يا مدور الهين ترا الكايد احلى

السلام عليكم



من دون مقدمات و لا لف و دوران
انا واحد قدر الله علي << و لا تنسوننا من الزكات بها الرمضان
ايه اقول انا واحد(ن) قدر الله عليه و لعب عليه الشيطان و دخل جامعة البترول
المهم غير اني اصيح في تالي الليل ابي ماماتي << ايه هين مسوي ان عندك احساس
و غير الغربه و الكسافه و الجوع و اكل المطاعم و تسحيب الثياب من و الى المغسله و غير اني متحمل وجه الروميت الي يجيب الهم الا ان الجامعه صعبه

المهم حقين بربيكان يقولون هذي حياتي قلت فرصه خل اقول انا بعد هذي حياتي يا طالب البترول << وش حيثي
ما لكم بكثر الهذر و السخافات


حكمة اليوم
الي قاعد عند اهله ماهب عزوبي


قبل لا ندخل بالصور سكن جامعة البترول يتكون من غرفه تحتوي على اثنين من اشباه السرر و مكتبين يقابل كل واحد كرسي لا يختلف كثيرا عن كراسي الاعدام
انضمة الجامعه تمنع ادخل اشياء كثيره للسكن ولو اعد لكم ما اخلص الين يبدا السمستر الجاي
المهم انهم يمنعون الميكرويف و التوستر و اي شي يطلع نار تخيلوا حتى التوصيله ممنوعه
المهم ما علينا منهم الي ما يخافون الله << حاقد


التعليقات تحت الصور

http://www.alrassxp.com/uploaded2/5736/01249600303.jpg

ويقولون ان السعوديين ما يخترعون اتحداكم انه فيه احد قد حط العسل بنصف كاس ورق


http://www.alrassxp.com/uploaded2/5736/11249600303.jpg

هذي ما ادري وشو انا اقول انه غدى و روميتي يقول لا هذا فطور لكن تراه ما يجي الا يوم الخميس من 2 الظهر و ورى و انتم سموه على راحتكم

http://www.alrassxp.com/uploaded2/5736/21249600303.jpg


هذي يوم خلصن صحون البلاستك وزي ما يقولون الجوع سلطان ما الدري النوم سلطان
لكن المهم قلنا ما لنا و مال الطلعات بالظهر و الشمس حطه على السماط و يكون خير


http://www.alrassxp.com/uploaded2/5736/31249600303.jpg

هذي التوستر الي تندرج ضمن الممنوعات حسب انضمة جامعتنا المتهالكه
المهم ان التوستر هذي حضها سيئ جدا لاننا استعملناها بكل شي الا التوست

http://www.alrassxp.com/uploaded2/5736/51249600303.jpg

جايتكم مفاجأه بس اصبرو









http://www.alrassxp.com/uploaded2/5736/61249600303.jpg

ما قلتلكم اننا استعملناها لكل شي الا التوست


http://www.alrassxp.com/uploaded2/5736/71249600303.jpg

و الله اني احسن طباخ في الحته
شكلي بخربكم يا البنات بتبدون تصلحونها بالتوستر اريح من المقلاه

http://www.alrassxp.com/uploaded2/5736/81249600303.jpg

هذ الصوره ما ادري وش تبي بالضبط
لاني لقيته من ضمن الصور عندي لكن اغلب الضن ان واحد من الملاقيف شاف الكميرا و اخذه و قام يصور في ارجاء غرفتنا العامره


http://www.alrassxp.com/uploaded2/5736/91249600303.jpg

مشكلتي ان ما اصبر عن القهوه و مثل ما قلنا ان انضمة الجامعه سيئة الذكر تمنع دخول اي شي يستخدم للطبخ و لا فيه مطبخ و لا شي
و انا قلت لازم متقهوي متقهوي و الله لو ازين القهوه على ولاعه المهم ان فطنتي و ذكائي و خبرتي العريض كلهم ذولي سوا خلون اصلح القهوه بالغلايه



http://www.alrassxp.com/uploaded2/5736/21249601233.jpg
هذا المطبخ
الي من المطاريس الي صارت بهالزاويه


http://www.alrassxp.com/uploaded2/5736/31249601233.jpg

تراها تفك ازمات الاشياء هذي
و لا يعرف خلاها الا الي يحتاج له