ريناد : وين سديم و نوره ؟؟
موضي : بالمطبخ يسولفن .. مين يروح معي بالدباب ؟؟
ريم : جابوها ؟؟
موضي : نادر جاب واحد بس و يقول الشباب مسوين مباراه بالباقيه ..
سراب : و انتي .. على وين رايحه ؟؟
موضي : عندهم .. بروح اشوفهم ..
لولوه : لوحدك ؟؟
موضي : مين بيروح معي ؟؟
ريناد : و الله ما فيني ..
لولوه : و انا بشوف التلفزيون ..
ريم : خلاص انا بروح معك ..
موضي : يالله ....
*****************
: ادخل ......... درر ؟؟؟ هلا حياك ..
درر : ود فيصل موجود ؟؟
ود : ايه موجود .. تفضلي ..
و دخلو على فيصل اللي كان متمدد عالسرير و حاط ايده على عينه بس موب نايم ..
درر تهمس لود : نايم ؟؟
ود : لا ..
درر : وش فيه ؟؟
ود : اخذ له بندول راسه يوجعه ..
فيصل سمعهم بس ما عرف درر .. حسبها ديما لان اصواتهم متقاربه ...
فيصل : خير ديما .. فيه شي ؟؟
درر : أأ ... أأ ...أأأأنننا ..... أأأأنننا درر فيصل ..
فيصل ما صدق اذنه و قام قاعد عالسرير : درر ؟؟؟؟
ود : تفضلي درر ارتاحي ليه واقفه ..
درر تسمع ود و تذكرت كلام ساره انهم كلهم يحبونها و ابتسمت ...
ود : ارتاحي ..
درر مبتسمه : لا منيب جالسه الا اذا قالي ابو الجوري ..
فيصل : ما يحتاج اقول درر .. انتي اخت ابو الجوري و تنتظرين عزيمه ..
درر و هي تجلس : ثااانكس ...
ود : اوكي .. انا بترككم على راحتكم ..
درر : لا ود اجلسي معنا .. ابيك تسمعيني ..
فيصل : ارتاحي ود ..
و جات ود و جلست جنب فيصل و عيونهم على درر ..
درر : اولا .. انا جايه لك بقولك اني اسفه على كل اللي صار ..
ود و فيصل على وجههم اكبر علامة استفهام ؟؟؟ معقوله درر بنفسها تعتذر !!!! هذا الشي اللي محد يصدقه بتاتا ..
درر : انا عارفه اني ما احترمتك و لا احترمت مكانك بالبيت ... بس صدقني كنت معصّبه ..
فيصل : حصل خير ..
درر استغربت انه رضي عنها بكلمتين .. و عرفت ان كل كلمه قالتها ساره بمكانها .. كل اخوانها يحبونها .. بس هي تفهمهم غلط ..
درر : يعني لو قلت لك ....... اقدر اروح لحفلة نوال .. تسمح لي ؟؟
فيصل مبتسم : حفله وحده بس ؟؟
درر : ايه حفله وحده ..
فيصل بابتسامه تذوب القلب : اوكي خلاص روحي ..
درر قامت : ثااانكس ........ و لما وصلت عند باب الغرفه ..
فيصل : درر ..
درر بالتفاته له : هلا ..
فيصل و لا زال مبتسم : انتبهي على نفسك حبيبتي ..
درر راحت عنده وحبّت راسه : ان شاء الله .. توصي على شي ..
فيصل : سلامتك .. و آسف على ضربي لك ..
درر : عادي .. انت ضربتني لمصلحتي ... يالله بااااي ..
فيصل + ود : في امان الله ..
ود للحين علامات الدهشه على وجهها و ميب قادره تصدق ان اللي كانت قدامها هي نفسها درر الملسونه ..
فيصل يناظرها باستغراب و فيه الضحكه على شكلها : وش فيك ؟؟
ود : فصولي تكفى عطني كف خلني اصدق اللي سمعته ..
فيصل : بس كف !! غالي و الطلب رخيص .. ما طلبتي شي ... خذي ( و اعطاها كف ) ..
ود : ااااايييييي ... انت دايما ما تكذب خبر ؟؟
فيصل : هههههههه شسوي .. انتي اللي قلتي لي اعطيك كف ..
ود : معقوله اللي كانت هنا هي نفسها درر اللي اليوم تهاوشنا معها ؟؟
فيصل : و ليه مو معقوله ؟؟
ود : سوري فصولي اسمح لي .. بس انا صار لي بهالبيت 7 سنين ما عمري شفتها بهالمنظر اللي قبل شوي ..
فيصل : الله يثبتها و يهديها ..
ود : آآآآآمييييييين ....... فيصل ..
فيصل : عيونه ..
ود : وش صار على السوق ؟؟
فيصل : يااااربيييي .. امري لله .. ( و اخذ شماغه و راح للتسريحه يعدله ) ..
ود : يعني ؟؟
فيصل : يعني اقل من خمس دقايق ان ما شفتكم بالسياره منيب رايح ..
ود : لا تكفى .. الحين بقول للبنات ..
فيصل : و الجوري خلها تجلس هنا .. بتجننا بالسوق ..
ود : هههههههه و انت الصادق .. ما شاء الله الحين كل محلات الالعاب يعرفونها .. صارت ماركه مسجله ..
فيصل وهو خارج : هههههههههههههههههههاااااااي .... يالله انا بالسياره ...
ود خرجت وراه وراحت لغرفة دانه و قالت لها هي و ديما اللي لبسو عباياتهم و نزلو لفيصل ...
******************
--------------------------------------------------------------------------------
ركبت موضي الدباب .. وريم مسكت فوسطها وهم لابسين عبايات عالكتف و متلثمات بالجلالات ...
موضي : يالله جاهزه ؟؟ احرِّك ؟؟
ريم : يييييييس ...
موضي شغلت الدباب وسط صرخاتها هي و ريم ..
موضي وريم : gggggggoooooooooooooooooooooooooooo ...
وحرّك الدباب بسرعه غير معقوله ...
ريم بدت تصيح : ميمي بلييييز الله يخليك وقفي ..
موضي فرحانه : خخخخخخخ منيب موقفه .. كاني بفلم لجيمس بوند !! اموووت عالاكشن .. ياااااااهووووووووووووو ..
ريم : تكفين ميم....... موضي انتبهي الحجره قدامك ... بنصدم فيها ..
بس موضي لفّت بسرعه وهي تضحك على شكل ريم اللي دموعها اربع اربع ..
موضي : يللللععععنننننن يابو الأدفااانتششر ( المغامره بالانجليزي ) ..
ريم : تكفين موضي لا عاد تفحطين .. ولا رجعيني للاستراحه ..
موضي : لا لا لا لا لا لا لا لا لا لا ...
ريم : و لاوي يلوي مصارينتس قولي آآمين .. ليه ما بتوقفين ؟؟
موضي : لأني بكل بساطه موضي ..
ريم : وش يعني ؟؟؟ .... واااااااااااااااه .. مويض خفي السرعه الله ياخذ بليسك ..
موضي : الخَيْلُ وَ الَلَيْلُ وَ الْبَيْدَاْءُ تَعْرِفُنِيّ ... وَ الْسَيْفُ وَ الْرُمْحُ وَ الْقِرْطَاسُ وَ الْقَلَمُ ..... شرح موجز لمعنى موضي ..
ريم : الله لو سمعك المتنبي ... كان حلف يمين ان يده ما تمكسك القلم طول عمره ....
و بعد وقت يمكن عشر دقايق ..وهم يمشون يدورون سيارات الشباب بس ما حصلوها ..
ريم : موضي مو كان هذي اللي واقفه هناك قدام خيمه و فاتحه الضوء .. كانها سيارة بدر ؟؟
موضي : الا الا هي .. الحمد لله ما ضعنا بهالبرّان ومع هالبرد .....
بس لما قربو من السياره ........
موضي شهقت : اههههئئئئئئئئئئئئئئئئئئ ..... ريم .. هذي ميب سيارة بدر ..
ريم : ميمي هذا مو وقت مزحك ...
موضي وقفت الدباب جنب السياره و نزلو يتفحصون السياره : و الله العظيم ما امزح .. ذي ميب سيارة ولا احد من اهلنا ..
ريم بدت تبكي : ياااااوييييلللللليييييي .. حسبي الله عليتس يا مويض ..
موضي بدت عيونها تدمع : بس لا تتحسبين علي .. محد طقك على ايدتس و قال لك تعالي معي ..
ريم تبكي و مع دموعها ساح الكحل : يااااااه ما ودعت امي ..
موضي : يا شيخه فال الله ولا فالتس .. خلنا نشوف منو صاحب هالسياره ..
ريم : موضي .. انتي عارفه طريق الرجعه للاستراحه ؟؟
موضي : بصراحه ... مو مره .. احنا بالليل و ما حفظت الطريق زين ...
ريم صاااحت : لاااااا ... أبي امي أبي ابوي أبي اهـ .....
: مين انتو ؟؟؟
ريم اللي كانت معطيه مصدر الصوت ظهرها التفتت ....
الشاب اللي كان واقف قدامهم ضاااع بعيون ريم ..
( ياااااا الله ... وش ذي العيون يا نااااس ؟؟ تهببببل ... اوف مليانه دموع ؟؟ بس حتى وهي بالدموع تجنن .. اتحدا واحد يوقف قدام عيونها و لا يصير له شي .. ادناها اكيد بيحس ان الارض تنشق و تبلعه )
وجاهم صوت : مييييييييين يا راشد ؟؟؟
راشد : يبه ... يمه ... تعالو شوي ...
و خرجو من الخيمه رجال و حرمه و بنتين كبيره و صغيره ..
الحرمه قربت منهم : مين انتم ؟؟
ريم مره صوتها ما يوضح لانها تصيح ..
موضي تشجعت و تكلمت : و الله يا خاله احنا ضايعين ..
الاب : وين اهلكم ؟؟
موضي : لنا استراحه قريبه من هنا .. و اهلنا كلهم هناك ..
الاب : تدلون طريقها ؟؟
ريم صياحها زاد و طاحت فحضن موضي و بدت تبكي ...
البنت الكبيره : طيب تعالو ارتاحو هنا ..
موضي انصاعت لكلامها وراحت و هي ماسكه ريم .. اما الاب و ولده راحو ورا السياره ...
الحرمه : وش اسمك يا بنيتي ؟؟
موضي : أنا موضي بنت عبد الله السالم ..
البنت الكبيره : يمه .. هذي ابوها مدير راشد بالشغل ..
الحرمه : ما شاء الله ... و انتي ( و تاشر على ريم ) ؟؟
ريم : انا ريم بنت عبد العزيز العبد الله ..
البنت الكبيره : انتي عمك عبد المجيد العبد الله .. رجل الاعمال ؟؟
ريم : ايه ...
و جاهم صوت ...
ابو راشد : ياااا ام راااشد .. صلو العشاء يالله ..
ام راشد : دخل وقت الصلاه ؟؟
راشد : ايه يمه .. رؤى ؟؟
رؤى ( البنت الكبيره ) : سم يا اخوي ..
راشد : ارسلي لي جك الماء مع هبه ( البنت الصغيره ) ..
رؤى : ان شاء الله ..
ريم : خاله ..
ام راشد : هلا يا بنيتي ؟؟
ريم بصياح : تقدرون توصلونا لاهلنا ؟؟
ام راشد : ايه نقدر .. بس مو الحين .. احنا بالليل و انتم ما بتدلون الطريق كذا ..
موضي : مشكوره يا خاله بنتعبكم معنا ..
ام راشد : لا لا تعب و لا شي ..
موضي بتلطف الجو .. تناظر هبه : انتي باي صف ؟؟
هبه : سادس ابتدائي ..
موضي : ما شاء الله .. نجحتي ؟؟
هبه : ايه صرت سادس ..
موضي : مبروووك ..
هبه : الله يبارك فيك ... و انتي نجحتي ؟؟
موضي : هههههههه .. ايه ..
هبه : انتي باي صف ؟؟
موضي : لا انا بالجامعه ... مستوى ثاني ..
رؤى : أي قسم ؟؟
موضي : رياضيات ..
هبه : يوووه .. كيف تستحملينه ؟؟ انا ما اطيقه ..
موضي : هههههههه بالعكس .. الرياضيات حلوو و دراسته ممتعه ..
رؤى : و انتي يا .... ريم ؟؟ باي قسم ؟؟
ريم : لغه انجليزيه .. مستوى ثالث ..
هبه : نجحتي ؟؟
ريم : بلا فضايح .. نجحت بس علي ماده ..
رؤى : اووه الله يعينك ..
--------------------------------------------------------------------------------
موضي : و انتي ؟؟
رؤى : انا قسم رياض اطفال آخر سنه لي ..
ريم : حلو هالقسم ..
رؤى : بس انتو اللي بالجامعه ؟؟
موضي : لا فيه 3 بنات غيرنا .. جيش صح ؟؟
رؤى : ههههههههه ما شاء الله تبارك الله .. وش اسماءهم ؟؟
ريم : اكبرهم نوره بقسم اللغه و النحو و الصرف تقدرين تقولين آخر سنه مثلك ... و بعدها سراب مثلي انجليزي و برضو مستوى ثالث .. و بعدهم موضي ووحده اسمها سديم بنفس القسم .. رياضيات .. مستوى ثاني ..
رؤى : ما شاء الله ... بس ؟؟
موضي : لا فيه اختي لولوه و اخت ريم اسمها ريناد مع بعض اذا ابتدت الدراسه يصيرون اولى ثانوي ..
ام راشد : ما شاء الله ..
هبه : مافي احد قدي ؟؟
موضي : اصغر منك ... فيه بنت عمتي لجين و ريماس اخت ريم بثالث ابتدائي و فيه نوف او مثل ما نناديها احنا نوفه اذا بدت الدراسه تكون اولى ابتدائي .. وبس ..
هبه : تصدقين .. عوايلكم حلوه ..
ريم : ليه ؟؟
هبه : ما شاء الله .. كلكم اعماركم قريبه من بعض ..
الكل : ههههههههههههههههههههههههههههههه ..
ام راشد : يالله بنصلي ..
الكل : يالله ...
******************
وهم يسولفون عن العرس اللي قرب دخل عليهم ريان وهو مبسووط و يصفر ..
ريان : باركو لي .. فزت عليهم كلللللهم ..
و كلهم باركو له الى ..
سراب : وين ريم و موضي ؟؟ ما جاو معكم ؟؟
ريان : ريم و موضي ؟؟ هم جاو معنا ؟؟
لولوه : ريانوه لا تمزح .. ريم و موضي راحو بالدباب يلحقونكم بيشوفون سباقكم ..
ريان : و الله العظيم ما امزح .. محد جانا هناك ..
ريناد : يااااويييلللليييي اختي وين ؟؟
لولوه : و اختي انا بعد ..
سديم اتصلت على جوالاتهم بس حصلوها فوق دولاب التلفزيون بالصاله ..
نوره : وش السوات الحين ؟؟
و بدو يصيحون البنات و قالو للحريم اللي كل وحده فيهم دموعها تغسل الارض و خصوصا ام بدر و ام عبد الله ..
ام سالم : يا ويلي .. وين راحو ذول ؟؟
منيره : الله يستر .. وين بنات اخواني ..
ام نادر : صلو عالنبي يا جماعه ..
الكل : عليه الصلاة و السلام ..
منيره : انا بتصل على بندر ..
و اتصلت ..................
**********************
الشباب قاعدين يحكون للرجال كيف كان السباق النهائي و هم فرحانين ..
بندر شاف جواله و رفع الخط : الوووووو ..
منيره : بندر الحححق ..
بندر بخوف وهو يعدل جلسته : وش فيك يا مرَه؟؟
كلمة بندر خلت كل اللي بالديوانيه يسكت ..
منيره : موضي و ريم ..
بندر : وش فيهم ؟؟
منيرة : حرّك سيارتك و رح دور عليهن ..
بندر : ادور عليهم ؟؟ ليه وين راحو ؟؟
منيرة : راحو بدباب يلحقون الشباب و ما جاو للحين ..
بندر : طيب خلاص الحين اروح .. مع السلامه ..... و سكر الخط ....
سالم : خير يابو ريان ... عسى ما شر ..
بندر قام بدون أي كلمه ...
ابو بدر : بندر .... بندر ........ ابووووو رياااااااااااااااان ...
بندر انتبه : هاه ...
نادر : عمي .. وش فيك ؟؟ عسى ما شر ؟؟
بندر : نادر و انا عمك تعال معي ..
ابو سالم : وين رايحين ؟
بندر : قبل لا اقول لكم لا احد يعصب ..
ابو عبد الله : خير ان شاء الله ؟؟
بندر : ريم و موضي ..
الكل هنا بقق عيونه على بندرو خصوصا بدر و عبد الله ينتظرون يقولهم وش فيهم ريم و موضي ..
ابو عبد الله : وش فيها بنتي ؟؟
ابو بدر : و بنتي ؟؟
بندر : خرجو بدباب يلحقون به الشباب و للحين ما رجعو ..
الكل : .................................................. ..