الليلة شو صار ؟؟؟ ادخلي ما رح ياخد من وقتك كتير
مرحبا بنات :42:
أعذروني بس انا محتاجة احكي و حابة احكيلكم انتو لأنكم اخواتي و بتحسو فيي صدقوني ما رح ياخد كتير من وقتكم اقرأوووووه الليلة كنت نايمة و تقريبا الساعة 3 بالليل سمعت صوت اخي عم بيصحي فينا بصوت واطي و بيقولنا قومو في يهود تحت البيت قمنا بهدوء و قعدنا كلنا جمب بعض ساكتين لأنه لو حكينا اي شي رح يسمعونا و ما شعلنا الضوء و فجأة سمعناهم عم يحكو بالسماعات : اطلعو بره البيت ما عرفنا همه عم يحكو النا و الا لبيت الجيران و الا لمين فما طلعنا و ضلو عم يحكو بالسماعات و بصوت عالي و فجأة ضربو قنبلة هزت البيت و همه عم يصرخوا : اطلعوووو بره البيت و كمان بيعرفو يحكو عربي و كل شوي اخوتي عم يتصلو على دار عمي و بيسألوهم عن الجيش الإسرائيلي وين صار و شو عملو و راحو و الا اجو و كل شوي عم نسمع صوت الجيبات و هي عم تتحرك من مكانها حضرنا الشالات و حطينا كل شي جمبنا عشان اذا كانوا عم بينادونا احنا نلبس قبل ما نطلع و فجأة سمعنا صوت ناس كتير بره و صوت دوشة و حكي اتصلنا بقرايبنا قالولنا انه طلعوا دار عمي بره البيت و دار الجيران و على فكرة احنا كل العائلة ساكنين جمب بعض يعني دار عمي جنب دارنا و بعد شوي اتصلو فينا قالولنا خلص الجيش راحوا ارتحنا و كانت الساعة 4 و نص او 5 بس لما طلعنا بره لحتى نشوف دار عمي شو عملو معهم قالولنا انه اخدو ابن عمي اللي عمره 17سنة بتعرفو ليه اخدوه ؟؟؟ اكيد ما بتعرفو أنا رح أقولكم أخدوه لأنه متله متل اي شب فلسطيني بيدافع عن وطنه و هاد الحال كل ليلة عنا بيدخلو اليهود كل ليلة على بيت و بيضربو اهل البيت و بيصرخوا و بيفشو خلقهم فينا و بعدين بياخدو الشب اللي بدهم ايا و بيروحو حتى لو دافع أي شب عن بلده بالحكي بس مصيره اما بيموت او بياخدوه و بيحبسوه عندهم سنين و بيضيع شبابه بالسجن و هلأ ما منعرف ابن عمي لوين اخدوه و قضينا كل الليلة و احنا عم نقرأ قرآن و قاعدين بنستنى نشوف شو بدو يصير فاسمحولي يا بنااااات اسمحولي أحسدكم لأنكم لما بتناموا ما حدا بيزعجكم |
ياللهـ
حــســبــي اللهـ عــلــيهم اللهـ يــحــمــيـكم يــــارب ويــنــصركم |
لاحول ولا قوة الابالله
ماسابوا احد بحالو |
مداد المشاعر
آمين يا رب و شكرا كتير الك على الرد |
هم الأمة
اه و الله ما سابو احد بحاله شكرا الك |
لاحول ولا قوة الا بالله
حتى الأطفال قتلوهم يارب فك اسر فلسطين كلكم قولوا امين |
آآآآآآآمين يا رب
|
لا حول و لا قوة
|
السلام عليكم ورحمة الله وبركاته لا حول ولا قوة إلا بالله العلي العظيم حسبي الله ونعم الوكيل عليهم ربي يحفظكم ويحميكم..وإن الله يمهل ولايهمل ما فإيدكم غير الصبر والتوكل على الله وحده.. وبإذن الله هم في الآخرة في النار خالدون وأنتم تنالون رضا الله وثوابه بصبركم ودعائكم.. وابيكي تتذكري أن السماء مفتوحة لدعاء المظلومين.. أدعو الله يفرجها عليكم ويردلكم إبن عمك..وإحنا كمان داعييلكم.. وإن شاء الله راح ياخدلكم حقكم. وفي أمان الله |
s.sa
الألماسة شكرا كتير كتير كتير لمروركم و شكرا الألماسة لدعائك يا رب يسمع منك و طبعا متذكرة انه السماء مفتوحة لدعاء المظلومين هاد هو الشي اللي مصبرنا |
الساعة الآن 11:03 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.