((12 ))
بعد ما انتهى لوئ من صلاته..الفجر وهم راجعين على البيت.....
لوئ : ابوي..
ابو لوئ : نعم ..
لوئ حب راس ابوه : وش رايك تكون جد..؟؟؟؟
ابولوئ : ههههههههههههه منجدك..
لوئ : ايوا والله منجدي..
ابو لوئ : هذي الساعة المباركة والله من زمان وانا ابي ازوجك..بس اقول خليه لمن انت تقوول..
لوئ : وهذا انا قلت ..
ابو لوئ : والله امك راحت تفرحلك كثير..
لوئ : ايوا مو انا فتحت عليها الموضوع دا امس بعد العشا واتفقنا انو اقلك انا بعد الصلاة الفجر..
ابو لوئ : وقرتو مين البنت ..؟؟
لوئ : ايوا انا اصلا كنت من اول ابيها...
ابو لوئ : مين هيا..؟؟
لوئ : رنيم صحبة لميس..
ابو لوئ : والله بنت حلال ونسب يرفع فيه الراس والله..انا اعرف ابوها رجل اعمال معروف وماينقال عنه وعن ولده سامي إلا كل خير..خلاص ومتى تبينا نروح نخطبها ليك..
لوئ : السبت الجاي بإذن الله..
ابو لوئ : خلاصيصير خير ان شاء الله بس خلينا نفتح الموضوع بين اخوانك ونشوف رايهم..
لوئ : وانا كمان حاخذ راي اخواني في زواجي ..؟؟
ابو لوئ : لا بس اسمه نفتح الموضوع عليهم واخواتك يدروا بذات لميس مو هيا صحبتها..
لوئ : طيب متى تحب تتفتح الموضوع عليهم ..؟؟
ابو لوئ : اليوم على الغداء ان شاء الله..
وعدت الساعات....
وصحيت رنيم على صوت جوالها وهو يدق..
رنيم : مم الوووو..
ملاك :الووووو
رنيم : نعم ايش في..
ملاك : قووووووووووومي..
رنيم : ايش في..
ملاك : انا خلصت مذاكرة وانتي..؟؟
رنيم : منجدد..لا والله والنعم فيك اصلا انتي ادبي ايش المذاكرة ديا اللي قطعت قلبك يختي..!!
ملاك : ههههههههههههه قولنالك من اوول ادخلي ادبي معايا والله انو فله ومافي دراسة ولا هم .. تقولي لا لا مستقبلي وماعرف ايش..
رنيم : ياحظك والله انو انا باقيليل فصلين من الرياضيات ما ذاركتهم يلا كويس دقيتيت وصحيتيني خليني اقوم اذاكر...
ملاك : ييييوووه سهللل اللي باقيلك؟؟؟؟؟؟
طب بس يلا قومي دحين الساعة 10 لو بدأتي من دحين راح تخلصي يعني على أذان الظهر تريحي شوي وتبدأي بعدين في اللي بعدو..
رنيم : هي هي هي حبكي ..مرة تعبت يا ملاااااااااااااك ..مامداني انام إلا تقوليلي قومي .. اف اف اف نمت على مذاكرة و وصحيت على مذاكرة اكل على مذاكرة حتى الصلاة استغفر الله بالقوة الاقي لها وقت.. ااااااااااااااااه طفش شي يزهق ملل تعب مايسحو فينا هذول الرئاسة..
ملاك : هههه والله انتي اللي جبتيه لنفسك هما من اول معطينك اجازة..وانت مابداتي غير في اخر اسبوع ..وقالوا اللي مثل رنييم لايدخلوا علمي لانهم اغبياء هههههههههههههههههههه
رنيم : بلاهي والله مرة مو ناقصتك عاد انا يلا دحين بقوم ..
ملاك : طيب دقي علي اول ماتخلصي
رنيم : ان شاء الله..تصدقي يبغالي اكلم لميس ما كلمتها من اول..
ملاك : اقوول لاضيعي وقتك..
رنيم : لا والله لمن اكلمك ماكون ضيعت وقت ولمن الكلم لميس اسير ضيعة وقت..!!
ملاك : ههههههههههههههههههههههههه لا خلاص حتى انا لادقي عليا يدووووبه قومي غسلي وجهك وبدأي ذاكري زي ماقلتلك لين الظهر ان شاء الله بتكوني خلصتي خذي استراحة ودقي وقتها على لميس وتكون هيا قد صحيتو وتغدت كمان .. وفضيتلك يعني
رنيم : ايوا والله فكرة اسير كلمتها وماضيعت وقت وكدا ولا كدا انا باخذذ وقت استريح فيلو..
ملاك : شفتي كيف انا اسم على مسمى..ملاك في كل شي حتى في افكاري..
رنيم : ههههههه هوا دا بس اللي ناقصك الغرور اقول ريحيني يلا مع السلامة
ملاك : ههههههههههههههههههههه مع السلامة..
ولاهي دقايق ..
إلا ويجيها مسج ..
رنيم : خير مين بيكون يعني بسم الله من صباح ربنا ..
() صباح الخير حبيبي.... اولا اسف على الإزعاج بس يلا لازم تقومي عشان تدرسي إذا صحيتي دقي علي .. مع السلامة ()
يالله عليك يالوئ والله احبك .. خليني ادق ايش ورايا بالعكس يمكن تنفتح نفسي للمذاكرة لمن اسمع صوتك
لوئ : اهلا اهلا..
رنيم : هههه اهلا فيك..
لوئ : صباح الخير..
رنيم : صباح النور..
لوئ : لايكون ازعجتك انا..
رنيم : لا لا لا..هذي ملاك اللي ازعجتني دقت علي دوبها وصحتني عشان ادرس هيا ماشاءالله عليها ادبي فما وراها شي لا وتقولي خلصت مذاكرة مالت ايش تدرس اصلا..
لوئ :هههههههههههههه يالله انتي شدي حيلك وخلصيه مابقي لك كثيرمو..؟؟
رنيم : علموا..ههههههههههههههه
لوئ : هههههههههههههههههههههههههههههههههههههههه يلا حبيبي لاعطلك قومي غسلي وجهك وصحصحي كدا .. وابداي ذاكري واول ماتخلصي الرياضيات دقي عليا..
رنيم : من عيوني..
لوئ : تسلم عيونك يلا مع السلامة..
رنيم : مع السلامة..
قفلت رنيم من لوئ وقامت غسلت وجهها وصحصحت ومرت على اهل البيت تتفقد الرعية مين صاحي ومين لسا نايم ..ولقت ان الكل نايم إلا هيا حتى الشغالة ماصحيت..
رنيم : والله حاله .. هذي الاختبارت ...؟؟!!! حسبي الله عليهم قلنالهم يغيروا الجدول لكن مافي فايدة عاجبهم كدا .. مانام عدل ولا نلاقي وقت حتى ننتنفس فيه ..والله اول مرة احس بقيمة الدقيقية..
اااه بس يلا هيا ايام وتعدي ياما غيري عداها ..
خليني بس افتح هذا الكتاب وخلصه يارب باركلي في وقتي يارب..
عدت الساعات وأذن الظهر ورنيم خلصت الرياضيات..
هو الامام قال الله اكبر منها ولا ينسمع في البيت غير صرخة الفرحة من رنيم من هنا لانها خلصت..
وصحت كل اهلها من النوم وجو ركض على غرفتها يحسبو انو صار لها شي لاسمح الله
ابو رنيم : خير ايش فيه رنيم صارلك شي..؟؟؟؟؟؟؟؟؟!!!!!!!!!!!
ام رنيم : وي اشبك تضحكي..
رنيم:ههههههههههههههههههههههههههههههههههههههههههههه ههههههههههههههههههههههههه خلللللصت خللللللللللللللللللللللللللللصت ..الرياضايااااااااااااااااااااااااااااااااااااااات ...وووووووووووووووووووووووووووووهوووووو
ابو رنيم : لاحول ولا قوة إلا بالله والله فجعتيني وطاح قلبي على بالي صارلك شي اتريه دا كلو عشان خلصتي رياضيات ..
سامي : هههههههههههههههههههه .. الله يرجك ..
ام رنيم : لاحول ولا قوة إلا بالله..والله مرة فجعتيني .. يلا بس كويس انك خلصتي الرياضيات ودحين ايش حتبدأي ...
رنيم : مادري لاتسأليني باخذ استراحة انا دحين بس ويعدين افكر بايش ابدا..
ام رنيم : طييب ..
رنيم : ايش الغدا..
ام رنيم : قومي عملنا لك اليوم ملفوف..
رنيم : واللــــــه....!!! ليا كم مرة وانا اقلكم اعملو وماتعملوا..
ام رنيم: لا انتي دحين توجيهي..
رنيم : يالله .. لو كل اللي ابغاه يجيني عشاني توجيهي إذاً بكون طول عمري توجيهي..
ام رنيم : ههههههههههههه لا وببكرة بنعملك جريش بس عشانك..
رنيم : الله الله الله لدي الدرجة مهمة انا اف اف
ام رنيم : ههههههههههههههه والله انتي مو ناقصة انك تنفخي في روحك بس يلا قومي قوليلها تحط الغدا....
قامت رنيم وانحط الغدا على الطاولة وقعدوا كلهم..
ابو رنيم : ها رنيم كيف الدراسة معاك..؟؟
رنيم : الحمدلله تمامماشي حالها
ابو رنيم : مو باين من الفجعة اللي فجعتينا هيا..اقوول اجدي ولاتعديها ترى طاح قلبي و يلا شدي حيلك واي شي تبغيه ماعليك على طووول دقي عليا وانا اسويلك اللي تبيه..
رنيم : ههههههههههه الله الله اشبكم اليوم ..امس سامي جايب لي دبدوب كبير وامي تطبخ كل اللي يعجبني وانت تقولي ايش ابغا بس ادق .. يالله والله التوجيهي له فايدة .. ههههههههههههههه
خلصوا الغدا وقامت رنيم على التلفون...
لوئ : الو..
رنيم : الو..لميس موجودة..
لوئ : مين اقلها
رنيم : رنيم..
لوئ : اهلا اهلا .. اقلك انت ليش ماتذكري ايش اللي مخليك تدقي قومي يلا ذاكري..
رنيم : هههههههههههه وانت ايش دخلك اصلا خلصت الرياضيات اعطيني لميس بسررعة
لوئ : هههههههههههه منجد طب الله يوفقك اقلك...
رنيم : لووووئ احسلك ها والله اقفل بوجهك اعطيني لميس..
لوئ : طيب طيب لاتعصبي دقايق...لمييييييس..تعالي تلفون
لميس : ميين
لوئ : رنيم..
لميس: اههااا الوووووو
رنيم : ايوا يابنت ولادقي ولاتسألي..
لميس: هههههههههههههههههه والله لا بس انتي يفوتك انا ماعندي وقت مدرس ورا مدرس حووووسة
رنيم : ههههههههههههه الله يعينك ها ايش خلصتي..
لميس: مافي شي محدد .. يعني الرياضيات امس جاني المدرس وخلصنا 3 فصول وبعده بساعة تقريبا جاني مدرس الفيزياء وخلصنا فصلين وبعده بساعتين كدا جاني مدرس الأحياء وخلصنا الأحياء لانو جاني من قبل وخلصنا جزء كبير
رنيم : ممممم حماس والله انا بس خلصت الرياضيات دوبي كمان..
لميس:اف يحظك والله انا عندي اهم شي الرياضيات بذات انه اول يوم..
رنيم : ايوا بس مو عارفة بايش أبــدأ دحين..؟؟
لميس: امسكي الفيزياء لانه مع الأدب في نفس اليوم..
رنيم :تصدقي لا ببدأ في الانقلش..
لميس : ممم ممكن صح والله انا مرة نسيتو دا الانقلش هههههههههههه
رنيم :هههههههههههه والله انك يلا لحقي دوري لك مدرس
لميس: لا لا هذي عاد يدرسني هيا اخوي تركي .. دكتور على الفاضي يعني..
رنيم : هههههههههههههههههههههههه
لميس : كيف حال ملاك..؟؟
رنيم : كويسة الحمدلله..
لميس: ايس عاملة في هرجة الدراسة..؟؟؟
رنيم : ماشي حالها ماشاءالله والله تدرس وفلتها أدبي يختي ايش وراها كله نحو وخرابيط مالها داعي بس يلعبوا احنا اللي نفحط نقعد وتنقع عيوننا بالدراسة..
لميس: هههههههههههههههههههه عنجدد شوفيهم طول الترم غايبين..ولا برات الفصل يدوروا في الأسياب ماعندهم شي..والله ساعات اقول ليتني دخلت أدبي..
رنيم : لا يختي العلمي مجاله أوسع بكثير من الأدبي كلها كم أسبوع اللي نتعب فيهم بس في الاخير راح يكون لنا مستقبل يعني مهم..مو مدرسة ولا اقعد في البيت..
لميس: عنجددد
رنيم : وكيف كانت ملكة بنت عمك امس..؟؟؟
لميس: الحمدلله تمام مرة انبسطنا والله
رنيم : ايش لبستي..؟؟
لميس : ماعرف اوصفلك اياه ماينفع لانو موديله مرة غريب بس مرررة كشخة عارفة اول مرة انو البس شي كدا مرة رسمي لانو بنت خالتي عارفة مرة كان فلله..
رنيم : هههههههههههههههههههه والميك اب...؟؟؟
لميس : يعني كان هكا يني كيف اقلك على الوان الفستان تقريبا درجات الزيتي....وبس كان شكلي متغيييييييييير مرة اول مرة كمان احط ميك اب ..بس تصورت بعدين اوريك الصور..
رنيم : فلللللللله ورقصتي طيب ولا لأ..؟؟
لميس : طبعا انا مارقص....!!!!!!! ههههي ماصير لميس انا بس اسمع موسيقى ماعرف اثبت في مكاني ههههههههههه
رنيم : عنجدد مصري ولا خليجي..؟؟
لميس: كلوو ريمكس هههههههههههه امس اشتغلت لهم رقاصة انا.. اقلك مانزلت من الكوشة بس ارقص..والله وكمان الاغاني كانت تحمس اللي يجي على بالك..والله مرة فله..ولمن رقصت مصري تخيلي انا بس اللي كنت فوق المسرح كلهم نزلوا ..
رنيم : اف اف اف .. والله انك هزيتي القاعة
لميس: ههههههههه طبعا ايش عليم اعجبك انا..
رنيم : هههههههههههه يلا بس انخطبتي ولا تعبك كلو راح من دون عرسان..
لميس: ههههههههههههههههههههههههههههه والله لسا ما بان..امس كانت الملكة .. اليوم يبان .. على الايام الجاية..
رنيم : ههههههههههههههههههههه الله يرجك .. وحتوافقي لو جاك..
لميس: طبعا ان كان مافيه شي يعيبه ليش لأ..؟؟
رنيم : حماااااااااااس يلا اقلك مبروك من دحين..
لميس: ههههههههههههه هوا انتي شايفة في احد..
رنيم : لا انا اتحداك لو مانخطبتي ..!!
لميس: اف اف اف يلا طيب تحدي ..
رنيم : تحدي بس ها على اييش..؟؟
لميس : ايش تبي..؟؟
رنيم : مممممممممم تجيبلي ساعة اللي اول كنت ابغاها اللي من ديور..
لميس: اية..؟؟؟اللي اول لمن كنت معاك في السوق وعجبتنك .. ان شاء الله..لاتقوليلي انو هاي..؟؟؟؟
رنيم :ايييوا الفسفوريا اللي 2500 .. عرفتيها ولا واديك لين المحل واوريكي هيا..
لميس: اييية يووه ما افتكر انا اصلا قد مرة نزلت معاك على السوق..؟؟؟؟!!!!!!!!!!!
رنيم : هههييييييي لا تستخفي يلا لازم تكوني قد التحدي مالي دخل..
لميس: ههههههههههههههههه ولا يهمك والله بس لوانو ما نخطبت ايش تعطيني....؟؟؟
رنيم : اجيبلك واحد يخطبك ..ههههههههههههههههههههههه وساعتها غصبا عنك تجيب لي الساعة ههههههههههههههههههه
لميس : ههههههههههههههههههههههه والله يعني كدا ولا كدا راح اجيبلك الساعة ..
رنيم : ههههههههههههههههههههههه شفتي كيف..
لميس: هههههههههههههههههه
رنيم : اوكليشن خلاص يلا عشان يمديني اذاكر..
لميس : طيب يلا وانا اكمان ابغا افك النت خليني ادخل على المنتدى من زماااااااااان ما ادخل..
رنيم : اوكليشن يلا تبي مني شي..
لميس :لا شكراا..
رنيم : مع السلامة..
قفلت رنيم وراحت عشان تمسك الانقلش...وعلى هذا الحال يوم ورا يوم لين ماجاء يوم الجمعه اخر يوم في الإجازة...
دق عيها لوئ الساعة 8 اليل مابقي شي على يوم السبت غير كم ساعة..
لوئ :الوو حبيبي..اشبك متوترة كدا ..
رنيم : اااااااه يالوئ بكرة الاختبار انا مرة خايفة ..
لوئ : حبيبتي دحين مو انت ذاكرتي..كويس..
رنيم : ايوا..
لوئ :وراجعتي ..
رنيم : ايوا ..
لوئ : طيب خلااص..
رنيم : لا بس برضوا انت فاهم بكرة اختباااار..
لوئ :ان شاء الله ربي يوفقك..طب انتي قومي صلي ركعتين وادعي و وكلي امرك لربنا .. وربي معاك..دامك ذاكرتي وتوكلتي عليه خللاص هوا معاك ان شاء الله..
رنيم : لا بس برضوا والله مرة خااايفة وبردانة..
لوئ:طيب لاتبكي لا تبكي ممكن..
رنيم : ماقدر ..
لوئ : ايش اللي ماقدر.. لازم ماتبكي..
رنيم : طيب خلاص ماحبكي بس والله خايفة احس ماكاني مذاكرة شي..
لوئ : لازم تحسي كدا من الخوف والقلق بس صدقيني بإذن الله بكرة راح تحلي مزبوط ..
رنيم : يارب..
لوئ : طب انا اقفل وانتي قومي صلي لك ركعتين وادعي وبعدين دقي
علي .. طيييب
رنيم : طييب
لوئ : ياربي ايش قلنا دحين مو قلت لاتبكي..
رنيم : ماقدر والله مو قادرة اني مابكي..
لوئ : ااه طيب انتي قومي صلي ركعتين وراح ترتاحي ان شاء الله..
رنيم : طيب..يلا مع السلامة..
لوئ : مع السلامة..
قفلت رنيم وراحت تسوي مثل ماقلها لوئ توضت وصلت ركعتين ..
ولوئ فضل باله مشغول على رنيم ياربي كيف بساعدها ..؟؟؟!!
ما احب اشوفها كدا تبكي ولا زعلانة والله دموعها دي ما ابغاها تزل ابد دامني معاها بس كيف..؟؟
؟اااه .. الله يوفقك يا رنيم ويقدرني على اني اسعدك دايما..الله ويفقك
يلا بس خليني اروح اشوف لميس ايش عاملة هي كمان توجيهي ..
راح لوئ لعند لميس ويدق الباب..بس محد يرد .. قام دخل..
لوئ : وووهووو فينك لموسة..
لميس: نعم .. انا هنا..
لوئ : طب مانتي سامعه اني دقيت الباب..
لميس : إلاّ بس مافيا ارد وانت اهو دخلت
لوئ : ههههههه والله انك المهم قوليلي كيف معاك المذاكرة..
لميس : والله ماشي الحال..
لوئ : ايش قاعدة تسوي على الكمبيوتر قومي ذاكري..
لميس : يا شيخ مارح يصير غير اللي كتبه الله لنا...ان ذاكرت ولا ماذاركت اللي مكتوب هوا اللي حيصير..
لوئ :والله..!!! ايش دي القاعدة...
لميس :والله اوف انا ذاكرت ودرست وراجعت والباقي على الله والله يسهلها بكرة..
اقعد انكد على نفسي من دحين ياخي فلها وربك يحلها..
لوئ : لاحول ولا قوة إلا بالله..والله اللي يشوفك يقول يعني حتى رابع إبتدائي مايعطيك بتصرفاتك دي..ايش انتي ناوية تقعدي بالبيت..
لميس:ههههههههههههههههههههه لا لا حسب المجموع ايش يدخلني..
لوئ : دامك كدا ماهمك شي ليش دخلت علمي كان دخلتي ادبي وفليتيها وجبتي مجموع العالي امن العب مو بالعلمي ياماما..
لميس: ياخي والله مادري مشي الحال..ماعليك بس تعال شوف دا الموضوع مرة خطير..والله مرة حلو وحماسي..
لوئ : لا لا انا ما صدق اللي ينكتب بالنت كل شي كذب × كذب..
لميس: ممممم ممكن بس تسليه..
لوئ : يالله طيب الله يوفقك بكرة..انت وبروودك هدا
لميس: امييين..بالله كثر منها دي الدعوات..
لوئ : طب قومي انتي ادعي لنفسك..
لميس : هههههههه ان شاااء الله؟..
وخرج لوئ ... يالله بس شوفوا الفرق بين رنيم ..و لميس لميس ديا ماهمها شي وقاعدة على النت ولا كانوا في بكرة اختبار..
ورنيم تبكي كانها رسبت وهي لسا ما ختبرت..كيف دول صحبات مادري طب رنيم تعطي شوي للميس انها تهتم بالدراسة
ولميس تعطي شوي للرنيم بانها تطنش شوي وما تشي هم لدي الدرجة...وبكدا يصير توازن ويصيروا طبيعين...
يالله والله هالدنيا غريبة..المهم خليني ادق عليها اشوف ايش سوت..
يالله اشبها ماترد..ان شاء الله خير .. يارب تكون نامت..بس..
خلاص عاد اول يوم..
------------------------------------------------------------------------------------