و عليكم السلام و الرحمة
إي و الله صاجه ملل في ملل
بس طلعتنا هذا اليوم نستني الملل بالمره
جان زين كل يوم تقترحين علينا جذي طلعات كول و نقلبها فله
|
 |
|
اقعدوا فووق بعض .. ترا النفس في القلووب خخخ
|
|
شنو يعني إللي كان بالأبيض .؟
بس ما قلتي إنه بطريج المطعم سيارة السايق خلص بانزينها :$ و الكل ركب معاي ، و خلينا مرسوودين مسكين بروحه ،
وصلنا المطعم بعد ساعة لأنه حضرتج ما تعرفين تدليني المكان ،
و مس فتو خذت وجبتها تيك آويه .
و أنا عصبت ما رضيت تركب السيارة لأنه ممنوع أكل بسيارتي المدلعة ..
و قامت مس فتو تصيح و تقول مو كافي الحساب علي و ما ذقت شي من الأكل :( ..
كسرت خاطري و ركبتها ..
جان تقول آبـي : أنا ما كملت عصيري لأني خفت ما ترضين بروح آخذ واحد ثاني وايد مشتهيته حدي عطشانه ..
شهقت مس فتو قالت ماعندي و لا فلس >< ،
قالت آبـي : لا تخافين على حسابي .
أناما رضيت ،
قالت آبـي : شمعنه فتووو و أنا لأ :( ، ما يصير يعني لأنها مشرفه و أنا لأ ! :"( عيل أرجع بتكسي ..
عاد أنا خفت تقول للعضوات مس كويت خلتني أرجع بتكسي ،،
قلت لها أوكي يلا ناطرينج روحي طلبي و تعالي ..
و إحنا بالطريج جان تتهاوش مجنونة دبي مع آبـي تبي تذوق العصير ، و يكتون العصير على الهيلو كيتي :020: ، جان تستخف مس كويت ..
و قالت Ms.KuwaiT: مجنونه و آبـي يلااا برااا روحوا بتكسي يلااااااااااا >< جد ما تستاهلون هالسيارة المدللـه .
little_princess ماتت من الخوف لأنها قاعده يمي جدام ، و خافت تنطرد بعد لأنها صاحبة الفكره خخخخخخخخ
Ms.CoLoR : آخ لو معاي كامرتي جان صورت شكل العصير على الهيلو كيتي لونه عجيب و شكله رووعه .
Ms.ToTa : كانت وحده فاضية تدز مسجات لـ Ms.FuNkY
تقولها آخر الأحداث .
LoLo_Princess : مسكينه قامت تنظف العصير .
قامت p!nky تهديني و تقولي ترا أخاف من العصبية و ( ســ أ خــتــبــىء .؟!! ) لقد كنت ( سأسترق النــظر ..! ) عليهما و هما تتشاجران لكن لن أحكم عليهم لأن آبـي ( A7BHAA ) و مجنونة دبي ( A7BHAA )
عاد قامت تتكلم كلام حلو تقول خواطر عجبتني و هديت و سامحتهم .. :0016:
بعدها صار الحوار عن رايهم بالطلعة .. ^^؛
تصويرج حلوو لولو و مرتب واضح مافيه اهتزاز ..
حلوة لقطة زاوية السيارة ..
عجبني جو الكفيه ..
لقطة الشمس حلووه جان زين شاركتي فيها بالمسابقه خاصة إنه فيها تايتنك:027: ، عاد بغطي واحد من الريايل ..
صورة الحنطور ما لقيت الحنطور مو مبين !؟ بس عجبتني الليتات ..
البيتزا تشهي معنه بس بالكرتون .. جان زين صورتيها من داخل يمييي .. بس شلون بالمطعم يقدمونها بكرتون .؟! :041:
لقطة الصحون أحلى وحده عندي :010:
كنت باخذ حبة سكيتلز لكن LoLo_Princess خذت اللون إللي أحبه ):
بس بسامحها عشان نظفت العصير :0016:
تسلم إيدج على الصور العجيبة و الحلووة ،
و مشكوره لإضافة لقبج و تصيغرهم بحجم مناسب (=
أحييج على فكرة الموضوع الفلته و تنسيقج و ذكر المسات بطلعتج ^^