منتديات بنات دوت كوم - نهاية حبك إعدامي

السلام عليكم أخباركم بنات
انا اليوم باثناء جولتي لاحدى المنتديات لقيت هاي القصة ووايد عيبتني فقلت انقلها لكم حتى تقروها معاي

لطيفه: مو مصدقه فطامي ؟!؟

فاطمه: كل شي جايز .. حبيبتي توقعي الأسوء .. بس لا تفقدين الأمل بالله كبير ...

لطيفه وخانقتها العبره: والنعم بالله .. بس يا ربي ليش يصير فيني جذي .. اعوذ بالله من الشيطان الرجيم شو قاعده اخربط انا ...

فاطمه: اذكري ربج حبيبتي وهونيها وتهون ..

لطيفه وتبكي بحرقه: .............. يا رب تاخذ حقي منه الظالم، الخاين

فاطمه: آمين .. كلن له الله يا بعد كلي انتي لاتكدرين خاطرج على شانه وربي انه ما يستاهل .. اليوم له وبكره الله بيعوضج انشالله احسن منه صدقيني

لطيفه: آمين مادري شو كنت بسوي بدونج فطامي فديت قلبج ..

فاطمه: احنا خوات مابينا هالكلام حبيبتي ... بسج عاد عطتج ويه يالدبه .. يلا لازم اروح عند أهلي تحت اشوفج بكره انشالله

لطيفه: باي حياتي ... لقائنا بكره بأذن الله..

لطيفه وفاطمه ربع من ايام المرحله الاعداديه وكل وحده ترتاح للثانيه ومايخشون عن بعض شي
المسكينه لطيفه .. كانت محيره لولد خالتها بس هو رفضها بسبب عاهه فيها لما استوى لها حادث من كم سنه دش الزجاج في عينها وماتشوف من عينها اليمين لان العدسه تحركت شوي عن مكانها فشوي مغير شكلها بالرغم من جمالها الهادي ... المسكينه انصدمت يوم درت انه خطب وحده من اهلها وانصدمت لانه كان واعدها بأنهم لبعض وهي على كلامه بنت احلامها معاه وماتخيلت انهم مايكونون لبعض وفي لحظه حطم كل احلامها اللي بنتها .. وماعندها الا فطامي تشتكي لها ..

" القدر هذا القدر لو ما رضيت .. الفراق يصير وعيونك تشوف "

بعد ما سكرت فطامي عن لطيفه ادمعت عينها على غاليتها .. والله ماتستاهل لطوف ...مسكينه والله صح ...؟..

مسكينه مو بإيدها الحادث اللي صار لها .. .. الله يصبرها .. نزلت عند اهلها تحت ولقت ايمان تتكلم بالتلفون ومريم مندمجه مع التلفزيون كعادتها ..
فاطمه: مراحب جميعاً
ابتسمت لها مريم بحنان: مرحبا ملايين .. اما ايمان طنشت وكملت سوالفها على التلفون.. اندمجن فاطمه ومريم مع التلفزيون الا بدخلة فارس عليهم
فارس بعبط وصوت مسموع " متعمد عشان ايمان تسكر التلفون " : مرحباااااا مرحبااااااا مرحبااااا قلنا مرحباااا
وتم يردد مرحبا يمكن لمدة دقيقه بصوت مزعج وفاطمه ومريم ماسكتوا من الضحك وايمان منقطع ويها ومنحرجه من صوت فارس العالي وسكرت التلفون بعصبيه .. سكت وسلم على خواته
فارس: احوالكم الحوريات شو مسوين؟
فاطمه ومريم: تمام التمام ابو الفوارس
اما ايمان ما علقت بس كانت اطلعه بنص عين..
فارس: آمانيه"يقصد ايمان" هاو آر يو؟ how are you?
ايمان: اعتقد اسمي ايمان .. وانا إابخير ولاتقول...... ههههههههه قطع كلامها بضحكه عاليه هزت البيت
فارس: ههههههههه انتي بخير ولا إبخير ههههههههه عصبت ايمان
والحوريات" فاطمه ومريم" ماتوا من الضحك ..
فاطمه: فارس تعليقاتك تنرفز ايمان ههههههه خف عليها شوي
ايمان بعصبيه: محد طلب رايج يالحوريه .... افففففففف
فاطمه بابتسامه تاخذ القلب: يسلم لي قلبج العصبي
مريم: الا اقول يالبطل شو جبت لي الشوكلاته فديتك؟
فارس: افا مريامي وانا اقدر انساج ... راح فارس للمطبخ ورجع بكيس كبير وراح لعند مريم وصب كل اللي بالكيس على راسها وهي تصارخ: آآآآآي شو هااااي ؟؟ فاطمه وايمان ضحكوا عليها ههههههههههههههه
ايمان: وانا شو لي من هالخير ؟.
مريم: ممممممممممم بفكر لو بعطيج منه شي .. مدت ايمان ايدها تبي تاخذ شوكلاته
تتوقعون شنو صار بعدين ...؟ راح أقولكم بس بالبارت اليديد اتريا ردودكم

أختكم : غاوية دلع