دايما كنت بسأل نفسي السؤال ده ...مين أذكى...إحنا ولا هم...و من واقع تجربتي الشخصية في الجامعة وجدت إنه ماأقدرش أقول فعلا مين أذكى....ليييييه؟؟ لأن إحنا البنات بطبعنا مثابرين أكتر من الصبيان إنما الصبيان أسرع مننا بديهة و لو مافهموش الحاجة من أول مرة مش بيحاولوا فيها تاني....ح ديكوا مثال...أنا خريجة من كلية العلوم قسم الرياضيات و علوم الحاسب...لما كان الدكتور يدينا نص نظرية و يطلب مننا إننا نثبتها ...كنا بنلاقي الصبيان يقوموا و يشرحوا للدكتور فكرة البرهان و ممكن تطلع صح و ممكن تطلع غلط....إحنا بقى كنا بنستنى و نعد نجيب كذا فكرة و نشوف أحسنهم للبرهان بعد كده بنكتب البرهان بإيدينا على ورق و غالبا بيكون صح...الشباب بقى أول لما الفكرة تيجي حتى لو كانت غلط نلاقيهم على طول بيتكلموا....بإختصار إحنا بينطبق علينا مبدأ ببطء لكن بثقة و الشباب ينطبق عليهم مبدأ...با أفهمها و هي طايرة...بالتالي في تفاوت أصلا في طريقة التفكير....و دي حاجة لاحظتها حتى مع إخواني الشباب...بس في النهاية بنوصل للنتيجة الصحيحة...أما عن ناقصات عقل ودين فأنا رأيي من رأي زهرة الخليج نقص العقل مش معناه غباء...لأنه البنت كمان إنفعالية في بعض الأحيان حتى العاقلة لازم تلاقيها أحيانا تبتعد عن العقلانية...و ده طبعا مش معناه إنه مفيش بنت سريعة البديهة أو بتفهم بسرعة...طبعا لأ...أنا بتكلم عن وجهة نظري من واقع تجربة شخصية.
و شكرا لك عزيزتي نورا..