مرحبا
بالبداية بحب أشكرك على موضوعك الرائعة
و حابة أقولكم قصتي و مشكلتي و تساعدوني
أنا انتقلت لمدرسة تانية غير مدرستي
تعرفت على كتيييييييير بنات و صاحبتهم بس كل وحدة إلها صاحباتها
يعني أنا حابة تكون إلى صاحبة وحدة على الأقل أمشي معها و نحكي مع بعض و هيك
لكن لهلأ مو قادرة أصاحب بنت
يعني كل البنات اللي تعرفت عليهم و صاحبتهم إلهم صاحبات تانيين و بيمشو معهم أما بالصف منحكي مع بعض و منقعد مع بعض و البنات كتير حبيتهم و حبوني
يعني مثلا لما نخرج من صفوفنا ما بلاقي بنت أمشي معها لأنه كل بنت إلها صديقة معينة و طبعا ما بتحب تفترق عنها
يمكن تلاقو مشكلتي تافهة لكن بالحقيقة أنا صرت ما أحب أروح على المدرسة لأني بحس حالي وحيدة فيها
و كل اللي بدي إياه إنكم تقولولي كيف أصاحب بنت و تكون معي طول الوقت
و بنفس الوقت ما أفرقها عن صاحباتها لأني بكره أفرقهم عن بعض
و تاني شي
أنا مو واثقة من نفسي أبدااااااااا
لدرجة إني ما عندي ثقة بنفسي إني أمشي بالشارع لوحدي
بخاف كتير و ما بحب أمشي إلا إذا كان معي حد
طولت عليكم
و شكرا مسبقا