اشكرج يا الغاليه على الموضوع الرائع
اللي يجمعنا مع أخواتنا
اللي ياشاركونا نفس الفكر
نفس الاهتمامات ..نفس الاحلام!!
نحن هنا... اجتمعنا لنساند بعض في رحلة الحياة
لنتبادل الخبرات ونفضض عن مشاكلنا لايجاد حلول لها
فرجاءا بنات لاتقلبون الموضوع لدردشة بدون فائدة
وارجع واقول نحن هنا لمساندة بعض في الحياة
وانا عن نفسي لو ما وجدت الصديق في وقت الضيق
ما كنت بكون في الجامعة الحين
والسبب اني درست في جامعة لمدة سنتين وفي الاخير
تجاوزت الدراسة حدود قدراتي وقلت درجاتي وحصلت على انذار بالطرد !!
صابني احباط ...بعد كل الجهد اللي بذلته ...بعد الليالي اللي سهرتها..بعد سنتين من حياتي
ما احقق الدرجة اللي احلم بها ..وفوق كل هذا اهدد بالطرد بسبب بعض الدرجات التافه!!
قررت اوقف دراستي ....وبالفعل وقفت دراستي لشهور
صديقاتي يتصلون بي ...يحاولون يقنعوني ارجع ...بس ما قدرت اقتنع
لاني بذلت اللي اقدر عليه وبعد ما حققت اللي ارغب فيه
تحطمت ...احبط ...وفي هالوقت اللي كنت فيه ضعيفه واتخبط في الحياة وهمومها
ظلوا صديقاتي بجنبي ..يساندوني و يرشدوني لطريق الصحيح
فاذا هالجامعة اللي كنت فيها دراستها صعبه علي وتتجاوز قدراتي
ففي 100 جامعة غيرها تستقبلني وتناسب قدراتي
عطوني الخيارات ...وخلوني اختار
وبالفعل اخترت جامعة جديدة وبديت معها بداية جديده
ولقيت فيها صديقاتي اللي استقبلوني بحراره ورفعوا معنوياتي
ولين اليوم ما انسى فضلهم علي
لانه يابنات لما يكون الانسان حزين ..مايفكر بالمنطق ولا حتى بالعقل
الحزن يعميه و مشاعر الالم تسيطر عليه و تخليه يتسرع بالقرارات
لكن لما نلقى من يمسح دموعنا ...يخفف آلامنا ...يساندنا ...يرشدنا ..
فبالاخير بنرجع لدرب الصحيح وبيرجع لنا رشدنا و بنفكر اكثر بقرارتنا
بنات ايدي بايدكم
خلونا نساند بعض في هالحياة
أختكم
