--------------------------------------------------------------------------------
.. البارت الثاني عشر ..
: هيييييييييي .... هنااااااا هنااااااا ..
بدر : نويدر الله يهداك .. بشويش صرّخ .. فقعت طبلة اذوني ..
نادر : اقول اسكت اسكت بس ..
لجونه تناقز مع نوفه و ريماس ...
رامي : سلااااااااااام ...
بدر : و عليكم السلام ..
رامي : هاه وصلت الدبابات ؟؟
ووقف الوانيت عندهم و نزلو منه ثنين هنود .. شالو ال7 دبابات و حطوها عالارض ... و بدر حلف على نادر انه يدفع نص سعر ايجارها ...
ريماس : من الحين اقول لكم انا اول وحد تركب ..
نوفه : اقول ضفي وجهك بس .. حلووه ذي .. اخوي يجيبها و هي تركب اول وحده .. لا يا عمري انا اول وحده ..
لجونه : لا طقو بعض احسن ؟؟ لا انتي و لا انتي ... اكيد انا ...
******************
( شلونك يالغلا ؟؟ عساك بخير ؟؟ و كيف البنات ؟؟ ترا الدبابات جات .. الحقو عليها .. سيي ياااا ) ... قرت الرساله و هي مبتسمه ...
موضي : الله الله الله ... يااااااباااسط ... وش فيك ؟؟
ريم : الدبابات جات ..
نوره : شدراك ؟؟
ريم : روميو ارسل لي ..
سديم : يااااحلاااااااااا .. و ليه ما ارسل لي انا ولا سروو ؟؟
سراب على طول اتصلت على رامي وهي معصّبه ....
******************
: فيصل و اللي يعافيك اترك البنت ..
فيصل : بعدي عني انا اراويها الحيوانه ..
: فيصل ارجوووك خلاص ..
فيصل : و الله لا اوريها النجوم بعز القايله .. قليلة الادب اللي ما تعرف كيف تتكلم مع اخوها اللي اكبر منها ..
: فييييييييصصصصصلللللللل ... و غلاة اللي تحت الثرى ...
فيصل وقف من بعد ما سمع كلمة ديما .. ( تحت الثرى ؟؟ تحت الثرى يعني امي ؟؟ و غلاة امي ؟؟ امي ؟؟ ياااااااااه يا يمه .. مشتااااااق لك .. آآآآآآآآآآه يا يمه وينك ؟؟ ) و دمعت عيونه ..
ود مسكت يد فيصل و خرجت من الغرفه .. اما دانه و ديما تساعدو على درر و شالوها و حطوها فوق السرير ..
درر : آآآآآه ... آآآآآه ...
دانه : سلامتك من الآه ..
درر تناظرها : انتي شتسوين هنيه ؟؟ اطلعي برا .. برااااا ...
ديما : بس يا درر هدي نفسك شوي ..
درر : انتم تكرهوني .. كلكم ما تحبوني اطلعو براااااا ما بشوف وجيهكم .. برااااااااااا ... ( و تبكي ) ..
دانه مسكت ديما و خرجو و راحو لغرفة ديما ..
: شلونها الحين ؟؟
دانه : معصّبه شوي ..
ديما : ساره .. روحي لها هديها شوي ..
ساره قامت : ان شاء الله ..
دانه : بجي وراتس بس هي لا تدري .. اوكي ؟؟
ساره وهي خارجه : اوكي تعالي ..
و راحو لغرفة درر .. ساره فتحت الباب بشويش و تعمدت تخليه مفتوح لان دانه واقفه برا بتسمعهم ..
ساره : ادخل ؟؟
درر ترفع راسها : .................. تفضلي و سكري الباب وراتس ..
ساره : لا بخليه .. خلي جو الغرفه يتغير ..
درر : ساره بلييييز سكري الباب ...
ساره راحت للباب و شافت دانه و غمزت لها يعني حطي اذنك عالباب .. و سكرته و رجعت لدرر ..
درر : شفتي كيف يا ساره .. ولا احد من اخواني يحبني ..
ساره : لا لاتقولين كذا ... و دانه و ديما ؟؟
درر : اقولك كلهم ما يحبوني ..
ساره : بالعكس .. انتي لو شفتي دانه و ديما كيف وجيههم كان ما قلتي كذا ..
درر : اكيد شمتانين فيني صح ؟؟
ساره : ان بعض الظن اثم ..
درر : شقصدك ؟؟
ساره : كل وحده فيهم دموعها اربع اربع ..
درر مفتحه عينها عالآخر : معقوووووله ؟؟
ساره : و شوي و يبوسون رجل فيصل عشان يتركك ..
درر : لا ما اصدق ابدا ..
ساره : لا صدقي .. انا لو مكانهم ما ترجيت اخوي عشان يتركك مثلهم ..
درر : ليه ؟؟
ساره : و الله اللي تسوينه فيهم و تقولينه عنهم موب شي هين .. انا لو مكانهم كان جبت كرسي و جلست و انا حاطه رجل على رجل و اشق الابتسامه و اقول عساك بهالحال و زود ..
درر باستهزاء : اكيد دانه هي اللي كانت كذا .. اما ديما نووو وييييييي ..
ساره : ليه ؟؟
درر : يا ماما ديما كنت اسوي لها الهوايل ..
ساره : بالعكس .. ديما كانت اكثر من ود و دانه تبكي و تترجى فيصل ..
درر : اييييش ؟؟
ساره : لدرجة انها حلفت بغلاة امها الله يرحمها و لما سمعها فيصل وقف عن ضربك ..
درر : ما اصدق ... ديما !! ديما تسوي كذا ؟؟ لا لا .. مستحييييييل ...
ساره : و ليه مستحيل ؟؟ ميب اختك ؟؟
درر قامت و فتحت ستاير البلكونه و قعدتك تشوف ثامر و ليان و ريما و الجوري يلعبون ..
ساره وقفت جنبها : صدقيني .. هم يحبونك مررره بس انتي تفهمينهم غلط ..
درر : انا افهمهم غلط ؟؟ شلون ؟؟
ساره فتحت باب البلكونه و جلست عالكرسي هناك : تعالي اقعدي و انا اقول لك شلون ..
درر و هي تقعد : وهذي قعده .. يالله قولي ..
ساره : مثلا .. اذا انتي ودك بشي و هم رافضين هذا ما يعني انهم يكرهونك .. لا بالعكس .. حاولي تفهمين وجهة نظرهم بالاول .. و اذا شفتيها منطقيه و لصالحك لا تترددين فسماع كلامهم اما اذا كانت ما تعجبك و تحسين انها فغير صالحك .. فهميهم بهدوء وجهة نظرك انتي .. صدقيني بذي الطريقه ما راح يكون بينكم اية حواجز .. بتكونين كسرتيها ..
درر : ما ادري يا شيخه .. صحححححح .. نسيت الحفله ..
ساره : الحين يا تروحين حفلة نوال ولا حفلة رزان ؟؟
درر : لا يا ماما حفلة نوال اهم ..
ساره بخبث : لييييه ؟؟
درر تلتفت لها : انتي عارفه ... بس ..
ساره : بس ايش ؟؟
درر : خايفه ..
ساره قامت : وش منه ؟؟
درر : من ........ فيصل .. اخاف يقول لا ..
ساره : هذي فرصتك .. روحي لغرفته و اعتذري منه ..
درر و يدها على وسطها : نعم نعم .. انا درر بنت عبد المجيد العبد الله .. اعتذر !!
ساره : مو من احد غريب .. من اخوك ..
درر : يا حبيبتي كلمة آسفه عمري ما نطقتها لجنس مخلوق .. تبيني الحين اقولها ..
ساره : و ليه لا ؟؟
درر : كذا حره .. لو كان اخوي كان ما مد ايده علي .. المفروض ما يفكر اصلا انه يمدها ..
ساره : بس هو مدها لمصلحتك .. يعني بالله انتي لو كنتي مكانه بترضينها لاختك ؟؟
درر : وش فيها ؟؟
ساره : لا فيها .. اختك تروح مع السواق لحالها و معها صديقتها لا و بتروح حفلتين و بالليل و ما بترجع البيت الا قرب الفجر .. عادي ؟؟
درر : طيب ؟؟
ساره : يااااربيييييييي .. يا ماما افهمي .. ابوك له سمعته بين الناس .. مو توك قايله انك بنت عبد المجيد العبد الله .. يعني اسمه معروف بكل الاوساط .. بصيغه ثانيه .. لا تلطخين سمعة ابوك و اهلك..
درر : يعني عشان بروح حفلتين و ما برجع الا قرب الفجر صار تلطيخ لسمعتهم ؟؟
ساره : ايه تلطيخ ..
درر : يعني ؟؟
ساره : يعني كل تصرفاتك محسوبه عليك .. يعني تتصرفين بلباقه و تواضع و احترام .. يعني ما تفهمين ؟؟ يووووووه ..
درر : ههههههههه طفشتي ؟؟
ساره تجلس عالسرير : شدراني عنك .. تعبت و انا افهمك ..
درر : خلاص ولا يهمك .. الحين اعتذر منه ..
ساره بحزن : درر ..
درر : عيون درر انتي .. آمري ..
ساره : اعتذري له من قلبك ..
درر تجلس جنبها : ساروونه .. وش فيك ؟؟
ساره تناظرها بعيون كلها دموع : غيرك محروم من كلمة اخوي الكبير .. و انتي رافضتها ..
درر تذكرت اخو ساره الكبير اللي توفى قبل سنتين بحادث ..
ساره : الاخو الكبير مثل الاب .. يخاف عليك من كل شي حتى من نسمة الهوا الطاير .. لا تستغربين خوف اخوك عليك و ضربه لك .. اللي يسمع بلاوي هالايام ما يستهين حتى بالشي الصغير ..
درر : خلاص ولا يهمك .. بعتذر منه من كللللل قلبي .. هيا عاد وريني ضحكتك .. كلها كم شهر و يرجع لكم باسل .. الا صحيح هو للحين بكندا ؟؟
ساره تمسح دموعها : ايه .. باقي 3 شهور و يرجع ... بس باسم الدكتور باسل ..
درر : ههههههههه ..
ساره : يااااااه .. مشتااااقه له .. تخيلي 6 سنين ما شفته فيها الا مرتين بس ..
درر : يالله ان شاء الله يجي و تفرحين و تملين منه بعد .. و لا مو كبير هو بعد ؟؟
ساره : هههههههه الا الا ... درر .. فكري بكلامي عن اخوك الكبير .. صدقيني هو اكثر واحد يخاف عليك بعد امك و ابوك ..
درر : ............................ بحاول .. بس ديما .. ما اظن ..
ساره : وين ليان ؟؟ ما شفتها ؟؟
درر : تحت مع اخوانها تلـ .....
ساره : درر .. وش اخوانها ذي ؟؟ موب هم اخوانك انتي بعد ؟؟
درر : طيب .. ليان تحت مع اخواني تلعب كوره ... صح نسيت ..
ساره : وشو ؟؟
درر : اليوم وائل كان يدور على كورته وكب العصير على ريما المسكينه يحسبها اخذتها .. و اثاريها مع ليان و الجوري و ثامر ..
ساره : يا حرااااام .. و الله ريما ذي .... مدري كيف بس مره احن عليها ..
درر : تصدقين .. حتى انا .. بس ما ابيّن لأحد .. كله كوم ولا ابوي لما يعاملها بكوم ثاني ..
ساره : للحين قلبه ما حن عليها ؟؟
درر : لا .. بس و الله تكسر خاطري لما تجي تكلم ابوي وهو يصدها عنه .. احس ودي ابكي و احضنها بس كللله و لا دمعتي تنزل قدام احد ..
ساره : مسكينه .. الله يعينها و يحنن قلب ابوها عليها ..
درر : آآآآآآآآآمين .... الحين نسيتيني .. وين لبسك ؟؟ ما شفته ؟؟
ساره : منيب مخرجته من الكيس الا اذا رحتي اعتذرتي من فيصل ..
درر : سارونه خلي بعدين ..
ساره : اجل اذا جات بعدين هذي .. ناديني لاني بروح البيت ..
درر : لا لا لا سارونه .. خلاص الحين اروح .. اجلسي انتي بس ..
ساره : يالله روحي ..
قامت درر و راحت لجهة الباب وهي تمشي بارتباك و فتحت الباب و شافت دانه قاعده عالسوفا اللي بالصاله وهي تقرا مجله .. رفعت راسها عن المجله بابتسامه بس اللي صدمها ان درر ردت لها الابتسامه باحلى منها و راحت لجهة ملحق فيصل و دقت الباب .....
********************
موضي : سروو ؟؟ علامك قاعده بالمطبخ بروحتس ؟؟
سراب و بيدها الجوال : اتصل على ذا روميووه و ما يرد .. شكله يلعب دباب ..
موضي خرجت من الباب اللي يوصل للحوش وشافت نوفه اللي قالت لها ان ريان و رامي و راكان و نواف و بدر و سامي يتسابقون بالدبابات و سالم و عبد الله ماخذين دور حكام الساحه و فراس معه الدباب السابع و ماخذ دور المعلق اما سلطان و نادر فمدرجات الجماهير اللي هي سيارة بدر قاعدين عليها و يشجعون ..
سراب معصّبه : كذاااااااا ... طيييب و الله لا اوريهم .. وراهم ما جابو ال3 دبابات حقتنا ؟؟
موضي عصّبت : شكلهم بيلهفون الدبابات علينا ..
سراب : يحلمووون بس ... بتصل مره ثانيه بروميو عساه يرد ..
موضي : طيب اتصلي على سالم ؟؟
سراب : مقفل جواله ..
موضي : خلاص قفلي و انا بتصل ببدر ولا فراس ..
وقفلت سراب و راحت عند البنات و تركت موضي اللي بدت اتصالاتها ..
*****************
ما هقيت ان البراقع يفتنني لين شفت ظبا النفوذ مبرقعاتِ
الله اكبر يا عيونٍ ناظرني فاتناتٍ .. ناعساتٍ .. ساااحراتِ
يناظر جوال بدر ( العذاااب يتصل بك ) .. استغرب و قال ..
: اقول سليطين ..
سلطان يتابع السباق بحماس : هااااااه ..
: هذي ثالث مره يدق فيها جوال بدير ..
سلطان : وش مكتوب ؟؟
: العذاب يتصل بك .. تعرف منهو العذاب ؟؟
سلطان : لاااااااااا .... ( و بعصبيه ) يا شيييخ الله يقطعك ..
: وش فيه ؟؟
سلطان : هذا البلا فروس .. ما غير يفحط قدامهم ..
: وينه ؟؟ و هم الله يهداهم احد يتسابق بالليل ؟؟
سلطان : نويدر .. شبلاك صرت اعمى .. كاهو فراسووه قدام عينك ..
نادر : و الله ما اشوف زين شكلي بنوم ..
سلطان : اييييوااااا ..
نادر : وش فيك ؟؟
سلطان : سالم و عبد الله قامو على فرووس .. احســ...
ما هقيت ان البراقع يفتنني لين شفت ظبا النفوذ مبرقعاتِ
الله اكبر يا عيونٍ ناظرني فاتناتٍ .. ناعساتٍ .. ساااحراتِ
سلطان : العذاب ؟؟
نادر ناظر جوال بدر : ايه .. تصدق شكله واحد متمشكل مع بدير ..
سلطان يناظره بنص عين : واحد ؟؟ واحد بالله يحط له اغنية البراقع ؟؟
ما هقيت ان البراقع يفتنني لين شفت ظبا النفوذ مبرقعاتِ
الله اكبر يا عيونٍ ناظرني فاتناتٍ .. ناعساتٍ .. ساااحراتِ
سلطان : يوووه .. بالله عليك قفل الجوال .. ازعجنا ذا المبلي .. ما يتركنا نتابع بهدوء .... ( و يصفر ) يااااااااااااهووووووووووووووووو ...
نادر يدور على شي : بس هالمره موب جوال بدر اللي يدق ..
سلطان : هاااه ؟؟ اجل جوال مين ؟؟
نادر حصل مصدر الصوت : جوال فراس ..
سلطان : مين ؟؟
نادر : الشقا ..
سلطان : ايه ؟؟
نادر : الشقا يتصل بك ..
سلطان : غريبه نفس النغمه مع ان الاسم يختلف ..
نادر : ايه و الله ..
ما هقيت ان البراقع يفتنني لين شفت ظبا النفوذ مبرقعاتِ
الله اكبر يا عيونٍ ناظرني فاتناتٍ .. ناعساتٍ .. ساااحراتِ
سلطان : يووووه .. ياخي رد و فكنا .. ما اعرف اشجع زين ..
نادر : اوكي برد ...... الوووووو...
قطع عليه صوت بنت تهاوش : فراسووه ووجع .. ساعه و انا اتصل و ما ترد علي .. وين الدبابات عساك بالعمى ؟؟
نادر : السلام عليـ...
البنت : اننننطططططممممم ولا كلمه يالنذل .. و رد علي وين الدبابات ؟؟
نادر و كاتم الضحكه : طيب مين معي ؟؟
البنت : الجني الازرق يا عساه ياكلك .. يعني مين بالله .. انا موضي اللي اول ما بتشوف رقعة وجهك تهب هبايبها عليك ..
نادر : ................................. موضي ؟؟
موضي و لان اصوات نادر و فراس متشابهه لدرجه كبيره .. ما شكت للحظه وحده ان اللي معها نادر ..
موضي : لا خيالها .. وش رايك انت ؟؟
نادر يسوي نفسه فراس : طيب فيه دباب هنا للحين محد ركبه .. وش رايك تركبينه ؟؟
موضي : احححححححللللللللف ..
نادر : و الله العظيم بحطه لك قرب باب المطبخ و انتي اركبيه ..
موضي : من جد تتكلم فراس ؟؟
نادر و يقوم بعيد عن سلطان اللي صراخه واصل لنص الرياض : جد الجد كمان ..
موضي بفرح : ياااا حبببنننييييييي لك يا اخوي ..
نادر : ههههههههه ايه الحين يا حبني لك و قبل شوي صياحك يوصل للملز ..
موضي : هههههههه .. الله لا يلومني .. انت عارفني ما ارضى بالظلم ..
نادر : هههههههههههههههههه ههههههههههه ..
موضي : يالله بسرعه انا استناك عند الباب ..
نادر ارتبك : اااااا .. انا برسله مع ريماس ولا لجونه ..
موضي : اوكي انا بالمطبخ الحين اذا سمعت صوته بطلع .. مشكوور يا اخوي .. يالله تآمر على شي ؟؟
نادر : لا سلامتك ......... اقول موضي ..
موضي : هلا ..
نادر : حبيت اقول لك شي قبل ما اسكر ..
موضي : و كلي آذانٌ صاغية ..
نادر : ههههههههه .. بس حبيت اقول لك ....
موضي : فراس تكلم بسرعه البنات ينادوني ..
نادر : انا موب فراس ..
موضي : ..................................... هاه ؟؟
******************
: هييي .. ميمي ... ميمي ..... موووووييييييض ..
موضي بفزع : هاه ؟؟
: من قال هاه سمع ..
موضي : بسم الله .. وش فيه ؟؟
: انتي اللي وش فيك ؟؟
موضي و ( انا نادر ) تتردد في أذنها : لا لا ولا شي ..
: على مييين تلعبها .. على مييين يابن الناااس ..
موضي و تخبطها على كتفها : الله يقطع بليسك يا نوري اقولك ما في شي ..
نوره : يااااهووووو ياللي تعرف تكذب .. قلت لك انا نوـ...
موضي : اص اص .. هذا صوت ال...
نوره بصياح فرح : دباااااااااااااااااااااب ..
و خرجت من الباب و شافت ريماس نازله منه .. و خرجت وراها موضي ..
ريماس : يقولكم نادر هذا اللي وعدتكم به .. بس الدبابين الباقيه الشباب ما خلصو سباقهم لسه ..
نوره تطلع جوالها و اتصلت على نادر و حطت سبيكر : الوووووو ..
نادر : هلا بالطش .. و الرش .. و البيض المفقش ..
نوره : كلامٍ يوصلك و يتعداك .. باقي دبابين وينها ؟؟
نادر : أوف أوف أوف .. ألحين أرحب و أهلّيّ بتس و أنتي على طول هواش ؟؟
نوره : اخخخلللللص وينها ؟؟ انت وعدتنا و الحين اخلفت وعدك ..
نادر : ما قالت لكم ريماس ان الشباب لسه ما خلصو السباق ؟؟
نوره : الا .. بس سباقكم ذا بيطوّل ؟؟
نادر : خلصنا جولتين و باقي الدور النهائي ..
نوره : و مين تأهل للدور النهائي ؟؟
نادر : سامي و ريان ..
نوره : يعني فيه الحين 4 دبابات .. يالله هات اثنين ..
نادر : للأسف .. الدور النهائي بنسويه بعيد شوي ..
نوره : يعني ؟؟
نادر : يعني بنروح منطقه بعيده بسيارة بدر و باقي الدبابات بنركبها ..
نوره : ما شاء الله !! حلوه ذي .. انت وعدتنا ان لنا 3 دبابات و ما شفنا الا واحد ..
نادر : و الله عارف .. بس شسوي .. الشباب اوّل ما شافو الدبابات ما كذبو
خبر و على طول نصبو الرايات و بدو العد التنازلي للسباق ..
نوره : مالي صلاح .. حرام كذا توعدنا و تخلف وعدك ..
نادر : طيب ..
نوره : ترا بزعل !!
نادر : بالطقاق .. عساك ما ترضين .. ما تهميني ..
موضي و ريماس ما قدرو يمسكون ضحكتهم .. و ضحكو بصوت شوي عالي على نوره ..
نادر : من ذولا الاغبياء اللي كانهم شايفين فلم لمستر بن ؟؟
نوره : موضي و ريماس جنبي و انا من قرادة حظي فاتحه سبيكر ..
نادر : ... لا خلاص سحبت كلامي ..
موضي حمدت ربها ان نوره ما سمعت نادر لانها كانت تهاوش ريماس اللي بدت تشغل الدباب ..
نوره : هاه نادر وش قلت ؟؟ ما سمعتك ؟؟
نادر : ولا شي .. بحاول اجيب لكم الدبابين الثانيه .. هذا اذا رضو الشباب ..
نوره : لا ان شاء الله يرضون .. و بعدين الدبابات مين اللي جايبها و دافع فلوسها .. مو انت ؟؟ غصبً عنهم يرضون .. مو بيكفهم ..
نادر : انا جايبها بس بدر دفع معي نص الفلوس ..
موضي هنا بدت تقهر فنوره و تسوي لها حركات يعني احسن حتى اخوي دافع مع اخوك ..
نوره : من يضحك اولا .. يبكي اخيرا .. و بعدين عادي وش فرقت يعني اخوك ولا اخوي ؟؟
نادر : انتي شتقولين ؟؟
نوره : لا يا حبيبتي .. حتى لو كان اخوك دافع مع اخوي .. عادي بطوّل لو ان شاء الله ساعه عالدباب .. لا تنسين ان اخوي له نص القيمه ..
نادر بصراخ : الوووووو ..
نوره : هلا نادر ..
نادر : زين انك ذكرتي ان فيه حمار عالجوال ينتظرك ..
نوره : لا حشا انت مو حمار ..
نادر : اجل بركه انك تذكرتي ان فيه آدمي عالتلفون .. مين كنتي تكلمين ؟؟
نوره : هذي موضي تقهرني ..
نادر : ليه ؟؟
نوره : وش دخلك انت ؟؟ يا شين اللقافه يا شيخ ..
نادر : باي باي .. الدور النهائي بيبدا .. بااااي ..
نوره : باي ....... بنت مويض .. نادي البنات خلنا نتونس بهالدباب ..
موضي : نعم ؟؟ اظن انتس غلطانه بالعنوان .. قالو لك اصغر عيالك مويض ؟؟
نوره : طيب سوري ... موضي حبيبتي نادي البنات ..
موضي : منيب ..
نوره : وراه ؟؟
موضي : اصلا مالي خلق اركب دباب ..
نوره : وراه ؟؟
موضي : مدري ... احـ....
سديم داخله وهي تفحط : وووووووووووه ..... وووصلت ..
موضي : بالعدال بالعدال لا تنقلبين ..
سديم : ما تضحك ... شتسوون ؟؟
نوره : نادر ارسل لنا دباب واحد بس ..
سديم : و الباقيه ؟؟
موضي : يلعبون سباق .. و الحين المباراه النهائيه ..
سديم : شييييييي ... مين فيها ؟؟
موضي : سامي و ريان ..
سديم : احسب واحد من اخواني فيها ولا كان رحت ..
نوره : بيسوون السباق بمنطقه شوي بعيده ..
سديم : اهااا ..
موضي : ودي اروح ... تروحون معي ؟؟
سديم : لا منيب رايحه ..
نوره : و لا انا ..
سديم تاشر على موضي : و انتي ليه تروحين ؟؟
موضي : ودي اشوفهم ...
سديم : اووكي .. آآآس يووو لايك ........
موضي : بروح للبنات اقول لهم .... و راحت ....