[وهـج المشاعر]

السلام عليكم

المقالب..
لحضة احسب كم مقلب سويت وكم مقلب صار فيني..

في أحدى المرات ..دخلت المسن شفت من المتواجدات ايميل غير معروف قمت بقبول الأضافه دون أن أعرف من..

بدأت المحادثه.
-السلام عليكم
-وعليكم السلام..هلا ومرحبا..
-كيف الحال
-الحمدلله تمام
والمهم خلصت الرسميات..
بعيدن..
-من أنتي؟
-أخاف أقولج وتحذفيني
-لا ما عليه خبرني منو
-بس بشرط ما تحذفيني و أتعرف عليج
-أنزين
-أنا واحد
-من ويلك ايميلي؟
-حصلته في رساله
-وليش ضفتني؟
-من ايميلج حسيت أنج وحده محرمه فضفتج

المهم وهكذا كانت السالفة بعد شوي..
-أنزين شو أسمك
-لازم؟
-أكيد مب أنت تبغي تتعرف
-انزين بس تخبريني أسمج
-انزين
-أسمي خالد
-والنعم
-وأنتي؟
-وأنت شلك؟
-وعدتيني
-انزين أسمي فلانه<<أسم مستعار
-أسمج وايد حلو
-أعرف
-أنزين انتي كم عرمج
-وأنت أشلك؟
-انزين وين ساكنه
-ما يخصك
-عيل كيف نتعرف وأنتي جي كل شوي شلك
-لأني ما أبغي أتعرف

بلووك..بعده على الدليت

سرت اكلم ربيعتي اخبرها بسالفه
بعد شوي وصلت لي رساله

فتحتها..
طلع هو يقولي..
أنا بقولج الصدق..
أنا مرة سرت أخذ بنت عمي من مدرستكم
شفتج عجبتني طلبت من بنت عمي ايميلج عطتني..

هنا أنفجرت هههههههههههههههههههههههههه
حطيت على الرد..
طلع لي أسم المرسل ما انتبهت عليه قبل..

فلما رديت
كتبت..
الكذب واضح يا فلانه..
أولا أنا ما أعطي بنات المدرسة هذا الايميل..
ثانيا أسمج ظاهر فلانه..

طرشت الر ساله
وشليت البلوك

كتبت لها شوفي الرساله..
قالت :أخيرا ما بغيتي تشيلين البلوك..

سارت تقرأت الرساله..
وفجأه قالت: اويه بنت خالوه فديتج..أعيش أكل غيرها..

عندي مقالب ثاني أن شاء الله في ما بعد أكتبها