السلام عليكم ورحمة الله وبركاته
معليش حبايبي انا لمدة أسبوعين ماراح تشوفون رقعة وجهي ابد عشان الاختبارات
وعشام كذا جبت لكم الجزء الجديد
ويالله اخليكم مع الجزء
اليــــوم الثـــانــي ..
نــــرجــع شــــوي لـأجــواء الـــدوحـــــة ..
ماريا كـانت راقـده بغرفتها في بيت بوعبدالله ( الي هو بيت ابوها) ..
فجاة يرن جوالهاا ..
ماريا قاامت بشويش ..
ماريا :الو ..
عيسى: هلا حيااتي ..
ماريا: هلا عيسى ..
عيسى: شخباارج ؟
ماريا: والله تمـاام ..
عيسى: اخباارج مع الحمـل مو تعبانة ؟
ماريا: لا تو النااس ع التعـب .. حرام عليك
عيسى: ههههه .. انزين بغيت اقولج اني اليوم بساافر
ماريا: افاا ليـش ؟
عيسى: عندناا مشاريع في السعوديـة ..
ماريـا:اوكي
عيسـى: يلا عااد مو شيء الزعل عليج يا حلوووة ..
ماريا: هههه .. اوكي عشاان خاطرك ..
عيسى: اوكي يلا حاسبي على نفسـج اوكي ..
ماريا: انشااء الله توصل بالسلامة ..
عيسى: الله يسلـمج
ماريا: مع السلااامة
عيسى: الله يسلمج .. بااااي
ماريا:بااااي
سكرت ماريا من عنـده وقامـت ولبست جلابيـة ورفعــت شعرهـاا وخلت نصه مهدود ..
طلعت من غرفتهاا كان البيـت صخـه الساعة 11 الكـل ناايم للحين !! ..
اجااازه بعــد شيسوون ..
توها بتنـزل .. شافت ليتاات غرفى عبدالله مفتوحين والبااب شوي مبطـل ..
ماريا: معقولة عبدالله سهران للحيـ،ــن ؟!
ماريا دخلـت غرفتـــه وانصــدمــت ..
صرخت ماريا :عبداللـــــــــــــــــــــــه !
شافتـه طاايـح ع الأرضـ منغمــي عليـــه ..
ماريا علطوول راحت عنـــده ..
ماريا هززته: عبدالله .. عبدالله.. تكفى قووم .. عبدالله ..
ماقــاام عبــدالله ..
ماريا علطوول ركضت ومافكرت فالي في بطنهاا ..
وركضت عند امـهاا
ام عبدالله قايمة متخرعة: شفيج يا ماريا شفيج تصررخين ؟؟
ماريا :يماا اخووي عبدالله .. عبدالله
ام عبدالله طااح قلبهاا: ويه .. شفيه ولدي فديته ولدي شفيه ؟؟
ماريا: طاايح بغرفتـه مايندرى من متـــى ..
بوعبدالله رااح غرفتــه ..
ماريا وام عبدالله خايفين ويصيحون ..
بوعبدالله رااح عنــده وهززه : عبدالله .. عباادي .. عبدالله ..
مافــي فايــده
علطـوول اطلبـــــوا الاســعـــاااف .. ووصلـوا فريق الاسعااف فووق وشلو عبدالله بالسرير المتحرك ..
ونقلــوه للطــواري ..
فـي الطوارئ :-
ماريا عند ابوها ..
ماريا: يبا نخبر سارة ؟
بوعبدالله: لااا مافـيه داعــي ..
ام عبدالله كانت قااعده وتصيح آآي على ولـدي
عبدالله اخوهـم وولـدهم الغاالي ومافي اطيب واحسن واوفى منــــــه ..
طلــع الدكتــور
بوعبدالله: دكتــور بشر ..جزاك الله الف خيــرر
الدكتور كان مرتبـك وماعارف شيقول: أأأ .. المريض فـي حااله صعبـه ، صادته نوبـة .. وهـو وايـد تعبـاان ..
عقـب رااح الدكتـور
دخلت عليه ماريا
تقطـع قلبهاا على اخوهـاا ..
الاجهـزه كله تارسه جسمه ..
ماريا كانت حزينـة وتصيـح ..
عبدالله فتـح عينـه وشـاف ماريـاا ..
عبدالله رفـع يـده ..
ماريا انتبهت عليـه ..
ماريا ابتسمت بألم ..
لكـن مسرع ما اختفت البسمـة ونزلت دمعاتهاا بالاربع يومن شافت عبدالله تنزل دمعاته ..
ماريا مسحتهم وما قدرت تتكلـم ولا تقول شيء ..
عبدالله تكلـم وصوته مبحوح عـدل ..
عبدالله: ماريا
ماريا: نعـم ..
عبدالله: ابي اكلم سارة ومحمـد ..
ماريا: ابشر ياخـوي .. بـس مو زين الجوال عند الاجهـزة .. انت ارتـااح .. اهم شيء راحتك وصحتـك .. لا تعذب نفسك سارة بخير ومحمد بخير وعايشين حيااه سعيـده ..
عبدالله: ماريا ..انا .....محتاج لهـم ..
ورد غمـض عينـه ..
ماريا هدت يـده زين ان قوت قلبها وكلمته لكـنها خلاااص ما قدرت اكثر وتذكرت انها لازم ترتااح ..
عقـب طلعت من الغررفة ..
ماريا: يماا دخلـي عند عبدالله يبيـج ،، انا ابي ابوي يردني البيت انا تعبانة
ام عبدالله: كاهو ابوج قولي له ..
دخلـت امـه عليـه ..
شافته وانكسر خاطرها عليـه
عبدالله بطـل عينه وشاف أمـه ..
ام عبدالله كانت تصيـح ..
عبدالله: يماا ..
ام عبدالله: قول يا ولدي تبي شيء ؟
عبدالله: يما ابي اكلم ساارة .. أو محمـد ..
ام عبدالله: لا يماا خطـر عليك يا يما انت تحت الاجهزة .. بعدين سارة ومحمد ف ي شهـر العسل ليش نكدر عليـهم ..
عبدالله: يماا انا بتزيـد حالتي لو ما كلمت واحد منهـم .. كيفج يماا تبين ولـدج يمـوت لا تتصلين في واحد منهـم ..
ام عبدالله:لا يماا لا تقـول جـذي .. لاتقوول جذي .. انت لازم تتعود على الي يصيــرر ..
عبدالله: يما اناا مـحـ ..... وانغمضت عينه وزادت حالتـه استيااء ..
وتجمعوا الدكااتـرره وطلعوا ام عبدالله بـررع ..
__________________________________________________ ____________
(( فـي ماليزيـا )) ..
سارة كـانت مكتأبه هاليــوم ما تدري من شنـوو ..
سارة وعبدالله ومحمد متعلقين في بعضهـم وااايــد .. لدرجــة ما تنوصــف .. والدليل عبدالله المرقد في المستشفــى بسبب فرقااهم ..
محمد حااس ان في شيء في الدوحة لان يوم كلمه عمه بوعبدالله يسأل عنهم كان صوته حزيـن ..
سارة كانت قاعده في الغرفة ..
محمد: لين متـى بتمين جذي حبيبتي ؟ ما يصير ؟ قولي لي شفيج
سارة: محمد انا حاسه ان في شيء في الدووحة صااير وما يبون يقولون لنا
محمد انا بعد حاس بنفس الشعور: انتي تحسين جذي يـا ساارة .. لكن كلهم بخير توني مسكر التلفوون من ابووج .. والكل بخييير لا تحااتـيـن .. تعاالي نطلع نروح المنتزهاات نرفه عن نفسناا انا تمللت في البيت ..
سارة: اوكي ..
وراحـوا حديقة الفراشـاات وخبررن خيـــرر ما يعرفون شيء ..
واستاانسـوا وااايـد في الحديقة وصادو لهـم كم من فراشة وقالوا لهم يحنطونا ويحطونهاا في الزجااج .. محمد خذ له فراشة سودة وبيضة .. وسارة خذت لها فراشة برتقالية لهاا ولعبدالله لان لونهم المفضـل كاان ..
عقـب راحـوا مجمــع كبيـر .. يشترون شوية اغرااض ..
كانوا رايحيــن محــل فيه ميدالياات وتحــف ..
سارة انتبهت لحـرف الm &s ملصقين في بعـض باللون الذهبي الامـ‘ ـع .. سحبته علطول وشرتـه .. وشرت بنفـس اللون حرف الa حق عبدالله .. وشافت ميدالية على اسـد .. وتذكرت ان محمد وعبدالله يحبون الميدالية لان مالت السياراتــ .. وشرت الذهبي حق محمـد والاحمـر حق عبدالله .. عقـب شافت تحفـه على شكل قلـب شرت واحد لهاا ولماريا وعائشة ..يحبون هالاشيااء .. وشافت بعـد مشابك على فراشـاات شرت لها 3 ازرق وفضي ووردي .. واحمر وابيض حق ماريا واصفر واسود حق عائشة تحب اللونين ..
عقب محمـد شاف ميدالية بحرف الs &a&m كله شراهـم حق سارة وله وحق عبدالله ..وشـاف عطر يحبه عبدالله وشراه له .. وشره عطر بريحة العود لسارة وعائشة وامه ..
عقـب طلعـوا راحـوا محـل ملابس رجالية ونسائيـة ..
محمـد عااد طلع ذوقه وحلاه .. ذوقه حلـو وشرى له قمصاان شكثـر حقه هو وعبدالله ..
امــــــا سارة عاااد ..
شرت لما فساتين وقمصاان بـس لهاا .. عقب راحت محل ثاني وشـرت حق عائشة وماريا وامهاا جلابيات وقمصان وتنانيـر وشكثرر اشيااء عقــب حست انهاا نست حــد ما شرت له ملابس
تذكرت ان عبدالله ما شرت له شيء ..
علطول شرت له بدله سوت وميدالياات على بنطالين وكابـاات ..
وصاار حسابهم كله كله 1000 ريــــاال ..
في الفنــدق
محمد: وااااااي .. فلســــت ..
سارة: اسكت انا بعــد
محمد: الحسااب تعرفين كم صااار ؟
سارة: هههههههه .. كم ؟
محمد: 1000 ريااااال ..
سارة: بااااااال .. ما حسيناا بعمرناا واحناا نشتــررري ..
محمد: هههههههههه .. اي والله ..وتعاالي شريت شنطة بـس حـق الصووغه
سارة: هههههههههههههههههههه ..
==================================================
أمــا الحــاال فـي قطـــر ..
الكــل حــزيــ،ن علــى عبدالله ..
حالته ما قاعـده تتحسـن ..كل ماله وتزداد سووء ..
ليـــــن حااان وقـــت الــ ...:-
ماريا كانت عند عبدالله ..
عبدالله شـل كمامه الاكسجين من على ويهه ..
ماريا طالعتـه وكان ويههاا حزيـن ..
عبدالله دمعته تنـزل وشكله تعباان ..
ماريا: تبي شيء يا عبدالله
عبدالله تكلم بصوت مبحوح:ماريا تكفين انتي الوحيده الي ما تردين طلبي ..
ماريا: تامرني امر ياخوي .. بس قـولي شتبي ..
عبدالله: بكلم سارة .. على الاقـل محمــد ..
ماريا: عبدالله .. انشاء الله بااجر لين تتحسن احوالك ويشيلون الاجهزة شوي بخليك تكلمهم اربع وعشرين سااعة ..
عبدالله: انا محتاج لهم يا ماريا .. محتاااج .. انتو ما تحسون فينـي .. انا بموت يا ماريـا .. ما اقدر اتحمـل هالعيشـة .. وغمض عينه
ماريا زاد صياحهاا: يلا ياعبدالله لا تقووول جـذي انت بتـم وتعيش معاناا .. وبتشوف ولدي وبتشوف سارة ومحمد وعيالهم .. وتتزوج وتشوف عيالك .. انشااء الله .. وبتعيش الحياة السعيــده ..
عبدالله: انزين انتي اتصلي فيهم ابعرف اخبارهم بس ..
ماريا ما حبت ترفض زيادة: انشاء الله
واتصلت ماريـاا في ساارة ..
سارة بمرح: الوو.. هلاااا ماارياا
ماريا: هلااا ساارة
سارة انقلب ويهها: ماريا عسى ماشر ليش صووتج جذي ؟؟
عبدالله: قولي لها اني تعباان قولي لهاا .. ليش تكتموون ..
ماريا قعدت تصيح ..
سارة: ماريا شفيج تصيحين .. فيج شيء .. عبدالله فيه شيء .. شصااير قولي لي ..
محمد: يلا سااارة تعااالي جهزته ..
عقب انقلـب ويهه يوم شاف ساارة حزينة ودموعهاا بعينه
محمد تعجب ..
ماريا: سارة.. انا ماحبيت انكـد عليـج وانتي في شهرر العسل .. لكن عبدالله تعباان وايـد .. وويبـي يكلمج يا انتي او محمـد ..
سارة: شنوووووو ؟؟ انزين وينه ؟ بكلمـه
محمد قلبه ينبض بسررعة: شفيج ؟؟ عبدالله شفيـه ..
سارة عطته التلفوون وراحت الغرفة ..
محمد: من في التلفون يا ساارة ..
محمد: الوو ..
عبدالله بصوته المبحوح: محمـــد
محمد انصدم بصوت عبدالله: عبداللــه .. شفيــك ؟؟ عسى ماشرر ..
عبدالله:محمـد انا بـس حبيت اسمع صوتـك واعرف اخباركم انت وساارة .. انا اشتقت لكم واايـد انا تعباان .. ومحد يعرف حالـي ..
محمد: ما تشووف شـرر يا حبيبي ... احناا بخيــرر والحمدلله وسارة مستانسـة ودايم تسال عنـك .. بس انت ليش سويت بعمررك جذي .. لا تتعب نفسـك .. كلها اسبوعين ونـرد واناا كـل يوم بتصـل لك مرتين بعـد ولا يهمك يا بوعاابـد ..
عبدالله ابتسـم: الله يسلمك يا محمد ويبعدكم عن الشـرر .. سلم على ساارة انا ما اقدر اتكلم اكثـر لان الاجهزة مركبة علـي
محمد انكسر خاطره على ولد عمه: ارتااح .. وسارة تسلـم عليـك بعـــد .. وفيه مفاجأت انشاء الله لـك يوم نـرد ..
عبدالله: تسلم يا محمد .. انا الحين مرتااح بسمااع صوتك .. بـس وصل سلامي لساارة .. مع السلامة
محمد: تاامر امرر .. الله يسلمك .. في امان الله
عبدالله: الله يحفظك ..
محمد:ويحفظـك ..
وسدو الخـط ..
عبدالله ابتسم بسمة تذوب القلب ومد ايده يعطي التلفوون حق ماريا
ماريا ابتسمت: ها الحين مرتااح ؟؟
عبدالله: وايــد ..
ماريا ضحكت وخذت الجوال: الضحكة حلــوة عليــك مو الدمووع .. وغمزت له وطلعــت
عبدالله ريـح نفسه وناام بأمـاان ..
ع المــســااء ..
الســااعة 8 ..
دخـل الدكتـور على عبـدالله وكاان يبـي يشووف أخر الاخبــاار .. وشااف ان صحتـه صاارت أحسـن بواايــد ..
الدكتور كلم بوعبـدالله وقالـه بعـد يـوميـن بيرخصونـه من المستشفـى ..
=================================================
أمـا ساارة انصدمــت يوم سمعــت ان عبدالله كان مرقـد في المستشفى وارتاحت لمن عرفت ان تحســـــن .. ودايمــاً كانت تتصل الدوحـة وتسأل عنــه ..
بــاقي 15 يــوم حـق محمد وسارة عشاان يـردون الدووحة .. تــو النااس للحيــن ..
محمد: سااارة .. سااااارة ..
سارة كانت تسـوي آيس كريم لها ولمحمـــد وكانها خلصت: نعــــــــــــم حبيبي ..
محمد: جهـــــزززي بنطلـــــع ..
سارة: اوووووكـي .. بـــس دقااايق
خذت الايس كريم وودته بالصـااالة ..
محمد: ليش تعبتي نفسج حيااتي ؟؟
سارة: يعني انا تعبت وسويته في الاخير ما تبيــــه !!!!
محمد: لااا .. خلاااص كل شيء ولا زعلــح
سارة احمرت: مشكور ..
وخذ منهاا ايس كريم وقعـدوا كلوه عقــب قااموا يجهزوون ..
محمد: بوديــج البحـــرر ..
سارة: اوووكـي ..
سارة لبسـت برمـودا جينــز وكاان حلـو عليهاا واايـد وقميــص أصفــر عليــه قلــب بالأسـود ..
وفلــت شعرهـاا وكان هو بروحه ناعم وصاافـي ولبست نظارتهاا صفراء شفافه .. وجوتـي اسود حلــوو ..
اما محمـد كان بعد لابس برمودا اسـود وقميص أبيـض ونظاارة عااكـس ..
كانت الساعة 3 العصـر وكاان الجـو حـاار بس مب رطـب ..
فـي البحرر
محمد كاان يلعـب كورة وطااح مررة وحـده ..
ركضت عنـــــده سارة ..
سارة: شفيك تعوورت ؟
محمد: لااا سلالالامتج ..
قاام محمــد ومسك ايد ساارة وقعـدوا يتمشـون ع البحـر والموج يضرب رجولهـم ..
والبحـرر كان فااضي شووية اجاانب كانـوا في البحرر بعـد مب ع الشااطـي ..
محمد ضم سارة بيده وقعــد يغنــي ..
محمد: انت بحـري وانا اليـم يقولون الي يقولون انا بحبك متيم خلي الحساد يموتون ..انت في قلبي غالي لو عنك يسألون انــــت بحري وانا اليـــــــم يقــــــولون الـــــــــــــــــي يقوولون ..
سارة تصفق لــه ×× : عااااش ريلــي فديتتتتته ..
محمد: فديت رووووووحج انااا ..وباسهــاا علــى خدهــاا ..
واحمرررت ساارة واستوت تووووتة ..
عقب محمد طشر على سارة مااي البحرر
سارة: ويه .. محمـــد بتشووف
وتشوت المااي ويفترش على ويه محمـــد
محمد: آآي عيني حرقتيهاا
سارة: تستاااهل .. هههههههههه
محمد : استااهــل اوووكي
محمد يلحقهاا وهـي تركـض وتصـررخ ..
محمد بسهولة وصـل لهـاا ..
محمد استااهــل هــاا ..
سارة: اي تستاااهل .. هههههههه
محمـد مسكهـاا وشلـهـاا ..
سارة: محمــــد نزلنــي
سارة كانت بتزلـق من يـد محمـد لكن مسكته بالقـــــوو ..
محمد دورهـاا بايدينـه وركـض فيـهاا ليــن تعـــب ونـزلـهـاا
محمد: هاا شرايج في اللفه ؟؟
سارة: هههه . .الله يقطع ابليســـك.. انت شلون شليتنـي .. فشلتني يداام النااس ..
محمد: ياااه .. يوباا كلهـم اجاانب وعندهم اكثررمن هذااا .. يا حلــــووة ..
سارة: بس انا مهب ياااهـل تشلني ..
محمد: امبـلااا انتي بالنسبة لـي ياااهل
سارة: لا والله
محمد: 18 سنة وانااا 24 ياا حلـــووووة ..
سارة فتحت عينهاا وسكتت
محمد: شفتي مو قدهاا انتي ..
سارة راحـت عنـه ومشـت بروحهـاا ع البحــرر ولحقهاا محمــد
محمد: انتي ما تتووبين ، عاااد هالمــرة .........
سارة طالعته : يعني شنو بتسوووي ؟؟ هاا ؟؟
محمد: شنو بســــووي .. اووكي ..
سارة ركضت ع البحــــرر ومحمـــــد لحقهـااا .. ليـــن فجـــــــأة وقـف اللعــب ..
طااحت سـاارة علــى ركبتهاا اليمنــى بالقـوو وتعووورت ..
محمد ما كاان عــاارف عباله تدلــع مثل عواايدهاا
محمد: يلااا قوومي سااارة .. !!
انتبه دم على ركبهاا
محمد ركض لهاا : سااااارة ..
راح لهـاا ..
محمد: شفيـج تعورتـي ؟؟
سارة: اي .......
محمد: سلامتــج حبيبتي .. نرد البيت ؟
سارة: اي ........
محمد: انزين تقدرين تمشيـن ؟؟
سارة: لااا ......
محمد: ترى ظهري عورني من كثر ما اشلـج ..
سارة: شفت وقــت اللعب تسوي كـل شيء لكن الوقت الصعـب تتعذرر ..
محمد: افاااااااا .. ما يعورنـي شيءء ..
وشلهـاا ووداهـاا السيااارة ..
وصلـوا الفنـدق ..
سارة خذت لهاا شاور وتنظفـت ومحمد بعــد ..
سارة لبسـت بيجامـة خضـرة حلــووة .. وفلـت شعرهـاا وقعـدت فـي الصاااالة ..
سحبت لهاا شنـطـة ترتيب وتنظيف الاظاافر وقعـدت تعـدل في اظافرهـاا ..
محمـد يه وكاان لابـس بيجامه سـودة ولاف شعره على جنـب وكاان شكله كانه رجع 18 سنـة ..
محمد: عيــــل ..
سارة: نعـم ..
محمد: استانستـي اليووووم ؟؟
سارة ضحكت: اي ...
محمد: زيـ،ن .. بااجر بوديج ممم .. وين تبين تروحين
سارة: والله انـاا ما أدل مالزياا وما اعرف اماكنهاا
محمد: انزين بوديـج جبــل فوقه حديقـة الفواكـة ..
سارة: ياا سلاااام ..
عقـب نـص سـاعـه محمـد كاان قـاعـد في الصالة وسارة في الغررفة ..
محمد حط الريموت وخله التلفزيون مفتووح ..
دخـل الغرفة مـا لقـى ساارة ..
محمد: ساارة ..ساروونة ..
سارة: نعم
محمد: وينج حبيبتي ؟
سارة: اناا هنـي ..
محمد دخـل الغرفة الثانية .. وشافهاا تطـلع اشياااء ..
محمد توه بيدخل ..
سارة: محممممد .. لااا تدخــللل ..
محمد: شفيج شعندج ؟؟
سارة: لحظة لحظة .. انتظرني في الصاالة ..
محمد: اوكي ..
محمد قعد ..
سارة طلعت وكانت خاشة شيء وراهـاا
سارة: محمد
محمد: هلااا
سارة: غمض عيووونـك ..
محمد غمـض عينـه .
سارة حطـت فـي حظنـه شـيء وشردت وراحـت المطبـخ ..
محمد فتح عينه مالقاهاا بس لقى علبـة كبيـرة حمـراء عليها شرايـط ..
محمد فتحهـاا وشـاف علبتين ..
وفتـح العلبة الاولـه ولقى حرفه وحرف سارة باللون الالماسـي وفصووص ماسيـة ضحـك وعجبته الحروف .. وشاف العلبـة الثـانيـة فتحهاا وشـاف قلـب أحمــرر وعليـه حرفـه الـm ..وفي الوسـط أحبــــك .. عقـب حط العلــب في العلبة الكبيرة ولفتت نظرة رسالة فيها شرايـط .. خذهـااا وفتحهـاا وكان مكتوب فيهاا بخــط ساارة الحلـو ..
زوجـي الغـالي :- مـ ..ـحـ...ـمـ..د ..
حبيـت انـي اقولـك كلمتـيـن ..
أنـــــــــــــ(l)ــا أحبـــ(l)ــــك ..
مـن زوجتـك : ســ.......ـــاارة ..
وبــس هاي الي كان مكتووب فيـه ..
عقـــب ابتســـــم لهالهدايـاا الحلــووة ..
رااح لهـاا المطبـــــخ ..
ساارة كانت مو منتبهه لـه وكانت تغنـي وتدوور في الثلاجـة ..
فجأة رفعـت نفسها دعمت يد محمـد ..
سارة انحرجت: وويـه سووري ..
محمد ابتســـــم : نوبربلم .. ع العمووم ..
سارة: ؟؟
محمد: عجبتنـي الهـدايااا ..
سارة ابتسمت: شكراً
محمد: واااايــد ..
سارة ابتسمت ونزلت رأسهاا خجـلاً ..
محمد رفـــ_-_-_-ــع راسهـاا وباسـهاا علـى خديـــــنهـاا ..
سارة احمرررررررت وما تكلمـت
عقـب راحـوا في الصااالة ..
ساارة كانت قاعـده عند محمــد ويطالعـوون برنـاامج ..
=================================
أمااا فـي قطررر ..
عبـدالله كـاان في المستشفــى ..
حااط رأسـه ع السرير ..
بـروحه كاان ..
عبدالله فجأة رن جوالـه ..
وكانوا شايلين عنه الاجهززة ..
عبدالله بصوت مبحوح: الو ..
سارة: هلااا و الله باخووي عبدالله ..
عبدالله فرح وانشرح صدره: سااارة .. هلا و الله حبيبتي
سارة: شخبااارك عبدالله ؟
عبدالله: بخير الحمدلله انتي شخباارج مع محمــد ؟؟
سارة: الحمدلله ..والله تماام
عبدالله: مرتااحة معااه وهو مرتاح معاج ؟
سارة: يه يه .. احسن راااحـه ..
عبدالله: يلااا عااد ننطـر الاخباار السعيده ساروو ..
سارة طاح قلبها: لا تو النااس عباادي .. حرام عليك
عبدالله: كيفج اول واااحد ولد وتسمينه على اسمي
سارة: انشااااااااااء الله .. بس مب الحين تووني في شهر العسسل
عبدالله: تعسلـــــي وتدلعــــي عقب ..
سارة: اي هاي الصح ..هههههههههه
عبدالله: ههههههههه ..
وتمــوا يسولفون لين عبدالله بروحه مـــل