دخلت المستشفى ( تنويم ) و يااااكثر ما تتنوم !
و المستشفى أعطوهــا إبره لمرض (الصرع) !!!!!!؟
و تدهورت صحتهـا مرره و دخلت غيبوبة ،
و أنقلوهـا إلى الرياض و الظهران و علاجات مكثفه و طاقم طبي و حاالتهــا لله
الكل قال مستحيل تقوم من هالغيبووبه !
أستمرت أكثر من شهر تقريبــا ً !!
و أمي و أبوي راحوا معاهـا مرافقين ، كانت أمي تنزل عندنــا منطقتنــا ( نااادر )
لا تسألين عن حالتنــا النفسية السيئة جداً !! صرنــا في بيت خالي ( جزاه الله الجنة و جدتي الحبيبة )
و خالتي الله يرزقهـا الصحة و العافية ( ادعوا لهـا سنتين مريضة )
حاولوا يدبعونـا و يلبون طلباتنــا ،،
كنت أتحطم لمــا أشوف أمي تبكي من الألم و هي حاسة أن بنتهــا بتضيع من يديهـا و هي مو عارفة شتسوي !
كنـا نبكي لمــا تكلمنــا الوالدة من المناطق اللي يعالجون فيهـا أختي ،
الله لا يرد ذيك الأيام :(
المهم أختي صارت ( معاااااااااااقة ) !!
ماتتحرك أبداً و لا تتكلم و لا شي !
تخيلوا تتألم و تتوجع و تبي تحك وجههــا ! ما تقدر !!!
معاااااااااانااااااااااااااااااااه !
و كان في أخصائية نفسية مدري تغذية مدري وش قصتهــا ! قالت لأمي بنتك مستحيل تطلع من المستشفى إلا (( محمووووله )) << قصدهــا ماراح تطلع إلا جثه !
أمي أنهــااارت ، لكنهــا ما يئست من رحمة رب العالمين !
كل يوم ترقيهـا و تسقيهــا زمزم و تمرخهــا بزيت مقري فيه
أول يوم رحنـا نزور أختي فيه (((((( وكنا ماشفناهــا من شهور !! ))))))
أنصدمنـــا !!
تغيرت مرره ،، نحيييفة جداً ( جلد على عظم )
و وجهــا منتفخ و فيه حبوب
و صدرهــا مفتوح ( فيه مجرى التنفس )
يالله !!!
شكلهــا زلزلنــا .. صدمنــا .. قربنــا منهــا نسلّم علهــا ،،
ما تقدر حتى ترفع يدهــا !!
الكل متوقع يجي يوم و نسمع خبر وفااتهـــا !!
لكن الله أحياااهــا من جديد ، و هذي هي جنبنــا اليوم و الحمد لله بصحة و عافية :)
و الله ما تتوقعون كيف يوم رجعت حفلات و عزايم ، ورجعنــا للبيت من جديد ..
يااااااااااااااااه
سبحان اللي يخرج الحي من الميت ..
سبحان الله الذي يحيي العظام و هي رميم ,،،
آآخر همسة لكم : لا تقنطوا من رحمة الله ، و ألجأوا إليه فهو طبيب الأطباء