[الغلا]

البارت 17
7
7
7
7
طلعن من غرفتهن ونزلن تحت جافن التلفزيون يشتغل منو ياس اهنيه اكيد حد من الشباب يوم دخلن جافن خليفه ياس يجوف التلفزيون ...ما انتبه لهن ساروه تاشر حق موزه انها بتروعه ..تقربت منه : بووووووووووووووووووووووووووووووووووووووو
خليفه: بسم لله عنلاتج طيرتى حمامه قلبى
ساروه: ههههههههههههههههههههه شو رايك
موزه: خفت خليفه
خليفه: مب خفت بس الا انصرعت
موزه: حليلك و لله
ساروه: لا و لله و انته ليش مب راقد
خليفه: كيفى ؟؟!! ما اريد ارقد حراااااااااااااام
ساروه: لا بس لازم ترقد
خليفه: و انتى اشعنه مارقدتى
ساروه: ماقدرت ارقد
موزه: هيه و لله ماقدرنا !!
ساروه: و لله يوعاانه من الخاطر
خليفه: ليش ماتعشيتى
ساروه: لا ماكان لى خاطر
خليفه: صبرى حتى انا يوعااان بسير اتلبس وباييج
ساروه: ليش ماتطلع بهذا
خليفه: مابا اتريينى بس ؟؟!!
,,,
سار خليفه غرفته عنهم اما فى الصاله يلست ساروه مكان خليفه و هيه تجلب القنوات و عدالها موزه الى تضحك على ساروه و هيه تقلد خليفه .
موزه: عنلاتج لايدخل بعدين يسفرج
ساروه: فديته و لله مابيسوى شى
موزه: سكتى يعلج ياربى لا تفضحينا
ساروه: انزززززززززززززززين اشقلت
موزه: لاحد يسمعج بعدين بيسفرونا
ساروه: انزين
,,,
(يدخل خليفه فى هالوقت)
خليفه: يالله انسير
ساروه: ياسلام شو هالكشخه
موزه: هههه حق ناس عيونهم سود
خليفه: تفهمينها و هيه طايره
ساروه: منووووووووووووووووووو ؟؟!!
موزه: عن الاستهبال
خليفه: يالله انسير ..
,,,
طلعوا صوب المطبخ و الجو كان رووعه بارد وهم يمشون شافوا خالد وزايد يتمشون يايين صوبهم وهم يضحكون .
خالد: ايييييييه السكن وين ساييرين
خليفه: ساييرين ناكل
زايد: ليش ماتعشيتوا
ساروه+موزه:لا ماكان لنا خاطر
زايد: شوساحب وياك خلوف
خليفه: ساحب وياى لله يسلمك (فتى الادغال ياشر على ساره) وساحب معاى بعد (جازورا)
ساروه+موزه: نعم شو قلت ؟؟!!
خالد+زايد: هههههههههههههههههههههههههه حلوووووووووووه
خليفه: شو فيكن هههه قلت الصدق ماجذبت
ساروه: جب انزين
موزه: هههههههههههههههههههه
ساروه: لا و لله تضحكين قايل عنج جازورا و تضحكين
موزه: اضحك لانج انتى و خليفه من تضاربون اتضحكونى
خالد: هيه و لله صدقت
زايد: انسير يالله المطبخ حتى انا يوعان و لله
,,
الكل: يالله
,,
ساروا صوب المطبخ و كلوا لين ماشبعوا من بعدها كلهم ردوا حجرهم ورقدوا لين الصبح ...
,,,
الصبح الساعه 9 الحريم يزهبن القشار(السامان) عشان انهم بعد الريوق بيردون نزلن البنات و رتبن القشار و الشباب يسو يتريقون مع يدهم و خالهم .وصل الوقت الى بيسيرون فيه البيت اتزهبو وسكروا باب المزرعه وردوا بيوتهم ..سارووه طول الوقت تفكر و اتشوف السياره الى عدالهم هيه سياره خليفه و تردد فى خاطرها متى بشوفه مره ثانيه و تنهدت وسكتت التفت عبدالله عليها: ساروه باجر عليج جامعه
ساروه: هيه ليش ؟؟!!
عبدالله: لا ماشى بس اسال
ساروه: و انته
عبدالله: لا ماعلى
ساروه: يحظك
فهد: شو يحظه بيحجزونه شهر
ام زايد: لا و لله
فهد: هيه و لله الشهر الياي بعد
عبدالله: زين و لله بعد شو
ام زايد: لا اداوم عبدالله
عبدالله: شو ما اداوم امااايه
ام زايد: بتستحمل شهر
فهد+ساروه: يا عينى على الدلع
عبدالله: هههههههه من بختى
فهد: يالله عاااد هيه صدق امااايه(يطالع امه) متى بيتزوج زايد امااايه
ام زايد: و لله ما ادريبه ياولدى
ساروه: بخبره انكم تتفقون عليه ازين
فهد: عاد ماقدرنا نرمس الا و انتى معانا عشان توصليله كلام
عبدالله: اسكت لله يخليك بتقطعك تراهااا هههههههههههه
,,,
وصلوا بيت ام زايد ونزلوا الخدم القشار ساروه سارت بسرعه غرفتها ...اول مادخلت كان وراها عبدالله
ساروه: يالله فديت غرفتيه
عبدالله: الحمدلله العقل نعمه
ساروه: براينى مخليه العقل لك
عبدالله: هيه اشوفج ههههههههههه برايج يور ماجستى بليز
سارووه: هههههههههههههه ماعندى
فهد: هههههههه ساروه سكرى الباب عليج يالله برايكم خلوا امااايه ترتاح
ساره: انشا لله
,,,
سكرت ساروه الباب وعقت عمرها على شبريتها ورقدت لانها ماكانت راقده عدل ...رقدت لين المغرب وعت غسلت ويها وفجت الكمبيوتر عشان تجوف موزه فى المسن والا لا ..بس يوم فتحت مالقتها قعدت اتسوى البروجكت حق الاستاذ الا واشوى ام زايد دقت عليها الباب ..
ام زايد: سووووويره قومى حبيبتى
ساروه: امااايه فديتج انا واااعيه
ام زايد: فتحى فديتج
ساروه: انشا لله امااايه ..
,,,
++::فتحت الباب حق امها:++
ام زايد: شو تسووين فديتج
ساروه: اشتغل على البروجكت امرتى شى اماايه
ام زايد: لا بس نزلى بعد اشوى تعشى مع اخوانج زايد يوم وصل سال عنج
ساروه: انشا لله امايه تامرين امر (حبت امها على راسها)
ام زايد: لله يرضى عليج دنيا واخره يابنتى
ساروه: لله يخليج لنا ذخر انشا لله ويطول بعمرج
ام زايد: امين ..يالله يابنتى يلا نترياج
ساروه: انشا لله اماايه
,,,
++::طلعت ام زايد من غرفه ساره سايره صوب الصاله وجافت عيالها يرمسون عن مشروع ::++
ام زايد: هااا شو تسووون ؟؟
زايد: ارمسهم عشان مشروع لازم انسووويه
ام زايد: مشروع شو
فهد: امايه مشروع المساعدات الخاصه بنفتح لهم فروع فى دبى و بوظبى
عبدالله: بس فى دبى وبوظبى
زايد: افكر افتح لى فرع فى البحرين و السعوديه وقطر ويمكن فى ايطاليا بعد
ام زايد: مايكلف عليكم
زايد: يكلف بس شو نسوووى
,,,
::++دخلت ساروه الصاله::++
ساروه: السلام عليكم
الكل: وعليكم السلام
زايد: هلا و لله هلا شحالج سويره
ساروه: بخير ربى يسلمك
زايد: لله يعافيج ها شو هباتج حق الدوام باجر
ساروه: مافينى اداوم ليش عبود مابيداوم اسبوع
ام زايد: وانتى شو تبين فيه عبووود هم عاطينه اجازه
فهد: دخلى كليه زايد و بيعطونج اجازه
ساروه: مابا
زايد: ههههه ليش معصبه انزين الحين
ساروه: و لله تعبانه و ملانه من الدراسه
زايد: ماتبينها يسي فى البيت
ساروه: شو اقعد فى ايلس بسير اجابل موزه احسن
عبدالله: هيه قولى السالفه فيها طأحنك
ساروه: جب انزين
زايد: حبيبتى ساروه عيب تقولين حق اخوج الاكبر عنج جب ..
ساروه: انشا لله (اطالع عبدالله) اسفه
عبدالله: يالله جدامك بريئه
زايد: عبدالله اسكت عنها ..
,,,
يسو يرمسون فى سالفه المشروع اما فى الصوب الثاني نرجع حق حمدووه الى من وصلت و هيه قاعده على النت ترمس ربيعاتها على الماسنجر وفجأه فى حد مسولها اضافه سوتله استقبال ..
(العيناويه)=حمدووه: منوووووووووووو معاى لو سمحتى والا لو سمحتى
الكاسر: مرحبا انا حمد من العين و نتى
العيناويه: انا بعد من العين انزين قولى من وين يبت ايميلى
الكاسر: ولله ما اعرف انتى يمكن ضايفتنى
العيناويه: لا ماضفتك حشى على
الكاسر: السموحه الغاليه اذا غثيتج
العيناويه: لا مسموح
الكاسر: ممكن اسولف وياااج
العيناويه: ليش
الكاسر: اريد حد يسمعنى و لله
العيناويه: ليش شو صار ( شد انتباه حمدووه فضولها وتريد عرف سالفته)
الكاسر: انا تعبان نفسيا
العيناويه: مريض نفسيا
الكاسر: هيه و لله تعبت من الحياه ومن الدنيا محد صادق فى هالكون
العيناويه: ليش ؟؟!! شوه مستوي
الكاسر: لا تفجين الماضى
العيناويه: انشا لله من وين من العين
الكاسر: صوب هيلى
العيناويه: هيه زين و لله
الكاسر: كم عمرج الشيخه
العيناويه: هههههههه لا تسالنى عن عمرى لانى مابجاوبك
الكاسر: ليش يعنى ..
العيناويه: بس بعد شو (تسمع حمدووه امها تناديها) اقول برجع فالليل اماايه تنادينى
الكاسر: انشالله
العيناويه: وداعه لله
..............................
مابغينى
خلااااااص خلص هالبارت
يلا قولنلي رايكن وتوقعاتكن
بلونه حبيبتي
لو ماعندج توقعات عادي انا مابغصبج
الــغــلا