منتديات بنات دوت كوم - طبخة من مطبخي الخاص و من تأليف الخاص ( بالصور خطوة بخطوة)

السلام عليكم و رحمة الله و بركاته

اليوم جبت لكم معاي طبخة بصراحة روووووووووعة مهي عشانها من اختراعي لا و الله....... عشان زوجي ما يعجبه العجب ولما ذاقها قال (تسلم يدينك هذا الطبخ السنع .... الله يخليك لي)

أنا استغربت من الكلام عاد ذبحني الفضول أذوق صينيتي اللي خلت هالدرر تطلع و بصراحة من لقمة انهبلت قلت معقول هاللذة

الزبدة سووها و عطوني رايكم أنا و بعلي عجبتنا.....

يللا نبدأ

المقادير

دجاجة مسلوقة
باذنجان مقلي
بصل مفروم
فلفل رومي مقطع أربع
كاري - خل - ماجي - ملعقتين صلصة - علبة زبادي - كاتشب - بهارات - جبنة البقرة الضاحكة - حبة طماطم متوسطة

http://m002.maktoob.com/alfrasha/up/...7925639024.jpg

الطـــريقـــــــــة
1/ تقومين الله يسلمك بسلق الدجاجة و تفتيتها قطع كبار و ليست صغار

2/ بعد تفتيت الدجاجة تقومين تحمسين البصل في شوية زبدة و بعدين تحطين عليها الدجاج اللي فتتيه وضيفي معاه الكاري و الكاتشب و البهارات و الماجي و يكون بهالصورة

http://m002.maktoob.com/alfrasha/up/...8432899334.jpg

3/ تكونين حاطة في الخلاط حبة الطماطم مع علبة الزبادي مع الخل و ثلاث حبات جبنة البقرات الثلاث و الصلصة و بعدين تصبينها على الدجاج و يكون بالشكل هذا
http://m002.maktoob.com/alfrasha/up/...1161676879.jpg

4/بعدين تخلينها على نار هااااااااادية عشان تتسبك في هالوقت تكوني قليتي شرايح الباذنجان و تصفينها في الصينية حقتك بهالشكل

http://m002.maktoob.com/alfrasha/up/...1900873077.jpg

5/ بعد ما يتسبك معك الدجاج و يكون بهالشكل
http://m002.maktoob.com/alfrasha/up/...1800226218.jpg

تقومين و تحطينه على الباذنجان بهالشكل و تحطين فوقه الفلفل الرومي

http://m002.maktoob.com/alfrasha/up/...2102797715.jpg

6/ و تكررين حركة طبقة الباذنجان و الدجاج مرة ثانية و تحطين فوقها الجبنة كرافت أنا هالمرة سويتها حلقات بالعادة أبشرها بشر

http://m002.maktoob.com/alfrasha/up/...1888687401.jpg

6/ ندخلها في الفرن و هذا شكلها بعد ما تطلع من الفرن و نزينها بالبقدونس و الجزر المبشور
http://m002.maktoob.com/alfrasha/up/...1614976566.jpg

7/ قدميها مع الرز المقلي مع الفلفل الرومي و الجزر بهالطريقة

http://m002.maktoob.com/alfrasha/up/...1636024390.jpg

وصحتين و ألف عاااااااااااااااااااااااااافية http://m002.maktoob.com/alfrasha/ima...ilies/0149.gif