يا رب يروح ويرجع بالف سلامه
اكيد الغربه صعبه بس مش عارفه صعبه على مين المفارق والا اللى فارق انا متأكده انها على الاتنين بس اكيد ان اللى مفارقنا حيشوف ناس تانيه ويتعلم ويتعرف على عادات واخلاقيات مختلفه تماما عن عاداتنا ومعتقدتنا وخصوصا بلاد (الخواجه سام )مش العم سام فأكيد كلنا حندعى له ولغيره من الشباب اللى سافروا بره انهم يرجعوا زى ما راحو بس يكونوا زايدين فى علمهم وثقافتهم لكن بالنسبه للاخلاقيات يرجعوا بيها زى ما راحوا .
اما بالنسبه ليكى حبيبتى ياريت تحاولى تعتمدى على نفسك لانه حيفيدك انت فى الاول وكمان حيساعد امك على تجاوز صعوبه بعد اخوك عنها وكمان ياريت يكون بنمك وبينه اتصال عائلى على الاقل كل اسبوع عن طريق النت وكمان ياريت يكون فى مايك وكاميرا يكون افضل كتير لان الشات لوحده مش كفايه .
واكتبى له بخطك اذكار الصباح والمساء وانا مع الاخت اللى قالت فكره البرواز بس اكتبى فيه (الصلاه عماد الدين )عشان مش يفرط فيها وكل فتره أسألوه عنها وأسألوه كمان عن اصدقأه اللى اصبحوا مقربين له بأختصار خليكم دايما فى الصوره . وربنا يصبركم على بعده
يا ريت اكون فيدتك.