مع,أم ضد؟!ولماذا!!
 

بسم الله الرحمن الرحيم

كنت ناويه أكتب هالموضوع قبل الأختبارات وللأسف كتبته وتعبت والنت قطع ولا صار الموضوع!!

في البدايه حبيت اسوي مقدمه بسيطه !!

مشكله المجتمع مشكله ...الكل ينظر لجيلنا بانه جيل فاشل وكسول وكل شي ولا عاد الي يجي يتكلم مع واحد مراهق ...يعني أسمه مراهق مرحله وتروح طبعا مو معناتها نخليه على راحته بس مايحكموا على الشخص إلا إذا وصل عمره 30 سنه ومافوق لأنه يكون عقله ناضج أكثر وعنده خبره في الحياااة ...!

ممكن أحنا نكون كسولين مثل ماهم يقولوا بس في مرحله معينه ودايما يقارنونا بالأجيال السابقة ...يعني الحين الحياة تطورت وكل شي صار عندنا هم قبل ماعندهم شي يسووه !!

وكل جيل له وقته !! يعني تبغوا جيل اليوم يعيش أمس !!! ماتصير لو في وين؟!!

راح أطول عليكم أدري بس كملوا الموضوع ياريت عشان تعرفون أيش أنا أقصد بكلامي

خلنا نترك الصوره العامه ونتوجهه للبنت خاصه

البنت آآآآه هالبنت الي ماتدري ويش تسوي في عمرها ....اكيد في بالكم بتقولوا قصدها الحجاب !! لا ماقصدي لا هادا مو ظلم بالنسبه لي هادا واجب نسويه لديننا وهادا أمر من الله سبحانه وتعالى ...!!

أنا قصدي أن البنت ماتقدر تتكلم بحريه مثل مالولد يقدر يتكلم

يعني البنت لو تقول أبي أطلع سوت مشكله كبيره في البيت وصراخ وصياح وحالتهم حاله والولد يطلع ويدخل ولا يسأل عن أحد

بتقولوا الولد غير ويشيل عيبه !!! أنتون مو فاهمين أن الحين الحياة مافيه فرق بين الولد والبنت إلا بالشكل واللبس !!!!

يعني الولد يسوي الغلط وبنت تسويه نفسه مافيه فرق بينهم !!!

ولو أن الولد بيشيل عيبه على قولتهم وأنا هادا أكره كلمه في حياتي يحسسونا عاله عليهم !!!

الحين لو الولد غلط الكل يوقف ويقولوا مراهق ومادري وشو بس لو البنت سوت نص الي سواه الولد الكل ضدها ولا يعطوها أي عذر !!!

بختصار البنت لو حبت واحد تظل المسكينه في غرفتها وتسمع أغاني عبد الحليم وفي أيدها صورته وكل يوم قبل لا تنام تموت عليه وتبوسه وحالتها حاله ولا أحد يدري حتى تخاف تكلم روحها !!!

والولد لو حب بنت مايخلي احد من أصحابه مايقول ليهم وعادي عندهم !!!

هل أنت مع أم ضد أن البنت تتكلم إذا حبت واحد او لا؟!

انا بوجهه نظري ....ليش ماتتكلم إذا كان حب عفيف ولا فيه شي عكس أنها تخليه في قلبها وتموت بسكته قلبيه ولا تسوي أشياء غلط من ورا أهلها !!

أتمنى تتفاعلوا مع الموضوع لان هاذي المره الثانيه أكتبه وان شاء الله النت يستوي

طرحك للموضوع جدا رائع
طيب هيه تكلمه بس مايكون بينها وبينه علاقه مثل ملكه هذه الشي حرام
مب صح طيب تكلميه على انك حبيته طيب وبعدين وش النهايه حبك له ماراح يمر لك بس كده راح يطر يشوفك صح امكن تلبيله الطلب
لاتقولي لا
ماراح يسيبك بس انكم تكلموا بعض لا ياحلوه (طيب اذا الولد كلم بنت صحه مااقول انه الي سواه صح
بس اذا ازوج خلاص
اما البنت اذا تكلم ولد وغصبن عنها راح يجرها
بس في النهائيه فضيحه
جسدنا علينا حق ناخذها بعقل اوعه من كده فكري شوي احنا بنات

الظاهر ماوضحت الصوره بالنسبه لكم ماقصدي تكلمه !!
انا قصدي تتكلم عن حبها له بين أهلها وأمها وإذا كان هو بعد يحبها وطبعا مستحيييل أفكر بهالشي أنه يكلمني او يشوفني بس على الأقل الكل يعرف ولو كبرنا وكبر حبنا يوصل للزواج وإذا كان كل واحد بيخبي حبه مااحد بيحس فيه إذا ماتكلم !!!

وبعدين أنا ماأفكر بالطريقه الي أنتون متوقعين مني أفكرها بس قصدي أن البنت مالها حق في مجتمعنا تتكلم عن الحب وحتى لو بالغلط رسمت قلب في أي رسمه يفسروها مليون تفسير وهي تفكيرها نظيييف ماقصدها شي ومن تفكيرهم الوسخ يتوسخ تفكيرها !!!

وأبدا لا تتوقعوا أن قصدي تكلمة هو أنا قصدي أن العايله تعرف عن حبهم إذا كانوا أثنينهم يبادلوا بعض نفس الشعور وكذا عشان الكل يكون في الصوره !!
أنا أحب وأعرف شنو يعني البنت تحب وخايفة تتكلم حتى مع نفسها تحس أنها تسوي غلط مع أن مااتوقع الحب الطاهر غلط !!! أبغى دليل واحد من القرآن أن الحب الطاهر حرام ...بالعكس في كثير من الأحاديث فيها عن الحب الطاهر !!!

وأشكركم على مروركم العطر :)

السلام عليكم
همس الوفا بشكرك ع الموضوع أولآ
ثانيا انتي لو قصدك يعني الاعحاب
هذا ما فيه عيب
اما حب حب يعني بيكلمك تكلميه يعني هيك حركات
هذا مايجوز لان الاسلام ينهي مثل كذه علاقات بين الشاب والبنت .
اما من ناحيه الاهل اهم شي انك تعمقي علاقتك بيهم بالذات امك لانها الشخص الوحيد الي
يفهمك ويعرف احتياجاتك فانا انصحك انك تقتربي من امك اكثر واكثر للحين الي تحسين انها تتفهمك صارحيها باعجابك فهي ممكن تساعدك
اما من نا حيه الشاب افضل انك ما تكلنيه لانه لو شافك بتكلميه راح يستقل اعجابك بيه
اما اذا كان هو حتى معجب بك وصارحك .. أطلبي منه انو يطلبك من اهلك لانه اضمن لك واشرف لك كمان
وما تنسي الاستخاره..
اما لو رفض وقال بعدين واشياء من هذا القبيل أحسن لك تتركيه لانه ذئب
ونسيه واملىء وقتك بطاعات
عاده البنت ما تقدر تصرح عن اعجابها بشاب مثلا لانه عيب
احنا شعب متحفض فلما يشوف من البنت مثل هيك حركات
نوعا ما الناس يبهدلوها يقولو قال وقيل عنها
هذا يجيب الكتمان
اتمنى ان كلامي يكون موافك لصوره

موفقه انشاء الله :hai-there.:

" وعليكم السلآم ورحمه الله وبركاته "

مايجوز انك تكلمين شاب وتحبينه لان هذا يكون فيه علاقات محرمه
وماتقدرين تعبيرين عن حبك لاهلك لان هذا شئ غلط ومايرضى اهلك انك تسوين هذا الشئ


أعجبني موضوعك ()"