[الغلا]

البارت(16)
7
7
7
7

فى المزرعه بعد صلاه العشا كلهم قاعدين الا موزه هب موجوده معاهم ساروه خافت قلبها تم يدق بقوه و وتمت اطالع يمين يسار بس محد اهناك ...قامت عن العشا ...
ام زايد: وابووويه وين سايره
ساروه: بسير اجوف موزه وينها
ام سالم: ليش هيه مب فوق فى غرفتها
ساروه: خالوه ما اعرف لا تسالينى (سارت عنهم )

تمشى ساروه و هيه خايفه فتحت الغرفه مالقت حد شهقت قعدت ادور فى كل الغرف بس مالقت حد ...نزلت بسرعه و شافت خليفه ودموعها على خدها وهيه خايفه على موزه لأنها تعتبرها اكثر عن اخت ..
,,,,
خليفه: شو فيج ساروه
ساروه: خ... خل...خليفه (تصيح)
خليفه(خايف): شوه مستوي
ساروه: مالقيت موزه مالقيتها
خليفه: شو مالقيتيها دورى عدل (يريد يسير عنها)
ساروه(مسكته من ايده من مسكته انتفض من فوق لين تحت): دخيلك خليفه تعال دور معاى
خليفه(خلاص بيغمى عليه): يالله

طلعوا خليفه وساروه من بيت المزرعه لين الحوش و يزقرون موزه بس محد رد عليهم الا و اشوى خالد وزايد كانوا توهم طالعين متعشين وسمعوهم ..
خالد: هووود ايييييييييه شو تسووون
خليفه: اندور موزه؟؟!!
زايد: ساروه شو السالفه
ساروه(تصيح): ما اعرف وين موزووه زايد (تعق بعمرها على اخوها)
خليفه(يقول فى خاطره يابخت يازايد): بنلقاها انتى لا تصيحين
ساروه: متى شوف الساعه 9 الحين و انا ماحصلتها
زايد: بس خلاص بنلقاها قلنالج (يطالع خالد) هابوسيف اتصل على سالم
خالد: انشا لله

تووووووووووووووت تووووووووووووووووووووووت (يتصلون حق سالم اخو موزه)

سالم: مرحبا بوسيف
خالد: اطلع الحين بسك عشا
سالم: خيبه سلم قبل عقب ارمس
خالد: بتى و الا اسحبك من شعرك ماتقول هندى
سالم: شو السالفه؟؟؟!!
خالد: تعال برع انته و ناصر وفهد و عبدالله يالله اترياكم
سالم: انشا لله
خالد: وداعه لله
سالم: مع السلامه ..
,,,
سكر خالد عن سالم ...........
خالد: الحين ياى
ساروه: يالله دوروها
خليفه: ساروه سيرى داخل اذا بتمين جذا
ساروه: اريد ادورها مالى خص
زايد: بس سكتى خلينا انفكر (يطالع خالد) وين بتسير موزه الحين فى هالوقت
خالد: شكلها البنت زعلت من عبدالله و اسلوبها
زايد: اصلا عبود طول عمره اسلوبه خايس
ساروه:..............................(نزلت راسها)
,,,
اشوى ووصل سالم و ناصر و فهد الا عبدالله
خالد: وين عيل عبووود
فهد: قال يريد يطالع الفلم ؟؟!!
زايد: عنلاته الخام بسيرله
ناصر: والرفجه تخليه
سالم: شو السالفه الحين و لله الفلم حلو
خالد(يحط ايده على جتف سالم): موزه مانعرف وينها
سالم: شوووووووووووووووووو؟؟!! (مصدوم)
فهد+ناصر: نعم شو السالفه وينها موزه ؟؟!!
زايد: فكونا الحين كل واحد يسير صوب
خليفه: و انته
زايد: انا بسير صوب الدراجات وخالد بيسير صوب الحوض
ساروه: انا بسير صوب النخل
خليفه: خلاص بسير وياج
ناصر: انا بسير اسال الدريوليه
فهد: بخاويك عيل
خالد: خلاص عيل ساروه سيرى مع خليفه و نحن بنسير يالله
,,,
طلعوا يدورون موزه فى كل شبر فى المزرعه ساروه من المشى تعبت وقعدت على الكرسى وخليفه امرها ان ما تتحرك بيسير يدور عليها بس هيه ماطاعت سارت وراه ..بعد فتره طويله من البحث رد زايد وخليفه وساروه وسالم وناصر وفهد نفس المكان الا خالد ,, قعد يدورها و اخير حصلها قاعده على الارض وحاطه راسها على ريولها تقرب منها
خالد: موزه ؟؟!!!
موزه:....................................
خالد: شوفيج
موزه(تصيح): مافينى شى
خالد: كيف مافيج شى ونتى تصيحين ؟؟
موزه:..............................(تصيح)
خالد:يلا انسير سارووه وايد خايفه عليج
موزه: ما اريد ارد داخل
خالد: ليش انزين ؟؟!!
موزه: مابا مابااااااااااااااااااااااا (تصيح)
خالد: خلاص بتصل فيهم ايوونج اهنيه
,,,
اتصل خالد على تيلفون زايد
,,,
زايد: مرحبا بوسيف هابشر
خالد: تعال انته و اليماعه صوب الزراعه صوب الحوض لقيتها
زايد: و لله (يلتفت على الى عنده) لقو موزه
ساروه: و لله
خالد: يالله تعالوا اترياكم
زايد: يالله
,,,
ساروا صوب المكان الى حدده خالد اول ماوصلوا ساروه يوم شافت موزه سارت صوبها
ساروه: حبيبتى شوفيج
موزه:.................
ساروه: ليش صاكته خلينا انسير
موزه: ما اريد اسير داخل
سالم: ليش شو فيج موزه
موزه(خايفه): لا ماشى
سالم: عيل ليش ما تبين تدخلين
ناصر:سالم اشوى شوى على البنت مب جذا خلونا نحن انرد و بيردن البنات مع خالد وخلوف وزايد
خليفه: اصغر عيالك خلوف
ناصر: ههههههههههه انشا لله يالله برايكم (يلتفت على فهد) يالله انسير
فهد: يالله انزين
,,,
بعد ماساروا فهد وناصر و سالم .......
,,,
ساروه: يالله حبيبتى موزه انسير
زايد: يالله موزه لا تاخذين هم عبوود هذا اسلوبه خايس جذا دوم
خليفه: لا تستوين حساسه مثل بعض الناس
ساروه: منو تقصد ؟؟!!
زايد+خالد+سالم: بديناااااااااااااااااااااااااااااااااااااااااااااا اا
موزه: هههههههههههههههه
ساروه: هيه جذا ضحكي
موزه: انا ضحكت لانهم رمسوا رباعه ..
سالم: يالله موزه انسير
موزه: انزين بس بسير سيده غرفتى
الكل : الى يريحج
موزه: خيبه يبون الفكه ؟؟!!
الكل: هههههههههههههههههههههههههه
,,,
وهم قاعدين يمشوون ..
خليفه: محلاتها النجمه ؟؟!!
خالد: انته كل شى حلو عندك هههههههههههههههه
زايد: لا وابشرك حتى عن البقره بيقول عنها حلوه
ساروه: ايييييييييييييه انتوا الاثنين بس عاااد
خليفه: يالله اول مره ادافعين عنى
ساروه: انا اباهم يسكتون عشان موزه تعبانه
سالم: هههههههههههههه و لله بطنى يعورنى من الضحك تذكرت سالفه خلووف فى المول
خالد: اى سالفه
سالم: جيه ماخبرتهم
خليفه: اى سالفه ؟؟!!
سالم: سالفه السودانيه ؟؟!!
خليفه: عنلاتك يالخام اسكت مسوتلى كوابيس
خالد: ههههههههههههههه ليش شوه استوى
سالم: لله يسلمك كان يمشى وهو يرمسنى مايدعم سودانيه اشكبرها و لله لو تشوفها انته بتزيغ
ساروه: ههههههههههههههههههههههههههههههههههههههههههههه لا و لله
زايد: عيبتج ساروه
ساروه: واايد ؟؟!!
خليفه: دامها عيبتج بسير اخطبها
ساروه: اتشوف الحصا الى جدامى (تاشر على الحصى)
خليفه: ههههههه هيه
ساروه: بفلعك بها
زايد+خالد: ههههههههههههههههههههه قويه و لله
موزه: لا مب بالحصى
ساروه: عيل
موزه: بالطابوق ؟؟!! هههههههههههههههههه
خليفه: هيه تولفن على
سالم: خلونى اكمل
الكل (الا خليفه,,, يضحك): كمل ؟!!!
سالم: يوم دعمها مايطيح الا على ظهره و تقربت صوبه عشان تساعده يقوم يوم مسك ايدها سحبته بالقو و لله انه دعم العامود بالقو وقعد يسبها سب و هيه اطالعه وتضحك له تريده يرقمها هههههههههههههههههههه
الكل: ههههههههههههههههههههههههههههههههههه
خليفه: هههههه فرحان عنلاتك بعد
ساروه: هيه حلوه
خليفه: بس انجبى زين
ساروه: لا و لله اسال انا
خليفه: حلوه لنفسها دام نانسى عجرم عندى شو اريد بعد
ساروه: نعم
خليفه(يضحك): هههههههههههه ماشى (ويركض خليفه)
,,,
ركض خليفه ولحقته ساروه ودخل البيت وسكر باب الصاله و الكل قعد يطالعه مستغرب هذا الاهبل شو فيه سكر الباب اوقعد عدال يده و هو يضحك له الا و اشوى دخلت ساروه معاها قب من الخاطر تريد تضرب خليفه
خليفه: ههههههههههه هذى من صدقها تريد تضربنى ؟؟
بومحمد: شو سويت فيها ؟؟!!
ساروه: اساله شو قال
بوخالد: شو قلت حق ساروه
خليفه: قلت ان نانسى عجرم عايبتنى
,,,
دخلوا الباقى وهم يضحكون عليهم وموزه قعدت عدال امها ...
بومحمد: من هذى ؟؟!!
ساروه: مغنيه لبنانيه ؟؟
ام زايد: وانتى شو حارنج
سارووه: امااايه لا تشجعينه انزين ؟؟
,,,
عبدالله: خلوووووووووووف شوف التلفزيون
خليفه(يلتفت على التلفزيون وياشر): شوفوا هذى نانسى عجرم (يطالع ساروه)
بوخالد: ولله انها زوينه
ام خالد: لا و لله
بوخالد: هههههه ياحرمه هذى كبر بنتى ؟؟
ساروه(معصبه): عبوود سكر التلفزيون الحين
عبدالله: مابا (يطالع التلفزيون)
ساروه: ما تريد انا اراويك (سكرت التلفزيون )
خليفه: حراااااااااااااااام
ساروه(تفر عليه القب): خلها تنفعك (اطالع موزه) انسير نرقد
موزه: يالله (اطالعهم ) تصبحون على خير
الكل: ونتى من اهله
ساروه: برايكم
ام زايد: قولى تصبحون على خير
ساروه: انتى بس شجعى خلوف انزين برايج
ام زايد: وابوويه عليج من بنت
ساروه: بسير ارقد برايكم
بومحمد: هههههه برايج يابنتى لله يرضى عليج
,,,
سارت ساروه و موزه صوب غرفتهم اول ما دخلن عقن بعمارهن على الشبريه وكانن يحسن بتعب اشوى ...
الساعه 12:00 فالليل موزه مارامت ترقد و قعدت تجلب يمين يسار و ساروه حست فيها ..
,,,
ساروه: مووزوووه
موزه(خايفه): بسم لله انتى واعيه و الا ترمسين و انتى راقده
ساروه: ههههههههه لا انا مارمت ارقد من كثر ما تجلبين يمين يسار ..
موزه: سورى و لله ساروه
ساروه: لا عاااادى شو رايج نطلع برع
موزه: الحين ؟؟!!
ساروه: هيه الحين باجر نحن الصبح بنطلع من المزرعه وبنرد بيتنا
موزه: اممممممممممم هزرج
ساروه: هههههههههه هيه عيل شو تبين نقعد اهنيه طول حياتنا
موزه: يالله نطلع لا تتفلسفين (قامت من مكانها)
ساروه: صبرى انزين خلينا ناخذ شيل بيض و نطلع
موزه: وينهن ؟؟!!
ساروه: فى الكبت الى عدال الحمام
موزه: انشا لله بس قومى غسلى ويهج
,,,
دخلت ساروه الحمام وقعدت موزه اطلع الشيل البيض وقعدت تتريا سارووه الى ماخلصت سارت ادق عليها الباب
موزه: ساروه قلنا غسلى ويج هب تتسبحين
ساروه: هههههههههههههههه انزين الحين بطلع (طلعت من الحمام)
موزه: و اخيرا
ساروه: ههههههه هيه و اخيرا
موزه: اندوج الشيله لبسيها ويالله نطلع
ساروه: يالله
............................
بعد تعب وايد خلصت هذا البارت
بدوون توقعات
يلا عطووني ردوود وتوقعات احين
الــغــلا