[الغلا]

البارت (22)
7
7
7
7
بعد ما خذ فهد موافقه يده على الخطبه .يلس يفكر فى مستقبله شو بيسوى عشان يسعدها التفكير فى مها خلى فهد يفكر فى حياته المستقبليه من كثر مافكر غفت عينه و الابتسامه على ويهه ......

الصبح الساعه 8:00 ام زايد ياسه مع ولدها زايد يتريقون الا وشوى نزلت ساااروه عشان بتسير الجامعه .

ساروه: السلام عليكم
ام زايد+زايد: و عليكم السلام
زايد: هااا سويره على وين
ساروه: الجامعه
زايد: منو بيوصلج
ساروه: الدريول اذا انته بتوصلين زين بعد
زايد(قافط): سارووه انا وراى شغل ما اقدر اوصلج
ساروه(حز فى خاطرها): انزين ماعليه (قامت من مكانها)
ام زايد: على وين يابنتى
ساروه: بزقر البشكاره عشان اتقول حق الدريول يطلع السياره
زايد: يلسي تريقى
ساروه: بتاخر (طلعت من الصاله كانت زعلانه من الخاطر )

بعد ماطلعت ساروه من الصاله طلع زايد سلم على امه عشان يسير الشركه جافها قاعده على الكرسى تتريا البشكاره ..
زايد: اشفيج امبرطمه
ساروه: ماشى ابد سلامتك

فى هالوقت نزل عبدالله متكشخ و متعطر ومدخن بعد الكل قعد يطالعه مستغرب ..
عبدالله: السلام عليكم
الكل: و عليكم السلام
زايد: على وين ؟؟!!
عبدالله: ماشى بسير عند ربيعى (جذاب بالقو بعد)
ام زايد: من صباح لله خير
عبدالله: اماايه و لله مشغول (يطالع زايد) بمر عليك الشركه
زايد(مستغرب): هيه ازين
ساروه: و لله ان وراك شى
عبدالله: سكتى انتى
ساروه: بسكت اشعلى منك ...
::دخلت الخدامه تزقر ساروه ::
ميرى: مدام سياره برع
ساروه: الحين باييج اخوان على الفاضى
زايد: ليش تقولين جذا
ساروه: ماشى يالله مع السلامه

طلعت ساروه من البيت و هيه حاز فخاطرها طريقه زايد ..الحين هو يقولى انا بوصلج مب يخلى الدريول يوصلنى شو الدريول اخوى ولله شو هذا ما يهتم ابدا ليش جذا ...وصلت الجامعه ودخلت جافت وحده اخر شياكه متعدله وصابغه ويها وقعدت تضحك ساروه ..وقعدت تمشى تذكرت انها لازم تيب ورقه من عند المشرفه الي على الباب ..اول ماوصلت انصدمت شافت شى غير عاااادى ...شافت سياره عبدالله فى الجامعه ..والبنت الى ياسه اهنيه ركبت السياره عداله ... يست على اقرب كرسى واشوى نزلت دمعتها قامت معصبه وسارت كلاسها ...


::++ سياره عبدالله ++::

عبدالله: السلام عليكم
ناديه: و عليكم السلام
عبدالله: شحالج (وهو يطالع برع)
ناديه: الحمدلله كيفك انته
عبدالله: الحمدلله (التفت عليها و انصدم من شكلها ابتسم بس)
ناديه: شو فيك عبدالله مو عاجبك
عبدالله: لله يهديج حق شو هالاصباغ
ناديه: هيدا كله لئيلك
عبدالله: فى الماسنجر ترمسينى مواطن و الحين ترمسينى على اساس انج وافده
ناديه: اصلا انا مقيمه بس منولده بالامارات يعنى هيك وهيك
عبدالله: هيه و لله زين
ناديه: انا رفيقتى عندها شقه وهيه اهناك مع صاحبها شو رأيك نروح اهناك
عبدالله(وين تبا هذى ): اوكيك


عبدالله وهو فى الطريق حس بشى طبيعى ان الى يسويه شى غلط ..وين الى كان ينصح قبل لا يوصل وقف السياره ناديه طالعته باستغراب
ناديه: ليش وقفت (اطالعه)
عبدالله: انزلى
ناديه: شو انته مجنون ليه عم بتقولى انزلى
عبدالله: انزلى من السياره احسن لا ارتكب فيج جريمه
نديه: حاضر (نزلت من السياره)
حرك عبدالله سيارته مسرع لين وصل الشركه وقلبه يعوره حرام اهدم هذا الانسان الى ربانا بعد ابووويه ونزل ...اما فى الجامعه ساروه حالتها حاله موزه (بنت خالتها ام سالم) قاعده عدالها ...
موزه: اوهووووووووو ساروه شوفيج
ساروه: ها لا ماشى و لله (مسكينه ياموزه تحبين واحد مايستاهلج)
موزه: شو فيج سويره
ساروه: لا ماشى بس متضايجه من زايد ماوصلنى الجامعه
موزه: عيل شو تقولين عنى انا سالم محد امى حليلها تودينى
ساروه: اشحالها خالووه وميره
موزه: بخير ربى يسلمج
ساروه: ها شو بتسوين حق البروجكت
موزه: ما ادرى هيه ساروه صح تعالى اشفيها حمدوه ما تلاحظين انها تغيرت
ساروه: هيه واايد بعد ما ادرى شو مغيرنها
موزه: ذاك اليوم كله على النت
ساروه: كلنا نيلس على النت
موزه: صح نيلس بس ما انطنش كلاساتنا
ساروه: خليها برايها خلينا انسير نشترى شى بااارد
موزه: سرينا

سارن صوب الثلاجه الا عشر دقاق رفعت سويره عيونها شافت البنيه الى ركبت سياره عبدالله ياسه اتصيح شو السالفه لايكون سوابها شى عبدالله ياويلى انا ...
موزه: سووويره شلى البيبسى عنى
ساروه(انتبهت حق موزه): هيه انشا لله
موزه: شورايج انسير عند حمدووه اليوم
ساروه: يالله (ابتسمت)
موزه: هيه يا ابوج سايره حق مزايين العين مب عشان حمدووه
ساروه: ههههههههههه بس جب زين
موزه: اقول دوامج لين الساعه كم اليوم
ساروه: 11 و نتى
موزه: 11 بعد شو ؟؟!!
ساروه: ووووويه موزه هذى حمدوووه
موزه: وين
ساروه: هنااااااااااك ما تجوفين
موزه: هيه شفتها (تاشر على حمدووه) حمدوووووووووووووووووه اهنيه
حمدوه: ههههههههههه شفتكن
موزه(تصرخ): تعالى
حمدوه: اسمعج و لله مب لازم تصرخين شو جامعتنا هيه
ساروه: اشحالج حمدوه
حمدووه: بخير ربى يسلمج
موزه: متى يخلص دوامج
حمدوه: 11
ساروه: ياسلام كلنا بنخلص 11
حمدوه: لا و لله انا بسير البيت من وقت اليوم
ساروه+موزه: ليش
حمدووه: عندى شغل و لله
موزه: لله يعينج
حمدووه: صح سارووه ماقلتلج متى بيسرون يخطبون حق فهد
ساروه: ما اعرف و لله يمكن الخميس جذا
حمدووه: هيه عيل يوم بتعرفين قوليلى يالله اخليكم
موزه: وين
حمدوه: بسير اقعد على الكمبيوتر
ساروه: شو ماتملين
حمدووه: لا ابدا (تقول فخاطرها اريد اشوف حمد فديته)
موزه: برااايج عيل (تلتفت على ساروه) اماايه كلاس علينا
ساروه: اوووه صح برااايج حمدوووه
حمدووه: براايكم ...

سارن البنات كل وحده على كلاسها و اتفقن انهم يسيرن مع بعض بيت ساروه ..اما فى بيت بومحمد ..محد كان فى البيت الا خليفه الى يالس يطالع التلفزيون واشوى ودخلت حمدوووه و هيه معصبه على الدريول ...
حمدووه: عنبووووه شو هالحاله
خليفه: يييييييييه ياه بدينا الحين سلم قبل
حمدوه: السلام عليكم (كانت بتركب الدرى)
خليفه: ما بتتغدين ويانا
حمدووه: مسويه ريجيم عيل تبانى مثل حبيبه القلب
خليفه: ولله انها حلوه جسمها حلووو
حمدوه: ادرى انزين بس انا بضعف اكثر عنها
خليفه: هيه عشان يقولون اهله معيشينه فى مجاعه
حمدوه:ههههههههههههههههه لا تخاف
خليفه: انزين سيرى غيرى ملابسج و تعالى تغدى وياى
حمدووه: انشا لله على الساعه 1 بنزل
خليفه: روحى لاه خرطى انتى اصلا
حمدووه: بنزل اشفيك
خليفه: هيه بنشوف و نتى فوق اذا شفتى ناصر قوليله انى اتريااه تحت
حمدوه: عيل وين الى بيتريانى على الغدا
خليفه: يييييييييه سيرى شوفيه و لله مستعيل
حمدوه: انزين براايك

طلعت حمدوه فوق مالقت ناصر صرخت على خليفه وقالتله انه محد ...ورجعت حجرتها وعقت اغراضها على السرير و بطلت النت ..وجافت ان الكاسر موجود اون لاين وفرحت ...بعد ماعقت عباتها ويلست ...ودخلت على الكاسر (حمد)
العيناويه: هلا مرحبا الساع
الكاسر: مرحبتين شحالج
العيناويه: بخير وين انته من كم من يوم
الكاسر: و لله موجود فى الدنيا انتى الى ما ادخلين
العيناويه: و لله ادخل بس ما احصلك
الكاسر: ليش اشتقتيلى
العيناويه: اممممممممممم ما ادرى يمكن تقول جيه
الكاسر: بصراااحه انا وايد ارتحتلج ياحمده
العيناويه: وانا بعد بس ما ادرى وين اخبى هالمشاعر
الكاسر: عشان اكون صريح وياااااج انا حبيت مره بنت خالتى بس تزوجت كانت اكبر عنى باربع سنوات
العيناويه: انا ماجد حبيت بس احس انك غير
الكاسر: شقايل بعد غير انا مثل البشر
العيناويه: هههههههههه ضحكتنى يا حمد
الكاسر: لا و لله احلفى
العيناويه: هيه و لله
الكاسر: هذى اهداء لج
العيناويه: شو هذى
الكاسر: اغنيه ياطارشى حق عيضه
العيناويه: تسلم و لله (مستحيه)
الكاسر: اقول حمده انا بسير اودى امى السوق
العيناويه: حتى انا بطلع الحين بسير ارتاح لان تونى راده من الجامعه
الكاسر: لا و لله
العيناويه: هيه
الكاسر: ماشا لله اى سنه جامعه
العيناويه: سنه ثانيه و انته
الكاسر: انا بطالى هههههههههه لا اقص عليج اشتغل فى مشاريع ابووويه
العيناويه: لله يوفقك
الكاسر: ويااااااج
العيناويه: امين
الكاسر: برااايج عيل
العيناويه: فى حفظ الرحمن


.................................................. .........
جفتو حمدوه حبت غير زايد
لأن زايد ما ضهر مشاعهره حق حمدووه
نفس زايد وخليفه
بس شوه تتوقعون بتستمر علاقتهم ولا لاء
وشوه بيستوي مع مها
وشوه بيستوي حق عبدالله الي هد البنيه تصيح فالجامعه
اترياكن فالبارت اليديد
الغلا