11)
رنيم : سامي انت تستهيبل..
سامي : خير ايش فيك..
رنيم : لا كنك ماسويت شي..كيف تقوله يجي يقعد .. ماشاء الله دحين بطلع قدامه غبية وانا اسالك عشان تفهمني..
سامي : هههههههههههههههه ايوا والله نسيت انا دي الهرجة ..
خلاص خلاص اقلك انت اقعدي بطاولة مع ملاك وحنا بطالوة احنا خلينا نسولف وانت اقعدي ذاكري .. واللي ماتفهمي ناديني اجيك وافهمك او خليه لمن نرجع على البيت افهمك اياه..
رنيم : ماشاءالله لاماقصرت ونعم الحل... يعني ماكاننا عملنا شي..
سامي:هههههههههههههههههههه يختي خلاص عديها لي هالمرة بس اوعدك بعوضها لك..
رنيم : ممممممممم طيييييب..
سامي : ملاك ايش بك ساكتة لتكوني زعلتي مني عشان بالسيارة ترى والله امزح معك
ملاك : اييش لا لا ولاشي و السيارة ياخي والله اعرف انك تمزح حتى انا امزح معك
مازن : معليش طولت ..
سامي : لاعايدي..يلا خلونا ندخل..تفضل
مازن : لا وي رنيم وملاك الاول..
رنيم : ههه طيب شوكران << وجع دمه ثقيل..
ملاك : شكرا
سامي : خلونا نقعد هناك اهي ديك الطوالة اللي عند الشباك تمام...وانتي وملاك باللي قدامنا
رنيم : خلاص طيب
مازن وهو يناظر ملاك : ليش خلكم معانا تنورو جلستنا
رنيم : لا لا عشان نقدر نركز وبعدين انت وسامي من زمان ماشفتو بعض خذوا راحتكم
ملاك: ايوا والله ..
مازن : خلاص على راحتكم
طنشته رنيم .. وراحت قعدت بالطاولة اللي قبالهم ..وهي تذاكر عايدي كافيه خيرها شرها ومنهمكة في المذاركة وتطالع بي ملاك وتلاقيها مسرحة
رنيم : ملاك ملاااك ملااك .. هي يابنت
ملاك : ها ها ها نعم خير ايش في
رنيم : وي اشبك مسرحه ترى انتي مو طبيعية اليوم فيك شي
ملاك : لا لا مافي شي
رنيم : ههههههههههه على ميين انا رنيم افهمها على الطاير ادري انه عاجبك مازن مو
ملاك طالعة في رنيم وبناظرة خجل : ههههههههه
رنيم : قولي عايدي..
ملاك : ايوا خلاااص ارتحتي كدا عجبني مادري ليش..كدا ارتحت له..
رنيم : ههههههه وباين انو هوا كمان ترى...
ملاك : لا ماظن
رنيم : إلا اصلا طالعي من اول وهو يطالع فيك انا شايفته ..
وتطالع ملاك ماتلاقي احد بالطاولة غير مازن وهو يناظرها ويضحك ..
وقتها انقلب وجه ملاك .. لمية لون ..
وهي تفكركيف شكلها وليش يضحك ..
ملاك : وووي رنيم اشبو يضحك كدا ..
رنيم : ههه معجب الاخ
ملاك : وي انا حقووم ماحقدر
رنيم : هههههههههه ياعيني لااااااااااااا ما اقدر انا
قامت ملاك ..
مازن : ملااك
ملاك وهي مرتبكة : نننععم
مازن : وين رايحة..
ملاك : الحمام..بغسل وجهي شوي تعبت من المذاكرة..
مازن : اها طيب الحمام مو من هنا الناحية التانية..
انحرجت ملاك وانقلب وجهها : اها طيب شكرا ..
ورنيم من وراها بتضحك
مازن : ههههه العفو....
ملاك وهي ماشية باسرع ماتقدر بعد الاحراج اللي صار لها ومغطيه وجهها بيدها إلا تلاقي سامي قدامها..
ملاك : سامي شوف هذا صاحبك البارد ..
سامي: خير خير وي يا بنت ايش فيك..
ملاك : ااااااااممممممم قهرني
سامي : ههههههههههههههههههه ايش فييك..
ملاك : وخر من قدامي .. تراني ماني طايقه صاحبك دا وروح دبر حالك وصرفه ولا بالنهاية بجي وفي وجهه بقولها اطللع انا مو طايقتك..
سامي: ههههههههههههههههههههههههههههههههههه جربي ..
ملاك: اااااااممممم وخر من قدامي..مو ناقصة انت كمان تقهر فيني
سامي : انت اللي وخري مو انا
ملاك : افففففففففففف..
راح سامي لعند مازن .. وهو يضحك..
سامي : ياخي ايش سويت لملاك انت..
مازن : والله ما سويتلها شي..
سامي : ياخي البنت مرتفع ضغطها..وجياني وشوي تبكي...
مازن : ههههههههههههههههههههههههه هم كدا البنات لا انحرجوا
سامي: امّا ايش صار ..؟؟
مازن : ههههههه بس جات قايمة سالتها على وين ..قالت بتروح الحمام..وهي رايحة بطرق والحمام بالطريق الثاني..قمت ناديتها وقلت لها ترى الحمممام مو من هنا من هناااك..
سامي : ههههههههههههههههههههههههههههههههه وانت ماعرفت تنبه غير ملاك .. دي دينها ودين الاحرجاااااااااات الله بتقلب الدنيا علي الحين وراح تحقد عليك حقد..
مازن : أفأااااااااااااااااا .. ماهقيتها لها الدرجة .... روح ياخي وقلها ترانا متاسفين..
سامي :هههههههههههه ياشيييخ خليها شوف الحين لمن تجي كيف راح يكون شكلها وهي معصبة .. مرررررررررة شييييييييييي..
مازن : ههههههههههههههههه الله يرج ابلسيك..
سامي : هيا هي شوف بس كيف تمشي ياولد وبسرررررررررعة ..
مازن : ههههههههههههههههههههههههه سامي بسك خلاص والله ماتستهال..
سامي : هههههههههههههههههه ..المهم خلنا بسالفتنا..
مازن : اييه..
سامي:ناوي تتزوج ولا ايش..؟؟
مازن : اييه والله .. بس مو لاقي بنت الحلال.. .
سامي: الله يوقفك..انت فتحت هذا الموضوع عى الوالدة ولا لأ..؟
مازن : ايه والله بس كل شوي تقولي عن بنات الناس ومارتحت لاحد يعني كدا قلبي ما يبيهم ماعرف...
سامي : ياخي توكل على الله..
رفع مازن نظره لملاك .. وسكت ..
سامي: يابو الشباب وين رحت..
مازن : لا ولاشي بس اعتقد اني لقيت بنت الحلال اللي ابيها وراح تسعدني..
سامي : مين ملاك
مازن : اييه والله هالبنت ارتحت لها ..
سامي : اف اف اف...
مازن : ههههههههه انت لاتفتحلها موضوع ولا شي انا برجع اليوم وبكلم اهلي ونشوف انسب وقت وبنخطبها
------------------------
ملاك : رنيييم ..والله فشيله اللي صارلي...
رنيم : ههههههههههههههههههههههههههههه
ملاك : طبعا ايش عندك والله لو هذا الموقف صارلك مع لوئ ماشوفك غير تبكي
رنيم : ههههههههههههههههههههههههههههههههههههههه والله شكلك كان يضحك
ملاك: اقوول لاتزوديني ترى اللي فيني يكفيني
رنيم : ساميييي..
سامي : خير..
رنيم: تعال ابيك شوي..
سامي: نعم
رنيم : فهمني هذي النقطة..
سامي : فين دي؟؟...
سامي وهو يشرح لرنيم .. وهي بين فترة وفترة ترفع عينها وتلاقي مازن يطالع في ملاك وهو مبتسم ..
رنيم : سامي .!!!!
سامي: بسم الله فجعتيني ..
رنيم :ههههههههههههههههههههههههههههههههه ...
سامي : خير ايش تبي..
رنيم : قووول لصاحبببك هذا .. يشيل عينه من ملاك عيب طيب خله يستحي على وجهه شوي..
سامي: يووووووووه علينا..يختي الولد معجب خلاص ريحينا...
رنيم : والله منجد ماتريق..
سامي : ممكن تركزين معايا هنا..وخليهم مع بعض مع نفسهم
رنيم : اف طيب قوم جيب لي كابتشيونو والله راسي صدع..
سامي : ياربي على الدلع وبعدين يعني..
رنيم : سامي لو سمحت .. يعني تبغاني اقوم انا بين الرجال واطلب شوف كيف زحمة..
سامي : لاخلاص خليك انا بقوم....
رنيم : طيب شكرااا
ولاهي لحظات إلا وتلاقي مازن جاء لعندهم..
رنيم : هلا .. اخوي تبي شي..
مازن : ايه والله حبيت اسالك .. وش اللي تدرسينه الحين..
رنيم << وجع ملقووف وغللس الله يعين مرتك عليك.. : والله رياضيات ..
مازن : ههههههههههه هذي اتعس حصة كانت بالنسبة لي..
رنيم : ههههه لا انا احبهاااا .. واحس ان اللي مايحبها ثقيليييييين دم..
مازن : اف ياعيني انا ثقيل دم .. ..
رنيم << كويس انك عرفتها.: ههههههههه .
.
رنيم << هو احد سالك اصلا : والله الله يوفقك..
مازن : وانت وش حابة تدخلين ان شاء الله ياملاك..؟؟؟؟
ملاك : ماعرف لساتني ماقررت..
مازن : وي طب انت لازم تقرريين الحين بها الفترة .. عشان خلاص ماباقي لك شي على الجامعة..
ملاك : ايوا بس انت تعرف يعني النسبة هي اللي تحدد ماهو احنا..
مازن : لا انت لاتقولين كذا.....ابدا .. انت شدي حيلك وادخلي مثلا (طب) مثلي ويلا اسير اشوفك وحركتات ..
رنيم : يييع انت طب والله انا ما احب الدكاترة ولا اطيقهم مرررررررررررررة...الله يعينك انت بس على نفسك
مازن : اف اف اف ليش دا كلو ايش سوا لك الدكاترة ملاك ادخلي طب...!!!
ملاك : ههه لااا شكر ا انا مااحب الطب وجع راس واقعد ادرس طول عمري لا انا بدرس برة بروح على بعثة ان شاء الله وبدخل علم نفس خصوصا اني انا ادبي ترى مو علمي فماينفع ادخل طب..
مازن : ممممم يلا انا اقدم كمان معاك بعثة بس هالتخصص ايش تستفيدي منه
ملاك : انا ما ابغا ادرس عشان اشتغل باخذ دراستي كهواية يعني ان شاء الله بس اخذ الدكتوراة في هذا المجال واجي هنا اعمل دورات للناس واعمل عيادة .. يعني علم النفس مو مجانين اللي تعبانين من شي مهمومين عندهم عقدة من شي انا اعالجهم..
جا بوقته سامي وبيده الكابتشينو حق رنيم ..
مازن : تعال ياخي شوف هدي اختك ايش تقول عننا احنا الدكاترة..!!
سامي: هه ايش تقوول..؟؟الله يعنيك عاد لسنها مافي اطول منو
مازن : انها ماتطيق الدكاترة ولا طلبة الطب..
سامي : أفا ليش يارنوومة..
رنيم : كدا من ربي ماحبهم .. المهم عطني الكابتشينو وخليني اقووم على الطاولة التانية عشان ادرس..
سامي : وي مو انتي اصلا هنا قاعدة..
مازن : هههه ايه بس انا جيت وقعدت معهم .. شكلي ازعجتها..
ملاك : لا وي بالعكس
مازن : خلاص انا أستأذنكم..
رنيم : سامي حطلي الكابتشينو..
وسامي وهو يحط الكابتشينو على الطاولة مالت يده وانكب على ملاك..
ملاك : ههههههههههههيييييييييييي
سامي : والله والله ههههههههههه والله معلييش..
ملاك : وتضحك كمان..
مازن : خير خير ان شاء الله ماتعورتي .. وريني يدك..
ملاك: لا لا مافي شي بقوم اغسلها دحين..وخر سامي عني ..
مازن : يالله يعني ماكنت شايفها..
سامي : والله مو قصدي كدا مادري كيف مالت يدي ..
مازن : ياربي دحين خلينا نشوف لمن ترجع كيف يدها .. الله الكابتشينو كمان كان حار
سامي : والله ماكان قصدي..
رنيم : خلاص عاد ايش صار بس انكب عليها ان شاء الله مايكون صار شي
وجات ملاك..
مازن : ها كيف يدك..وريني..
ملاك : لا مايحتاج كويس..
مازن : طب وريني..
فتحت ملاك يدها وكلها احمر من حرق الكابتشينو..
سامي : والله ياملاك معليش..
ملاك: لا عايدي .. بس يلا متى راح نرجع..
مازن : سلامات والله
ملاك : الله يسلمك سامي متى نرجع
سامي : يلا دحين .. يلا رنيم..قومي ..لمي اغراضك دي..
راح سامي ومع مازن على السيارة قبل ملاك ورنيم .. وهم بانتظارهم بالسيارة..
مازن : اقلك اعطيني رقمك ..
سامي : ها تفضل..................
مازن : ممم خلاص اوكي عشان ابغا افتح معك موضوع مهم..
سامي :خير ان شاء الله..
سكت مازن لحظات .. وكنه راح لعالم ثاني : لا كل خير كل خير...
ودخلو السيارة رنيم وملاك
وبالطريق وهم راجعين على البيت ..بعد ماوصلوا وملاك
سامي : اشبك يارنيم ..
رنيم : مافي شي..ايواا صح .. تراك مافهمتني شي يعني بس ضيعت وقتي ..
سامي : طيب اشبك معصبة عايدي دحين لمن نرجع افهمك..
مازن : والله يارنيم معليش عشان عطلتك
رنيم : لاعايدي بس مو منك هذا كلو من سامي مضيع وقتي بس
سامي : هههههههههههه يلا يلا بس انزلي
رنيم : والله وفين انتو رايحين
سامي : وانت اشلك انزلي وخلاص
رنيم : ابغا اعرف يمكن اجي معاكم
سامي : هههههههههههههههههههههههه والله انتو البنات ماتنعطوا وجه على تطول تاخذوا عليها دحين خرجتك مرة مو معناته اني بخرجك كل مرة ..
رنيم : هي هي هي .. عايدي اصلا لو ابغا اخرج بس ادق على ماما واخرج ما احتاجك....
سامي: عن الهدر الزايدة ويلا انزلي..
رنيم : والله والله ..
سامي: ايوا والله..
رنيم : طييب انا اوريك..
سامي : ههههههههههههههه يلا سلام..
وشخط سامي بالسيارة من هنا وهي دخلت على البيت ..
والله مالي غيرك يا لوئ عشان تفهمني ....
والله اوريك ياسامي..ان ماتجي يوم بالاجازة وتقلي اعمليلي أكل اقلك قوم بنفسك..
والله والله أوريـك..
وكـمـان ان ماخربت الاب توب حقك وحملتلو فايروس اخليك تحوس وماتصلحه..
طيب طيب .. راح اعلمك كيف تزعل رنيم ..
تتركني عشان هذا ثقيل الدم مازن السخيف مادري كيف ملاك عجبها على ايش اصلا اعوذبالله والله منجد الحب الأعمى..
يلا بس خليني ابدأ ادرس ولا كلم لوئ اول.. لا لا الوقت شوي متأخر..يمكن يكون نايم.. بكرة اكلمه..
دحين الساعة .. 1 ونص .. تماااام .. حبدأ هذا الفصل ليين الساعة 2 ونص لازم اخلصه ..
يلا بسم الله
......................
وتــعـدي الســاعــات والـسـاعـات وهي وجـهـهـا مـلصـق للـكـتاب..
ورنيم وهي بنص حماسها واجتهدها في المذاكرة...
ام رنيم .. : رنيم..ايش تسوي..؟؟
رنيم : بذاكر يا امي ادعيلي والله مرة يتعب دوبك رجعتي انتي وبابا!!..
ام رنيم : ايوا ايوا المهم طيب حبيبتي كم ذاكرتي كم خلصتي..
رنيم: هو الرياضيات 5 فصوول..للان خلصت 3 اللي بعد الاختبار النصفي اول مرة امكسهم ..وحبدأ دحين في الفصلين حق الاختبارالنصفي..
اللي باقيلي سهل بس احس نفسي مو مستوعبه شي..يعني اخلص الفصل واحس ما كاني مذاكرة اي شي...
ام رنيم : هذا كله من القلق والتوتر انتي ارتاحي وان بسويلك شاي..
قومي روقي شوي كم ساعة كدا وارجعي بعدين كملي دام ان اللي بقيليك زي ماتقولي سهل ..
رنيم: لاااااااااا يادوب الوقت يكفيني .. أذاكر رياضيات اكيد مارح اخلصو اليوم ..
بس اسمو يكون باقيلي بكرة شوي اذاكرهم وابدأ في الفيزياء..
ولسا ورايا كيمياء وأدب و انقليزي ونحو وأحياء وووووووووووووه اميييييييييييي
خلااص صدعت..
ام رنيم : ههههههههههههههههههه ياحبيبتي ايش دا كلو والله سهل ان شاء الله ربي يوفقك بس انتي خليك في اللي بيدك لاتقعدي تفكري بقيلي وبقيلي..
رنيم: طيب دحين حقوم اسوي نسكفيه ..ورجع اكمل عشان لا نام..
ام رنيم : الله يعينك ويوفقك يا بنتي..
رنيم : هههه شكرا..
ام رنيم : طيب خليني اقووم اغير ملابسي دي وارووق واجي اشوف اخبارك بعدين..
رنيم :اوكيييي...بقوم الحين وبعملي نسكافيه ... وين جوالي ....
ممممممممممم
اها اهوو .. وي غريبة ولا مس كول من لوئ ولا مسج ...؟؟؟
وي اشبو مايدق علي..؟؟
يالله بكيفو .. يمكن يكون نايم ولا شي مشغول .. خليني بس اقوم اعمل النسكافيه.....
عدت نص ساعة استراحة على بال ما تشرب رنيم الكابتشنو .. وهي بالصالة دخل سامي ..
سامي : السلام عليكم
رنيم : وعليكم..
سامي : ها ايش صار معاك في الرياضيات..؟؟؟
رنيم: وانت اشلك..
سامي : يا رنوومة اشبك زعلتي مني..؟؟
رنيم : لا والله شوف ايش سويت وبعدين احكم علي ان لي حق ازعل ولا لأ....
سامي : ولاتزعلي شوفي ايش جبتلك معايا...
رنيم : مابغا منك شي..
سامي:طب انتي بس شوفي..
رنيم : خير .. فينو..؟؟مافي شي بيدك..
سامي: مو هنا تعالي معايا وغمضي عيونك..
رنيم : ههههههه ايييش..؟؟!!
سامي :يلا قومي غمضي عيونك وتعالي..معايا على غرفتك
رنيم : طيب امسك يدي ولا بطيح ..
سامي: يلا....وصلنا ..بس انتبهي على العتبة دي ..ايييوا .. بس افتحي..
رنيم :هههههههههههيييييييييييي الللللللللللللللللللله مررررررررة حلوووووووووووو الدبدوووب..
شكرا سامي...والله ااااااااااهااااا مو عارفة ايش اقلك..والله انت مافي زيييك..
سامي: هههههههه والله شفتو بالمحل من برة قلت هذا اللي يناسب رنيم...من زمان وانتي تقولي نفسك في دبدوب كببييير..وكم مرة مرينا من دا المحل وانهبلتي عليه..فقمت دخلت انا..مازن واشتريتو ليك.. عشان لاتزعلي مني..
رنيم : سامي .. موووووووووووووووه الله لا يحرمني منك..ويسعدك يارب..
سامي : يلا بس شدي حيلك ..وذاكري كويس وبتلاقي اللي أحلا من هادي..الهدية طيب..
رنيم : هههههه زالله مادري ايش اقوول ... والله مرة انفتحت نفسي للدراسة ههههههههههههه
سامي : طيب يلا .. اقوول
رنيم : نعم..
سامي : ترى مازن يبي يخطب ملاك..
رنيم : عنجددد
سامي : ايوا والله اليوم كلمني في دا الموضوع ولمن بيرجع على بيتهم بيكلم امه..
رنيم : يالله والله ملاك مرة راح تفرح فرح بس انا مادري هيا ايش عاجبها فيلو دمه ثقيل بييييييض مرة .. طبق بيض والله ..
سامي:ههههههه حرام عليكي والله انه رجال وابن حلال وينشد الظهر فيه..
رنيم : الله الله بس يلا الله يهنيهم..
سامي: ايوا بس انتي لاتفتحي الموضوع ل ملاك عشان هوا لسا ماكلم وأهله ولا شي..
رنيم : طيييب..
سامي : اسمعي انا حكمل حقك النسكافيه..
رنيم : ههه بالعافيه اساسا انقلبت معدتي منو..
سامي :يلا يلا ذاكري بس..
رنيم : طييب..قفل الباب وراك بالله..
فيين جوالي...اها .. مسجج من مييين .. خليني اشوف انا اتوقع من لوئ..ايوا والله هههههههههههههه..
((حياتي كيفك..؟؟انا مادقيت اليوم ولا كلمتك عشان ماحبيت ازعجك..
بس طمنيني كيف المذاكرة..والله بالي مرة مشغول عليك فهمتي الرياضايات..؟؟ولا لسا..؟؟ اذا مانتي فاهمة دقي عليا عايدي انا افهمك طيب حبيبي..
يلا انتبهي على نفسك ولاترهقي نفسك كثير الله يوفقك..)))
ههههههههههههه حبيبي...!!!!
والله مرة انت عسل خليني ادق علييه .. اشوف اخباره..
لوئ : الوووو
رنيم : الوو..
لوئ : اهلا اهلا..
رنيم : ههههههههه كيفك...
لوئ : الحمدلله تمام كيفك انتي
رنيم : كويسة..
لوئ : رنوومة ايش اخبار المذاكرة..
رنيم : هههههه لا تسألنيي....
لوئ : لا لا احنا ايش اتفقنا..
رنيم : لا يعني ذاكرت باقيلي بالريضايات حق النصفي يعني تقريبا فصلين بس..
لوئ : طيب شدي حيلك طيب حبيبي..فهمك سامي اللي مافهمتيه ..
رنيم: ايوا انت يفوووووتك ايش صار..
لوئ : ايييش..؟؟ دايما انا يفوتني اشياء ..
رنيم : هههههههههههههه المهم جيت لعند سامي عشان يفهمني قام خرجني ومرينا على بنت خالتي ملاك..هيا قدي ورحنا على الكوفي شوب..
لوئ : اها
رنيم : بس هناك سامي قابل صاحبو من زماااان ماشافوا اسمو مازن..
عاد هذا شاف ملاك وحبها وهيا شافتو وحبتو وعملوا قصة حب من اول نظرة وخرابيط.. وهو قال لسامي انو يبغا يخطبها
لوئ : حماااااااس والله فله ها حب من اول نظرة يعني..
رنيم : يعني شي زي كدا ههههههههه المهم المصيبة مو هنا المصيبة انها الله يفشلها صارلها مواقف معاه مرررة إحراااااااااااااااج
لوئ : اوووف..
رنيم : جات تبي تقوم بس دا من كثر ماهي منحرجة ومكسوفة منو فجات تبي تروح على الحمام .. ههههه قامت فراح هوا سالها فين رايحة قالتلوا بروح على الحمام ههههههه اتريه الحمام من ناحية وهي راحة من ناحية تانية ..
لوئ : ههههههههههههههههههههههههههههههههههههههههههههه والله فشييييييييلللله ..
ررنيم : لا ونكب الكابتشينو حقي عليها بس اييش هوا وقتها عصب على سامي عشان سامي هوا اللي كبوا بالغلط...
لوئ : يالله الولد مرة معجب
رنيم : هههههه شفت كيف بس بيني وبينك الولد صح انو طيب ورجال لكنو بييييييض ودمو ثقيييل مرررة ..
لوئ : ههههههههههههههههه يختي ايش علينا منهم الله يهنيهم كل واحد مع حبيبو يتهنا...
رنيم : ايوا والله منجد اها انت ايش اخبارك..؟؟
لوئ : ولاشي بستنا اذان الفجر مابقي عليه شي ..
رنيم : اها..انا شكلي حصلي الفجر وناااااام عاد شوفلك متى حصحى
لوئ : ههههههههههههههههههههه .. انت لازم تصحي بدري عشان يمديكي تذاكري دحين وقفي الفصلين دوول ونامي على طول بعد الفجر مابقي شي يمكن قولي حق 10 دقايق .. وبس يأذن صلي وحطي راسك على المخدة ونامي واصحي على الساعة 11 عشان تبدأي تذاكري طيب حبيبي..
رنيم : طييب احس نفسي وانت كدا تكلمني كاني طفله..!!
لوئ : هههههههههههههههههههههههههههههههههه والله عشان مصلحتك حبيبي..
رنيم : الله لايحرمني منك يارب..
لوئ : ههه يارب .. المهم يلا حبيبي انا لازم قفل عشان اتجهز للصلاة مابقي عليها شي..
رنيم : اوكي يلا مع السلامة
لوئ : مع السلامة..
قفل لوئ من رنيم .. وقام اتجهز للصلاة وراح مع ابوه .. وهم راجعين من المسجد...
-------------------------