_"_ الجــــزء الخـــامـــس _"_
يسكن الصمت بجوف اليل و يتخلل ضوء القمر بالعيون و بريقها و تهدأ دقات القلب و يرتسم الواقع و يتجسد أمام العين كلوحة رُسمت لي تكون كالجراح الذي تُونقش على القلب و لا ترحل مدى العمر
عاود جاسم بسؤاله إلي كان يربك ناصر و ما تمنى ناصر يسمعه منه
جاسم:_ عمي شصاير ممكن افهم و شلي جاب طاري سالفة الزواج.
ناصر يوخي راسه:_ تبي الحقيقة يا جاسم.
جاسم:_ و لي عافيك تراني مب مافهم لك و لا لنظراتك إلي بدة تثير الشك في بالي.
ناصر:_ جاسم أنا عارف أنك تحب تكون تتخذ قراراتك في حياتك بنفسك و هذا شي كل أنسان يتمنى يكون محكم على نفسه و لا يتمنى احد يجبره على شي بس أنت يا جاسم الدنيا تبي توريك اشلون هطبع لازم تشيله و تخلي الغير لو يقررون عنك مرة وحدة بحياتك بس شوف يا جاسم ترى الدنيا ظالمة و ظلمها قاسي و رح تجبرك في انك تترك الخيار و القرار إلى الغير في اكبر خطوة في حياتك تخطوها.
جاسم وهو يتمعن بكلام عمه:_ زين عمي من إلي بيجبرني و على شنو بيجبرني عمي وضح في كلامك.
ناصر ياخذ نفس عميق و يعاود يزفر بهدوء:_ جاسم في ناس غيرك قررو عنك أنك تتزوج متى و تاخذ من.
جاسم و هو مب مستوعب الكلام غلي يقوله عمه:_ شنهووووووووو.
ناصر:_ جاسم أنا ما كلمتك عشان تعصب.
جاسم بجدية قوية:_ بس عمي انت قاعد تقول كلام ما يدخل العقل.
ناصر يفجها:_ بس يدخل لما يكون هذا الكلام وصية ناس تركونا و راحو عند امر ربهم و هذي الصوية ان تنفذت بتريحهم في قربهم.
جاسم عقل يتلخبط و ينقلب كيانه شسالفة شنو وصية و ناس توفت و قالت وصية و لازم اتزوج.
ناصر يهدي من عصبيته على تصرفات جاسم الي تثير العصبية اشوي اذا عصب و اخذ الامر بتعقيد من دون ما يفهم كل شي و لا يعطي فرصة الى غيره يفهمه أي شي.
ناصر:_ جاسم و لي سلم عمرك اتركني اكمل بعدين قول إلي تبيه بس هلعصبية و التهور و الجنون شيله من بالك لأنه مستحيل يحل الأمر بالطريقة الصح.
جاسم:_ و الصح اني اتزوج على شور غيري.
ناصر بصوته الحاد إلي أول مرة يكلم جاسم بهطريقة:_ جاسم بسك عطني فرصة افهمك لا تقعد السالفة اشفيك انت.
جاسم يناظر عمه و يستغرب على اسلوبه بس انتبه الى حاله انه زودها و بدى يتسرع في العصبية من دون ما يفهم شي.
جاسم وهو موخي راسه:_ أسف عمي.
ناصر يزفر بقوة و يناظر جاسم:_ خل عقلك براسك يا جاسم و سمعني شقول فاهمني.
جاسم:_ ان شاء الله عمي.
ناصر وهو يهدء من نفسه:_ سمعني يا جاسم يدك ويدتك كانو يعزونك و انت كنت مممن ضمن وصيتهم قبل وفاتهم و يدك دوم كان يقول لبوك يا ابو وليد جاسم اسندك و ذراعك اليمين و هذا الفخر لعيالنا ربه على اخلاق و دين و صونه مثل ما تصون حالك و مالك و اكثر الله العالم غلاه عندي و لولا مب اهو غالي ما بوصي به بس اخر شي ابيك تنفذه بالحرف الواحد جاسم انا دورة له البنت الي تستاهله و من مقامه و اخلاقه و عيب علي ينقص من شان هلبنت لانها حرمة و لي الفخر أتكلم عنها جاسم يا ابو وليد الي من ثوبه و من مقامه بنت عمه ابو طلال ريم.
يسكن الصمت بالقلب بالجسد بالعروق يتخلل ذالك الشعور الغريب بالعقل جاسم يرفع راسه يناظر عمه و كأن الدنيا جدامه اظلمت و بدة تدور من حوله تم ساكت و ناصر يناظره.
ناصر:_ جاسم عارف انك الحين منصدم بس ترى حتى انا بيوم عرفت بهذا الشي انصدمت اكثر منك و انا الي مجبور اخبرك انت و ريم بهذي الصوية.
جاسم:_ بس انا ما ابيها ما ابي اتزوج و لا ابي ريم بنت عمي.
ناصر:_ اشفيك جاسم ليش تحكم على الأمور من اولها انت شفت البنت و بعدين لمتى بتم من دون زواج و الى علمك الوصية لازم تتنفذ الحين لانة من الوصية لازم تتنفذ بعد ثلاث اسنين من وفاتهم الله يرحمهم.
جاسم تزيد صدمته:_ بعااااااااااد شلي تقوله عمي مستحيل انا اتزوج احين و من بنت لا اعرفها و لا شايفها بعمري.
ناصر:_ عصبيتك هذي بتخلي تندم ليالي و اسنين مارح اوقفك احين و اعراضك بس بيجي الوقت الي رح تعرف ان كل كلامي صح.
جاسم وهو باصرار على الرفض القاطع:_ مب هامني شي بهدنيا دام في ناس يبون يشورون عني و زواج ما رح اتزوج و بنت عمي ما رح اخذها.
ناصر وهو بدى يعصب على جاسم:_ خل افكارك الجنونية و أصرارك و عنادك لك فاهمني شنو يعني مع سلامة.
جاسم يناظر عمه بستغراب:_ ما بترقد بالمزرعة.
ناصر وهو يلبس الكاب و يبان شعره من تحت الكاب المقطع الطويل وحد خشمه الروعة و عيونه السود الداكنتين يظللهم الكاب:_ ما اقعد مع انسان مب متفهم و كل الأمور عنده بعصبية و تهور.
جاسم يقوم الى ناصر ويمسكه من جتافه:_ صلي على النبي عمي انت بذمتك لو احد يجي يسمعك نفس الكلام الي قلته لي شموقفك.
ناصر:_ انصدم اتفاجأ بس ما احسم الأمر برفض قاطع من اولها و بتهور و تسرع من دون ما اشوف شي و لا اسمع شي مثلك.
جاسم:_ عمي تكفى بقى وياي ما اظن اني بخير بعد الي قلته لي.
ناصر:_ جسووووووووووم لا تعصبني ترا اسويها و اصفعك.
جاسم:_ عادي دام الدنيا الطمتني و كسرة طبعي و جبرتني على شي ما ابيه عادي يطلموني الناس و اتحمل الظيم و القهر.
ناصر يمسك جاسم من جتفينه ويجابله و يشد على جتفين جاسم:_ يا جاسم لا تسمعني هلكلام منك انت للحين قوي و ما ابي اشوف هضعف بس انت لا تتسرع و فكر زين.
جاسم يعاود لأفكاره الجنونية:_ زواج لا من بنت عمي لا فاهمني شنو.
ناصر:_ اللهم صلي على محمد و أله محمد اشفيك يا خي صلي على النبي.
جاسم:_ اللهم صلي على محمد وأله بس زواج لا.
ناصر:_ الكلام معاك احين ما بينفع بس تهور ما ابي فاهمني شنو تهور ما ابيي.
جاسم:_ يصير خير.
ناصر وهو متضايق من رفض جاسم القاطع اشلون بتتم الوصية ياربي بس رحمتك شلي حل علينا و حنى بغنا عنه.
جاسم وهو يمد يده على الفرس:_ اشرايك نركب الفروس نشوف سرعتهم.
ناصر استغرب بس عرف ان جاسم متضايق من الي سمعه ويبي ينسي روحه اشوي:_ تتسابق في اليل.
جاسم:_ أفكورس مغامرة اشفيها.
ناصر ويحس انه وافق جاسم على فكرته شورانا الدينا ظالما خلنا ننسا الهموم و نتسلى اشوي.
ناصر:_ يلا بس أي فرس تبي.
جاسم وهو يأشر على فرس بلون بني غامج و جسدها ضخم و يبان عليها قوية و ترعش الواحد:_ هذي.
ناصر:_ جاسم تحمل بحالك ترى هلفرس أقوى وحدة فيهم من إلي وصلو.
جاسم:_ وياحلات المغامرة جذي و ليش انا مب قوي هذي أصلها عريق و أنا أصلي فراسي من بن فارس.
ناصر:_ هههههه تعجبني اقول بسك هذر و يلا سم بالرحمن و اركب.
جاسم:_ ونت أي وحدة تبي.
ناصر يركب على فرس بلون الرمادي الغامج اشوي و يبان عليها أصيلة و عريقة بس ما تصول ضخامة الفرس إلي ركب عليها جاسم:_ تعجبني ذي مثلي.
جاسم:_ هههه بذمتك الفرس مثلك اقول يلا أركب و مرنها أشوي على المشي أحين ليل و الجو برد تكون جامدة أشوي و بطيئة بالمشي.
ناصر:_ خبرتك أنا أعرف كل شي ما يحتاج توصيني.
.................................................. .........................................
ياشوق ياخذني لك الشوق ياشـوق..وانتي معي من كثر ما احبكاشتاق
غلاك ما وصله من الناس مخلـوق..يا فرحه الخافق وصدري الي ضاق
مشعل كان يتأمل في رقم نوف و شوقه ملينا تردد يتصل ليش أن الوقت تأخر و تم باله في نوف واهو ساند راسه في البكون الي بداره و يناظر السمى و الهوى البارد كان يرجف الواحد....
نوف من صوب ثاني كانت قاعدة بالحديقة إلي في بيتهم و لامة جسمها بلحاف من الريش كان الجو بارد و رافعا شعرها الأسود الروعة المقطع يوصل إلى جتافها و تفكر بمشعل بلأنسان إلي دوم سارق هلفكر ويتنها به ياربي دوووم...
فجأة يرن تلفونها و تلتفت له الرقم غريب أول مرة تشوفه و أحين ليل خافت و قطعة الأتصال و عاودت بسالكوت و التمتع ببرودة الجو
بعد فترة بسيطة رجع التلفون يرن قالت في بالها يمكن هذا جسوم عنده رقم جديد بس شيبي اهو اليلة بيرقد في المزرعة أممم شوراي أرفعه و أشوف منو بدال هلفكار...
نوف تفتح التلفون و بصوتها الأنثوي الراقي:_ ألو.
( أكيد عرفتو من المتصل من غير العاشق الولهان).. مشعل يرتجف أول ما سمع صوت نوف و نصدم شحلات هصوت عساني فدوة له ياربي عسا الله يسعدك يا نويصر.
نوف:_ ألو منو معاي منو على الخط.
مشعل وهو يظبط صوته بحترام:_ السلام عليكم.
نوف تجمد باليييييييه شلي خلاني ارفع هتلفون صوت ريال يمه والله خايفة.
نوف بخوف:_ و عليكم السلام.
مشعل:_ مسامحة على الأزعاج نوف.
نوف تفج عينها شنهو شنهو نوف من هذا الي يعرف اسمي و صوته غريب اول مرة اسمعه أبداً ما فكرة يكون مشعل و كان هذا اخر أحتمال ليش انها تقول مشعل محترم و مستحيل يسويها ويكلم بنات... نوف:_ لا كل واحد بس ممكن أعرف منو معاي.
مشعل وهو خايف بس يقول اسمه تسكر التلفون:_ نوف أنتي تعرفيني زين بس مهم تبين الأسم.
نوف:_ و فيها مانع أكيد ابي اعرف الأسم و انت قلتها دام انا اعرفك ليش مب قايل الأسم.
مشعل:_ أيه و الله بس أفا عليج نوف هلكثر أنا مب على البال.
نوف تجمد شنهووو اشوفه مصخها و قام يقط خيط و خيط من هذا.
نوف:_ لو سمحت أخيو مب فاضية لهتفاهات و مب مهم أعرف منو أنت.
مشعل يأسرها:_ أنا مشعل ولد عمج.
نوف خلاص تدور أبها الدنيا و تحس الجو برغم من برودته حار و تمت ترتجف وق لبها يدق بسرعة شنهو مشعل.
مشعل:_ نوف وين رحتي أسفه أني أزعجتج.
نوف و أهي للحين مب مصدقة:_ أنت مشعل؟؟
مشعل:_ أيه.
نوف و كأنها أشو أستوعبت السالفة:_ يا هلا لالا شنو أزعاج كل واحد.
نوف للحين مب مصدقة الي يصير معاها منو عطاه الرقم ياربي شلي يصير معاي و الله ماحد غيرك ياربي عارف بالقلوب و عارف بالوله الي فيني..
مشعل:_ شلونج نوف.
نوف بخجل بدى يتخلل قلبها و صوتها:_ أبخير أنت ش ش شخبارك.
مشعل يااااااه تستحي أويلي أنا إلي بموووووت أواااااااااااااه فديتج يالغلا.
مشعل:_ أنا أبخير دام الغالين أبخير.
نوف طاع هذا قام يقط خيط و خيط لا يباله تسنيع بس بيني و بينكم نوف حمرت حيل و جمدة من نغزات مشعل
نوف بصوت واطي:_ تسلم.
مشعل:_ الله يسلمج أسفه أني ديقت بقوت متأخر بس.
نوف:_ لالا عادي كل واحد.
مشعل تم ساكت شيقول شلى اهو متصل ياربي شهلورطة.
مشعل وهو يدبر كلام بمخه:_ نوف اكيد انتي احين مستغربة ليش داق عليج بنص اليل و قاعد اهذر من دون عقل بس تركيني أصراحج ( نوف كانت متونسة على أسلوب مشعل الغشمرجي إلي مثل عمها ناصر) أمممم تدرين ما كو شي اصراحج فيه.
نوف:_ هههههههه معقولة ما كو شي.
مشعل يتورط بس تخبل على ضحكتها أوااااااااااااااه فديتج أنا يا بعد هلي كل ابوهم.
مشعل:_ أهو شي واحد بس الله العالم أن هذا الشي أشكثر معذبني بس ها بقوله و بعدين بسكر و خلاص ما عودها أدق.
نوف:_ ههههه براحتك بس شنو هشي من بعد اذنك.
مشعل بجنون:_ نوف.
نوف:_ هلا.
مشعل:_ تسمحين لي أزودها.
نوف:_ هههههههههههه حاشاك تزودها قول الي في خاطرك و انا اسمعك.