أنا ماهزني غيرك حبيبي في البشر انسان
ولاحبيت ابد مثلك ولا أفكر أحد ثاني
ابي حبك يزلزلني يفجر داخلي بركان
ابيه يطهر جروحي و يمحي باقي احزاني
ابيك دايم بجنبي يااغلى واعز انسان
وابيك تشد من عزمي اذا همي جاني
ابي حبك ينسيني همومي وعالم الاحزان
وابي قلبك يصبرني اذا جيتك انا اعاني
ابيك تشيل من قلبي معالم لوعه الحرمان
ابيك توقف بجنبي اذا ظرفي تحداني
ابي حبك يملكني ويلون في سماي الوان
ابي قلبك يحسسني قي صدق الحب لاجاني
ابيك الصاحب الوافي واكون لك اعز انسان
وابيك الصاحب المخلص اللي يبيع الروح علشاني
ابي قلبك ابي قربك ابي حب كما البنيان
ابي قلب كبير لاملاه الشوق ناداني
ابي اسكن وسط قلبك لوحدي مامعاي انسان
ابملك كل تفكيرك وتملك كل وجداني
وابي قلب يواعدني لوخان البشر ما خان
ابي طلب طلب واحد رجيتك وهو المهم الان؟
انا ادري مستحيل نرفض لانك حيل تهواني
ابيك تعيش في قلبي اذا تسمح مدى الازمان
وابيك تشوف ماتملك في قلبي وما تعداني