[دانة الكويت]

موقفج مال الصوره التذكاريه حلوو والأروع منا يوم كلكم تواسون بعض فعلا موقف مؤثر


أما بالنسبه لي

يومنا كان يوم فضيع حفله وأغاني وأكل وكل شي
وكان حده ونااسه كان يوم لا يمكن أنساه آخر يوم ندرس فيه دروس

***

واليوم الأحلى من هذا
يوم حفلة تفوقي كان يوم فضيييييع ما اقدر اوصفه أو حتى اعبر عنه لانه مايوصف الصرااحه
كانت ونااسه على شوي بجي(بكاء) لانه آخر سنه لنا بهالمدرسه وعرفنا الناس اللي مستحيل نصادف مثلهم وصادفنا معلمات فعلا من أروع المعلمات و عرفنا بناااات واللي اهمه صديقاتنا وهم من أحلى البنااااات اللي لا يمكن يتعوضون مهما مر الزمن""" الله يخلي رفيجاتي كلهم انشالله وعسى الله لا يفرقنا"""
***

بس طبعا اليووووم اللي للحين ما ادري شبسوي فيه أو بالأصح شنو اللي بيصير فيني
اهوه آخر يوم امتحانات لنا في هالمدرسه واهوه يوم 10/6/2007 م
بطلع من المدرسه اللي عشت فيها أحلى سنين عمري وأحلى أيامي
شلوون بطلع منها شلون:(:(:(:( ما ادري شلون راح أقدر اودع البنات اللي ماراح يكونون معاي السنه اليايه بنفس المدرسه شلون راح أودع الابلات اللي كانوا من أروع الابلات وشلون وشلون وشلون
يمكن انا ما اقدر اعبر عن اللي فيني بيومها .. يمكن الدموع هي اللي تعبر :(:(:(


وحيااتي بهالمدرسه ملياانه مواقف مهما قلت مستحييييييل أخلص

مشكوره حبيبتي ع الموضوع الحلو
ويسعدني اني اكون أول وحده رديت على موضوعج

دانة الكويت