.. بالديوانيه ...
الرجال قاعدين يتابعون النشره الاقتصاديه ..
البنات : السلاااااام عليكم
الرجال : و عليكم السلااااااام .....
ابو نادر : هلا و الله بالبنيات ... وين نوره ؟؟
نوره قعدت جنب ابوها : سم يبه .... شخبارك ؟؟
و قعدو يسولفون سوالف عاديه عن الاحوال و كيف الصحه .. وووو ......
ريم دخلت في الموضوع على طول : اقول عمي ..
ابو سالم : هلا بنيتي
ريم : ودنا نقعد يومين زياده
سديم كملت : ايه بابا تكفى .. ما شبعنا لسه ...
موضي : و بعدين عمي عبد العزيز و اهله ما يصير يجون اليوم و يروحون بكره !!.....
لولوه : يبه .. تكفى بنقعد !!
ابو بدر : و الله انا من جهتي ما عندي مانع ... بس محمد ( ابو سالم ) ما قال شي للحين .. وش رايك يا بو سالم ؟؟
ابو سالم : ..................................
ابو بدر : بندر .. عندك شي بكره ؟؟
ابو ريان : لا و الله .. اذا تبونا نقعد قعدنا .. نمشي مشينا
نوره بصوت واطي : عمي .. قول بنقعد .. تكفى ؟
ابو ريان يناظر بنت اخوه بنص عين : ................. اوكي ما عندي مانع ..
ابو سالم : و الوليد .. وش رايه ؟؟
ابو نادر : عن نفسي .. و الله القعده هنا عجبتني .. برااايكم
ابو سالم : وعبد الله ؟؟
ابو بدر : جت علي يعني ..
ابو سالم : خلاص .. شوركم و هداية الله .. نقعد يومين اوكي ..
البنات صاحو فرحانين .. و خرجو من الديوانيه و كل وحده ابتسامتها شبرين .. و قدام باب الديوانيه ... لقو ناس واقفين صف كانهم بعزاء و عيونهم معلقه عليهم ..
نادر : هاه .. بشرو ؟؟
لولوه : مبروووووووك ... سقط حكم الاعدااااام بنقعد يومين كمان ..
الشباب صاحو بصوت قوي و فرحانين ...
و البنات يناظرونهم بفرح ...
نوره تكلم ريناد جنبها : شوفي شوفي نادر كيف يناقز .. هههههههههههه شكله يضحك ..
موضي سمعتها وعلى طول حوّلت عينها من ريان اللي كان يصيح مثل البزارين .. لجهة نادر .. و طاحت عينه بعينها .. وعلى طول رخت راسها ..
ريم واقفه جنب سراب : ههههههههه .... احسنهم سلطان .. قاعد عالكرسي عاااادي ولا كان الخبر يهمه .. اموووت عالهاديين انااا ..
سراب : علييييينا .. اكيد يكلم حبيبة القلب و متهني الاخو ..
**************************
: حبيبي .. وش ذا الازعاج اللي عندك ؟؟ انت بالملعب ؟؟
سلطان : هههههههه .. لا لا .. مو قلت لك اني بالاستراحه ..
: اها .. مطوّل ؟؟
سلطان :ايه .. يومين بس .. ليه .. مشتاقة لي ؟؟
: و يبيلها سؤال الله يهداك ..
سلطان : امداك تشتاقين ؟؟ أمس و انا عندك ؟؟
: خلاص .. منيب مشتاقة لك .. روح بستين داهيه ..
سلطان : قد هالكلام يا ديما ؟؟
ديما : ايه .. قده و قدود .. هه
سلطان : ترى ازعل ؟؟
ديما : طزززز .. بالطقاق ..
سلطان بلغه جاده : تبين ورقتك بكره عندك ؟؟
ديما : لا لا .. انت من جدك ؟؟
سلطان : مو ولد عبد العزيز اللي ينقال له طز و بالطقاق ..
ديما : افا .. يعني من جدك زعلت ؟؟
سلطان : ايه و الله .. اجل بالله عليك اكو رجال تقولين له طز .. و تبينه يسكت ؟؟
ديما : سوووري خلاص لا تزعل .. ما يرضيني اسكر منك و انت زعلان ..
سلطان : سوري ما ترضيني .. ديما ..
ديما : عيونها و قلبها و حياتها انت .. آمر
سلطان : تبين تراضيني ؟؟
ديما : يس يس ..
سلطان :ابي هدييييه غاااليه..
ديما ( منتب هين يا سلطان .. تلف و تدور عشان ذا الشي ) : الحين ؟؟
سلطان : ايه الحين اجل بكره ..!!
ديما : طيب لما تجي .. بس مو الحين ..
سلطان : لا لا لا .. انا قلت الحين يعني الحين .. ولا بضل زعلان ..
ديما : لا لا .. خلاص ..
سلطان : يعني ؟؟
ديما : خذ..... و غنت ..
والله ما يسوى اعيش الدنيا دوونك لا ولا تسوى حياااتي بهالوجووود
دااامك انت اللي رحلت وكيف بصببر عالبعااااد وكيف بنثررر هالوروود
سلطان : اااااااه ... يا محلاها ...ومحلى الصووووت اللي مجنني فديت الصوووت ورااااعيته والله
ديما : فدتك العااافيه ههههه ههههه .. يالله انا غنيت باقي انت غني يالله ..
سلطان :امممممممممممممم .. طيب .. اسمعي .... احم احم ..
كلامي إللي أنا قلته
وهالورد إللي أرسلته
ولاحسيت أبد إنت
تشطر عاد وافهمها
أحبك يعني مو داري
ولاحسيت في ناري
كفاية تشغل أفكاري
تشطر عاد وافهمها
أحبك،،،أحبك،،،أحبك
يعني مو داري
سلامي و إهتمامي فيك
هدية كل يوم أعطيك
أكلم غيرك وأعنيك
أنا مو ناقص إلا أجيك
وأحط قلبي أنا بيديك
وأقول لك الله يخليك
أحبك يالله افهمها
أحبك،،،أحبك،،،أحبك
يعني مو داري
متى عينك تناديني
متى قلبك يحس فيني
يا خوفي تروح
أنا سنيني
أخاف تكون فاهمني
وبس ودك تعذبني
عشان يقول ريحني
أحبك يالله افهمها
أحبك،،،أحبك،،،أحبك
يعني مو داري
ديما : واااااااااااااه ... يسلم لي هالصوت يااارب ..
سلطان :الله يسلمك يا عمري .. حبيبتي انا بسكر .. تآمرين على شي ؟؟
ديما : لا سلامتك يا قلبي .. وانتبه على نفسك .. و اذا فيه بنت قطت عليك رقم .. كفخها .. و صلاة الميت عليها تكون بكرا .. اوكي ؟؟
سلطان : ههههههههه اوكي
ديما : بااااي ..
سلطان : بااااي ... و قعد يناظر جواله .. الا ..
: الله يسلمك يا عمري .. تآمرين على شي ..
سلطان قام من الكرسي و التفت على جهة الصوت و شاف ...
: الاخ .. مغازل و لا ... حر ؟؟
سلطان : ههههه .. الله يقطع سوالفك يا بدر .. لا لا مغازل بس هاااا لاتعلم احد..
بدر و بحركه سريعه نط و قعد عالكرسي مكان سلطان ... و حط رجل على رجل : اهااا .. من تكلم ؟؟
سلطان و مذهول من الحركه اللي سوّاها : وش يخصك انت .. يا شين اللقافه يا شيخ ..
بدر : انت اصغر مني بسنه .. .. يمكن كم شهر و اصير مثلك ..
سلطان : من جدك بدر .. بتخطب ؟؟
بدر : و الله للحين ما فبالي .. بس يمكن يصير ..صرااااحه شوووفتك تهووور اللي ما يتهووور ..
سلطان : اهااااا ..
بدر : اقول .. علمني على هالحركات يصير اقدر اقولها في المستقبل ..
سلطان : ههههه .. تمزح ؟؟
بدر : لا من جدي اتكلم ...
سلطان : منيب معلمك الا اذا ببالك .. ذيك الساعه اعلمك ..
بدر : طيب .. نبلعها هالمره ... اسمع وش رايك نسبح ؟
سلطان : المسبح مفتوح ؟؟
بدر : ايه مفتوح .. و فيه مويه بعد ..
سلطان : يعني مو ناقص الا نطب فيه ؟؟
بدر : يس يس .. احسنت قولا ..
سلطان : ههههه .. اجل يالله .. و راحو.. يبدلون ملابسهم ..
************************
البنات بقسمهم ويتفرجون التلفزيون
نوره : ياللولو .. وين الاونو ؟؟ خل نلعب ..
بس ريناد تكفلت بالرد عن لولوه لانها تشرب مويه : اظن سامي اخذها ..
سديم و تقلب بالتلفزيون : الا .. سامي جاء و اخذها من شنطتي ..
نوفه جايتهم تركض : هه هه هه هه هه هه ..( تلهث )
ريم : نوفه .. وش فيك ؟؟
نوفه : تعالو شوفو .. بدر و سلطان يسبحون .. رووووعه ..
سديم : قولي و الله ؟؟
ريماس و هي جايتهم : و الله العظيم .. تعالو شوفوهم ..
موضي : وش رايكم .. نروح نصورهم و ننشرها بالبلوتوث ؟؟
سديم : يا حبك للفضايح ... بس حلوه الحركه ..
ريم : لا لا .. انا منيب رايحه .. بقعد اشوف التلفزيون ..
نوره : و انا بعد .. بقعد
ريماس : و انا شفتهم ..
موضي : اجل ليش نروح ؟؟ خل نقعد احسن ..
سراب : خلاص .. يالله .. انا بشــ .....
الله اكبر .. الله اكبر ..
لولوه : هذي المجد ؟؟
نوره : ايه .. اذن الظهر ..
ريناد : الوقت مر علينا بسرعه ..
سديم : اجل يالله نتوضا .. ترى حنا حملة يااا دوووب نخلص ..
و راحو البنات يصلون الظهر .. و بعد ما خلصو قعدو نص ساعه و حطو الغداء .. و بعد ما تغدّو .. راحو كلهم ينامون ما عدا ريم و نوره ..
ريم منسدحه عالسوفا بالصاله و بيدها الريموت .. و نوره قاعده عالارض ..
نوره : ريمو حبيبتي .. روحي نامي مع البنات .. ما بسهرّك معي ..
ريم : واالله ما فيني من الفرحه امس كيلتلي من 10ليييل لسبع الصبح احس عظااامي تخدرن ..
نوره : مو لازم .. شوفي البنات راحو ينامون مع انهم صحو 10،30 ..
ريم : صح و انا ما فيني نوم ... وش رايك نشوف فلم ؟؟
نوره :اووكي داامك كذاا جبتيها .. حطي على ميولدي افلام ..
ريم حطتها و ما صار على بداية فلم العيال هربت الا عشر دقايق ..
و على طول قامت نوره ...
ريم : على وين ؟؟
نوره : يا ماما شوفة الفلم ما تحلى الا بالمكسرات و الشاي .. ولا لأ ؟؟
ريم : ههههه .. و انتي الصادقه .. اجل يالله بسرعه قبل ما يبدا الفلم ..
نوره : طيراااان ..
و راحت و تركت ريم تلعب بشعرها و هي منسدحه .. وشوي .. شافت واحد واقف قدامها و مبتسم و يقول ...
: هااااااااااااااااااي سروووو ....
********************************