[الألماسة]

المشاركة الأصلية كتبت بواسطة Littel Angel خواتي قريت مشاكلكم واعجبت بالردود عليها مما شجعني اكتب

 

 

المشاركة الأصلية كتبت بواسطة Littel Angel مشكلتي اني ما الي فايده لو شو ما سويت ما حد يعترف حتى صار فيني طبع اني ما اسوي شي حياتي باختصار نوم اصحى ارجع انام لين ما اتعب بعدين اقوم على التلفزيون بعدين النت بعدين انام وطبعا اكثر من الاكل هالشي بالاجازه طبعا ايام المدرسه كنت ادرس وما كنت انتبه لأي شي تاني لكن الحين حتى ما عندي استعداد اقوم اساعد امي بشغل البيت اشفق عليها بس للأسف احس انه في قوه تمنعني من مساعدتها حتى صلاتي صرت ااخرها وايد اشياء زينه كنت اسويها ما عدت رجعت اسمع اغاني بعد ما كنت ما اسمع حياتي ما الها قيمه اخاف اموت باي لحظه يا ترى كيف بقابل وجه ربي وشو بقول كل شي حلو كنت اسويه ابتعدت عنه احس في قوه تمنعني احس ما عندي اراده هجرت القرآن بعد ما كنت مداومه على قرآته حتى لو شو ما كانت الظروف احس نفسيتي اتغيرت صرت احس ان فيني طباع مو حلوه طباع كنت اذمها في الناس بنا ت انا تعبانه جربت كتير ارجع الانسانه اللي كل الناس يحبونها بس للأسف اقنعت حالي انه ما لي قيمه انا الحين خلصت مدرسه وانشاءالله بسافر للدراسه بالخارج يعني بكون مغتربه والغربه لازمها ناس قد حالهم متمسكين بدينهم عشان الله يحميهم انا خايفه وانا بحالتي هذه لو سافرت ما احسن اختيار الاصدقاء واصير من سئ لأسوأ شي اخير ما عدت اخشع بالصلاه الاقي عندكم حل...........

 

 

أختي في البداية لازم تحددي سبب هالشي، يمكن يكون حادث أو مشكلة دراسية أو شي سمعتيه أو جرح

ويمكن بعد يكون من غير سبب لإنه في المراهقة ساعات تلاقين نفسك طايرة من الفرحة ومزاجك تمام وساعات يجيك اكتئاب ممكن يطول أو يقصر وهالشي ليش يسونه بسن التناقضات.

يعني الي يحصل معاك ما يحصل معاك إنتي لوحدك

حياتي باختصار نوم اصحى ارجع انام لين ما اتعب بعدين اقوم على التلفزيون بعدين النت بعدين انام وطبعا اكثر من الاكل

 

 

أختي هاي حال أغلب البنات في العطلة لإنهم ما يلاقون شي يسوونه بس إنتي مشكلتك إنك نقصتي من قيمة نفسك، واعتمدتي علي يقولوه أهلك من غير ما يقدرون ظروفك ويعرفوا شو بك، وأخطر شي إنك ابتعدتي عن ربك الي هو الوحيد الي يقدر يهديك.

احس انه في قوه تمنعني

 

 

هالقوة ببساطة يا أختي هو الشيطان
إنتي خليتي الشيطان يستولي عليكي ويضعفك ويبعدك عن ربك وهذا أخطر شي.

لازم تحاولي ترجعي للعادات الي كنتي تسويها قبل، حاولي تشغلي نفسك بهواياتك المفضلة، وكل ما تحسين بشي يمنعك توكلي على الله وتعوذي من الشيطان
وحاولي تسوي أي شي يمكن يخلي اهلك يفخروا بيك أو يعرفوا أنهم غلطانين
ففي النهاية ولاحدا فينا من غير قيمة، كلنا عندنا قيمة وكلنا مخلوقين لهدف معين.

لإن هاي الي يحصل معاك يا أختي اختبار من ربك لمدى قوة إيمانك وطاعتك لله، ولازم تنجحي فيه وتتمسكي بدينك أكثر، فكري بإن هالشي خطير ولازم تتخلصي منه بالتوكل على الله.

امي ما عادت اتكلمني استوت تتحاشاني

 

 

تذكري اختي إنه رضى الله في رضى الوالدين، لازم ترضي الاثنين.
استسمحي من أمك وساعديها في أعمالها لأنها بعد ما ترضى عليك راح يصير التخلص من هالشي أسهل.

ونصيحتي لك إنك ما تكتمين أي شي في نفسك، تكلمي مع أقرب شخص ليكي، شخص يفهمك وتفهميه ويقدر معاناتك ويقدر يساعدك.

وإدعي الله ولا تتهاونين في صلاتك وداومي على قراءة القرآن، وكل ما حسيتي إنك ما قادرة تعوذي من الشيطان واتلي بعض الآيات الي تعرفيها.

وكوني على يقين إنك بالتوكل على الله وإرضائه وبعزيمتك وإصرارك ورغبة في الأفضل راح تتحسنين وتتخلصين من هالشي.

وأنا موجودة في أي وقت احتجتيني فيه غلاتي.

وأتمنى يا أختي أكون افدتك ولو قليلا.

وأرجو لك التوفيق غلاتي.