منتديات بنات دوت كوم - ~*•.• ّ¤؛°`°؛¤ّ¦(( ويـــنـــــكــــ ))¦ ّ¤؛°`°؛¤ّ•.•*~

أقول وينك ؟ ولا القى غير وينك في سكوتي وصال

سؤالي.. غيب شموس الوله حتى انمحـى ظلـي

ياليت القى عذر حتـى ولـو هـذا العـذر دجـال

عشان اقدر اطمـن مابقـى مـن مابقـى بكلـي

غيابك يزرع عيون البكـا فـي ضيقـة المـوال

و ينبت في طرف صوتي سؤال يقول انا من لـي

تروح وانطوي كلي مع الذكـرى وسـط هالبـال

تودينـي التفاصيـل الشقيـه لـك وترجـع لـي

واقول الحال من بعدك تـرى والله ماهـي حـال

انا الكايـد ولكنـي غديـت الحيـن يـا سهلـي

انا هذا الطريق المتعب المرهـق مـن الترحـال

تعبت ابحث علـى راحـه تمـد كفوفهـا لحملـي

سفر هذا الطريق اللي قطع عمري مـن الاهـوال

خلصت ولا خلص هذا الطريق اللي كسـر رجلـي

اقول لنفسي مـن تكثـر جروحـي حـل ياحـلال

احـل ولاحسبـت انـي ادور حـل فـي حـلـي

امر الناس في نهـر النوايـا وضحكـة الاطفـال

واصب كل النوايا البيض على من يستفـز غلـي

عجزت استقبل الكره الملون مـن ورى الاشكـال

عجزت ازعل ولو مره ولو بس مره مـن اجلـي

اعيش بعقـل واهديـت المحبـه للبشـر بهبـال

واشوف ولا بقى حيي ٍ يعيش الحين فـي عقلـي

بقيت انـت وبقـى ضـو الكـلام بداخلـي لازال

ينادي يرتعـش بأقصـى عيونـي يقـول ياخلـي

تعال ارسم على شمس السنين الحارقـات ظـلال

تعال اجمـع بقايـاي الجريحـه وردهـا لأصلـي

انـا وينـي اذا راحـت عيونـك وانتهـت أمـال

انا ويني ومن غيرك يشيل همومي../ بـس قلـي

اقول وينك.؟ ويتشظى صدى صوتي بوادي البـال

يمر بيـن التفاصيـل الحزينـه ويختفـي ظلـي

><><><><><
مـــــنـــــقــــــولــــــه