الــــــــســلام عليـــكم
كيف استعدادكن للمدارس يالبطات ،، بس عاد لا تثقلون كاهل الأهل باللي ما له لزمة ،
ترا كلشي غالي هالأيام ، هذا بس حق الجامعيات خخخخخخخ
انزين ما سألتوني وشو سالفة العرس هذي ،
أنا أقول لكن ^_^
يوم كانت الوالدة تضغط علي عشان أسير جامعة الشارجة
قالت لي: اختاري إما هذي الجامعة أو تجلسين في البيت !
قلت لها : أعرس ولا أني أسير لها .
قالت : مستعجلة يعلج العجلة ،
قلت : نعم مستعجلة واليوم قبل باجر ..
----
---
--
-
السالفة اللي فوق عدت على خير
الحين لما رجعنا من العمرة ، زارونا الأقارب والجيران
ومن بينهم حرمة عمي اللي أبا أتزوج ولدها خخخخخ >-- ولا أنها تسير الجامعة
بعد ما سلمت عالحريم سرت أقعد في الحجرة ، تدرون يعني ما لي خص في هذي السوالف
الموووووووووهيم
روحوا الحريم وتمّت حرمة عمي وصديقة الوالدة
ترا هذي الصديقة أقول لها خالووه لأنها ويانا من يوم كنا صغار أوي
الموووووووووهيم مرة أخرى
قعدت قاعدة في الحجرة ، شوي إلا وحرمة عمي تناديني
حرمة عمي : فلاااااااانة فلااانة ،
أنا : هااااااااا>--- أبوك يالأسلوب
حرمة عمي: تعالي شوي ،، تعالي
وصلت عندها
حرمة العم : تعالي وقعدي جنبي شوي
جيت وقعدت >-- لا يغركم اللي في القلب
عرفت أنها بترمسني عن الجامعة
تسألني وأنا أطالعها وأطالع الوالدة وفيني قهر ليش أمي تقول لها ><
----
---
--
-
تراها ما عدت على خير إلا بقوة ،
عاد الوالدة الله يهديها قالت لحرمة العم أني أفضل الزواج عالجامعة
فضحكت وضحكت وياها ربيعة أمي ،
ربيعة أمي : هههههههههههههههههههه يا حليلها شو تسوي وهقتوها وايد ، وشو تبونها تسوي
بصراحة ما جذبت خالووه ، هم وايد وهقوني
حرمة عمي : صليتي الاستخارة ؟؟
أنا : لا بعدني
أمي : لاااااا هي ما تبا تستخير ، خلاص حطت في بالها أنها بتسير العين خلاص
طالعتها
أمي مطنشة : يوم عطيتها الكتاب قلت لها استخيري قالت مابا .................. الخ بنات السالفة شوي طويلة حرمة العم : سيري هاتي ورقة وقلم بعطيج الدعاء ,
وأنا سايرة أسمع الوالدة تقول : حرمة العم شو رايج نزوجها من علان وخلان عيالج
حرمة العم : ههههههههههههههههههههههه
خالوووه : ههههههههههههههههههههه هييييي
ويوم رجعت انبطحوو أكثر من الضحك وأنا وياهم
قعدت انزين ،
الوالدة : شو رايج بعلان وخلان
قلت لها في الوجه: ما أباهم
قالت : ليش علان يقدر عليج وما فيه عيب، >-- ترا هو سافر ويانا العمرة
قلت : لا ما باه
قالت : انزين وخلان حلو ومأدب وهادئ
قلت لها: ما باه أبا فلان>-- أخوهم الأكبر
قالت : وييييييييييييييييييييييييييييييييييييييهضعيفون شو تبينه ما بروم عليج وانتي درمبه
قلت : بخليه يمتن عقب العرس
وحرمة عمي قاطعة من الضحك واحمر وجهها هههههه ، تخيلن الموقف يا بنات لوووول --
-
بس ما أقدر أكمل الموهيم المغزى صدق فيني قوة وجه ، البنت المفروض تستحي بس أنا غير
هذا مستقبلي لازم أوقف ضد الأعداء
-
-
-
على فكرة أبصم بالعشرين أنكن ما كملتن هع هع
مب لازم ، الأهم أني أفضي الطاقة اللي فيني بشوية كتابة