[WoOoOoW Girl]

أبكتب هنا مشكلتي على أمل ألاقي حل عندكم:
يوم الثلاثاء ليلة الأربعاء أول ماعرفت النسبة كانت الساعة 2:30 بالليل
صحباتي دقوا عليا وقالولي أدخلي يلا النسبة طلعت
أول ما عرفت النسبة كنت فرحانة وأدق عليهم وأقلهم
وما نمت إلا الساعة 5:30 الصباح
مين دق عليا الساعة 7:30 صحبتي اللي كانت معايا مرة
يعني تقريباً كل شي زيي من حيث : التربية والأهل وأشياء مشتركة كثيرة
عاد في نفس اللحظة اللي هي دقت فيها أنا كنت جالسة أحلم
إني أخذت 97% وكلمتها وأنا جالسة أحلم قالتلي كم أخدتي قلتلها 97 بس أمانة لا
تقولي لأحد..
وانتي كم أخدتي قالتلي 93% طيب كويس والحمد لله
قفلت وكملت نومي دقت عليا مرة ثانية كيف عرفتي نسبتك قلتلها من موقع الوزارة
قالتلي عارفة كيف يعني وأعيد نفس الجواب كنت نايمة عاد وقلتلها لما أصحى
بكلمك قالتلي طيب..
على الظهر أمها دقت على جوال ماما وأنا رديت كيفك وأخبارك؟ وقلتلها ياخالة
اليوم لما كلمتني بنتك قالتلي كم نسبتك قلتلها 97 بس أنا كنت جالسة أحلم
وقوليلها إني أخدت 93 زييها قالتلي طيب لما أمك تخلص صلاة خليها تكلمني
قلتلها أوكي ماما كلمتها وقالتلها معليش بنتي الأيام دي بس تحلم بالنسب
قالت هما بنات الثانوية كده وقالتلها فين بنتك قالتلها نايمة..
بعد شوي ترسلي رسالة صحبتي وتقولي بالنص:
97 ها..
تقولي للبنات نسبتك الحقيقية وبس أنا تكذبي عليا..
وتقوليلي أمانة لا حد يدري أنك عارفة نفسك..
وعلى بالك حركة (أنا بحلم) مشيت عليا؟
أنا ماني هبلة..
على العموم كل واحد طلع على حقيقته..
ومرة شكراً
هي بالله أنا ايش سويت..
دقيت عليها وماردت قامت ماما كلمتها وتقولها لا تضيعوا صحبتكم على شي تافه ما يستاهل و تقوللها ليش تكذب عليا قالتلها كانت نايمة وماما تحلفلها
قالتلها ولو أخدت 97 انتي انضريتي ما حيضرك شي المفروض تفرحيلها مو صحبتك وزي أختك شوفي ايش قالتلها "ماما هزأتني وقالتلي هي أحسن منك في ايه ناقصة يد ولا رجل ليش تجيب أعلى منك" شوفوا كيف الحسد والغيرة يعني من جد انصدمت وقل لأختها هديها شوية تقوللي مالي صلاح فيكم إنتوا صحبات لا تدخلوني فيكم بالله في أخت تسوي كده
يعني كل شي بان على حقيقته..
يعني على قولة المصريين عملت من الحبة قبة..
أرسلتلها آخر رسالة:
" لا تزعلي مني والله كنت جالسة أحلم وأنا عارفة مهما حلفتلك ما راح تصدقيني بس ما عندي شي أحلفلك فيه غير ربك ولا تضيعي صحبتنا على شي ما يستاهل أنا مو مستعدة أخسرك وبعدين لوكنت أبغى أكذب عليكِ كنت مشيت الكذبة بس أنا على طول وضحت لأمك وأتمنى إنك تكلميني احنا أخوات.."
ايش رايكم بالله هدي صحبة؟
بعد أسبوع دقت علي وكيفك وأخبارك ؟ وعادي كنا؟
جيت أفتحلها الموضوع قالتلي الله يخليكِ لا تفتحي الموضوع هذا شي ونسيته..
وأعتذريلي من أمك وقوليلها آسفة وأتمنى إنها تسامحني..
رحت قلت لماما طبعاً ماما ما رضيت تكلمها وتسمع اعتذارها وما تبغاهم يجوا عندنا البيت ولا نزور بعض وجلست أقلها ياماما الصلح خير وخيركم من يبدأ بالسلام و "لايحل لمسلم أن يهجر أخاه فوق 3 ليال" وقالتلي مو أنا حلفتك ما تكلميها قلتلها انتي حلفتيني غصب عني أنا كان في نيتي إني أكلمها وقلتلها لاطاعة لمخلوق في معصية الخالق..
قالتلي تبغي تكلميها كلميها بس أنا مني راضية على الصحبة دي..
واللي زاد الطين بلة إنهم يبغواا يجونا وأنا مو عارفة ايش أقلهم وايش أقول لماما..
أتمنى ألاقي حل للمشكلة.."026"
وهذا رأي صحبتي:
لا تزعلي ولا شئ
ياما حتشوفي بالدنيا دي اكثر واكثر..
إني لما أحترم وأعز شخص يكون
أساس الإحترام
والمحبة والأخوة الصافية ..
هي اللي تجمعنا ..
أضعه تاج فوق راسي ولو إكتشفت
إنه ما يستاهل ..
لا أندم على لحظة قضيتها معاه ولا
أفكر بالأذى سأكتفي ..
بشئ واحد إني أمسحه من ذاكرتي ..
بالصريح ليس له مكان في عالمي
لا قلبي ولا عقلي ولا حتى
عيوني تشوفه ..
بعدين في بيت شعر دايم اردده مع نفسي ..
لا تبكين على خل تفارقه
إن لم يكن طبع الوفا فيه ..
بعض الصحاب كالتاج تلبسه
وبعضهم قديم النعل ترميه ..
ايش رايكم؟