اهلا goody
قبل لا اشارك في الموضوع اشكرج عليه حبوبتي
|
 |
|
في الحقيقة .. صحيح نظرة مجتمعنا جداً سيئة للبنت اللي تدرس طب .. !
|
|
العكس تماما ...عندنا اللي تدرس الطب
تحتل مكانه كبيره وتكون فخر لابوها وامها و لاهلها
وتكون قدوة لبقية البنات
وتعالي شوفي كيف الفرحه والفخر اللي يحس بها الابو بالذات
لما يقولون له بنتك الدكتوره (...) او لما يسمع الكل يدعي
لابنته بالخير ويقولون (جزاها الله خير فلانه بنت فــــلان )
والله ان دموع الفرحة تغمر عين الاب قبل الام
|
|
|
هل لأن في الطب اختلاط ؟
|
|
الاختلاط اصبح في كل مكان وما عد اشوف مكان يخلى من الاختلاط
وبعدين شو فيها الاختلاط في الطب ...
ليش تقولونها كانها وصمة عار
الوحده رايحه تدرس وتمارس عملها بكل ادب واحترام واحتشام ...!!
مب رايحه عشان تخالط وتتعرف وتصادق الرجال ...!!
وبعدين الدكتورة تنقذ ارواح البشر ...وتداوي آلام المصابين
والطب مب حرام على المراة ولا هو عيب في العادات و التقاليد
لكن اذا انتقدت الدكتوره فالسبب تعصب بعض الرجال ...وحبهم لسيطره
والنظرة السيئة لا اصحاب النفوس المريضه
اللي يحاولون يقبرون البنت في بيتها ولو بيدهم لكانوا رجعوا لعصر الجاهليه ولوءد البنات
البنت المحترمه تقدر تحافظ على نفسها ...عقلها في راسها مب في راس غيرها
|
|
|
هل تؤيد وجود طبيبات في مجتمعنا .. أم لا ؟
|
|
أويد واشجع
وخير لنا ان نشوف بنات بلادنا دكاترة ويكونون فخر لنا ولوطنا
أحسن من ان نشوفهم مرضى نفسيين يعانون من القهر وينلامون على الجهل !!!
واعطيكم مثال صغير لاكنه يتكرر كثير
يروح الرجل يختار بنت صغيره ويتزوجها ...ويطالبها بترك دراستها ولما تترك دراستها
يناديها بالمتخلفه ويروح يتزوج عليها من وحده ...تفهم تفكيره وتناسب مؤهلاته العلميه
متناسي انه هو المتخلف الكبير اللي حرم انسانه
من تحقيق احلامها وفوق هذا كله داس على كرامتها و قلل من شأنها
نصيحتي لكم يا بنات
لاتربطون احلامكم بنظرة الغير لكم
