[^_^ قمر الصرقعة ^_^]

ــــــــــــــــــــ.<>.ـــــــــــــــــ
فاااااااااااااااار بالمدرسة ! XD


الصبح متأخرة .. دخلت المدرسة ..لقيت بنات الفصل اغراضهم برا وهم واقفين خايفين .. قلت بقلبي اكييد تفتيش ..لمتى مايجوزون هالبنات ومخالفاتهم ؟ >> اسمع من يتكلم
حطيت اغراضي وصفطت عباتي ، بنت واقفه جنبي : البيد في فااار بالفصل
>> فار ولا هارب >> ابووك يالترويقه >< "
انا : اوه اوكي .. >> انا بعررف شي .. ليش مااحس بشي اذا السالفه عجييبة
>> فهمتو ؟أشكO_o
جت صديقتي العزيزة الدبة المفعوصة اكرهها عايشه معها طول طفولتي وتفارقنا بالثانوي وصحنا صياااح وصل للعطلة الصيفيه خخخ
>> فهمتو علي لما قلت ليش مااحس بشي لما السالفة تتطلب شعور بالتعجب او الحزن او الخوف ؟
-_-"
قلت لها : فوولاااانه .. عندنا ضيف بالفصل
دق جرس الطابور .. شوية اذاعه محد يدري عن مواضيعها خخ .. عقبها تهزئية من الادارة خخخ ..
ويمضي كل طابور لفصله .. الا فصلنا واقف متنّح .. ابله ثريا : يلا يااطااالبااا على فصولكم ..
حنا مستنرين .. ابله ثريا : يااطالبه تحركي ع الفصل!، حنا نتلفت على بعض >> مافي معلوم عربي
ابله ثريا ومرفت: ياااطاااالبـــه !! على الفصل تحركي !! >> شقالولكم واقفين نطالع ايات الجمال ولا شنو ؟استغفر الله ><" ..
حنـــا : ابـــله في فااار بالفصل مانئدرش نخش ..
هم: ايش لااااااع هذي حركاتكم يلا قبالي ع الفصل ..
حنــا : ابله شفنااااه طلع لنا !
هي : مااافي فيرااان شيجيبهم هناا يعني .. على فصولكم
حنا : استاااذه نقولك واللـــــــــــــــه في فااااار نكذب يعني ؟
هي : توكلو على فصولكم ومافيه الا الخير ..
حنا : ابله حلفنااالك شلــ .. قاطعتنا وقالت قداااامي ولا ابي اسمع اي شي منكم يلااا!
انا : استاذه استاذه ؟؟؟
هي : نعم ؟
انا : ......... في فار بالفصل >> ابوووك يالروااقه
لوولز ورحنا لفصولنا مرغمين لا مغرومين ، بس قعدنا مجبورين لا متجبرين وانا قاعده على رجولي فوق الكرسي .. Eww اتخيل بس اذا مر الفار من تحتي >> وتضحك -_-"
خذنا حصة فقه والابله قاعده ورافعه رجولها ع الكرسي خخ مو قادرة توقف وتشرح ع الصبورة
وخذنا حصة فنية وحصة علوم يعني كنا بمعمل الفنية وبعدين معمل الكيميا يعني مو موجودين بالفصل الحممد لله ، عاد دق الجرس معلنــــــــا الفــــــــــرج .. انها الفسحه >> MBC3 :P
عاد صديقتي الصدوقة الدبة المفعوصة >>> اللي تفرقنا وراحت ديرة ثانية
>> -_-"!>> عاد شتبيني اسوي .. اصيح ؟؟ صحنا لين ماقلنا بس تبين نحزن ؟ حزنا لين ماقمنا نتكلم احزان في احزان .. خلاص تخطيت الوضع واتمنى لها التوفيق وبعدين حنا باتصال دائم عبر المسن والفون >> الحيــــــن شذنــــــــب الاعضـــاء يعرفــــون عن رواية البـــؤســـاء ؟
المهم وين وصلت ؟ ايه نسيت صديقتي سبقتني للفصل وانا امشي برواقة ، شوي الا البنات اللي داخل الفصل ينططون ويصارخون
انا حسيت ان في انفجـــار بشـــري بيطلع من الفصل .. اانا عرفت شطلع لهم فوقفت بكل رواقة وتنحيت عن الباب شوي .. ثواني والا البـــاب بغى يطير
سألتهم طلع القمر؟
البنات : فار فار فااااااارXD
صديقتي : فار فار فااااار مشى من تحتي وحسيت فيه X.x!
انا بنفجـــــــــــر ضحك، قلت شقتي اللي تمشي قبل صديقتها شيصير فيها ؟ ثاني مرة رجلي ع رجلكP:
دخلت الفصل باخذ فسحتي ..وي ! البنات فااار بيطلع لك انا اوكي بكخفه بكتاب العلوم XD
دخلت وطلعت بطاطس كرات جبن تحبه صديقتي >< " >>عرفتوه ؟ اللي لونه احمر واسود من برا وفيه سيد ذرة لابس نظاره وقبعه وماسك عصاه تقولون يهودي شكله .
والحيـــــــــــــن شبـــــــت لمبـــــــة فوق راســــــــــي .. >> Yes U know what im thinking about
انا : هاليـــوم داااعيـــة عليــك امــك .. ايها الفأر سوســــان
واقوم اسوي مسار يوصل لباب الفصل من كرات بطاطس كرات الجبن عشان ياكلها ويطلع XD
عاد تخيلو الفصل شكله خخخخ ..
وعقب مااخصلت وقفت فوق درج المعلمــة اراقب الوضع >> Mr. everything is under control
والبنات من الشبابيك يقولون لي : البيــــــــــد اطلعيي اطلعييييي
انا : ماراح اخلي خوفكم يستمر ولا بخلي فاار يصعب علينا عمليه التحصيل العلمي
>> اهئ Soo بطولــي ..
المهم مليت منه وانا واقفه قلت بالطقاق .. اخذت مصاصتي ورحت اتفسح مع صديقتي الصدوقة
خلصت الفسحه .. جتنا الانجليش تيشر االطيــــــبة الرقيــــــقة المتفهمــــــة وقلنا لها السالفه
وماخلتنا نحضر الحصة بفصلنا وقالت للادارة وصدقوها >> احسسسن حدكم تشوفون وجهم شلون انقص !
المهم رحنا درسنا بفصل ثاني وفرصه لأن طالباته بالمعمل .. عاد جتنا المديرة وقالت كل وحده تاخذ شنطتها وياها وتتاكد زييييييين ان مافيها فاار داخلها ، نبدا بهالمجموعه ..
>> راحو وجو بشنطاهم .. لين ماجا دور مجموعتنا رحت انا وصديقتي واخذنا شنطانطا وتأكدنا من كل شي وحنا طالعين في بنت ويانا بالفصل بتاخذ عباتها من الدرج ... دخلت ايدهــا .. بس مطالعت مع العباة .. طلعت مع الفاااااااااااااااار
وقااااااام الفااااااار ينطططط بالفصل .. بنطلع !!! بس الادارية سكرت علينا الباب وانحاشت !!! خلتنا مع الفااااار !!!انا نطيت بسسسرعه فوق كرسي بنت وصديقتي اااه ااااه تصارخ خخخ >> نفسها اللي مشى الفار من تحتها .. المسيكنه مو ناقصه
عاد انا قمت اصاره على الادارية : ابله !!! فكـــــــــي البااااااااب حابستنا مع فااااااار ؟؟فكيه !!
>>> وااو شعور حلو تصارخ على ادارية ....


وبسرعه بسرعه طلعنا من الفصل ورحنا لفصل الثاني وقعدنا نسولف لابله فيلم الاكشن
المهم قعدنا بالفصل .. البنت اللي مسكت الفار المسيكنه انهاااااااااااااااارت صيااح
شوي الا جت الادارية واخذتها وقالت لنا : اخر بنتين طلعو من الفصل يفتشوون شنطاهم لأن الفار مو بالفصل واحتمال دخل بشنطاااهم ..
انا اطالع صديقتي قومي حنا اخر بنتين .. هي : لا احنا مو اخر بنتين ^^"
انا : الا !! قومي فتشي شنطنتج خخخ انا فتشت شنطتي وماخليت شي ماكبيته XD


طلع الفار مو بشنااااااطناااااااا !!! @.@
وهل فر الفااااار ؟؟ ×.×
عاد الادارية تسولف للابله تقول هذا جــــــــــــــــــــــرذ ذيله هالطووووول !!!!
شوي الا ام حسن مع الشفاطاة حقت الحمام تدور بفصلنا تدور عن الجـــــــــــرذ !!
المهم خلصت حصة الانجليش جت حصة الرياضيات طبعا البنات جو يبون فصلهم فحضرناها بالمصلــــى >> من مكان لمكان ناخذ الحصص .. حشى بـــدو رحّـــل !
شوي بالمصلى الا نسمع صراخ مدرسات :: آآآآآآآآآآآآآآآآآآآآآآآآآآه XD >> خخخ خوش صرخه !
يوم طلعنا من المصلى بشرونا باقي الفصول ان الجـــــرذ طلعوووووووووه وانحااااااااااش
نرجع للفصل الا تقولون بقايا حرب وتهديم خخخ ..وبـــس استتب الامن ورجع كل شي مثل قبل

ــــــــــــــــــــ.<>.ـــــــــــــــــ