منتديات بنات دوت كوم

منتديات بنات دوت كوم (http://www.vb.banaat.com/index.php)
-   "الأرشيف" مغلق (http://www.vb.banaat.com/forumdisplay.php?f=164)
-   -   طلبية هتون السعد (http://www.vb.banaat.com/showthread.php?t=94009)

حلاوة مصاص 02-07-2007 06:31 PM

طلبية هتون السعد
 
السلام عليكم ورحمة الله وبركاته

كيفكم بنات إن شاء الله بخير

بناء على استفسار هتون السعد عن كيفية نقل الملفات والصور من الكمبيوتر للـ i-pod

حبيت أنزل الموضوع هذا بناء على استفسارها وعشان يستفيدون منه البنات وتعم الفايدة الجميع

بسم الله نبدأ

أول خطوة لازم تحملون برنامج الـ iTunes وهو البرنامج الوحيد الي راح يساعدنا بنقل الملفات للـ i-pod
وحملوه من هنا
( وترا راح يطول معكم شوي وراح تملون بس تحملوا)
المهم لما يخلص البرنامج تحميل افتحيه وراح تطلع لك قائمة على الجنب في اليسار وتحت كلمة Devices راح يكون فيها أجهزة الـ i-pod
المتصلة بالكمبيوتر اضغطي على الجهاز


http://www.4nw.net/get-7-2007-4nw_net_da5nugm9.jpg

وهذي الصفحة الرئيسية للـ ipod الخاص فيك بعد ما تفتحينه


http://www.4nw.net/get-7-2007-4nw_net_zg3hjtgf.jpg

في الصورة هذي أغلب الأشياء مشروحة بس راح تلاحظون في أرقام على اليسار هذولي خيارات :

الخيار رقم واحد يشغل برنامج الـ iTunes أول ما توصلين الـ i-pod بالكمبيوتر

الخيار رقم اثنين يسوي مزامنه يعني ينقل الملفات الصوتيه اللي تختارينها بين الكمبيوتر والـ i-pod

الخيار رقم ثلاثة يخليك تنقلين الملفات من الكمبيوتر للـ i-pod يدوياً

الخيار رقم أربعة يمكن خاصية استخدام الـ i-pod كـهارديسك


الحين من التبويبات الي فوق نضغط على music وراح تطلع لنا هذي الصفحة


http://www.4nw.net/get-7-2007-4nw_net_xckcns3g.jpg

فيه بعض أجهزة الـ i-podفيها تبويبات خاصة
بـ movies,TV shows and Podcasts
وبعضها مافيها إلا
Podcasts

علعموم كل التوبيبات تشترك في نفس الشيء بس تختلف في الأداء

http://www.4nw.net/get-7-2007-4nw_net_dvtcgqcu.jpg

ونفس الشيء بالنسبة لـ movies,TV shows


الصور


http://www.4nw.net/get-7-2007-4nw_net_1hhux53w.jpg

الحين اضغطي على جهازك الـ i-pod الي طالع لك في البرنامج وراح تفتح لك هذي الصفحة

http://www.4nw.net/get-7-2007-4nw_net_y9ueetlf.jpg


الرقم واحد واللي هي القائمة الي على اليسار راح توضح لك المكتبات والأغاني والأفلام وغيره

ولما تضغطين على music الموضحة في البرنامج راح يطلع لك في اليسار نفس الصورة الموضحة بس ملفات الصوت والموسيقى مختلفة
واحسن لك تكون الأسماء بالإنجليزي لأن الـi-pod مايدعم العربي


وعند الرقم اثنين يبين لك اسماء ملفات الصوت في الجهاز

وعند الرقم ثلاثة يبين لك مدة الملف الصوتي

وعند الرقم أربعة يبين لك أسم الفنان أو القارئ

وعند الرقم خمسة يبين لك أسم الألبوم

وعند الرقم سبعة يبين لك التقيم الي تحطينه للملف الصوتي

وعند الرقم ثمانية يبين لك عدد مرات الاستماع للملف

وعند الرقم تسعة يبين لك اخر مرة تم تشغيل بها الملف


ولما تضغطين على music تحت اسم الـ i-pod الخاص فيك راح يطلع لك في اليسار الملفات الصوتية المتواجدة
على جهاز الـ i-pod

وعشان نقل ملفات للـ i-pod فيه طريقتين تلقائية ويديويه
تلقائية اول ماتشكبين الـ i-pod بالكمبيوتر راح تنتقل بدون ما تسوين شي

اما اليدوية تختارين الأغاني الي تبين تنقلينها

إذا تبغينها بالطريقة التلقائية
ارجعي لصورة الثالثة راح تلقين خيار الـ sync music اضغطي عليه
واذا بغيتي كل الأغاني اختاري الخيار الأول
الي هو all songs and playlist
اذا تبغين بس مجموعة معينة اختاري
Selected playlist
واختاري المجموعة الي تبغينها
وكذا اول ماتوصلين الـ i-pod بالجهاز تلقائياً تنتقل

أما إذا بغيتيها يدوياً
أرجعي لصورة الثانية واختاري الخيار رقم 3
اللي هو manually mange music
ولاتنسين بعد تغير أي اعداد تضغطين Apply
بعد ما تختارين manually mange music
ماعليك الإ انك تضغطين music الي في الصورة الأخيرة
وتختارين الأغنية الي تبغينها وتأشرين عليها وتنقلينها للـ i-pod
الي في اليسار بالسحب والإفلات



تم الشرح وإن شاء الله يكون وافي وسهل عليكم
أرق تحية
حلاوة مصاص






عاشقة سيتو 02-07-2007 07:30 PM

يسلمووووو ع الموضوع الحلوووو والشرح الأحلــــــــــــــى



ثااانكس

حلاوة مصاص 02-07-2007 09:23 PM

الله يسلمك أختي عاشقة سيتو

والله يحلي أيامك

وشاكرة لك تواجدك وحضورك

حلاوة مصاص

هتون السعد 03-07-2007 08:57 AM

السلام عليكم شكرا لك اختي حلاوه عالجهد والشرح الرائع
لكن انا عندي البرنامج مركب يوم شريت الكمبيوتر ولكن لم اجد القائمهـDevices
يوم جيت اركب البرنامج الثاني اللي حطيتيه انتي الكمبيوتر يطفي
ما يقبل اركب برامج لانه ويندوز فيستا شوفي البرنامج اللي عندي
الصورهـ...



ارجوا انك تساعديني ...
جزاك الله الف خير

حلاوة مصاص 03-07-2007 09:31 AM

هتون يمكن انتي مو شابكة الـ i-pod بالكمبيوتر

اشبكيه وراح تطلع لك إن شاء الله

شوفي وردي لي خبر

هتون السعد 03-07-2007 12:40 PM

هلا حلاوة شبكت الاي بود بالكمبيوتر
انفتح البرنامج iTunes..
وطلعت لي هذي الرساله شوفيها
الصوره....


http://x88x.com/uploads/2d61e87914.gif



شوفي في الصوره اللي فوق
..setting
تحت اخر الصوره
ضغطت عليهـ شوفي وش طلع في الصوره ضغطت على
ipod






كتب مافي اجهزة اي بود متصلهـ، والله حيرني
مستنيه ردك يالغاليهـ..


حلاوة مصاص 03-07-2007 05:58 PM


أهلين هتون

احذفي الـ iTunes وحمليه من جديد لأن الواضح من الصورة

اللي حطيتيها أن العلة من البرنامج

وحمليه من الرابط هذا وإن شاء الله يضبط معاك

حلاوة مصاص

هتون السعد 03-07-2007 06:24 PM

الجهاز طفى وبعدين يولع
ما يقبل يتحمل عليه اي برنامج..

على فكره البرنامج اللي عندي لون الموسيقى
اخضر مو ازرق ...
انا بدور ديسك البرنامج وان شاء الله
الاقيه.. شكرا جزيلا لك عالتعب والجهد
الله يعافيك ماقصرتي...جزاك الله الف خير

حلاوة مصاص 04-07-2007 09:45 AM

هلا بك هتون

والله ياأختي كان ودي أساعدك
بس النظام الي عندك شكله يواجه
مشاكل مع البرامج وتركيب الهاردوير الجديد
مع أنو في ناس عندهم الفيستا
ويحملو الـ iTunes مضبوط من دون مشاكل
بس إن شاء الله تلقين السيدي
وبالتوفيق
خالص تقديري واحترامي
حلاوة مصاص


الساعة الآن 08:44 PM

Powered by vBulletin® Version 3.8.11
Copyright ©2000 - 2025, vBulletin Solutions, Inc.

Adsense Management by Losha

جميع الحقوق محفوظة لـ شبكة بنات دوت كوم © 2014 - 1999 BANAAT.COM