مطارده و صياح .. سديم راحت صحت الخدامات من نومهم و اعطت كل وحده عصايه و قعدو يطاردون الفار المسكين ..( حنيت عليييه )
لولوه : سيني ..اذا جاك اضربيه بالمكنسه ...تفهميييني ولالالا
( خلونا نضرب فرامل .. عشان اعرفكم بالخدامات !!.. سيني هذي خدامة بيت العمه منيره .. و رايسا خدامة بيت ابو نادر .. اما مارجي فهي خدامة بيت ابو سالم .. و آني خدامة بيت ابو بدر ) .. الحين ندعس بنزين و نرد للقصه ..
الحريم جاو على صوت الصراخ و الصياح ..
ام سالم : خير يا عيال .. وش فيه ؟؟ كرنفال حنا ؟؟
لولوه : هلا خالتي .. لا بس هذا فار جالسين نطارده
منيره : بزران انتو ايييه والله بزرران ؟؟ يالله .. اشووف كل وحده قدامي .. سيبو الفار و يالله عالعشا..ومو مكفيكم اصواتكم عند الرجال وجيهكم مغسوووله بمرررق
لولوه : انزين و مين بيلاحق الفار و بيذبحه ؟؟
منيره : الخدامات تعشو قبلكم .. قولي لهم يلاحقونه .. والا انتم موب جوعانين ؟؟
لولوه : الا و الله بنموووت .. خلاص جايين ..
منيره : انزين يالله بسرررعه .. و دخلت هي و ام سالم
لولوه تصيح بصووت عالي : بناااااااااااااااااااااااااااااااات .. سيبوكم من الفار و يالله عالعشااا .. منتو جوعانين ؟؟
البنات من سمعو سيرة العشا على طوول جاااو .. و دخلوا قسم الحريم و عالمجلس على طووول و اول وحده كانت .....
نوره و هي داخله : السلااااام عليكم
الحريم : و عليكم السلااام ...
و على طول دخلت لولوه ووراها سديم اللي دفتها لجوونه بسرعه و سراب دخلت بعدها ..
سراب و سديم : السلاااااااااااااااااااااام عليكم جميييييعا
الكل : و عليكم السلاااااااااام
ام بدر : يا بنات ...حنا بنام ... شوفو عشاكم بالمطبخ ..
ام نادر : خذو السفره وروحو الصاله ..
البنات : ان شاااء الله ..
سراب : تصبحين على خيير ماميي .. تصبحون على خيير جميعااا
الكل : و انتم من اهله
و خرجو البنات و راحو عالمطبخ اخذو عشاهم راحوا الصاله و قعدوا بعد ما فرشو السفره و حطو العشا عليها ..بسسسسس
سديم : يوووه ... وين موضي ؟؟
نوره : يا ربيييي انا بموووت جوووع .... لجوونه قومي ناديها
لجونه وهي تتأففف : زييييييييين
لجونه خرجت و شافت موضي للحين تطارد الفار هي و الخدامات و نادر .. اما الشباب .. دخلو قسمهم لان عشاهم يستناهم ..
لجونه : موييييض ... تعالي العشا
موضي : روحي زيين .. ما اكون بنت عبد الله >>> ابوها <<< اذا ما ذبحت هالفار النذل ..
لجونه : اقول .. انتي النمله ما تتجرأين تذبحينها .. مره وحده بتذبحن فاار ..
نادر كان يسمعهم و جاهم : موضي .. روحي تعشي .. أنا بذبح هالفار ... ما يصير انتي جوعانه ..
موضي و مستحيه منه : انا ماني جوعانه
لجونه قاطعه الجو : تصدقين .. انا لو مكان نادر الحين كان اعطيتك جائزة الاوسكار بالتمثيل .. لا تسوين نفسك سفينة صحراء .. يالله بس تعالي ......
ماتدري تعطيها كف .. والا تطب ببطنها .. والا تهاوشها .. و الا تضربها .. و الا تجر كشتها .. والا ايييش ... بس اكتفت انها تقول : لجووووووووون
نادر : ههههههههههه .. ما عليك يا موضي .. انتي روحي بس تلقين عشاك برد الحين ..
موضي و تتخيل ان عشاها يبرد : هههههه .. خلاص اذا ذبحت الفار خلي الخدامات يقولون لي
نادر : انزين
اما لجونه ... سبقت موضي و راحت عند البنات ..
نوره : هااه ... وين موضي ؟؟
لجونه : برا .. مع شحّات الغرام ..
لولوه : شحّات الغرام ؟؟
سراب : منو ذا ؟؟
لجونه : من غيره ... نويدر
هنا دخلت موضي و فسخت عبايتها و قعدت جنب سراب ..
موضي وهي تناظر الاكل : ياااااااااااااااااي جووووعااااااااااااااااانه ..
لجونه : مرره .. اللي يشوفك الحين يقول مو ذي اللي توها تقول لنادر انا ماني جووعانه ..
سديم بتغييض موضي : أقول مووضي ..
سديم بتغييض موضي : أقول مووضي ..
موضي و مقربه البيبسي من فمها : هااااااااه ..
سديم : شخبار شحّات الغرام ؟؟
موضي شرقت : كح كح كح كح كح كح ... و من هو ذا ؟؟
نوره فهمت قصد سديم و كملت مغايضه : ولا يهمك .. بكره بندق بابك .. بس مو تسوين نذاله و ترفضين ..
موضي : وش السالفه ؟؟ و منو ذا شحّات الغرام اللي طلع لي على غفله ؟؟
هنا دخلت آني : مس مودي .. ( مس موضي )
موضي : نعم ؟؟
آني : سير نادر فيه قول انو كلاص سوي يدبه فار ( سير نادر يقول انا خلاص ذبحت الفار )
موضي تقول بنفسها ( كملت ).. وتسوي نفسها ميب مهتمه : زين ؟؟
آني مستغربه : هوا فيه قوول آني روه قول لمس مودي انو سوا دبه فار ..
( هو قال آني روحي قولي لمس موضي اني ذبحت الفار )
لولوه : يلعنننننننن ... ألحين نويدر مرسل آني عشان تقول لها ..
سراب : لااا ... و المصيبه محدد بعد .. لمس موضي بسسس...يلعنننننن
نوره : شي و الله .. صارت آني مرسول الغرام ..امحق مرسول لامحق اخووو ..
سديم : أقول يالمعشوقه .. وش يقصد العاشق بذي الحركه يااا ... يا مس موضي >>> و تقولها بكل رقه و نعوومه <<<
موضي هبّت هبايبها عليهم : هيي انتي وياها .. صرت زي الاطرش بالزفه .. فهموني السالفه .. وش قالبكم علي مرةٍ وحده
سراب حكت لموضي اللي قالته لجونه .. و موضي كل شوي تسب لجونه
موضي : هين يالتسلبه ... على طوول قلتي شحّااات غرام ؟؟(تقوولها بطنازه ) طيب يالنذله ..
و كملو سوالف و هم عالعشا .. و بعد العشا راحت لجونه تجيب الكيرم من الشباب .. و لما جابتها و حطتها عند البنات ..
نوفه : لجونه .. قومي نلعب ..
لجونه و نست خلافها معها : طيب وش نلعب ؟
نوفه : أي شي
لجونه : وش رايك نروح عند الشباب .. مسوين دوري بالبلاي ستيشن
نوفه : طيب يالله .. خلنا نتونس شوي
و راحو عند الشباب ...
لجونه اول ما دخلت قعدت تبحلق على واحد : بدر ...
بدر :يا نعم ؟؟
لجونه : ابي العب بلاي ستيشن
بدر : طيب ؟؟
لجونه : ابيك تلعب معي
بدر : مع اني مالي خلق .. بس يالله
ريان : قسم بالله محد يعطي هالمنتوفه وجه غيرك ..
بدر : لاني طييييب و حبووووب
ريان : اقول ... ترا المادح نفسه كذاااب
بدر : رح زيين ..... لجونه تبين فريق ولا منتخب ؟؟
لجونه : ابي زيدان ..
بدر : زيدان ؟؟
لجونه : قصدي ابي المنتخب او الفريق اللي فيه زيدان .
بدر : اهااااااا ... ريال مدريد يعني ..
لجونه : ايه .. و انت ؟؟
بدر : معرووف .. انتر ناسيونال ..
لجونه : حللللو ...
بدر : يالله اخلصي بدت المباراه
لجونه : الكوره معي والا معك ؟؟
بدر : لا معي ... كاااني بدييت
لجونه : يا عيال .. حطو أي شي نسمعه(سامحوووها البنت قاطه الميااانه مو ليييه)
نادر كان منسدح جنب المسجل و يفكر باللي صار اليوم
رامي : يااالحبييييب .. انت معنا بالجو
نادر : لا مع الجيران
رامي : بايخه .. ليش مسرّح ؟؟
نادر : مالك خص يووه .
ريان : نادر .. شغل المسجل جنبك
نادر شغل المسجل و كان الشريط لمحمد عبده و اغنية الاماكن توها باديه..
ورامي و نواف يتمايلون يمين و يسار و اشكالهم تحزن ..
اما نادر .... مروووووق عالآآآآآخر ... قاعد يغني مع المسجل
نادر : كل شي حوولي يذكرني بشي .. حتى صوتي و ضحكتي لك فيها شي .. لو تغييب الدنيااا عمرك ما تغيييب .. شوف حاالي آآآه من تطري علي ....
اما المفهيييه لجونه قاعده تروح يمين و يسار زي رامي و نواف .. و بدر صار مسجل عليها هدفين بخمس دقايق ..
لجونه ضغطت ستوب ...
بدر : ليييه ؟؟
لجونه : بسوي تغيير ..
بدر : من بتغيرين ؟؟
لجونه : بغير روبرتو كارلوس
بدر : ليه ؟؟
لجونه : ما ابغى اخليه بالهجوم و بيكهام حرام بالدفاع
بدر : يعني بتبدلين اماكنهم ؟؟
لجونه : اضرب ضو احمر وصلت خيييير يالخوو ... برجع روبرتو للدفاع و بقدم بيكهام للهجوم ..
نواف : طيب حرام .. اثنيناتهم لعبهم حلو .. خليهم كلهم بالهجوم
رامي : صادق .. و تصير خطتك 2-4-4 ..بدل 1-4-5 ..
لجونه : رايكم كذا ؟؟
رامي و نواف : اييه
لجونه : اعقلها و توكل .. شوركم و هداية الله .. الحين بسوي ..
بدر : طييب
.. نرجع للبنات ..
موضي و سراب بفريق .. و نوره و لولوه بفريق .. يلعبون كيرم ..
اما سديم .. منسدحه عالسوفا و تقلب بالتلفزيون هذي وظيفتها المهمه ماخذه بها دكتوووراااااه ..
سراب : سيدي .. حطي روتانا شوفي وش فيها ..
نوره وهي تلعب : ايووا جبتها قوول .... لا لا سيدي حطي نجوم اغانيها روعه ..
لولوه : لا .. ميولدي احسن ..
موضي : لا هذي و لا هذي ولا هذي ... حطي عالخليجيه
سديم :تراكم جننتوني ... ارسو لكم على بر ثمّن قولو لي ..
سراب : خلاص اختاري ..
سديم : اختاااار .... وش رايكم احطها كلها ... يعني نشوف اغنية على كل قناة ؟؟
الكل : اوووووكييييييييييييي
و حطت سديم على روتانا و كان كليب تحملتك توه بادي ..
و لما خلصت على طوول قلبت على قناة نجوم .. و كانت فيه حفله لدالي و بتغني اغنيتها الحلوه سلام الله .. و اول ما بدت على طول قامت سديم ترقصها .. و قامت بعدها لولوه تراقصها لين ما خلصت ..
و اول ما خلصت قلبت على ميولدي .. و اغنية عيني عالجمال لحماده هلال توها بتبدا لسه بالموسيقى ببدايتها .. و اول ما بدت فزت نوره و ربطت الطرحه و بدت ترقصها و البنات محلفييين عليها يصفقوون..ابرع من هالنوووااره في المصري ماااافيييه ..
لين ما خلصت وبسرعه قلبت سديم على الخليجيه و عندي كلام لاريام.. و من يوم ما سمعتها سراب قمزت من مكانها و بدت ترقصها هي و موضي .. و اول ما خلصت قعدوا ..(ترى حييييل ضاربه فيوووزاتهم قلبي عليهم مشتاااقين للعروووس من كثر الحبسه)
سديم : هي الحين انا بقلب على كيييفي خلي وحده منكن تتنططلي.. .. و حطت على روتانا كليب
و كانت اغنية بحلم بلقاك لذكرى
نوره : ايييييييه .. زمن ... زمن يا ذكرى ..
سراب : تجنن هذي الاغنيه هي و يوم ليك و يوم عليك .. احلى ثنتين
لولوه : صح والله .. فيه مقطع بذي الاغنيه مررره يعجبني
و لما جا المقطع حق :
بهوااك انا .. و بدووب انا .. و عشانك عمري يا عمري انا .. بهوااااااك انااااا .. و بدوووووب انااااااا .. و اليوووم بييييعدي عليااااا سنننننننننه ..
لولوه : ايه هذا هو ... تعجبني لما تقووله ..
و لما خلصت بدت بعدها ناويلك لاحلااام .. و قمزت سديم و نوره يرقصونها
وبعدها حطوا على قناة المجد الا برنااامجهم المفضل كشتااات ...وكملوا سوالف و لعب لييييييين .......................
موضي : تصدقوون الجو حاااار مررره اليوو......
نوره : موضي .. وش فيـ...
سمعووووا شي .......... يا ترى وشو ؟؟
مارااح نقووول ........................
.. عند الشباب ..
بدر و نادر و سالم و رامي يستنون فراس و نواف و ريان يصحون عشان يصلّون الفجر جماعه ..
رن جوال بدر نغمة رساله من نادر :
" بدر .. وش رايك نروح للرجال عشان يلغون العقاب ؟ طفشت و أنا ساكت .. رد علي بسرعه "
بدر قرا الرساله ورد برساله ثانيه وصلت لنادر :
" هذا و ما مر على بداية العقاب الا نص ساعه .. اجل كيف اليوم كله ؟؟ بس تصدق .. أخاف يهاوشونا و يزيدون هالعقاب ليومين بعد .. خلنا كذا احسن "
و رامي و سالم يتراسلون بعد ..
سالم مرسل رساله لجوال رامي :
" روميو .. قوّم نواف و ريان و فراس .. خمجوا و هم نايمين .. خلنا نصلي الفجر جماعه قبل ما يروح وقت الصلاه "
رامي رد :
" طيب .. الحين اقومهم "
رامي عشان ما يقدر يتكلم مع أي احد .. فتح الاستديو بجواله و حط على تكبيرات العيد للحرم المكي .. و رفع الصوت عالاخيير .. و حط جواله عند اذن ريان ..
ريان تنغص : الحمار اللي واقف عند راسي و يحاول يقومني .. أحسن له يوخر .. لا أقوم أدفسه بالجزمه ..
رامي عصّب و نسي العقاب : ألحين أنا الحمار يالعنز ؟؟
ريان للحين ما يعرف ان هذا رامي : إيه حمار و ستين حمار بعد ..هه
رامي : ريانوه قوم عساك بالقيامه تقوم عليك قل آمين .. قوم صلي الفجر ..
ريان اول ما استوعب ان هذا رامي بدا يقوم بكسل : طيب .. يوووه
و راح لنواف و بدا يقوم فيه ..
رامي : نواف .. نواف .. يالله قوم الصلاة بتقضي وانت ياحظي مخمجج .. يالله
نواف بعده نايم : يالثور خليني اناااام .. ما شبعت نووم .. اووووف
رامي بدا يعصّب من جد .. اول شي يقوم ريان و يقول له يا حمار .. و الحين يقوم نواف و يقول له يالثور .. ؟؟
رامي : ما شاااء الله .. صرت ثور يا بقره ..
نواف برضو ما يعرف انه رامي : ايه ثور و كلب كمان ... احسن لك روح عني لا اطيرك بخبر كان و اخواتها و عيال عمها و كل من يعز عليهم ..
رامي وجهه صار احمر .. و بدا يصرخ : نووااافوووه و صمخ .. قوم يالله ..
نواف عرف انه رامي و فز بسرعه : طييب ياخي قلنا لك شوي و بنقوم ..
رامي : لاااا ما في .. يالله قووم .. والصلاه ؟؟
نواف : تكفى رامي ... خلني بنووم ..
رامي : اذا انا خليتك .. ربي بيخليك ؟؟ نواف حرام يالله قوم ...
نواف : خلاص كاني قمت ..
و على طوول رامي راح لفراس يصحيه ...