هلا بنوتات باركو لي كملت الجزء الثالث و بديت في الجزء الرابع و جيت انزل لكم الجزء الثالث اول بول مثل ما وعدتكم يلا اتركم مع الجزء الثالث و الأحداث
_"_ الجزء الثالث _"_
ناصر التفت و نصدم أكثر تم جامد و يتأمل هلجمال من وين طلع له... البنت من صوب ثاني شبت من نظرات ناصر القوية ووخة راسها أهي من صوب ثاني جمدة على حلات ناصر و عيونه السود الداكنتين بشكل رهيب.
ناصر بصوته الرجولي و يحس الكلام ضايع منه:_ أي خدمة أختي.
البنت بخجل قوي:_ أيه إذا ما فيها كلافة عليك هذا بيت أبو وليد بن فارس و الله غلطانة.
"ناصر تفجأ هلجمال تعرف عايلتنا من تكون"
ناصر:_ لا مب غلطانة هذا بيت ابو وليد بن فارس من بغيتي أختي.
البنت بخجل و ارتباك يزيد اكثر:_ ريم موجودة اهني.
ناصر تفجأ شعرفها بريم الدبة ليكون هذي رفيجتها هناء إلي تسولف لي عنها أاااااه يا ريمان ترافجين هلحلى و تخبينه و الله اسنعج أن طلعت هلحلى ربيعتج.
ناصر:_ أيه ريم موجودة انتي رفيجتها هناء و الله غلطان.
هناء أستغربت شعرفه بسمي أكيد من سوات ريمان و الله اسنعها الوسة
هناء و للحين نظرها بلارض:_ أيه.
ناصر فتح عينه على وسعهن و طار من الوناسة هلحلى تعرفنا يا هلا و الله و مسهلا.
ناصر ببتسامة شاقة حلجه:_ يا هلا و الله حياج البيت بيتج الحريم بالصالة.
هناء بخجل:_ مشكور أخوي.
ناصر أااااااااه عليج سحرتني هلقمر ويلي على قلبي ويلي.
ناصر ألتفت إلى حاله:_ العفو حياج البيت بيتج.
هناء:_ الله يحييك عن أذنك.
راحت هناء عن ناصر و ناصر متخبل ااااااه ويلي يا بعد هلمخ إلي لفيتيه تيين و الله..
ناصر من كثر التخبل رفع الدشداشة و قام يرقص (ههههههه عذروه تخبل الريال)..
هناء من صوب ثاني مب قادرة تمحي نظرة ناصر لها و شكله الجنان من هذا معقولة يقرب لريمان أكيد كاهو يعرف أسمي ليكون اخوها لالا ما أعتقد طلال مب جذي شفته بيوم حفل التخرج عيل من هذا مسرع ما شالت هلفكار من بالها ظبطت شيلتها بطريقة أنيقة و طقت الجرس....
نوف فتحت الجرس من المطبخ:_ نعم.
هناء عرفت صوت نوف:_ هلا نويف أنا هناء.
نوف:_ يا هلا و الله ثواني و جايتج.
سكرة نوف و سحبت معاها لولوه و راحو الصالة...
نوف:_ ريمان كاهي هناء وصلت.
ريم:_ صج و الله ما دقت علي وبعدين شعرفها بالبيت.
نوف:_ ما ادري قومي زين.
ريم و أهي تقوم نوف فتحت الباب من وراها لولوه
نوف:_ ياهلا بهناء حياج الله زارتنا البركة.
و توايهنا نوف و هناء من بعدها دخلت هناء بويها ريم.
هناء:_ هلا ريمان شلونج يالحمارة جذي القطاعة.
ريم:_ هههههههه هلا بيج يالغالية تمام نسأل عنج.
و من بعدها هناء راحت إلى لولوه...
لولوه:_ هاي عمري شلونج ما تنشافين هو حرمينج منا او ضاربة حداد النجرة معانا.
هناء:_ ههههههه شلونج لولو وحشتيني بلقافتج.
لولوه:_ بل بل عليج من اولها تفضحينا و تقولين ملقوفة.
نوف:_ هو شنو بطولون عند الباب حياج هناء ما عليج من لولو ام الهذر.
هناء:_ الله يحييج.
و من بعدها دخلو البنات و راحت هناء سلمت على الحريم و قعدة مع البنات و صارة جمعتهم حلوة... (( ناصر كان برع مع خباله سحرته هالبنت ))
عند الحريم من صوب ثاني
ريم:_ تعالي أقول لج من دلاج بيت عمي شلى ما دقيتين علي.
هناء و هي ماسكة قلبها:_ أااااااه على سواتج ذبحتي هلقلب.
ريم بنظرات تعجب:_ أي قلب و أي سوات شتقولين.
هناء:_ تعالي أنتي يالوسة يقرب لج واحد عينه سود داكنتين و طويل و أبيض و نظراته قوية.
ريم و أهي تفكر:_ أممممممم أييييييه قصدج عمي ناصر.
هناء تفج عينها على وسعهن و تشهق:_ و عساج بو رماح هذا عمج ناصر.
ريم:_ ليش وين شايفتيه؟
هناء:_ وييه مو بس شفته قولي كلمته لني بيوم وصلت أهني لقيت ريال سألته إذا هذا بيت أبو وليد بن فارس قال هذا اهو يوم سألته عنج قال اهني و سألني انتي هناء رفيجتها.
ريم و اهي تضحك من قلب على شكل هناء و اهي تتكلم مرتبكة حيل:_ هههههههههههههه بعد جبدي عمي شفتيه يحليلاته طيب فديته ريال و الله.
هناء و هي موخية راسها:_ ذبحتي قلبي عساج الزار.
ريم:_ ههههههههههههه هنوي لتقولين عجبج.
هناء بحيا وخدودها حمرو:_ صراحة عمج وايد جلو بعدين ليش يطالعني جذي ذبحني.
ريم:_ ههههههههه بعد عمري سحرتيه من حلاتج.
هناء:_ ويه من حلاتي و الله يوم شفته تخسبكت.
ريم:_ زين زين و الله ههههههههههههههههههههه.
هناء تطق ريم بخفة:_ لا تضحكين و الله سوات عمج ما قصرة فيني ذبحني و عساه السعادة أن شاء الله.
ريم:_ سعادته معاج أن شاء الله قولي أمين.
هناء:_ ريموووووووه أنجبي لا صفعج ما تشوفيني متخسبكة سكري السالفة و لي يعافيج.
ريم:_ ههههههههههههه فديت رفيجتي إلي خبالها على عمي.
هناء بغرور:_ ويه من حلاته دقم و الله.
ريم:_ متأكدة ؟؟؟
هناء بتهرب من سؤال ريم:_ روحي زين.
ريم تهمس إلى هناء:_ الله يهنيج.
هناء حمرة و لفت ويها عن ريم و تمو سوالف البنات و ضحك. ناصر من صوب ثاني كان برع بيوم مشى بيدخل الديوانية سمع صوت يناديه:_ ناصر ناصر...
ناصر ألتف كان مشعل توه واصل.
ناصر:_ هلااااااا مشعلووووووه.
مشعل و اهو يظبط اشماغه ويمشي اتجاه عمه توه نازل من السيارة:_ هلا فيك ها نجبو العشى.
ناصر للحين متأثر من جمال هناء:_ هههههههههه أااااااااه أنجبو قلبي.
مشعل بستغراب:_ أشفيه قلبك لالا لاتقول مداك وحبيت.
ناصر:_ هههههههههه قول ينيت مش يا معود و الله هلبنات لاعبين بحسبتنا ولافين عقلنا. مشعل:_ أاااااااااه فديت نويف عمري.
ناصر:_ ههههههههه عاد ما حبيت إلة طويلة للسان الله يعينك.
مشعل:_ ههههههههه طويلة لسان عسل.
ناصر:_ مش زين لا تطيح علينا.
مشعل:_ هههههههههههههه.
راحو ناصر و مشعل الديوانية و كانت الديوانية وناسة وجمعة الرياييل و الشباب حلوة و طاقينها و ناسة...
في هذا الوقت نوف دقت على ناصر عشان تخبره العشى زاهب عشان يخبر الشباب يجون المطبخ وياخذون العشى الديوانية عند الرياييل...
ناصر:_ ألو.
نوف:_ هلا عمي.
ناصر:_ هلا نويف.
مشعل كان حذال ناصر اول ما سمع بسم نوف راح في وادي بعيد عن الأجواء
ناصر يبعد سماعة التلفون و يهز مشعل:_ أقول لا تسرح مو زين لك.
مشعل:_ ههههههههههه اووش فضحتنا.
نوف على الخط اشوي و تنفجر على عمها شلى ما يرد عليها.
ناصر:_ ها نويف خير.
نوف:_ حمارتك انا ما ترد علي.
ناصر:_ عذريني خير شعندج داقة.
نوف:_ زين خبر حمود و وليد و جاسم عشان تجون تاخذون العشى كاهو زاهب بالمطبخ بس تعالو من الباب الوراني لأنة الباب الداخلي الحريم بالصالة.
ناصر:_ لا يبوج اهم خلهم من الباب الوراني بس انا من الدخلاني.
نوف:_ لا يا شيخ عنبوك ما تستحي.
ناصر بستعباط:_ ليش منهو الغريب عيال اخواني و انا عمهم.
نوف:_ لا بس رفيجت ريم هناء أهني.
ناصر و أهو يسمع اسم هناء يتردد في اذنه و يذكر عيونها السود خدها الأحمر بيوم ألتف و مسرع ما طاح نظره عليها حمرة..
نوف:_ عميييييي و وجع اشفيك انت.
ناصر:_ ها لالا زين احين جايينكم.
نوف:_ يلا بسرعة نبي نزهب عشى الحريم.
ناصر:_ هي هي مخلين الحريم بيوعهم عساكم ابو رماح.
ناصر كان يحاتي هناء ليش انها ما اكلت و اهو بيتعشى قبلها
نوف:_ اشوف هذرك زايد سكر اقول لا تخلص تلفوني من الفلوس.
ناصر:_ ههههههههههاس بنت فقر و الله.
نوف و اهي تسكر:_ جب.
ناصر اول ما نزل التلفون يناظر مشعل:_ كل من سواتك زفتني.
مشعل:_ يه شمسوي لك انا.
ناصر:_ قوم زين العشى زاهب.
مشعل بستعباط:_ من خبرك.
ناصر:_ قلبك ههههههههاي اعرفك انت تتبهلل علي يلا قوم زين.
مشعل:_ ههههههههههههه الله ياخذ بليسك.
ناصر يلتفت إلى محمد و جاسم و زياد:_ يلا قموم بلى رزة هلفيس العشى زاهب قم نروح ناخذه من عند الحريم.
وليد:_ يلا شباب العشى زاهب.
و الكل أستعد و وصل العشى و الرياييل طبعاً بدو قبل الحريم في العشى
و الحريم انجبو العشى بعد الرياييل و حالياً الرياييل بالديوانية يتعشون و الحريم بالصالة يتعشون و سوالف و ضحك و وناسة البنات كانو على جنب لولوه معروفة بغشمرتها مع هناء و اهم البنات ياكلون لولوه تنط على هناء و تتكلم:_ هنوووووي. هناء و أهي ترفع كاس العصير:_ هلا.
لولوه:_ تبيني اعرفج على عمي ناصر.
هناء اول ما سمعت الأسم غصت و نزلت الكاس و تمت تكح..
ريم إلي حذالها راحت غرقانة في الضحك.
نوف:_ ويييييه ذبحتو البنت بتموت.
لولوه:_ هههههههههه اشفيج هنوي شصاير لج.
مريم:_ ريمان عطيها ماي.
شيخة تصب الماي في الكاس:_ ثواني.
شهد:_ بل بل كل هذا طاري عمي نحس عليج يا هناء.
ملاك تاخذ الكاس من شيخة و تعطيه هناء:_ مسكي سمي برحمان و شربي لج اشوي.
هناء من صج صار وياها احمر غصت من قلب
ريم و اهي تضحك:_ هنوووووووي شسويتي في حالج حرام عليج كل هذا عشان ذكرو اسم عمي..
البنات ما سمعو كلام ريم لأنة ريم كانت تهمس إلى هناء. هناء نزلت راسها و شبت اكثر من كلام ريم و ويها احمر
في هذا الوقت في مجلس الرياييل كانو الرياييل يتعشون
و أثناء الأكل أبو وليد تكلم...
أبو وليد:_ ها يبه ناصر متى بتبشرنا بخبرك و الله كاهو صرت ريال و لنا الفخر فيك.
الشباب كلهم كانو يناظرون ملامح ناصر يوم تغيرت إلة مشعل إلى كان طاقها طنازة مع جاسم على ناصر...
مشعل:_ جسوم شف شف عمك شصار فيه حرمة اقول لك حرمة يستحي.
جاسم:_ كفك مشعلوه و الله انه بيطيح البنات. زياد يقطع عليهم:_ وين الكامرة بس عشان اصوره فديته النسونجي.
جاسم+مشعل:_ ههههههههههههههههه.
ناصر يناظر جاسم و مشعل و زياد:_ احترمو حالكم لا أوريكم.
ابو وليد:_ ها ما جاوبتني يا ناصر.
ناصر وهو يمثل انه الريال المحترم:_ ابشر يا اخوي بيوم القى بنت الحلال و اكون مستعد لزواج ما يكون خاطرك إلة طيب اخبرك أول بول.
محمد وهو يعلق:_ ليش مو احين كاهي زاهبة الحرمة.
ناصر خلاص تخسبك لو وده ياخذ محمد و يحطه في الأرض و يدوسه.