|
!!انتهاء النت للابد على عام 2012!! وشو بتسووون؟
http://www.d555b.net/smiles/smiles/38/1%20(516).gif http://www.d555b.net/smiles/smiles/38/1%20(517).gif http://www.d555b.net/smiles/smiles/38/1%20(518).gif اول شيء ودايما نسأل الله التوفيق بكل موضوع واتمنى انه يكون واضح وله واقع خاص عليكم هذا الموضوع لذلك نسمي ونقول (بســـم الله الرحمــن الرحيـــم) بداية والصلاة والسلام على خير المرسلين سيد الخلق الامين محــــــــــمد (عليه كثير الصلاة والتسليم) وعلى من طل علينا بنوره اعضائنا الحلويين اقول لكم (السلام عليكم ورحمه الله وبركاته) ايه النت قولو له باي باي على سنة 2012 خلاص مافي نت الشركات الكبرى اتفقت ومااعلنت لحد الحيين حق اي احد وبتصدم الامه على هذا العام المشؤوم ولكم هذا الفيديو كدليل على صحة كلامي وهاذول مجموعه من الناس عندهم اتصالات ونفوذ خاصة يقدرون يعرفون منها اخر التطورات ولدرجة انصدامهم بالخبر قررو انهم يوقفون يد وحدة ويجمعون اكبر عدد معاهم لوضع حل ورفع راية الاعتراض على هذا الموضوع بس كالعادة مافيه امل لان الملايين بتنهمر على هاذي الشركات بعد صكها للانترنت وانا بقول لكم كيف وكل الي انقال بالفيديو فيما يلي : تحذيـــــــــــــــر : الفيديو كله مجرد كلام في كلام انجليزي الي عنده صعوبه في الفهم ولغته الانجليزية مش ولا بد مافي داعي يفتحه ويعور راســــــــــه ويترجم من كيفه غلط بس اقرو ترجمتي ولا تعصرون روسكم هذا اهو الرابط لتاكيد صحه كلامي ... خل يشوفه الي له مقدرة يفهم وشو يقولون ويبصم لنا انه صج مو كذب ... الترجمه وكل الي جا بالفيديو انا بحطه اهنية الموهيم طبعا ... بقول لكم انهم شركة وناس لهم مكانتهم الخاصة وتتشارك ويا هاذي الشركات الكبرى الي سوت الانترنت والاتصالات والـــخ وبينهم وبين بعض اتصالات وبيزنس ومايستغنون عن بعض يعني كل شيء مكشوف ويخبركم ان عرف من احد المصادر والاشخاص الي لهم مكانه خاصة وكبيرة بالشركة وقايل اهو اسمها بالفيديو انها تخطط لتسكير واغلاق النت على 2012 وحطه في صورة اخرى لكد الفلوس واهي كالتالي : النت بيتسكر كل المواقع ماراح يحطون الا المواقع المشهورة ومالت اقبال عالي مثل : - GooGle - YaHoo! - YOU TUBE -MY Space Disney - ABC - MSN - EbaY على هذا الشكل http://www6.0zz0.com/2008/08/31/06/980418428.jpg وكلها بمبلغ كبير من الفلوس كل مجموعه مواقع من هاذي بفلوس تدفعها واذا بغيت تدش موقع مثل منتدايتنا ولا شيء ضغطت عليه بالغلط غير هاذيلا الي في اللستة بياخذون عليك فلوس اكثر وخساير اكبر مين بالعقل بيرضى يستخدم النت اعتقد ابوي جيوبه بتصير خف جناح الذبان عيل يعني مافي امل ... وعن المواقع مثل منتدانا وغيرنا من المواقع الي مب في اللستة يقول وينصحهم الرجال بالفيديو مافي داعي تتعبون نفسكم وتسون مواقع وتفتحون وتخسرون بس صكوها لان محد راح يزورها اصلا ولا راح يشوفها احد الا الي مايخاف يخسر فلوسه او واحد قاعد على بنك ... والانترنت يعني الحين اذا ماسوينا شيء او وقفنا في وجيهم او اذا ماحاولنا نفتح شركة انترنت تكون خاصة لنا لين صكرت الشركة الكبيرة ابوابها فخلاص علينا السلام وكله الي بيسونه مثل التلفزيون تدفع وتدش لك كم موقع ممل وبس يعني مافيها امل حتى اذا فقدنا الامل ودفعنا وشو بروح العب خرابيط بزران على موقع ديزني ولا ببيع بروش ضروسي مال ستين عام على اي باي مايفكرون مواقعنا الحلوة بتروح في مهب الريح ... ويقول لكم واحد من الاعضاء في الفيديو اذا ماتصدقونا هذا خياركم واهو خبر وصل لنا واحنا مابغينا ننشره بس نعتقد ان لازم نخليكم تعرفونه لانه مهم وندري انه فيه امل او طريقة نقدر منها نوقف هاذي القصة واذا تبون تتاكدون بس اتصلو او بااي طريقة عندكم حاولو تسالون وحدة من الشركات عن الموضوع ... واهم حاطين موقعهم اي باور مالهم وحاطين التليفونات موجود بجانب الفيديو علشان تتاكدون بنفسكم ... ويقولون لكم ان السالفة صحيحة مو بس فكرة ولا شغله يبون يشوفون راي الناس فيها ويصكونها هذا خلاص قرار واهم شغالين عليه بالعين القوية ووقعو التعهدات وحاطين حيلهم وجهدهم علشان يمشونها ويصكرون النت على 2012 ... والشركات كلها تهتم بس بالفلوس ومايفكرون بالناس ووشو بيصير بالعالم بدون نت اهم يفتحون لنفسهم نت ويطقطقون واحنا ندفع واهم بس يبلعون وياخذون ويبونا الي في الفيديو يكون لنا كلمه ونوقف بوجيهم علشان نرجعهم لصوابهم وللعمى الي صك عيونهم من الفلوس ونخليهم يحسون انهم يلعبون ويقررون في شيء خطير ووراه امم ومساعي وفوائد بيصكرونها عن الناس ... ويحطون لكم طرق علشان توقف هاذي الشركات من توقيف النت واعتقد انها تنفع لابناء بلادهم مو احنا 1- وضع شكوا وانه امر غير شرعي ولازم مايصير ويفتح على صعيد وطني 2- اذا كان عندك شركة او تشتغل فيها حاول تخليهم يحذرونهم او يهددونهم ويبينون لهم المشاكل الي بتيجي من ورا قرارهم ويحاولون يخلون الشركات تصد على خطتها في تصكير النت 3- تتفق مع واحد معارض الفكرة من شركتهم ويخليك تدخل معاه وتناقشون الموضوع بجدية مع الجهات العليا والي لها يد في الموضوع 4- اذا انت عندك فلوس وتقدر تفتح شركة انترنت جديدة فبعد مايصكرون النت كل الناس بيروحون لك وبتصير اكبر شركة وطبعا تكون شركتك تحاول توفر نفس الانترنت قبل مايصكرونه فالناس بتهب عليك وتشقق ثيابها علشان الاشتراك معاك وبتكد انت الفلوس بدال الشركة الي صكرت نتها ... وباقي الفيديو يتكلمون وشو اهم بيسوون وبيحاولون يلقون طرق ... واخر شيء فيديوات للناس واهم معارضين القصة وجذية ... صــــــــــــــــج شباب وبنات وشو بنسوي بعدها نجابل اربع طوف ولا اتصل بربعي وحدة وحدة لين امللهم مني ماراح القى احد اكلمه ولا اتسونس معاه ووين بجيب الصور والتقارير والبحوث للمدرسة ان شاءالله اقرا كتب واطق للهندي يصورها لي على القراطيس البيضا الي تعل القلب ... خبروني خلوني اضحك وشو بتسوون انا شكلي بكمل بنادي الفروسية من ورا خشمي خبركم انا مقاطعته من بداية الصيف وببط راس ابوي يمشيني وبخسرة فلوس على الاسواق لين يشق راسي ولا يبقى فلوس نسافر =__=" بدمن الاكس بوكس عندي درازن اشرطة بذيج الحكاية مافتحت قراطيسها مو مخليه قناة تلفزيون الا بحفظ شو يجي عليها وااخر شيء بستجن والله يعافينا من الانتحار ترانا بلادنا من نفس الانجليز براد وخضار برع علشان الواحد يطلع يتمشى ويدور يفتح على نفسة بننحبس بهذا الملل لين تنااخذ الامانة الروتين القاتل كل يوم ... لا حول ولا قوة الا بالله هاذول الانجليز شر امه خرجت للناس مايبغون الا يحطمون الواحد ويسحتون فلوس ... وان شاءالله الخبرية واضحة ... يلا سلملــــــــــــم... |
شكرا الك على الموضوع الرائع
اذا ينتهي النت نقرى كتب نستفيد بيه صحيح النت مفيد والمهم بس الكتب افيد وبعدين عدنا التلفزيون يسلينا شكرا على المجهود |
غصبا عنهم بيخلو النت
|
صراحة حرااااااااااااااااااااااااااام!!!:0023: يعني صار الانترنت هو أداة اتصالنا مع العالم كل الأخبار و البرامج و الأغاني و حتى الكتب من النت بعدين بيسكروووه!!:eek5: |
لا مستحيل اكيد بنن
انا يعني من مايصير يلونا في شي بعدين يسحبونة بس انسا شاء الله مايصير شي , مشكورة قلبو عالموضوع الرائع سوري مقدرت اتناقش كثير لأن هذا كيبورد من موقع كومبيوتري ما ع يكتب عربي في امان الله |
مايقـــــــِدروش يقفلوا النــِت .. لأن قفــِل النت هيسبب خسآآير كتيرررر جدآآ فى كل أنحاء العالمـ..
|
استجابات!!
http://www.d555b.net/smiles/smiles/49/d4%20(2).gif هلا بنوتات وعساكم على القوة ومبروك عليكم اليوم الثاني من ارمضان وشكرا لتفاعلكم وهذا الموضوع مو مزاح من صجهم ترا لحد الحيين مااعرف ايش التطورات الي باغيين يسوونها لنا علشان نرد النت والله يصبرنا على الملل الي بيصيدنا بعد هاذي الحادثة لين صارت بنخيس من الملل ... بسم الله نبدا ... اقتباس:
مشكورة اختي (فاطمة العانية) على المرور والاقتراح بس من ناحيتي انا والكتب اعداء من الطفولة واشكثر امي كانت اتكفخني علشان اقرا وادرس يعني مستحيل افتح كتاب من سعه قلب حتى شكل الكتب اسود وابيض وع لوعة جبد استغفر الله ومن ناحية التلفزيون بيصير هو ملاذنا الوحيد بعد النت وعقبال مايصكرونه هو بعد ولا يمنعون عنا قنواتهم وستلايتهم :confused0036: ... اقتباس:
هلا والله واسفرت بوجودج اختي (دلوعه زينة) ياريت اصلا غصبا عنهم لازم يخلونه والناس في بلادهم اعتقد لين صكرو عنهم النت بيكسرون مبنى الشركة وبيقوم احتجاج كبير عليهم بس شكل الفلوس الي بيحصلونها من بعد مايصكرون النت مبلغ لا يستهان به فحاطين جهدهم بهاذي الفكرة من قلب يبون ينزعونه عنا والله يااخذ بيد ناس ويخليهم مثل الشوك في طريق فكرتهم الغبية ويردهم لصوابهم ويخلون نتنا :chair: ... اقتباس:
اشرقت الساعات بمرورج اختي (falas6in) ايه والله شوفي الغبا والكلابة اشلون لا تفكير ولا شيء وللمعلومات اهم مو مصكرينة بدون بديل اهم بيغيرون النت ويخلونه بفلوس تدفعين وتدخلين مواقع محدده نفس الي حطيتها بالموضوع واذا دخلتي واحد غير عنهم يااخذون عليج فلوس اكثر وبهاذي الطريقة يكسبون فلوس وملايين من الامه الله يااخذهم ويخرب عليهم هاذول عبده المال مالت عليهم وعلى افكارهم بنشوف لين جاك ملاك الموت وشو بتسوي تعطية فلوسك علشان ماياخذ روحك والله سخافة :mad: ... اقتباس:
هلا وغلا وهب السعد بمرورج اختي (صدفة) معليش ولا يهمج عيوني مرورج بس يكفي وردج وفا بالمطلوب ايه والله بس بهاذي البساطة بيسحبونة الفلوس وماتسوي كل شيء يهون ولا موضوع الفلوس ونفس ماقلت في الموضوع اهم بيخلون دخول النت بفلوس ولمواقع محددة بس ويعني لازم كل مادري كم يوم ادفع مرة ثانية علشان ازور نفس المواقع الممله:mad0217: ... اقتباس:
حياج الله اختي (عروسه النيل) ومشكورة على مرورج المتواضع لنا احنا بنخسر وبنموت وانخيس اما لهم فلوس اكثر وحلال اكبر والله مادري مين هذا السوبر مان الي بيجي وبينقذنا من فكرتهم ... تسلمون حبيباتي على التفاعل والله يستر من اخرتها والله ... يلا سلملـــــــــــــم http://www.d555b.net/smiles/smiles/49/d4%20(1).gif |
عاااااااااااااااادي يسكروه وهم ايش يفكروا نفسهم نركض وراهم ...عمى :chair:
يسلمو على الموضوع :31: |
سآمحيني ، ،
ولآكن لآ أصدق )= هي أصلاً كسبآنة حيل >< وكمآن أنخبلتوآ تصدقون كل شي ؟؟ والدول ستعآرض أيضاً لأن نسبة المجتهدين بالدرآسة بتقل وتقآريرهم وبحوثهم بتصير كلمتين ثلآث والتعليم بيترآجع لأن النتآئج والدرجآت والدعآيآت كلهآ بتطلع في النت وأعتقد أنتم بالدآخل لآ تصدقون أيضاً ^^ Sorry |
يؤيؤيؤيؤيؤيؤيؤ لالالالالالالالا مآااآصدق يمكن اموووووووووووووووووووت مشكورة على الخبر
|
| الساعة الآن 02:13 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.