[الغلا]

البارت( 33)





ميروه تلتفت على باب حجره حمدوه و تسحبها و تنزل تحت ...ميروه طلبت منها اتسير له لان محد عنده ...حمدوه وبخطواث ثقيله تتقرب من زايد الى من وقف من جافها ولف ويهه عنها
حمدوه: زااايد
زايد: على ما اظن الى مثلج مايواجهنى
حمدوه: بس زايد
زايد: بس شو شى عندج كلام ثانى تبين تقولينه
حمدو(تصيح): بس اريد اعترف بغلطى
زايد: اعترفى اسمعج بس اسمعى ياحمدوه لا تتصورين ...........
حمدوه: انا اعرف الى سويته غلط بس يازايد انا ما بسوى جذا سامحنى
زايد: اسمعى ياحمده انا اقدر اسامحج بس لله ما بيسامحج لازم تعرفين هذا الشى
حمدوه(تصيح بهستيريا): شو تقصد
زايد: اسف كنتى شى بحياتى و الحين و لا شى
حمدوه(تزيد حده هستيريتها): يعنى
زايد: مستحيل اخذ وحده كانت بتحط راس اهلها بالارض و انتى لله يوفقج و لا تفكرين انى بفكر فيج يوم انتى انتهيتى
حمدوه(طاحت على ريولها): لا تقول هالكلام
زايد: على ما اظن انتى تفهمين شو سويتى
حمدوه: غلطه بس صدقنى ما تتكرر
زايد: لا تصيحين مافينى على الصدعه
حمدوه: زايد دخيلك
زايد: قولى الى عندج قبل لا اى خالد
حمدوه(تصيح): اناااا يا زاايد و لله احبك
زايد: لا تقولين احبك لانى ما اصدقج
حمدوه: زايد دخيلك
زايد: لالا تترجين لان اذا تميتى جذا بسير
حمدوه: انته تحبنى صح (تتقرب صوبه)
زايد(سكت): يابنت الناس انتى الى حرمتى هالحب و تخونينى مع ربيعى
حمدوه: و لله يازايد غلطه كانت
زايد: ما اريد اسمع (يصرخ فى ويها) بس عاااد اقولج الى خلقج خلق غيرج يخافن على عمارهن
حمدوه(تصرخ بهستيريه و تصيح): بس انا احبك افهم

سمعت ميروه صراخها وسارت بسرع الصاله و تحاول تهدى حمدوه
ميروه: حمدوه بس خلاص
حمدوه: انا احبه صدقينى هو مب راضى يفهمنى
ميروه(اطالع زايد الى يطالعها): خلاص يا حمدوه
حمدوه: قومى عنى ؟؟!!
ميروه: شو بتسوين
حمدوه: بنتحر ؟؟!!
زايد: احسن بعد
حمدوه(اطالعه و هيه مب مصدقه الى تسمعه): زايد اخر كلمه اقولها لك
زايد: هه قولى
حمدوه(تاشر عليه و تصيح و تنتفض): انا احبك و اعرف انا انى غلطت
ميروه: بس خلاص خلينا انسير حجرتج
حمدوه: ما اباااا
زايد: خذيها حجرتها
ميروه(تسحب حمدوه): يالله انسير

اول ماطلعت حمدوه حط زايد ايده على راسه ياربى انا شوقلت بس تستاهل محد قالها تسوى جذا بس الحمدلله ..اما فى حجره حمدوه الى يلست اتصيح بهستيريا وميروه تسكتها ساروه و موزه نزلن تحت قبل لا يجوفن شكل حمدوه ...
حمدوه: ما يحبنى خلاص
ميروه: استهدى بالله
حمدوه: احبه ياناس افهموا ؟؟!!
ميروه: و لله ادرى بس خلاص ارتاحى انتى الحين بسير تحت اهدى الوضع
حمدوه: ازين

اول ماطلعت ميروه استغربت من رده فعل حمدوه قفلت الباب بس قالت هذا شى طبيعى يعنى عادى ......اما حمدوه طلعت حبوب وايد من الادويه الجديمه و يلست تاكل منها لين ما اغمى عليها الى طاحت على صوره خالد و زايد للى كانت معلقتنها فى حجرتها طاحت و دموعها على خدها بتحرقها ...

::++اما فى الصاله (بيت بومحمد)::++

اول مانزلت ميروه جافت خالد داخل سلم عليها و دخلوا مع بعض الصاله ...التفتت ساروه و موزوه عليها و هن يضحكن عليها ..
ساروه: ماسوينا استقبال حاااار
خالد: هههه اتضحكينى و لله (يطالع زايد) ايييه زاايد
زايد: هلا
خالد: تريد تشرب كولا
زايد: ما اشرب كولا
موزه: هههههه يسوى ريجيم عشان جذا البنات طايحات عليه
زايد: ههههه الحمدلله على كل حال
ساروه: فديت اخويه ياربى كيف حلو
زايد: بس عاد استحى

::++يدخل خليفه::++

خليفه: السلام عليكم
الكل: و عليكم السلام
خليفه: من هذا الى يستحى
ساروه: اخووويه ؟؟!!
خليفه: ليش تتفدينه
ساروه: بس حره اخويه
خالد: عيل وين حمدوه عنكم
ميروه(مرتبكه): فوق ترتب حجرتها (اطالع زايد الى لف ويهه)
خالد: بسير اجوفها
ساروه: تريد مساعده ؟!!
خالد: ههههههههه ليش حد قالج بسير اضارب وحش
ساروه: هههههههه لا بس يعنى عندك حرس انته على ما اظن
ميروه: انطمى عنلاتج
خليفه: ههههههههههههههههااااااااااااااى ميره عثرج انتى الحرس
خالد: بس انته وياها بسير اجوف حمدوه و بنزل
زايد: لا تتاخر بنطلع بعد اشوى
خالد: بعد الغدا بنطلع
زايد: ليش مب الحين ؟؟!!
خالد: وين الحين انسير يا اخى
زايد: ازين خلاص

سار خالد صوب حجرة اخته يريد يفتح الباب لقاه مقفول استغرب لان حمدوه تقفل الباب بس فالليل ...
خالد: حمدوووه حمدوووه وينها ماترد على اكيد فى الحمام

نزل خالد الصاله والتفت على ميروه: انتى جفتى حمدوه اليوم
ميروه: هيه ليش
خالد: ما تفتح الباب
ميروه(وقفت من الخوف): لا مستحيل
خالد: شو مستحيل

وبسرعه تركض ميروه صوب حجره حمدوه و ادق على الباب و ادق على الباب
ميروه: حمدووه فتحى الباب
ساروه:شوفيها ما تفتح
ميروه: ياربى اخاف سوت بعمرها شى
موزه: شو مب خبله حمدوه
ميروه: سيرى زقريهم من تحت خليهم يفتحون الباب
موزه: ازين



::++نزلت موزه و هيه خايفه على حمدوه ::++
موزه: تعالوا فوق حمدووه مافتحت الباب (خاف زايد عليها)
خليفه: يالله شو تتريون
زايد: يالله قم

طلعوا كلهم فوق ويلسو يدقون الباب بس مافتحت الباب .. ماشى غير قرار واحد انهم يكسرون الباب ..اول ماكسروا الباب جافوا البلكونه مبطله التفتت ميروه صوب الكبت جافت ايد صرخت ...و طاحت على ريولها وقف خالد اول ماجاف اخته ركض صوبها وزايد تيبس مكانه ماعرف شو يسووى وجاف فى عيون ميروه عتاب كانها تقوله انته السبب ..
خالد: حمدووووه
ميرووه: قومى حمدوه

تتحرك حمدوووه اشوى عشان تتنفس ...
زايد: حمدوووه قومى

تفتح حمدوه عيونها يوم جافت زايد ابتسمت ابتسامه صدمت زايد و نزلت دمعتها ...
خالد: قومى يالله (يساعد اخته عشان تقوم)
حمدوه(بصوت تعبان): اريد مااااااااااااى
خالد: شو استوى ؟؟!
حمدووه: ماشى بس تعبانه
ساروه: كلتى كل هذى الحبوب
حمدوه: هيه (اطالع زايد)
خليفه: خبله انتى تاكلين كل هذا صدق مينونه
زايد: سلامات ما تشوفين شر
ميروه: روحوا الحين تحت انا بيلس عندها
موزوه: و انا ؟؟!!
ميروه: سيروا تحت مع ساروه يالله طلعوا
خالد: اذا تبون شى انا تحت ...

يسمعون صوت حد يدخل البيت و يصرخ ::++يااااااااااااااااااااااااااااااااااااااااااااا هل البيت انا وصلت::++ يلسو الشباب يطالعون ..
زايد: خالى سعيد
خليفه: عمى (طلع من الحجره)
كلهم طلعوا من حجره حمدوه ساييرين صوب الصاله ....اول مانزلوا ماجافوا حد لان سعيد كان ورى الباب يطالعهم و هم يدخلون الصاله وهم مستغربين وينه ..
خالد: عمى سعيد (يطالع زايد) نحن نحلم
زايد: يمكن و لله
خليفه: وووينه
ساروه: اقول خليفه يمكن شبح
موزوه: اماااااااااااااااايه

::++طلعلهم سعيد::++

سعيد: مرحباااااااااااااااااااااااااااااااااااااااااااااا اا
الكل: هاااااااااااااااااااااااااااا
سعيد: شو هاااااااااااااا سلموا
خالد: ووويه عمى شحالك (يلوى على عمه)
سعيد: بخير ربى يسلمك (يطالع زايد) شحالك غرشوب العين
زايد: هههههههه بخير ربى يسلمك
خليفه(يطالع ساروه): انا و نتى فى الصندقه
موزه: صندوق طمام
ساروه: هيه جذا
سعيد: اشفيكم ها خليفه شحالك
خليفه: تو الناس ؟؟!!
سعيد: ههههههههه ويا هالراس عيل وين قوم ابووى
موزه: خالى زين انك ييت فهد ولد خالوه بيعرس الاسبوع الياى
سعيد: زين و لله
ساروه: اقووول سعووود (يضربها خليفه على جتفها)اااااااااااااااااااى شو فيك
خليفه: انتى ما تستحين ادلعين الريال
موزه: بدينا الحين
سعيد: من كانوا اصغار
زايد: هيه و لله (يسمع صوت السياره) سير اندس فى اى مكان قوم يدى وصلوا
سعيد: يالله بنخليها مفاجأه ازين لا تقولون شى
خليفه: انشا لله بس اندس الحين
سعيد: ازين موزه وساروه حطوا شنطتى فى اى مكان
ساروه+موزه: ازين

.....................................
كيف بتكن المفاجئه على اليد بو محمد
وكيف بيكون الاستقبال
اما عن زايد شوه بيستوي بينه وبين حمدوه
اتريوني في البارت الياي
الغلا