السلام عليكم ورحمه الله وبركاته
شخباركم .. ان شالله بخير ؟ :/
.35.
صـــدمـــه ... ولكن ما عساي ان اقول سوى رحمـك الله يا أبي
رحــل ابي هذا الشيء الذي لم اكن اتخيله ابدا لم اكن اتخيل ان اعيش بدونه
ولم اكن اتصور ان أبي سيرحل عنـا من غير رجـعه
لــحـظه .. لو كنت اعلم انني لن ارى ابي ثانيه لكنت قلت له لا تتركنا
واللـه .. انه شيء مؤلـم ان تفقديه
قبلـ وفاته بِبضعِ سـاعاات ..,,
كـان وقتها الساعه 1 الفير على ماعتقد
اول شي سمعت اختي تكلم امي مادري شتقول لها وترد تطلع بره البيت
وراها امي ب5 دقايق ..,,
بـنات والله كان قلبي ناقزني يعني شنو الي يخليهم يطلعون
والساعه وحده يا ان يدتي صاير فيها شي
ولا خواني لا سمح الله امسوين حادث
المهم .. حاولت انام بس كان نومي حده امقطع
قمت الساعه 2 ونص ولا اروح الصاله الليتات امبطله
وغرفه اختي مافيها احد وغرفه امي وابوي حتى مافيها احد
ولا امي ولا اختي ولا ابوي كانو موجودين ..,,
قلت مابي احاتي رحت صلتلي جم ركعه وقريت قرآن ونمت
اتذكر كان وقتها علي امتحان فاينل أحـياء ..,,
قمنا رحنا المدرسه ردينــا ..
بس شفت شي ولا مره شفته من قبل ..,,
سيارات ووووااااايد متيمعه يم بيتنـا صعدت فوق ..,,
ولقيت امي ماسكه القرآن وتبجــي وكان خلاتي
لابسين عبايات سود .. !!!!
قلت اكيد اخوي الثاااني فيه شي ..,!!
رحت الدار بحط اغراضي ولا اختي الي اصغر مني
تبجـي بجي مو طبيعي حتى ان صوتها راآآآاح
جان اتقولي اختي الثانيه :
أمس أبوي تعب ووديناه المستشفى .. ( وسكتت )
اهني قلت تكفيــن لا تكملين ..,,
عادي على الاقل اقدر اروح واشوف ابوي صح ..,,
ولهـــت عليــه واايد احس ان من زمـــان ماشفته ..
على الاقل اقدر كل يوم ازوره اسولف معاه
بس انه يكون ويانا ... !!!!
بـس قالتلي انـه خلانا وراح عند ربـه
انـا اهني والله ماصدقتها حتى مادري شسوي
ابجي اصرخ اضحك ماصدقتها ..,,
لما كنت نايمه تعب وراح المستشفى
امنتحت وكنت مستانسه انه كان سهـل وايد
بس قبل لا ادش الكلاس توفا
تعب ولا قدرت اسوي شي
راح ولا شفته .. !!
كنت ابـي اقوله اشيااء وايد بس كل مره
اقول عادي جدامي وقت طويل ..!!
بس ماكنت ادري انه هالوقت الي كنت اظنه طويل
صار عباره عن ساعااات .. !!
إن الله وإن إاليه راجعون ..
الله يرحـمك يا يبه ويدخلك فسيح جناته
اللهم ان ابي في ذمتك وحبل جوارك اللهم فقه من فتنه القبر وعذاب النار
وانت اهل الوفاء والخق فاغفر له وارحمه انك انت الغفور الرحيم
اللـهـمـ آميــن
.35.
Miss U DaD
₪°• ( wJ]lJmE vpJdg; dh Hfd F vpl; hggi D ) >> !! ₪°•>
الموضوع الأصلي :
₪°• ( صـدمـةُ رحـيلك يا أبي [ رحمك الله ] ) .. !! ₪°•.
||
القسم :
"الأرشيف" مغلق
||
المصدر :
منتديات بنات دوت كوم
||
كاتبة الموضوع :
Miss.Q8