|
الحمد لله إني بـــنـــــــت ..!
أتخيلي يوم من الأيام..
بسم الله عليكـ... أنا ما اتفأول عليكـ.. بس مجرد خيــــال... أتخيلي يوم قمتي من النوم انتي ولد وحياة البنات خلااااااص راحت.. وش بتسوين؟!!...... قمتي عليك ثوب نوم عقب القميص ناظرتي نفسك في المرايه وأرتعتي وش ذا الشنب؟!!!!!!!!!!....... ووين شعري؟!!!!!!!!!!!!....... بعدين تذكرتي ايــــــــــــه صح...أنا ولد.. رحتي للحمام وانتي بكرامه شفتي نفسك مع المرايه شفتي دقن طالع لك مسكتي مكينة الحلاقه بتعرفين تستخدمينها؟؟!!!!!!.... لعوطتي الدنيا وطلعتي أهم شي شلتي الدقن لو بالحلاوه قمتي فتحتي الدولاب شفتي الدولاب كله ثياب تتشابه وين الفساتين؟! والتنانير؟! والبلايز؟! والقمصان؟! والجلابيات؟! والشناط؟! بعدين تذكرتي ايــــــــه صح.. أنا ولد..... وطلعتي ثوب ابيض ولبستيه وطلعتي شماغ ولبستيه وأخذتي جوالك.. ولقيتي فيه مسج من ولد جيرانكم كنتي قبل تستحين منه وعاجبك شكله والحين راسل لك مسج.. وش بتسوين؟!!!!!.... أخذتي بوكك بس أنتبهتي لشي بجنب الجوال والبوك مفاتيح؟!!!!!!.... اللــــــــه ونــــــــاسه يعني بتسوقين؟!! حلــــو يازين حياة الأولاد أخذتي المفاتيح مبســــــــوطه ومن قدك مفاتيح سيارتك معك وأنتي على الدرج سمعتي أمك تناديكـ... لحظه...... وش أسمكـ؟!!!!!!!!!!...... يالله أختاري.. خالد.. فهد.. وليد.. سعود.. نايف.. طلال.. فيصل.. زياد.. طيب بنتخيل اسمك نواف.. نادتك امك: نواااااف وأنا امك خذ الاغراض وركبها في السياره علشان اليوم فيه أستراحه مع خوالك ناظرتي الأغراض كل شنطه أكبر من الشنطه الثانيه... وش بيشيل ذي؟!!!!!!!....... خلاص يانواف أنتي رجال وهالشي بسيط بالنسبه للأشياء الجايه... خذتيها وطلعتي في الشارع وحطيتي الشنطه في السياره بصعووووبه... لحظه.. لحظه.. ما انتبهتي على شي؟!!!!!!...... أنتي بدووون عبــــايــــه.. يــــــــاااااااااااااااااي ونااااااااااااااااااااااااااااسه... لحظه وش ياي هذي؟!! هذي حركات دلع قول ياااااااااااااااااااااااااااااهــــــــــــووووووو ووووو.................. ركبتي باقي الأغراض وجلستي ساعه في السياره تنتظرين خواتك رحتي تشوفين وش أخرهم لقيتي وحده حاطه اللفافات في شعرها وحده تحط مكياج وحده محتاره بين تنورتين ووحده تتبخر.. حنيــــــــتي للحركات هذي بس سويتي نفسك يعنني رجال ضحكتي بسخريه: ههههه أما انتم يالبنات عليكم حركااااااات المهم خلصو وطلعو ركبتي السياره بتسوقين.. من قدك أنتي عند الباب.. مشيتي بالسياره وبعد طريق طويل وقفتي عند أشاره التفتي شفتي شااب في سيارته يقطــــــــــــع القلب أطلقتي صفاره لاأرادي وبققتي عيونك لحظه.. لحظه.. خلي عيونك قدام أنتي رجااااااال... بلاش حركات البنات حدكـ البراقع.. وصلتو عند الأستراحه نزلتي الأغراض لأهلك ركبتي السياره سمعتي صوت خشن ينادي: نــــــــوااااااااااااف........ التفتي لقيتي عيال خوالك جالسين يناظرونك.. وكلهم يمشوون جايينك.. وش بتسوين؟!!!!!!!!!!!!!!!!....... المشكله انك تستحين عيال أقاربك جو وسلمو عليك واحد يقول: وينك يانواف مختفي ماتنشاف وواحد يقول: من طول الغيبات جاب الغنايم والثاني يقول: ولا بعد ناوي تنحاش وثالث يقول : أسفهم بس وعلمنا وش أخبارك وأنتي حظرتك منزله راسك مستحيه ووجهك طماطه واحد قال: وش فيك يابو الشباب تغيرت علينا رفعتي راسك وجلستي تطالعينهم هذا أحلو.. وهذا طال.. وهذا مسمر.. وهذا من عرفته وهو شين.. وهذا فلانه تحبه .. يوم كنتي بنت عارفه اسرار البنات كلها قلتي في نفسك لما جى واحد ثاني "يألــــــــلــــــــه هذا تغيــــــــر" كان خبرتك في عيال خوالك زينه قولي من هذا؟! سألتيهم بعد تردد: هذا ولد خالي مـ...... وسكتي... وش هالصوت؟!!!!... خشــــــــــــن... هم أنتظروك تكملين جملتك بس أنتي واقفه ومطيره عيونك عرفك على نفسه وجلسو يسولفون مع بعض أنتي أعتذرتي وقلتي أنا مواعد الشباب في استراحه رحتي وأنتي كارهه نفسك وش هالعيشه؟!!!! مشيتي بالسياره.. وين بتروحين؟! ماعندك اصدقاء.. أنتي طلعتي من عند خوالك علشانك مليتي من سواليفهم سواليف الشباب بايــــخه وين تروحين؟! بيت عمك خلاص بنت عمك ماعادها صديقتك بيت عمتك خلاص بنت عمتك تستحي منك وين تروحين؟!؟ عيال عمك مجتمعين تروحين عندهم؟! صعبه توك لين الحين تستحين جلستي تدورين بالسياره وأنتي عارفه ان بنات خالك مجتمعين في الاستراحه وأكيد وناسه وبنات عمانك بيجتمعون في بيت وحده من عماتك وأكيد الجلسه فله جلستي تدورين بالسياره كارهه نفسك صوتك.. جسمك.. شعرك.. خشونتك.. شواربك.. يدينك.. رجولك.. لبسك.. كل شي فيك كارهته وقفتي السياره على جنب لأنك تعبتي ماتدرين لوين رايحه رن جوالك وكان منور بأسم واحد من اصدقاء أخوك ماقدرتي تردين قلتي في نفسك " والله زمــــان هذا قبل كان عاجبني وكنت إذا عرفت انه بيجي لبيتنا تفننت بالطبخات..ومابقى شي من أدوات التجميل الا وحطيتها.. " رن للمره الرابعه بس ماكنتي تردين بس في الأخير رديتي وأنتي كارهه هالصوت عقب الصوت البناتي : الو قال: الو.. اهلا أبو الشباب وينك ياخوك عن الجوال : كنت في البقاله وهو في السياره قال: وش أخبارك؟! : ماشي الحال..أنت وش أخبارك؟! وش أخبار الشباب؟! قال: كلنا بخير ويسلمون عليك ..ها ياخوك وين أرضك؟؟ : والله جالس أدور ماعندي شي. قال:تعال عندنا في أستراحتنا كل الشباب جالسين :أخوي فيه؟؟ قال:لا00أخوك يقول انك مع خوالكم في الاستراحه :ايه00بس طلعت قال:اجل حالف انك تجي تتعشى معنا أنتي هنا استحيتي :لا الله يسلمك هذاانا عند باب استراحه مع ربعي قال:براحتك يسلمون عليك التماسيح اللي عندي :ههههه الله يسلمك من الشر قال:توصيني شي؟؟ :سلامتك ياخوك00 قال:الله يسلمك يارب 00ياله اجل مع السلامه :هلا والله سكرت السماعه أنتي عارفه ان الكل يحاول يساعدك على أنك تتأقلمين مع الجو بس أنتي اللي ما حبيتي هالعيشه عيشة الشباب أكيد مشتاقه تفضفض لصديقتك بس خلاص هي تعتبرك غريب رن جوالك منور بأسم ولد عمك مارديتي لأنك عارفه ان بنت عمتك تحبه وحسيتي وقتها وكأنك بتخونينها بعد ماشفتيه مصمل على المكالمه رديتي :الو قال:اهلا بولد العم :هلا قال:كيفك؟وش أخبارك؟بشرنا عنك؟؟ :تمام بخير00أنت شلونك؟؟ قال:الحمد لله00وينك ياشين؟؟ :هههه00أناضايع يالأطخم قال:أفا00ضايع؟؟وين يعني؟؟ :ضايع في هالدنيا00في هالعيشه00 عيشتكم قال:أتعوذ بالله من الشيطان00 ولا عاد تقول مثل هالكلام00وأنت مو أول ولا أخر واحد يصير معه كذا :أعوذ بالله قال:ولا يهمك يالحبيب00تعال شفنا انا وعيال عمانك في بيتنا تعال عندنا والله الجلسه وناسه وماناقصنا الا انت :بس أنا مواعـــ0000 قاطعك:لا تكذب أخوك توه جاي من عند خوالك ويقول انك قايل هذا الكلام ويقول أخوك ان ماعندك ربع00تعال بس :لا لا انا مواعد واحد ماتعرفونه قال:شف اما تجي ولا رح لبيتكم وذاكر ترى الاختبارات على الابواب وخلاص انت ولد ماعاد فيه أنا بنت اذا حصلت لي الجامعه ولا بتزوج00لا الحين مجبور جامعه يعني جامعه00 أكيد ضقتي يوم تذكرتي هالشي قال:ياتجينا ياتروح بيتكم أختار يالشين :خلاص بأجي قال:ايه خلك كذا ياشيخ ماينفع معك الا ولد عمك يالله يابوي جب معك حب مصري مع السلامه سكر السماعه وأنتي تفكرين وش بتقولين في هالجلسه؟؟؟ وش لون بيستقبلونك؟؟؟؟؟00 بتستحين؟؟؟00000 ولا بوجود أخوك بتتجرأين؟؟؟ على فكره بيت عمتك قبال بيت عمك وبيت عمتك البنات فيه وبيت عمك الشباب فيه صعب الموقف صعب مريتي البقاله وشريتي حب مصري ورحتي لهم وقفتي قبال بيت عمك وقلبك مع بيت عمتك انتبهتي لبنات يطلون عليكـ من الشباك قبل كنتي معهم الحين مع هالتماسيح وتمنيتي أنك بنت مثل ماكنتي من قبل تتمنين أنك ولد دخلتي عند الباب اول مادخلتي :السلام00 كانو متحمسين يشوفونك لدرجة ان ماحد رد السلام الا اخوك أستحيتي من نظراتهم بعدين رد ولد عمك السلام وكأنه يذكرهم قام ولد عمي وقال:حياك تفضل وجلستي جنب أخوك وأخوك كل أشوي يهدي من أرتباكك بس كيف بترتاحين وهذيلا نظراتهم كذا طبعا المجلس كان كان شبه مجلس أو بقايا مجلس لأنه قمه في الوساخه بع** جلسات البنات كان ودك تقومين وتنظفيها بس منحرجه لعبو بلوت سولفو وضحكو بس أنتي ماحبيتي الجلسه ابدا ابدا ابدا وفجأه0000000000 قمتي من النوم عليك قميص بدال ثوب النوم ناظرتي نفسك على المرايه هذا شعرك000000 وراح الشنب000000 فتحتي الدولاب فساتينك تنانيرك وكل ملابسك موجوده أحترتي بين تنورتين لففتي شعرك تمكيجتي تبخرتي جى أخوك وضحك بسخريه:أما أنتم يالبنات عليكم حركات خذتي جوالك لقيتي مسج من بنت جيرانكم نزلتي لقيتي أخوك بالش بشيل هالشناط لبستي عباتك وطلعتي {{{بعباتك}}} وأنتم عند الأشاره شفتي واحد يقطع القلب وأشرتي لأختك علشان تشوفه بس من دون مايدري هالزين وصلتو للأستراحه شفتي العيال عند الباب وعطيتيهم أشكل ودخلتي وجلستي مع بنات خوالك وكانت الجلسه وناســـــــه دقيتي على أخوك يوديك لبيت عمتك لان البنات مجتمعين ووافق يــــــاااااااااااااااااااااي وناســـــه ياي مو ياهوووه00 رحتي لهم وكانت الجلسه فله والصاله اللي جلسو فيها تبرق من النظافه أنا كنت اتمنى أكون ولد عشان أسوق سياره بس بس الحين:الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله الحمد لله أنــــــــي بــــــــنــــــــــت أرق التحاياا . . . |
الحمد لله اني بنت
مشكوره اختيه ع الموضووووع |
الحمدلله اني بنوتهـ ومدلعهـ خخ
يسلموو ياقمرر عالموضوع الراائع |
والله الحمدالله اني بنت ومشكووووووووووووووووووووووره
|
من جد والله بس القصة والله عجبتني <<<دخلت معها جوو
هع هع يسلووووووووووو |
من جد
الحمدلله الحمدلله الحمدلله اني بنت يسلموووووووو يعسل ع الموضوع الحلوووو |
صدقت الحد لله اني بنت
مشكوووورة |
| الساعة الآن 09:00 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.