الجزء السادس
جالسه ترتب ملابسها في الشنطه مره ثانيه مع ان ما صار لها في بيت عمها اربع ايام
شهد : مها اليوم اذا رحنا بيتكم منتيب راجعه معنا ؟
مها : لا خلاص ما شبعتي مني ؟
شهد : بصراحه لاء انا دايم بروحي محد يجلس معي وانتي صرتي تجلسين معي
مها : خلاص الحين اجازه صيري دايم تزورينا
شهد تهز رقبتها بأنصياع الاطفال بس في بالها شي ثاني
نزلت شهد تحت ورفعت السماعه تتصل على ابوها
ابو فهد : السلام عليكم
شهد : وعليكم السلام
ابو فهد : شهد ؟؟
شهد : ايه انا شهد بابا بطلب منك طلب
ابو فهد : عيوني لك
شهد : اليوم مانبي نروح بيت عمي
ابو فهد : ودلوعة ابوها ليه ماتبي تروح بيت عمها ؟؟
شهد : احسن مانبي
ابو فهد : ليه انتي ماتبين تلعبين مع بنت عمك ساره
شهد : ابي لكن ما ابي مها ترجع بيتهم وارجع اجلس بروحي بالبيت
ابو فهد : ومن قال ان مها راح ترجع بيتهم الحين ؟
شهد : ليش ما راح تروح معنا ؟
ابو فهد : راح تروح معنا بس بعد راح ترجع مره ثانيه معنا
شهد : لكن اهي قالت الي انها ماراح ترجع مره ثانيه معنا ورتبت ملابسها بالشنطه مره ثانيه
ابو فهد : لا حبيبتي انا راح اكلمها واقولها تجلس معنا .. ها وش تبين بعد اكثر من كذا
شهد : شكررررررررررررا بابا احبك كثير
ابو فهد : هههههه واحنا عندنا كم شهد
شهد: بس وحده انا.... واحلى وحده
ابو فهد : ياللا بابا حبيبي تبين شي ثاني ؟
شهد : لا ما ابي شي ثاني بس بروح اقول لمها انها بتجلس معنا
ابو فهد : لالا شهد حبيبي انا راح اكلمها لما اجي من الشركه
شهد : حرام بابا اهي ترتب ملابسها في الشنطه بتتعب بعدين ترجعهم
ابو فهد : هههههه خلاص ولا يهمك الحين انا بكلمها بس وينها الحين بغرفتك ؟
شهد : ايوه
ابو فهد : خلاص حوليني لها وانا اقول لها
شهد حولت التلفون و ركبت لمها ولقت التفون يرن ومها ما رفعته
شهد : مها هذا بابا يبيك في التلفون ارفعيه
مها : الو
ابو فهد : هلا ببنت اخوي وش لونك ؟
مها مستغربه من عمها ليه مكلمها بالتفون ممكن انه يكلمها لما يجي البيت
مها : هلا عمي الحمدالله انت وش اخبارك ؟
ابو فهد : الحمدالله بخير ... اليوم ترانا بنروح بيتكم بس بترجعين معنا
مها : بس عم.....
ابو فهد يقاطعها : ها يا مها ترديني انا قلت تردين معنا
مها : انشالله عمي
ابو فهد : يالله فمان الله
مها : مع السلامه
شهد وتعمل حالها ما تدري عن شي : وش كان يبي بابا
مها وهي سرحانه : يقولي ارجع معكم اليوم
شهد تنط وتمثل انها متفاجئه : هيييييي يحيا بابا
مها : هههههه لهدرجه فرحانه
شهد: اكيد فرحانه
:::::::::::::::::::::::::::::::::::::::::::::::::
عبد العزيز صار دايم مايفارق حسن وحسن بس يبي يطلع مكان يتصل قبل على عبد العزيز
عبد العزيز : حسن انت وش تقول ناويين عليه هالشياب
حسن : والله ما ادري بس الله يستر والله يا عبد العزيز عندي احساس انهم بيودونا في داهيه
عبد العزيز : انا عندي خلا ص رحت في ستين داهيه من اول ما راحت الاجازه بالبدايه من الدراسه والحين من الشغل
حسن : انت عى الاقل لو كنت ناجح كانت اشتغلت يعني كذا والا كذا العطله هاذي انت مشتغل فيها الا انا الي دراسه وشغل وانا لسه باقي لي سنه على التخرج
عبد العزيز : اقول قم بس قم الساعه اربع الحين تلاقي الكل موجود في بيتكم
حسن : أي والله انا اخر شي افكر فيه اني اخليهم يعصبون علينا خلينا الحين برضاهم لا ينقلبون علينا اكثر
:::::::::::::::::::::::::::::::::::::::::::::::::: ::::::::::::::
مها تسلم على ابوها وتبوس راسه : الحمدالله بابا انا بخير انت وش اخبارك
ابو حسن فرحان لأن مها قبل اربعه ايام طلعت من البيت حتى شبح ابتسامه على شفاتها ماكن يشوف والحين تتبسم له وفرحانه بشوفته
ابو حسن : هلا والله ببنيتي ها رحتي بيت عمك ونسيتينا
مها : افا انا مها بنت جاسم تنسى ابوها
ابو حسن ومو مصدق انا هاذي مها نفسها الي قبل كم يوم : هههههههه اشوف الجلسه ببيت عمك شكلها اعجبتك
مها : اكيد عجبتني بس مو احلى من الجلسه معك
ابو سالم : هههههه والله انك بكاشه
مها تروح تجلس بجنب خالها : ههههه يا حلو اللهجه الجداويه معك ياخالي
ابو سالم : ههههههه تعلمناها خلاص يابنتي
ابو فهد : ها يا ابو حسن اشوفك اشتقت لمها تراها راح ترجع معنا اليوم
ابو حسن : والله على راحتك هاذي بنتك مثل ما هي بنتي
مها : انا استأذن بروح اسلم على امي ونها
:::::::::::::::::::::::::::::::::::::::::::::::::: ::::::::::::
حسن وعبد العزيز : السلام عليكم
الكل : وعليكم السلام
ابو فهد : تو الناس كا لا اجيتو بدري والله
عبد العزيز يناظر في حسن وحسن يبادله النظرات
ابو حسن : وشفيكم هذا بدل ما تسلموا على خالكم توكم تشوفوه متنحين كذا
عبد العزيز راح عند خاله : هلا خالي الحمدالله على السلامه
حسن : هلا خالي وش لونك
ابو سالم : حياكم حياكم عيالي مساكين وانتو عطيتوهم فرصه على طول هبيتوا فيهم
ابو حسن : هذا الي راح يصير من اليوم ورايح علشان يتعلموا الانضباط ويتركوا عنهم هالاستهتار
عبد العزيز يكلم حسن : ما قلت لك ناويين علينا
ابو فهد : هههههههههههههه
فهد وسالم: السلام عليكم
الكل : وعليكم السلام
ابو حسن : وينكم يعيالي صار لنا ساعه ننتظركم
حسن : والله انا اعترض احنا جينا قبلهم اكلتونا وهم جايين متأخرين بس وينكم ياعيالي ؟
الكل : ههههههههههه
فهد: شنو يعني كل هذا غيران منا
سالم : ثانيا من اليوم ورايح انتوا بس تسمعوا كلامنا احنا مدرائكم
حسن : لا بالله رحنا وطي يا عبد العزيز دام هالاثنين اتفقوا علينا
عبد العزيز: لا الظاهر لسه ما اعرفوا عبد العزيز وحسن اذا اجتمعوا وش راح يصير
سالم : اكيد ما نعرف واحنا اصلا شفناكم في يوم من الايام مجتمعين اصلا انا مستغرب انكم صلح مع بعض
حسن : اذكر الله لا تحسدنا
فهد : لا وصايرين يخافون على بعض بعد خوش خوش
احسن لكم لأن بالشركه الجديده مكتبكم مع بعض
حسن : أي شركه ؟؟
ابو فهد يتكلم بجديه : اسمعو يا عيالي حنا ماراح ندوم لكم ولازم نعلمكم اصول الشغله كيف ...علشان بعدنا ما تضيعون وضيعون الحلال معكم انا وابو حسن ومعنا ابو سالم صار لنا سنه نبني في الشركه الجديده وهاذي الشركه راس مالها مشترك بينا احنا الثلاثه بس مو احنا الي راح نمسك الشغل فيها احنا راح نخليكم انتو تمشون هالشركه وسالم وفهد فاهمين الشغله ويعلمونكم واحنا موجودين معكم وراح نمولكم بالي تبونه بس اهم شي تنسون هالاستهتار الي انتو فيه
ابو سالم : وترى الانضباط اهم شي
فهد : لا خالي هذا خليه علينا ماراح نرحمهم
حسن : لاكن انا باقي لي سنه على التخرج
فهد : ايه مو انت راح تداوم العصر لحد ما تخلص دراستك
عبد العزيز وحاب يستعبط : وانا اداوم بس الصباح لحد ما حسن يخلص دراسته
سالم : لا يا بابا انت لحد ما تخلص المواد الي عندك وبعدين دوامك راح يكون كامل
فهد : اهلا بكم في عالم الجد والشغل ودعوا اللعب والهزل الي كنتو فيهم ما في راحه خلاص
عبد العزيز : والله ان عبادي خلص نفسه لما دخل الطب
حسن : لا والله انا لو اشتغل اربعه وعشرين على اربعه وعشرين ما ادخل طب غير كذا انا ما اتحمل اشوف واحد شوي ويموت
عبد العزيز : هههههههه انت لو تصير دكتور كان قول على المرضى السلام
الكل مستغرب من الانسجام العجيب بين حسن وعبد العزيز لاكن فرحانين بنفس الوقت لأنهم يعرفون العلاقه بين عبد العزيز وحسن كيف كانت
شوي والكل يسمع صوت صراخ من الصاله
:::::::::::::::::::::::::::::::::::::::::::::::::: :::::::
مها بفرح وهي تنط نط : وااااااااااااااااااااااااااااااااااااااااااااااااا ا ماما ماتوقعت هاذي النتيجه ابدا
نها : الحمدالله الف الف مبروك ها الحين وش ناويه عليه
حسن الي جى بسرعه بعد ما سمع صريخ مها : وش الي صاير ؟؟
مها : حسون حسون اطلعت نتيجتي
حسن : والله بشري ؟؟
مها:92.55
حسن :والله مبرووووووووك ها الحين وش بتدخلين
مها : طبعا نسبه كذا زي وجهي ما راح تدخلني طب
حسن : وشلون ما تدخلك انت بس قولي تبين تدخلين وتشوفين وشراح اسويلك علشان تدخلين
مها : اصلا انا الحين ما ابي ادخل طب
نها : وش بتدخلين اجل ؟
مها : ادب انجليزي
حسن : صدق انك دافوره يعني مار اح تدخلين طب بتدخلين ادب انجليزي
مها : ههههههههههههه
الكل مستغرب من نفسية مها اليوم لأنها من اول ماتوفت رانيا عمرها ما صارت نفسيتها كذا
لاكن مها قررت انها تنسى كل شي وتبدى حياه جديده
حسن راح للمجلس يقولهم عن سبب صراخ مها
ابو حسن : ها ياحسن وش الي صاير ؟
حسن : لا بس مها اطلعت نتيجتها
ابو حسن الي خاف على بنته ان تكو نسبتها مو حلوه وتأثر على نفسيتها بعد ما بدت تتحسن سكت وما تكلم ينتظر حسن يقول النتيجه
حسن ساكت وما تكلم
ابو فهد : وش النتيجه ياحسن اخلص تكلم
حسن : لا عمي ما ينخاف عليها هاذي دافوره طالعه على اخوها هههههههه
جابت 92.55
ابو حسن : الحمدالله الحمدالله
حسن :ما قلت لكم طالعه على اخوها
عبد العزيز : لو طالعه على اخوها كان ما نجحت
حسن : اقول يا امتياز يازينك ساكت
فهد وسالم : هههههههههههههههههههه
فهد : شكلك عطيتهم عين يا سالم
سالم : اهم الي ما يبي لهم شي وعلى طول قلب كل واحد على الثاني
حسن : عبد العزيز الظاهر الحساد كثير هنا
:::::::::::::::::::::::::::::::::::::::::::::::::: :::
مها : وينهم إرم وعُلا ما جاو معكم
ام سالم : والله يابنتي إرم تنتظر النتيجه بالبيت وعُلا جلست معها
مها : طيب خليهم الحين يجون خلاص النتايج وطلعت
ام سالم : ايه والله يابنتي عن جلستهم بالبيت محد معهم
ام سالم مسكت الجوال واتصلت على جوال إرم
إرم : كلولولولولولولولولولولولولولوش الف الصلاة والسلام عليك يارسول الله محمد
ام سالم : ههههههه وش فيكي يابنت انهبلتي
إرم : لا ما انهبلت بس اطلعت نتيجتي
ام سالم : وبشري كم ؟
إرم : 94
ام سالم بالبركه يابنتي
مها : ها بشري خالتي
إرم : من الي يتكلم عندك ماما
ام سالم : هاذي مها بنت عمتك تسأل عن نتيجتك
ام سالم تكلم مها : 94
إرم : وهي كم جابت
ام سالم : 92
إرم : قولي لها يالله تستعد راح تدخلي مع الجامعه
ام سالم : ههههه عن كثر الحكي وتعالي انت اختك
إرم : وين؟؟ بيت عمتي ؟؟
ام سالم : ايه اجل وين
إرم : خلاص الحين اقول لعُلا واجيبها معي
ام سالم : يالله مع السلامه
مها : ها راح تجي ؟
ام سالم : ايه راح تجي
:::::::::::::::::::::::::::::::::::::::::::::::::: ::
عبدالله : والله يا اخي انا زهقت خلاص يعني الناس تخلص دراسه احنا نبتدي في هم العن من هم الدراسه خلاص زهقت من المستشفى
محمد: والله الي يسمعك الحين يقول انك توك تداوم في هالمستشفى
عبدالله : مو توني اداوم بس والله اني زهقت خلاص صرت ما اشوف احد ابد
محمد : احنا الي اخترنا الطب ولازم نتحمل بعدين انا عاجبني الوضع
عبدالله : انت عاجبك الوضع علشان القلب معاك في المستشفى والا لو ما كانت موجوده كان انت اول واحد فينا تتحلطم
محمد : ههههههههه المهم عاجبني
"محمد هذا ولد خالهم ابو محمد وهو بنفس تخصص عبدالله ونفس السنه ودايم معه ومع حسن وما كان ما يحتك بعبد العزيز كثير وما يشوفه الا بالمناسبات .... محمد امه متوفيه وعنده اخت وحده واخو واحد ....البنت عمرها 22 تدرس بجامعة الملك فيصل علوم طبيه ..... والولد اسمه فيصل عمره 24 متخرج من البترول ويشتغل في ارمكو "
:::::::::::::::::::::::::::::::::::::::::::::::::: ::::
: السلام عليكم
الكل: وعليكم السلام
مها اندهشت لما شافت بنات خالها لأنهم اكبروا كثير عن اخر مره شافتهم فيها وتغيروا لدرجه انها ما عرفت عُلا من إرم
" إرم كانت متوسطة الطول يعني اقصر من مها وحنطية البشره وناعمه جدا وشعرها ناعم ويوصل لأكتافها وجمالها هندي وعيونها سود وحلوين والبنت ربشه بس تدخل مكان لازم تقلبه وعندها سرعة تأقلم عجيبه "
"عُلا تشابه إرم لاكن عُلا اطول من إرم وأهدأ منها وخجوله مرررره وشعر عُلا اطول يوصلها لنهاية ظهرها "
إرم : هلا مها وش اخبارك ؟
مها: الحمدالله بخير انتو وش اخباركم
إرم : يالله قولي من انا عُلا والا إرم
مها : اممممممم إرم
إرم : ههههههه كيف عرفتي
مها : ههههههههه من ريحتك
علا : هههههههههههه احسن علشان تعطيني مجال اسلم
وسلمت عُلا على مها وراحت اجلست بجنب امها
إرم : هههههههه طيب وانت اوريك الايام جايه وهذا بيتنا ...لاكن وينك انت ما شفناك لما جات لنا امك ونها؟؟
مها تذكرت كل الي صار وليش اهي ببيت عمها وبان في عيونها نظرة حزن محد انتبه لها
مها : كنت ببيت عمي من كم يوم
إرم بخبث وبصوت واطي محد يسمعه غير مها : وليش هناك ما فيه احد بسنك علشان تجلسي معه
مها : ههههههه بكيفي.... تبين تجين معي حياك
إرم : والله اذا اولاد عمتي مزايين انا سابقتك هناك
مها : هههههههههههههههههه والله انك فله بس اولادعمتك لا مزايين ولاهم يحزنون الايجيبون الهم
إرم: قولي والله ليش؟
مها الي حست ان إرم اخذت كلامها على محمل الجد : ههههههه امزح معك
عُلا : انتو شفيكم ما صر لكم دقايق من التقيتوا وبديتوا مساسر ما يصير حرام
مها تقوم تجلس بجنب عُلا وتبوسها : ولا يزعلوا الحلوين وشدعوه كم عُلا عندنا حنا
عُلا : هههههههههههههههههه
إرم: اقول عن الكلام الفاضي وقومي خذيني بجوله في بيتكم خليني اتعرف على المناطق السياحيه في بيتكم
مها : هههههههه معالم سياحيه في بيتنا ؟؟ طيب ولا يهمك قومي معي عشان اجهز لي ملابس
وقامت إرم مع مها
إرم : ليش راح تجهزين لك ملابس ؟؟
مها وهي تفتح باب الغرفه : علشان ارجع بيت عمي
إرم بخبث : الظاهر الجلسه في بيت عمك عاجبتك
مها : هههههه لا والله بالعكس ونفسي ما ارجع واجلس هنا
مها تجول بنظرها في الغرفه وترجع لها الذكريات وعينا بدت تدمع ...إرم استغربت من مها
إرم : مها وش فيك
مها وصوتها مخنوق : ولا شي بس ..."وسالت دموعها بهدوء على خدودها "
إرم الي استغربت وخافت اكثر على بنت عمتها: مها وش فيك ؟ ليش تبكين
مها ما حست بنفسها الا وهي وتبكي من قلب في حظن بنت خالها على كل ذكرياتها مع صديقة عمرها رانيا
إرم خايفه على مها وحظنتها وجلست تمسح على راسها وتهديها بس مها كل ما جاها تبكي اكثر يمكن لأنها اول مره تبكي بحظن احد بعد وفاة رانيا كانت دايما تحظن دبدوب رانيا وتبكي بس هالمره حست بدفا وحنان في حظن إرم
إرم : مها حبيبتي اسم الله عليك وش فيك توك تضحكين وما فيك شي
مها بعدت نفسها عن إرم وراحت لواحد من الادراج وفتحته وطلعت منه البوم وجلست على الارض وهي تناظر صورها مع رانيا من طفولتهم لحد ثالث ثانوي واختفت رانيا من حياة مها لأبد
إرم راحت لمها وجلست بجنبها على الارض
إرم : مها وش تطالعين
مها : هاذي صوري انا مع رانيا صديقتي
إرم : صدق والله حلوه "وتأشر على طفله في الصوره " هاذي هي
مها : ايه هاذي هي
إرم : شكلها حبوبه لازم تعرفيني عليها
مها بصوت خانقته العبره : اتوفت.... قبل الامتحانات بسبوعين
إرم انصدمت وبداخلها ترجمت كل الي صار لمها لما دخلت الغرفه
إرم : الله يرحمها
مها تبتسم : الله يرحمها .. تدرين انا لما كنت ببيت عمي قررت اني انسى وأتأقلم مع الوضع بس ما دريت اني لما اجي هنا راح انهار كذا
إرم : علشان كذا انتي ببيت عمتي
مها تهز راسها : ايه عمي ما رضى اني اجلس بالبيت وقال لي اروح انام عندهم كم يوم بالعطله ممكن اني انسى
إرم توقف : لالالالا اوبجكشن ما يصر تروحين هناك وانا هنا عند بيتكم
مها : ههههه ههههههه
إرم بحنان : مها حبيبتي انا هنا ما اعرف احد وما عندي صديقات
اقدر اصير صديقتك ؟
مها : وانا بعد ماصار عندي صديقات
إرم وهي تضرب على صدرها : خلاص انا من اليوم ورايح صديقتك ومن الحين انت غير التخصص الي انا راح ادخله ما في تدخلين
مها : ههههههه حاظر عمتي ... لاكن اذا ما عجبني وش اسوي
إرم بعفويه : مو لازم يعجبك
مها : هههههههه طيب انت وش ناويه تدخلين ؟
إرم : والله ما ادري لحد الحين
مها : انا قلت اني راح ادخل ادب انجليزي
إرم : والله؟؟ معك يابعد عمري معك
مها : هههههههه كذا على طول بدون ما تفكرين
إرم: الله والاقسام الحلوه الي عندنا ثانيا انا اعشق الانجليزي
مها : طيب انتي ما تفكري تروحي الرياض
إرم : بصراحه لا.... كنت في البدايه افكر اني اروح جده لأن كل صديقاتي هناك لاكن الحين مستحيل اروح هناك
مها : وليش مستحيل ؟؟
إرم : اولا ً بابا ما رحب بالفكره يعني هو ما مانع لكن ما شفته تحمس معي غير كذا انا ابي اكون معك انتي
مها : إرم حبيبتي شكلي حزنتك معي
إرم : اقول مها
مها : نعم
إرم : محد اعطاك كف على وجهك من قبل
مها : ههههههههه لا محد
إرم وهي تقلد مها بطريقه مضحكه: ما كني حزنتك معي
مها : ههههههه والله عندك هواية التقليد
وجلسوا يسولفون لحد ما قطع سوالفهم طق على الباب
ساره تطل براسها داخل الغرفه : مها ....عمي يقولك بيمشون عجلي
مها : جايه " وتلف لإرم تكلمها " إرم حبيبتي كلها كم يوم راجعه لك البيت هنا.. بس لأني ما اقدر اقول لعمي ماراح ارجع معك
إرم تحول كلامها للجد بس بطريقه مضحكه : يومين مو اكثر واذا ما جيتي روحي وانتي طالق
مها : انشالله يابعلي العزيز ههههههه
إرم بخبث : عزيز والا عبد العزيز
مها منصدمه : وليش عبد العزيز
إرم : اولا لأنك نايمه هناك ثانيا انتي قلتي يابعلي العزيز
مها : ههههههه إرم اقولك شي
إرم: قولي قولي
مها : انا هذا الي اسمه عبد العزيز اكثر واحد بهالعالم كله اكرهه وما اواطنه ولعلمك بعد اذا انا اكرهه مره فهو يكرهني مليون مره
إرم : لا عاد وش هالكره كله
مها : احنا يبيلنا جلسه الحين انا بستأذن تلاقي عمي بالسياره ينتظرني وخلينا على اتصال
إرم: طيب عطيني رقمك
مها : طيب خذي ............050
ونزلت مها مع إرم للبقيه في الصاله
مها تسلم على امها : يالله ماما مع السلامه
وسلمت على البقيه
وطلعت مها ومعها إرم
إرم بمزح : يالله بروح معك
مها صدقت إرم : جد ؟؟ والله جد تعالي معي وبعدين خلي أي واحد من اخوانك يرجعك
وصلوا للحديقه وكان الرجال الواقفين ابو فهد وابو حسن وابو سالم وحسن وعبد العزيز
ابو سالم من شاف البنات تقربوا لهم : هلا هلا ببنياتي ... ها يإرم وين رايحه
إرم : مها بتروح بيت عمتي وانا برجع البيت ما الي جلسه في هذا البيت دام مها مو فيه
حسن : بس عرف ان الي تتكلم إرم طالعها بإحتقار وهي لاحظت هالشي ومو بس هي الي لاحظت هالشي حتى عبد العزيز ومها
اما عبد لعزيز اول ما شاف الثنتين قريب لهم استغرب وقال في نفسه : وش هالعيله الي ما فيها بنت زي الناس تغطي وجهها الكل هنا فاتح وجه
عبد العزيز : عن اذنكم وراح ورى حسن الي عطى إرم هالنظرات ومشى بدون ما يتكلم ولا كلمه وهالشي خلى مها تستغرب من اخوها
عبد العزيز :حسن حسن انتظر
حسن وقف لعبد العزيز لكن بدون ما يلف له
عبد العزيز : حسن وش فيك ؟؟
حسن: يعني ما تدري بعد كل الي صار والله قهر
عبد العزيز : طيب ليش ما اعترضت
حسن يضحك بسخريه : لنفس السبب الي خلاك ما تعترض
عبد العزيز ارتبك : ها ... انا ... ليش ...
حسن : عبد العزيز انا ادري انك اصلا مو موافق على الشي الي قالوه لأن اصلا ما احد يرضاها لنفسه كذا انه يعيش وما اتخذ اهم قرار في حياته
عبد العزيز سكت وما عرف وش يقول لأنه ما يقدر يتكلم لحسن في هالموضوع
حسن : عبد العزيز لا تسكت ادري انك مستغرب من الي اقوله بس لا تسكت لا تخلي احد يقرر عنك
عبد العزيز : وانت وش راح تسوي ؟؟
حسن : لا في احلامهم يمشون هالقرار علي وش شايفيني بزر
عبد العزيز : بس ما تشوفها احراج انك كذا ترفض الشي بعد ما قالوا الكلام وش راح تقول ؟؟
حسن : والله ما ادري يا عبد العزيز ما ادري الله يستر بس مستحيل شنو يفتكرونا وبعدين انا ما احب احد يقرر عني ويمشي علي القرار
عبد العزيز ما يبي يتكلم مع حسن في هالموضوع لأنه يحس بإحراج : يالله حسن انا الحين بروح البيت تعبان
حسن : فمان الله
" وكل واحد شغل سيارته واتجه لطريق غير عن الثاني "
::::::::::::::::::::::::::::::::::::::::::::::::
ابو فهد : يالله فمان الله
ابو سالم وابو حسن : فمان الكريم
إرم بصوت واطي : من الي كانو واقفين معنا
مها : عبد العزيز وحسن اخوي
إرم : اخوك الي راح باالاول صح
مها : ايوه
إرم : وعلى ايش رافع خشمه ويناظرني كذا ؟
مها تستهبل : كيف ناظرك ؟
إرم : اقول روحي روحي بيت عمك وبعدين للحديث صله باي
مها : بيباي
:::::::::::::::::::::::::::::::::::::::::::::::::: :::::::
مها لما وصلت بيت عمها اول شي سوته اتصلت على حسن
مها : هلا حسن
حسن بملل واضح : هلا
مها : وش فيك ؟
حسن : مافيني شي انتي وينك ؟
مها : ببيت عمي
حسن متفاجئ : وش الي رجعك بيت عمك ؟؟
مها : ها ... عمي ما رضى قال الي لازم ترجعين معنا
حسن : طيب تبين شي
مها تأكدت من اسلوب حسن في الكلام ان في شي صاير
مها : لا ما ابي شي بس انت وش فيك ؟
حسن : قلت لك ما فيني شي
مها : مستحيل ما فيك شي
حسن : مها انتي فاضيه ؟؟
مها : ايه ليش
حسن : لأنك مكثره اسأله
مها : حسن خلاص والله اخر سؤال
حسن : طيب اسألي وفكيني
مها : انت اليوم لما جيت انا وإرم ليش ناظرتنا كذا ورحت
حسن بكل ثقه : اولا انا ما ناظرتك انتي ناظرتها هي وغير كذا لأنها ما تستحق غير هالنظرات
مها مستغربه : ليش وش الي صاير
حسن يصرف : مها انا عند الشباب الحين بعدين اكلمك بيباي
وما اعطاها فرصه وعلى طول سكر
مها مستغربه من اخوها وتصرفاته الغريبه جدا اليوم وليش يتكلم عن إرم كذا
وقطع صوت تفكيرها صوت الجوال مها شافت الرقم غريب
مها : الو
إرم : هلا والله
مها : هههههههه مسرع ما شتقتيلي
إرم : هههههه اقول انا متصله بس علشان تسجلي رقمي عندك لأنك ما اخذتيه
مها : هههههههههههه عادي عادي إرم حبيبتي اعترفي اني وحشتك
إرم : اقول عن كثر الحكي ويالله بيباي
مها : بيباي
:::::::::::::::::::::::::::::::::::::::::::::::::: :::::::
عبد العزيز بعصبيه : قلت لك ابيك تعال
عبد الله : عبد العزيز وش فيك ما اقدر اجي انا عندي دوام بالمستشفى وش الي صاير
عبد العزيز : طيب جايلك الحين باي
وسكر السماعه وما صارت ربع ساعه الا وهو عند باب المستشفى الي يشتغل فيها عبدالله
عبد العزيز طلع الجوال من جيبه ودق على عبدالله
عبد العزيز : وينك انت
عبد الله : انت الي وينك وانا جاي لك
عبد العزيز : انا عند الباب
عبد الله :خلاص انا جاي لك
سكر عبد العزيز من عبدالله وظل يناظر في الرايح والجاي بتوتر ملفت
عبد الله : عبد العزيز وش فيك ؟
عبد العزيز : قول وش ما فيني
عبد الله : عبد العزيز خوفتني بسرعه قول لي
عبد العزيز :كذا واحنا واقفين هنا يعني ما تقدر تطلع معي
عبد الله : طيب بس لحظه اروح ارتب الامور واجيك
عبد العزيز جلس على واحد من الكراسي وسرح في الناس الرايحه والجايه
:عبد العزيز ...... عبد العزيز
عبد العزيز : عبد الله ؟؟
محمد :ههههههه لهدرجه اشبه اخوك
عبد العزيز : محمد ؟؟ هلا والله
محمد : هلا سلامات وش الي جابك عندنا
عبد العزيز : ههههه لا بس جاي لعبدالله هنا
عبدالله : يالله مشينا
محمد : وين رايح ؟
عبد الله : والله ما ادري " يلف يكلم عبد العزيز السرحان " عبد العزيز وين رايحين
عبد العزيز : ما ادري ما ادري
محمد : طيب انت كيف بتطلع من الدوام ؟
عبد الله يبتسم : روح غرفتك وبتعرف
محمد : اوريك انت ارجع بعدين وراح تشوف
عبد العزيز : عبد الله مطول ؟؟
عبد الله : عبد العزيز وش فيك ما راح نطير
عبد العزيز بعصبيه : لما تخلص بتلاقيني بالسياره
ومشى عنهم رايح لسيارته
عبدالله : يالله محمد اشوفك بعدين
::::::::::::::::::::::::::::::::::
عبدالله : عبد العزيز وش فيك ؟
عبد العزيز شغل السياره ومشى وهو ساكت
عبد الله: يعني الحين انت مطلعني من الشغل علشان تسكت
عبد العزيز : ما ادري وش اسوي يا عبد الله .....ابوي حطني بموقف..... ما ادري .......لازم اطلع منه
عبد الله: طيب وش الي صار
عبد العزيز : اليوم كنا مجتمعين في بيت عمي وخالي بو سالم بعد كان موجود
في البدايه الجلسه كانت عن الشغل والشركه الجديده المشتركه بين عمي وابوي وخالي وبعدين
"ابو فهد : اقول يابو حسن خلينا من الشغل الحين الشغل عمره ما يخلص
خلينا بالموضوع الي قلتلك عنه
ابو حسن : ايه بالمره عشان ناخذ راي ابو سالم بالموضوع
ابو فهد : عبد العزيز ... حسن
عبد العزيز : هلا يبه
حسن : آمر عمي
ابو فهد : اسمعوا انا وابو حسن وخالكم ابو سالم كبرنا و الحلال من بعدنا مانبيه يضيع ويروح للغريب
عبد العزيز : الله يعطيك طولة العمر يبه بس وش مناسبة هالكلام الحين
ابو حسن : اسمعوا ابو فهد خطب مها لعبد العزيز مني وانا وافقت
حسن : يبه ومها ما اخذت رايها ؟؟
ابو فهد : مها ياحسن اعقل من انها ترفض ولد عمها
عبد العزيز انصدم وما قدر يتكلم ولا يسوي شي
ولا حتى يعارض خاصة انه عمه موجود وحسن لاحظ هالشي على عبد العزيز بس الشي الي خلى حسن ينصدم اكثر لما ابو حسن تكلم
ابو حسن : وانت يا حسن ماراح تلاقي انسب من بنت خالك
ابو سالم : ايه يابو حسن وبنت خاله ما راح تلاقي رجال يصونها مثل حسن وانا اقول يابو حسن إرم تناسب لحسن ولو ما ملكة عُلا قريب كان املكنا عليهم بنفس اليوم
ابو حسن : خلي عُلا الحين تملك على خير لأن الحين مانبي نعلم البنات عشان حالة مها وما اظن انها راح تتقبل شي الحين
ابو فهد : وانا من رايك
ابو سالم : الي تشوفونه
حسن هنا حس حاله لعبه من لعب الاطفال يحركونه ويقررون عنه كل شي وقررون ويتناقشون في شي المفروض القرار الاول والاخير فيه يكون له"
عبد العزيز : عرفت عرفت الحين وش الي صاير
عبد الله ساكت وما نطق بولا كلمه
عبد العزيز : شفت اذا انت صرت كذا انا وش تتوقع كانت حالتي والله ياعبدالله حسيت اني غبي ومالي راي في الحياه والمشكله ان ابوي تكلم بوجود عمي يعني تخيل اني برفض بنت عمي قدام ابوها
عبد الله : طيب ليش ابوي ما اخذ رايك قبل؟؟
عبد العزيز بعصبيه مفاجئه : تسألني انا ؟؟ وش دراني روح اسأله.... ما ادري عنه الظاهر مفكرني لسه بزر وما اعرف اختار ولازم يقررعني
عبد الله : بس هذا مو لعبه هذا زواج ما في احد يتزوج كذا مستحيل
عبد العزيز يضرب يده بالسكان : والمشكله ما لقولي الا مها انا فكرة الزواج مهيب ببالي والحين يحطولي مها
عبدالله: اهدأ اشوي مو كذا ما في شي ينحل بهالطريقه
عبد العزيز : وما في زواج بهالطريقه يا اخي انا هاذي مها لله اكرها والحين اكرهها اكثر من قبل
عبد الله : عبد العزيز البنت ما لها أي ذنب وش ذنبها اذا انت تكرهها وابوها وعمها دخلوها في زواج عائلي الغرض منه مصلحة اشغالهم واعمالهم
عبدالله : عبد العزيز انتبه للبنت لاتظلمها
عبد العزيز الي عصب من كلام اخوه وقام يصارخ : شنو انتبه للبنت لا اظلمها خلاص حسمت الموضوع يعني ما الي راي وتفكرني راح ارضخ لرغباتهم مستحيل ما راح اوافق وما راح اتزوج مها يا اخي اكرهها اكرهــــــــــها شنو ما تفهمون ولا ....غير كذا ابوي يدري بهذا الشي ليش اهي بالذات اختارها لي شنو السالفه عناد يعني ؟؟ اذا عناد راح نشوف من الي راح تمشي كلمته
عبد الله : هدي يا عبد العزيز اكيد ابوي ما كان قصده كذا لاكن ابوي من حبه لمها بالذات من بنات العيله خطبها لك
عبد العزيز : وليش انا بالذات ليش ما يخطبها لك انت
عبد الله : عبد العزيز لأن هذا الزواج تجاري بحت وابوي وعمي ما فكروا ياخذون راي واحد منكم لما قالوا هذا كله غير كذا اهم يدرون انا ما الي بالتجاره ولا بأشغالكم لاكن انتو الاثنين راح تتوظفون هناك بتجارتهم بشركاتهم
عبد العزيز الي صارت سرعة السياره في يده جنونيه : مو بكيفهم يحددون مصيري ..ما ابيها ..اكرها يا اخي اكرهها
عبد الله : عبد العزيز هدي السرعه شوي مو كذا بتودينا في داهيه
عبد العزيز الي بدأ يهدي السرعه اخذ طريق يوصله للقهوه الي دايم يجلس فيها ووقف السياره هناك ونزل اهو وعبد الله
عبدالله : عبد العزيز بسألك وش ردة فعل حسن على الي صار
عبد العزيز : حسن رافض الوضع اكثر مني صحيح انه ما تكلم قدام ابوي وعمي وخالي لاكن بعدين قالي انه ما راح يسكت عن الشي
عبدالله : لايكون بعد قلت له انك ماتبي اخته
عبد العزيز : مايحتاج اقول الظاهر ان وجهي كان فاضحني اهو عرف من حاله من غير ما اقوله وغير كذا يقولي لا تخليهم يمشوك بكيفهم ارفض
عبد الله الي بانت على وجهه علامات استغراب : وانت وش رديت عليه
عبد العزيز : يعني وش تبيني اقول القوله اني ما اشتهي اختك ولو كانت اخر بنت بالعالم مستحيل اتزوجها ... سكت و ما قلت له شي
عبد الله : عبد العزيز لا تكلم ابوي اليوم لأنك مره معصب وماراح تقدر تتفاهم بهدوء بكره على خير كلم ابوي وحاول انك تكلمه بهدوء مو تعصب وتخلي ابوي يعاند ويصر على موقفه
عبد العزيز : راح احاول بس ابيك تكون موجود معي على الاقل توقف بصفي وبعدين ابوي دايم يعتبرك انت العاقل والفاهم يمكن يقتنع برايك
عبدالله : انشالله
عبد الله قال هالكلام لاكن كان متيقن في داخل نفسه انه مهما حاولوا مع ابوه مراح يرجع في رايه خاصة انه كلم عمه واعطاه كلمه قدام الكل بس قال كذا عشان يهدي عبد العزيز
عبد الله : طيب الحين ممكن ترجعني المستشفى لأن محمد بيذبحني لأني محول مواعيدي كلها عليه
عبد العزيز : قوم مشينا
عبدالله : انا الي راح اسوق مو بايع عمري تسوق لي مثل قبل شوي
عبد العزيز : بكيفك
ركبو السياره
عبد الله كان اهو الي يسوق وعبد العزيز كان ساكت يفكر وش راح يقول لبوه بكره اذا كلمه وعلمه انه رافض هالشي بس قطع عليه تفكيره جواله لما رن
عبد الله : وش فيك ارفعه بتجلس كذا تناظره
عبد العزيز : هذا حسن وش تتوقع يبي
عبدالله : وانا وش دراني ارفعه وتعرف
في هالحظه سكت التلفون ورجع رن مره ثانيه
عبد الله : عبد العزيز ارفعه يمكن يبي منك شي
عبد العزيز : ما ادري احس انه ما الي عين اكلمه
عبد الله : طيب يمكن يبي شي ضروري
على اخر لحظه عبد العزيز رفع السماعه
عبد العزيز : هلا حسن
حسن : هلا انت وينك ؟
عبد العزيز: مع عبد الله بوديه المستشفى وبرجع بغيت شي ؟
حسن :ابيك تمرني القهوه
عبد العزيز : توني انا وعبدالله طالعين من القهوه
حسن: طيب وصل اخوك وارجع الي ابيك
عبد العزيز : خلاص صار
حسن : فمان الله
عبد العزيز : مع السلامه
:::::::::::::::::::::::::::::::::::::::::::::::::: :::::::
في جهه ثانيه ومع ناس ثانيين مالهم في كل الي يصير عايشين احلى لحظات حياتهم
فهد : نهوي حبيبتي وش صار على العرس الحين
نها : خلاص بنهايه الاجازة انشالله بس انت لازم ترتب الاشياء مع عمي وابوي
فهد : يا حياتي انتي والله تسلمين لي يا احى نها بالدنيا
نها : ههههههه كل هذا علشا اني رضيت نتزوج بالعطله
فهد : ايه تدرين ياحياتي اني ما اقدر اعيش بدونك ... بس انتي وش الي خلاك تغيرين رايك ؟؟
نها : والله اليوم لما شفت مها اختي شفت ان نفسيتها تحسنت كثير وعلى ما يجي زواجي على الاقل بتفرح الي يعني الي يشوف اختي مها اليوم ما يقول هاذي نفسها مها الي قبل كم يوم
فهد : بعدي والله بنت عمي ..مها هاذي مو أي كلام
نها : اقول يالحبيب لا تنسى حالك
فهد:ههههههه طيب انتو ما دريتوا عن الي بيصير
نها : وش الي بيصير
فهد: لا هذا الخبر بيفرحك كثير
نها : والله من زمان ما سمعنا شي يفرحنا
فهد انتبه انه المفروض ما يقول لنها لأنها ممكن توصل الخبر لمها وابوه وعمه ما يبون مها تدري بشي الحين علشان كذا غير الموضوع : انا ونها بنتزوج
نها : ههههه لا والله
فهد : ايه والله
نها : يالله فهد قول وش الي صاير
فهد يبي يصرف نها بأي طريقه لأنه يعرف لو نها الحين اصرت عليه عادي يضعف قدام دلعها ويقول لها كل شي : اقول نها حبيبتي الحين انا لازم اسكر ابوي يبيني اروح الشركه الثانيه في اشياء لازم اشوفها
نها : طيب ولاتنسى لأنك بتقولي
فهد حس انه غبي لأن لسانه زل وقال لنها : طيب حبيبتي بيباي
نها : باي
:::::::::::::::::::::::::::::::::::::::::::::::::: :::::::::::::::::
حسن : انت وينك سنه على ما توصل اخوك المستشفى ؟؟
عبد العزيز : مو انا الي كنت اسوق عبدالله الي كان يسوق وحظرته يمشي لي على اقل من مهله
حسن : طيب اجلس اجلس
عبد العزيز وهو يجلس : ها وهذا حنا جلسنا
حسن : عبد العزيز لازم اشوف لي طريقه الغي هالزواج
عبد العزيز ساكت وما تكلم
حسن : انت وش فيك ساكت ؟
عبد العزيز : اسمعك واشوف وش راح تسوي علشان تلغي هالزواج
حسن : انا ما ادري وش اسوي لكن انت على الاقل خلاص طالع منها مستحيل تتزوج
عبد العزيز بإستغراب : وليش كذا تقولها بسهوله طالع منها
حسن : ببساطه اكيد مها اختي ما راح توافق وابوي ما يرفض لمها طلب يعني اذا مها اختي رفضتك ما راح تتزوجها
عبد العزيز في نفسه : الي خلاهم يحطونا كذا في هالموقف وما اخذوا راينا واحنا رجال يخليهم يسون نفس الشي مع البنات
حسن : وين رحت اكلمك
عبد العزيز : معاك
حسن : ايه لاكن انا تتوقع ان هاذي الي اسمها إرم توافق والا ترفض
عبد العزيز : والله علمي علمك
عبد العزيز : ابي أسألك سؤال
حسن : ايه وشو ؟؟
عبد العزيز : انت ليش رافض يعني رافض فكرة الزواج والا رافض إرم
حسن : الاثنين اولا انا ما ابي اتزوج الحين على الاقل ابي اخلص دراستي واشتغل الي كم سنه وكون نفسي شوي ادري ان ابوي ماراح يقصر بشي بس بعد ما احد يرضاها لنفسه كذا يتزوج بهالطريقه يعني ابوي يختار الي اتزوج منو ومتى وبعدين يصرف علينا بعد
عبد العزيز : لا ..لاتنسى انك مع دراستك راح تشتغل يعني ماراح يصرف عليك
حسن : ولو كان ما راح يصرف علينا انا زواج من بنات العيله ما بي يا اخي بعدين أي مشكله تصير راح تصير مشكله في العيله نفسها وكل شي يصير بيقولوا الي هاذي بنت خالك وهاذي بنت خالك يعني ماراح تاخذ راحتك في الحياة ابدا
عبد العزيز :ههههههه والله انك صادق
حسن : هههههه اضحك وش وراك انت خلاص طالع منها
عبد العزيز :ههههههههه وانت وش دراك ان بنت خالك راح توافق ... الا تعال انت وش قلت الي اسمها ؟؟
حسن : إرم
عبد العزيز : ما شالله والله بسرعه حفظت اسمها
حسن : هههههه يعني بعد هذا كله وما تبيني احفظ اسمها
عبد العزيز : اقول قوم خليني اروح البيت ابي انام
حسن : مو توك قبل شوي تقول انك رايح البيت تعبان
عبد العزيز : لا ما رحت البيت رحت لعبدالله
حسن : طيب قوم مشينا
:::::::::::::::::::::::::::::::::::::::::::::::::: :::::::::::::::::::::::::
في هالجزء عرفنا ردة فعل حسن وعبد العزيز
وانتو اتوقعوا وش راح تكون ردة فعل مها وإرم
بنوتات بكرة اكمل
باااااااااايو