منتديات بنات دوت كوم - كيكه سريييييعه

السلام عليكم ورحمه الله وبركاته

ازيكم يا طباختنا المحترفات؟؟
انا جيبتلكم طريقه لعمل كيك دسم بسرعه والطريقه دى كانت صاحبه ماما هى اللى معلماهالى علشان كده انا بحب الطريقه دى المهم اسيبكم كع الطريقه

المقادير:
-ثلاث بيضات(متوسط الحجم لو كان عندك صغير فيمكن استخدام اربع بيضات)

-وكوب سكر (مج)ربع كيلو تقريبا

-وذره فانيلا

-ونصف كوب زيت ونصف كوب سمن

-كوب لبن حليب

-13ملعقه دقيق (ملعقه اكل)

-كيس بيكنج بودر

وممكن لو عايزه تعملى كيك شكولاته تحطى ملعقه بودره كاكاو

الطريقه:
حطى البيض وذره الفانيليا فى الخلاااط واخلطى على اعلى سرعه
وبعدين حطى السكر واخلطى
وبعدين حطى الزيت والسمن واخلطى
وبعدين حطى كوب اللبن (يعادل ربع كجم) واخلطى ولو عايزه تضيفى بودره الكاكاو ممكن
وبعدين هاتى(احضرى)طبق وافرغى فيه المكونات وبعدين احضرى منخل وحطى الدقيق مع البيكنج بودر فى المنخل وانخلى حبه قليله فى الطبق اللى فيه المكونات وقلبى بلطف فى اتجاه واحد بملعقه خشبيه مع مراعاه انك ترفعى يدكوانتى بتنخلى حتى يدخل الهواء فى الدقيق وبعد انتهاء كميه الدقيق هاتى بقى صينيه مقاس 24أو26أو28وادهنيها سمن وصبى فيها الخليط وضعيا فى الفرن اللى انتى طبعا هتكونى(قيدااه) مشعلاه قبل ما تبدأى وافتحيه على درجه حراره200تقريبا وبعد ما يعدى من وقت وضعها ثلث ساعه او نصف ساعه الا خمس دقايق(25دقيقه) افتحى الفرن بالراحه واغرسى سكينه جافه فى الكيكه لو خرجت بدون بقايا من العجين فده معناه انها استوت
جربوها بقى وقولولى رايكم :041: