[فوق الوصف]

هلا بك نقووط قلبي ..مشكوورة ..

شووفي الولد مافيه عيب ..أصلاً خلاتي قالوا لأمي يوم شاورتهم ...قالوا: لو بتردينه ..قولي لأخته تأخذ (فلانه) >>بنت خالتي ..

يعني امي قالت لو بترده بتقول لأخته أنه يخطب بنت خالتي بدالي ..!!
تخيلتي شلوون ..!!؟

تعرفين أهلي وش يقولون ..يقولون أنتي بنت الشيخ ...(ــــ) وبنت مميزة لازم تآخذين شاب مميز مثلك حافظ القرآن ودارس طب ..

طيب أنا ما ابي أكون بنت مميزة ابي أكون مثل أي بنت ..أتزوج ..بإنسان ,,بسيط ..أهم شي يكون طيب وأخلاقه حلوه ومحافظ على الصلاة ..وأهله طيبين ..وهو يبيني وأنا مرتاحه له ..

أنا أبي أعيش حياة بسيطه وهادئه مع إنسان يختارني هو بنفسه ..مو علشان امه ولا اخته شافوني في عرس ..أو أي سبب ثاني ..

ذاك الشخص ..علاقته قويه مع ابوي ومعاه في عدة حلقات ..ويبي يتقرب من ابوي زيادة عن طريقي أنا !!
يعني هو مآخذني وهو متوقع أني نسخه من أبوي .. فقط لاغير ..
يمكن لو سألتيه وش اسمي أو أنا أدرس في أي سنه مايعرف ؟؟!!

ماأبي أتزوج كذه ..ابي أتزوج من شخص يكون مقتنع مني لشخصي لذاتي ..مو لشي ثاني ..مهما كان هذا الشي ..

>>>>أحس اني طولت عليك بزياااده ..
عموماً ألف شكر لك قلبي ..لأنك تحملتي تسمعيني ..
ربي يسعدك ..ويوفقك ..