منتديات بنات دوت كوم

منتديات بنات دوت كوم (http://www.vb.banaat.com/index.php)
-   مـدرسـة بـنـات دوت كـوم (http://www.vb.banaat.com/forumdisplay.php?f=167)
-   -   مساحتي تاخرت شوية وجات (http://www.vb.banaat.com/showthread.php?t=158639)

الوان الطيف 28-09-2011 11:04 PM

مساحتي تاخرت شوية وجات
 
هنا ستكون مساحتي ساكتب فيها ما استطيع كتابته من مغامراتنا

الوان الطيف 28-09-2011 11:31 PM

يوم الاحد في هذا الاسبوع 27\10\1431ه كان اليوم الوطني بالنسبة للمدارس هذا اليوم كان فلة ولو انها حصة بس فليناها انا وصحبتي مزبووووط اليوم بدا عادي بعدين الحصة الخامسة او الرابعة قالولنا انزلو المصلى عشان في برنامج واشياء احنا ماصدقنا:هيا: لانو كان علينا حصة جغرافيا وما نحب ابلتها ابداا:هيا: المهم نزلنا في البداية عادي كان مافينا شي المهم بعدين لما نزلنا دخلنا انا وصحبتي وجلسنا في النص يعني مو قدام ولا ورا لانو اللي قدام اكثرهم كئيبين واللي ورا اكثرهم مجاااااانيين واحنا مكاننا في النص:هاع::هاع: المهم جلسنا وكانو حاطين كراسي للمعلمات وصحبتي ما تحب تجلس في الارض راحت وجلست ع واحد من الكراسي قلتلها تعالي هنا بس المعلمات قالتلي ليش المعلمات :#:بعدين جات معايا عالارض وشغاالة حش الله يهديها وانا اشتغلت معااها كمان الله يغفرلنا بس منجد وقتها كنا قريب من الهسترياا وبداو بنات ام يقولو اشياء عن الوطن المهم ودارو عالمعلمات بقهوة ومدري ايش بعدين جابو ورقة والوان ويعطو المجموعات يحلوها بعدين سارت الالوان قنابل الي ورا يرمو عاللي قدام واللي قدام يرمو عاللي ورا واحنا نرمي عاللي ورا وحمااس:ewqqq::ewqqq: بعدين المساعدة قامت تخاصم واحنا ما كاننا سوينا شي لانو مهم شايفيننا وسط جيش المتوسط ماشاءالله :md1 (65)::md1 (65):بعدين خلصت الحصة انبسطنا فيها كثيير بعدين رحت ادور ع جزمتي (الله يكرمكم) ولقيتها طاايرة من البنات طلعت انا وصحبتي واحنا في الدرج كانو معانا بنات رججه يصرخون واحنا ما قدرنا نستحمل لازم نصرخ معاهم وحدة من الخالات كانت تمشي في الدرج ومقفلة ع اذنها مسكينة تحزن بس احنا مستمرين وصلنا الفصل سكتنا شوية لحظة هدوء لانو تعبنا من الدور الارضي لاخر دور خلصت اللحظة نشدنا سارعي بعدين يالسعودية وهذا كله لازم ياثر عالحصة اللي بعدها اللي كانت رياضيات جات المعلمة دخلت قالت السلام عليكم قمنا بدانا مرة ثانية سارعي خلصنا ورديت السلام ومر باقي اليوم

الوان الطيف 28-09-2011 11:32 PM

لو عجبكم اتمنى تقيموني هذا اول موضوع ليا

الوان الطيف 01-10-2011 04:54 PM

السلام عليكم كيفكم بناات ان شاء الله تمام ابا احكيكم اليوم على يوم التطعيم الخطيييييير:هاع::هاع:
اول حصتين مرت على خير بعدين نزلنا الفسحة انا والبنات طبعا كنا نازلين بهدوء واستقرار وامان :هاع::هاع: قعدنا شوية ما كان ليا نفس افطر قعدت مع البنات شوية وكنا شوية نتكلم وشوية نسكت وكان 2 من صاحباتي غايبات واحنا بس 3 فشلتنا الكريمة:ewqqq: المهم انا دايما اقعد شوية مع البنات واذا بقي شوية من الفسحة اروح اسمع ومكان الابلة اللي اسمع عندها قدام الادارة يعني لازم امر عالادارة وانا ماشية قلت لصاحباتي انا رايحة اسمع قمت رحت ع غرفة الابلة شوية وانا ماشية شفت جيش من بنات 1م ماشاء الله تبارك الله :{h,,,3}: استغربت قلت ايش المصيبة اللي سووها عشان الفصول كلها تجي ووسط البنات لقيتلي طريق :s4b48322: ودخلت الغرفة لما دخلت الابلة قالتلي تطعمتي قلتلها وانا فرحاانة وواثقة لا انا حطيت لا اوافق عالتطعيم:هاع::هاع: قالتلي وهيا تضحك التطعيم اجباري انا انفجعت وخفت واضطربت وكلش:Emoticons-plus.com:Emoticons-plus.com:sg.1:سمعت تسميع ملخبط شوية وقاعدة اتفرج ع بنات اولى م اللي فمها يرجف واللي مدري اشبها واللي فرحانة انها اتطعمت مررة خفت من الابرة:××::××: ما صدقت اني خلصت تسميع عشان اروح ابشر صاحباتي وهما خوافات زيي:هاع: الشجاعات واللي يبو يتطعمو هما الثنتين اللي غايبين ورحت اجري وما اجري يعني امشي بسرعة واحاول انو محد ييشوفني لانو انا دايما مشيي بطىء بس رحت وصرخت عندهم انفجعو قالو ايش بك قلتلهم تطعيم اجباري وقتها وجيههم انقلبت من الخوف وانا كل شوية اصرخ واهدى شوية افتكر واصرخ وهما خايفين ويحاولو يهدئوني:057aq: بس مرة كنا خايفين وحدة من الي معايا دمها خفيف وع نياتها يعني تقول شي يضحك اذا ضحكو الناس تعرف انو يضحك :ewqqq: قالت انا ما بطلع من الفسحة قلنا بنشوف بعدين جات المديرة وقالولنا صفو طوابير جات الابلة اللي عليها المناوبة تقولنا يلا صفو انا صرخت طللت مستغربة ايش بها هذي:sg.1:وانا خايفة وصاحباتي يشاركونني الرعب<<احلفي المهم احنا ما نصف في الفسحة طوابير بس عشان ينظمو البنات لانو اليوم غيرر قمنا انا وصحباتي مالنا مكان نهرب فيه قلنا نصف زي البنات في الساحة بعدين اذا دخلنا جوا ما نتطعم <<مدري هيا صح كذا الكلمة تنكتب بعدين صاحبتي اللي قلتلكم عليها قالت انا رايحة لحمام الساحة تعالو معايا قلتلها لا بيمسكونا وصحبتي الثانية كمان قالت ما تبا قالت بيكفكم طلينا عالحمام لقيناهم قفلو زاد الرعب وسرنا نحس انو احنا محنا قادرين نوقف جلسنا عالكراسي نستنى ايش اللي متخبى لنا المهم قالولنا يلا اطلعو فوق ع فصلكم مو دحين نطعمكم في البداية كنا شاكين قلنا لا هما يقولولنا عالفصول وبعدين يودونا للادارة البنات طلعو قلنا خلاص مالنا الا نطلع ونمشي بسرعة و عالفصل هروب طلعنا ومحد قالنا شي لو تشوفو شكلنا انا وبنتين ماسكين بعض وماشيين عالدرج :ewqqq::ewqqq: رحنا عالفصل اول ما دخلت الفصل حسيت بامان وطحت جنب الباب وصحبتي قاعدة تضحك قمت معاها ع مكاننا لسا الرعب يجري فدمنا كان علينا قواعد دخلت المعلمة وتشرح درس كنا فاهمين بس مو مرة مركزين دخلت المراقبة تقول لابلة القواعد نزليهم يتطعمو قالتلها معليش بس شوية قالتلها حانزل الفصل الثاني وارجعلكم راحت كملت الابلة تشرح قالتلها وحدة من صاحباتي ابروح الحمام قالتلها شوية وتروحي بعد شوية رجعت قالتلها بروح قالتلها روحي وبعدين مارجعت وفي نفس الحصة دخلت المراقبة قالت خلاص يلا انزلو خففنا المهم مشيو البنات نزلو فعدنا خايفين بس لازم ننزل وانا ماشية شفت بنات طالعين من الفصل الثاني اتطعمو شفت وحدة قلتلها يعور قالتلي اييوا صررخت:52yicz: قعدت تضحك وتقول ضكت عليها مشيت نزلت تحت شفت بنت اللي اعرفه من شكلها انها قووية شفتها تبكي وعيونها حمررا وقتها استغربت وانطلقت مني الصرخة مشيت شوية قربنا من المكان انا وصاحبتي وقفنا شافتنا وحدة مستغربة ليش واقفين قلتلها يعور؟ قالتلي اول ما يحطو الابرة ماتعور بعدين شوية تحسي فيها بعدين شفت المرشدة الطلابية ماسكة جوال ومعاها كم بنت قلت لصاحبتي تعالي نقولها رحنا قلنالها ما نبا نتطعم قالت ليش ما عرفت ايش اقول اخذت اسم صاحبتي وانا تعرف اسمي قالت خلاص اطلعو و طلعت مني صرخت فرح وكانت اححلى صرخة طلعنا لقيت صاحبتي الثالثة اللي راحت الحمام لقيتها جالسة في الفصل وماسكه يدها قلتلها طعموكي قالتلي لا انا رحت الحمام فحصة القواعد و جلست في الحمام دخلت المراقبة وطفت النور وقالت اللي في الحمام يطلع وهيا جالسة وساكته بعدين طلعت عند المغاسل شافتها وحدة من البنات قالت للمراقبة شوفي هذي ما اتطعمت قامت صاحبتي قالت للمراقبة الا تطعمت وماسكة يدها يعني انها تعورها ورجعت الفصل و خلص يوم الرعب بسلام :ewqqq:الحمدالله

الوان الطيف 02-10-2011 02:59 PM

السلام عليكم ورحمة الله وبركاته
كيفكم اليوم اتمنى انو اليوم ماكان ثقيل عليكم للاسف زي ما كان ثقيل علياا:52yicz::52yicz: ما صدقت انو خلصت من المدرسة امم اقولكم اليوم ايش سار اول حصة كان علينا عربي واحنا ما نطيق هذي الحصة المهم كان علينا املاء جات الابلة معاها سبورة فيها امثلة وسوت جدول ع سبورة الفصل وملتو وقالت اكتبو الجدول كتبنا وتعبنا كثير بعدين قالت اكتبو الامثلة عشان مهي موجودة عندكم في الكتاب قلتلها خلاص مو لازم قالت يعني بس كلمات طيب فرحت لانو ريحت نفسي وريحت فصل معايا وضحكت ضحكة لو تسمعوها ضحكة وحدة انتصرت ع شي :هاع::ewqqq:وعدت الحصة بعدين الحصة الثانية كان علينا تاريخ وابلة التاريخ تضحك جايبة معاها وحدة عندنا الابلات والبنات يخافو منها دخلت البنات كل شوية اذا وحدة سوت شي تفتح ابلة التاريخ عيونها و تحاول تفهمها بدون ما تشوفها الابلة الثانية بعدين قالت انو هيا مربية فصلنا وانو بكرة عندنا اذاعة واللي تشترك لها درجة في المشاركة ف مادة التاريخ انا اكره اللي يقولو زي كذا وما اشتركت اصلا ما احب اطلع ع اذاعة وبعديين جات حبيبتي فوفة:1we: تستاهل احلى باقة ورد:59e::59e: طبعا فوفة هيا الفسحة الحبيبة واللي مافي وحدة ما تحبها ونفرح اذا جات:dohaup_1428227937::611_700x2147483647.:dancegi rl2:هذا كللو لعيونها المهم نزلنا او وصحباتي الساحة طبعا اليوم جات بنت من الفصل الثاني وبنت من فصلنا ومعاها وحدة تقربلها قعدو مع شلتنا فكثرنا شوية قعدت معاهم و كان عندنا اختبار تسميع انا وبنات ثانيين بس قليل كنا وانا نازلة الساحة ما شافتني الابلة حق التسميع مشيت بسرعة عشان ما تنتبهلي قعدنا انا وصحباتي فطرنا وقعدت شوية بعدين قلت خلاص يكفي البنات اللي يسمعو من اول جوا وانا حضرتي قاعدة:{h,,,3}: قلت لصاحباتي خلاص باروح رحت دخلت جوا كانت الابلة تسمع لوحدة من البنات فغرفة لحالها جلست مع البنات قاعدين يراجعو والبنت اللي تسمع طولت و البنات الباقيين كثير واكيد بعضهم يبو يسمعو اول قلت يا بنت اسحبي عليهم وروحي فليها اجلسي مع صاحباتك باقي من الفسحة شوية:ewqqq::ewqqq: رحت قالولي خلصتي قلتلهم لا في بنات بيسمعو خلصت الفسحة طلعو صاحباتي وانا ماشية معايا وحدة من صاحباتي المهم دخلنا احنا اللي نسمع لازم نقعد في الدور الارضي ومحد يقعد معانا وصحبتي اللي معايا ما تسمع قعدت معايا شوية وحسيت انها ما تبا تطلع وانا بصراحة كنت ابضيع الوقت عشان الحصة الثالثة اتاخر عنها شوية جات الابلة اللي عند الستقبال تقول لصاحبتي يلا اطلعي قالتلها بس شوية ابا اكلمها و الابلة واقفة فوق راسها ولا بتخليها انا قلت فنفسي ليش ما اطلع مع صاحبتي وانزل بعدين اسمع قلت للابلة اطلعها؟ سالتها عشان اذا احد قلي مين قلك تطلعي اقول هذي الابلة :هاع::هاع:<< حركات نذالة قالتلي طلعيها رحت معاها وطلعت الفصل وخرجت منه بسرعة قبل ما تدخل الابلة وما تخليني انزل نزلت سمعت الاختبار وطلعت وعادي محد قلي شي بعدين كان علينا حصة دين كانت حلوة ودق الجرس جات المراقبة تقول انزلوا ابلة العلوم تستناكم في المعمل نزلنا بعد ما دخلنا قالت الفصل كله ناقص قلنا ليش قالت لانكم اتاخرتو وانا عندي درس وليا اسبوع غايبة وقلت للمراقبة من الحصة الثانية قلنالها ما قالتلنا الا لما دق جرس الحصة قالت باسالها وكانو في 3 بنات هاربين من الحصة جو بعد ما بدانا الدرس سالتهم ايش اسمكم وحدة منهم اسمها اسماء قالتلها جمانة والابلة ما حفظت اسمائنا وصدقتها واحنا قعدنا نضحك شكت الابلة وقالتلها نتفاهم في الادارة و في الحصة لما تسالها تقولها ها يا جمانة واحنا نضحك قالتلها انا اسماء مو جمانة والابلة تعيد ها يا جمانة في الادارة نتفاهم وهذي البنت وقفت حصتين او اكثر لانها تشرد بعدين كملنا باقي الحصص اخر حصة كانت انجليزي فرحنا انها خلصت وبكذا انتهى يوم اذا عجبكم لا تنسو تقييمي واذا ما عجبكم لاتقيمو:هاع::هاع: يلا ان شاء الله اكتبلكم بكرة

الوان الطيف 02-10-2011 09:46 PM

شكرا شكرا شكرا لكل وحدة قيمتني بصراحة اتفاجات من عدد التقييمات مو غريب على عضوات بنات دوت كوم مررة فرحتوني وهذا اول موضوع ليا تسلموووووووونsm.13:sma189::و1::59e:كلها لعيون اللي قيموني (ق)(ق)

الوان الطيف 03-10-2011 09:31 PM

اليوم الاثنين 5\11
السلام عليكم كيفكم اليوم ان شاء الله تمام ؟ اليوم صحيت متاخرة عن كل يوم ب 10 دقايق تقريبا انا واختي رحت الحمام تجهزت وكلش عادي واختي اليوم مدري ايش جاها كل يوم تخلص قبلي و تنزل طبعا هيا في الابتدائي يعني مالو داعي تتاخر :sg.1:المهم شوية تتفرج مع اخويا الصغير وتمشط بطريقة تنرفز :#: المهم بابا قال بروح اوقع واجي -يوقع ف عمله- ودق بابا وقال يلا انزلو والاخت لسا تمشط:××: قلتلها بابا تحت ماكانها سمعت شي :sg.1:عصبت وصرخت فيها بسرعة بابا مستني تحت وانتي لسا ماخلصتي تمشيط قالتلي شفتي كلو بسبب صراخك بابا جا وانا ما خلصت كان ودي اديها بكس نزلت في السيارة استتنينا استنينا ما جت دق بابا و ردت ماما قالها اللي عندك بتنزل ولا امشي طبعا بابا عصب لانو فمدرستنا طلعو نظام اللي تتاخر عن 7 وربع يكتبو اسمها وتنقص وانا في السيارة والساعة 7 والمدرسة بعيدة والشارع ملياان سكان خخ وبابا بيروح لعمله نزلت الاخت طبعا بابا خاصمها :هاع: مشينا
وصلت المدرسة تقريبا 7 ونص الا 5 دقايق احسبوها خخخ طلعت كتبو اسمي قلتلها كم انقص قالت اول بندق ع امك ولا دقو ولا شي:هيا::هيا: دخلت الفصل 2 من صاحباتي في و2 ما جو كان علينا قواعد شوية وجات وحدة من صاحباتي اليوم كانت اذاعة فصلنا وكنت ابا اشوف صحبتي فيها بس للاسف اتاخرت مرت الحصة الاولى الحصة الثانية كان علينا E برضو الحصة كانت عادية بعدين جات فوفة اللي عرفتكم عليها حبيبتي نزلنا اشترينا وجلسنا طبعا احنا كل يوم لازم لما ننزل ناس تبا الكرسي وناس تبا الارض المشكلة انو احنا كلنا 5 بنات المهم قلنا نجلس اليوم عالكرسي جلسنا فطرنا وسولفنا رحت ابا اسمع طبعا التسميع اليوم كان مشي حالك :52yicz::52yicz: طلعنا كان علينا علوم حصة العلوم دايما اصوات البنات تعلا ورججه وكمان كانت الحصة اللي بعد فوفة يعني اتخيلو كيف كانت الاصوات لانو الحصة الثالثة دايما رججه قبل ما تجي الابلة انا كنت قاعدة عند الباب وفاتحته عالاخير وقلتلهم لحد يصكه واطل عالرايح والجاي من الفضاوة وكل شوية تجي المراقبة تدخلني وتقفل الباب وهيا تروح من هنا وانا افتحه وترجع سويتها عناد باب فصلي وانا حرة:{h,,,3}::{h,,,3}: جات ابلة العلوم والبنات رجة وهيا تتكلم ما خلصت كلامها البنات يردو عليها قالت الحصة الجاية اللي هيا بكرة اذا سويتو كذا بحطلكم اسئلة لحالكم :××: المشكلة انو هذي ثالث ابلة تقول كذا بس اتوقع انهم يخوفونا :هاع: الدرس كان عن الزلازل والابلة كاتبة ع السبورة الموجات الزالزالية قامت بنت وقالتلها ما فهمت الابلة ايش تقول البنت المهم قامت البنت ومسحت الالف الثانية من الكلمة قالتلها ممتازة منتبهه عالسبورة:هاع: بعدين قالتلنا هيا كيف تنكتب قلنالها بدون الالف قالتلها وحده من البنات هذا خطا املائي :هق: وراحت بنت توريها في الكتاب انها مكتوبة بدون قامت قالتلها طيب شوفي نفس الكلمة في الكتاب كاتبينها بالالف وبدون وطال النقاش وبدا الوقت يضيع قالت خلاص نسال ابلة العربي ونشوف قالتلها صاحبتي واذا فزنا قالت مسوينها مسابقة ماشاءالله :هاع: خلصت الحصة كان علينا دين حصص الدين من اكثر الحصص اللي نحبها لانو الابلة شرحها يجنن وتاشيرها حلو ما كان في شي غريب بعدها كان علينا رياضيات والدرس كان سههل الحصة السادسة كان علينا تاريخ دخلت الابلة وكانت تعبانة قالت ناخذ درس قصير بعدين قالت تفهمو لو شرحت وانا جالسة :sg.1::sg.1:طبعا محا نقول لا لانو كانها قالت انا بشرح وانا جالسة :هاع::هاع: بدات تشرح دخلت ابلة العربي وقالتلها الدرس طوييل احنا خفنا تاخذنا لانو ما عندنا اليوم ولا حصة فاضية ابلة التاريخ استغربت منها قلنالها لااااااااا ما نبااااا قالت محا اخذكم او ما اباكم فرحنا لانو حصص العربي مقرفة ومافي يوم كانت تبا تكلم وحدة من البنات يخلو منها راحت كملت الابلة شرحها شوية دقت ابلة الفني والتفصيل تقول اللي تبا تشترك ف دورة الكروشيه تكتب اسمها فورقة وجيبولي الورقة انبسطنا لانو لو اشتركنا ممكن نطلع من الفصل هع :ewqqq::ewqqq: كتبت اسمي بثقة مع انو الكروشيه احسو معقد بس اهم شي انو اطلع طبعا قلت انا اللي بوديلها الورقة وبالمرة اتمشى خلص الدرس قلت للابلة بودي الورقة قالتلي استني في بنتين طلعو صاحبتي قالت بتروح معايا شوية جات وحدة من البنات ورحنا طبعا طلعنا من الفصل بثقة المراقبة مكتبها قدام الدرج واحنا نازلين قالت وين رايحين قلنالها نودي الورقة قالت وليش اثنين طبعا قلتلها انا باديها الورقة وهيا تكلمها خخخخ قالت طيب بس وصلنا اخر نزل الدرج الاولى وقعدنا نضحك عالعذر اللي قلته يعني مثلا وحده ما تتكلم والثانية يدها مكسورة بس انا ما كان قصدي لما قلتلها نزلنا اديتها الورقة وصاحبتي كلمتها عشان ما نكذب هع قالتلي ايش رايك ننزل نشتري قلتلها يلا واحنا رايحين دق الجرس للحصة الاخيرة وكان عينا E فرحت لانو هذي ثاني حصة ناخذها اليوم فقلت خليها تفوتني شوية نزلنا نشتري اللي جالسة عند الاستقبال قالت وين قلنا بنشتري قالت لا قلنالها نحنا نازلين من فووق ودحين تقولين لا الابلة هذي راسها يابس جو بنتين 1 ث بيشترو قالتلهم لا محد حيشتري قالولها احنا نزلنا من فوق قلتلهم واحنا فوقكم لانو نحنا اخر دور طلعنا للاسف ما اشترينا دخلنا الفصل ابلة الE كانت لسا ما جات فرحنا لانو محد حس علينا دخلت الابلة قرانا محادثة وباقي الحصة كات ترتب لاذاعتها ودق الجرس ونزلنا ورحت ع البيت اليوم كان ممل اعذروني بس ترى انا احب اكتب التفاصيل ولا تنسو تقييمي

الوان الطيف 04-10-2011 04:27 PM

اليوم الثلاثاء 6\11
صحينا عادي ما تاخرنا تجهزنا وخلصنا مشينا كويس اليوم مو زي امس تاخرنا بس الطريق كان زححمة وصلت لقيت الطوابير تمشي وطابورنا كان شوية ويمشي عبال ما فسخت العباية وكذا كان مشي مشيت مع بنات ثاني لانو نفس المراييل محد بيلاحظ اهم شي انهم ما كتبو اسمي كان علينا اول حصتين تفصيل ومعم التفصيل اخر دور تحت وفصلنا اخر دور من فوق البنات ع طول ما يطلعو من الدور الاول عاللي تحت ويروحو المعمل شفتهم راحو بس قلت خليني من اول حصة اتمشى لانو لو دخلت المعمل محا اطلع بسهولة وكمان كان معايا شنطتين وحدة حق التفصيل والثانية للكتب طلعت دخلت الفصل لقيت وحدة من صاحباتي معاها وحدة في الفصل بيحطو شنطهم ويروحو للمعمل حطيناها ونزلنا دخلت سالتني عالطلبات قلتلها جبتها بعدين افتكرت انو النموذج اللي بنسوي عليه ناسيته بس قلت محا اقلها وصحبتي اللي جنب زيي والثانية جابت الطلبات والثالة ما جابت شي:هاع: جلسنا شوية دخلت صحبتي الرابعة امس كانت غايبة وتلفونهم مشغول ما كلمتها امس دخلت وكانت معاها الطلبات والنموذج جلسنا نسولف وكذا وكلنا متجمعين نتكلم :5jkzywmac3yi:خلصت حصتين التفصيل وجات بعدها فوفة بس كان معانا اغراضنا ف لازم نطلع اخر دور عشان نحط اشيائنا في الفصل طلعنا وتعبنا طبعا مو معقول نطلع ع طول وننزل كمان دوري لازم نرتاح قعدنا وريحنا بعدين نزلنا الساحة طبعا اعطوني اشتريلهم ما فيهم حيل :هاع: بس وحدة من صاحباتي قالت بروح معاكي وهيا عند المقصف ما اشترت قلتلها ليش قالت انسدت نفسي خخخ ووحدة من اللي اعطتني فلوسها بعد ما اشتريت لقيتها جات المقصف :××::××: جلسنا فطرنا بعدين رحنا الحمام و خلصت الفسحة و طلعنا الحصة الثالثة كان علينا تقييم قراءة نص الفصل تقيم ونصه الاسبوع الجاي طبعا قبل ما نبدا الدرس كنا كل شوية نضحك بعدين حسينا اننا زودناها ف سكتنا:ewqqq: وبعدين كان علينا فقه برضو الحصة كانت عادية ما سوينا شي غريب بعدين جات حصة الرجه العلووم :ewqqq: دخلت الابلة و كالعادة بنات كانو برا دخلو وجات المراقبة دخلت وكلمت الابلة وقفلت الباب جات الابلة قالت لوحدة من البنات اوقفي هذى البنت عنيدة ودايما تسوي اشيااء قالتلها ليش او شي زي كذا شافتها المراقبة دخلت وخلتها توقف في الفصل وقالتلها كمان تبي ترجعي فصلك لانو هيا عاقبوها ف نقلوها لفصلنا طلع انو البنت رشت كتب بنات بالمويه :sg.1::sg.1:وعاقبوها بس ما وقفت الحصة كلها بدات الابلة تشرح وكل شوية وحدة تسالها سؤال قالت انتو اسالتكم مو تبو تتعلمو تبو تضيعو الوقت بعد ما خلصت شرح جزئية قالت فاهمين قلنا ايوه قالت في اي سؤال قلنا لا بعدين قالت في اي وحدة تبا توصل فكرة للعلماء:هاع::ewqqq: وقتها ضحكت بصوت عالي ولا احد في الفصل ضحك زيي قالتلي ليش تضحكي يمكن وحدة منكم تطلع بشي بعدين شافت انو البنات رجعو يتناقشو بصوت عالي قالت وما تبوني احطلكم اسئلة لحالكم ان شاء الله خميس وجمعه بحطها ويسير بدال الفصل الواحد تذاكرو فصلين خلصت حصة العلوم بعدين كان علينا E اخذت كم بنت وقعدو يتدربو عالاذاعة في الفصل وحدة تمثل الام ووحدة البنت الام قالت للبنت قومي طول الوقت قاعدة عاللاب ومدري ايش قامت اللي تمثل دور البنت اول مرة تمثل قامت قالتلها هاا؟ الفصل كلو فطس ضحك بعدين كمان الام تخاصم تقولها قومي عندنا ضيوف والبنت تقولها ما اباا ومدري ايش الابلة تنقلها تقولها -ما عندك غيري شوفي اخواتي- قامت اللي تمثل دور البنت تقول للابلة منجد فططسنا ضحك عليها بدال ما تعيد الكلام قال منجد خلصو حلينا شوية من ملزمة الانجليزي بعدين كان علينا رياضيات تاخرت الابلة شوية وانا كان معايا دفترين علوم حقي وحق صاحبتي وورقة بوديها للمراقبة وابلة الرياضيات اذا دخلت بعدها بتنقصني قلت استناها جات قلتلها بروح كادت ان ترفض بس قلتلها ابلة العلوم بتنقصني قالتلي روحي انبسطت لاني كنت طفشانة من الفصل:611_700x2147483647.:smileybunny1::dancegirl2 : رحت للمراقبة اديتها الورقة وقالولي مكتب ابلة العلوم تحت كنت بنزل بس رحت للمراقبة قلت خليني مؤدبة قالتلي خذي هذي الاوراق وديها لمكتب ابلة ___ سار ليا مشوار ثاني المهم وديت الدفاتر دخلت غرفة المعلمات طليت ما لقيتها سالت ابلة الجغرافيا وين مكتب ابلة العلوم قامت اشرتلي ونادت عليها استغربت انا ما شفتها كيف تناديها بعدين طليت لقيتها حاطة راسها عالمكتب شكلها صدعت بعد ما جاتنا:{h,,,3}::{h,,,3}: رحت ووديت الاوراق طلعت لقيت بنات واقفين قالتلي صاحبتي اوقفي معاهم انا انفجعت بعدين قالتلها صاحبتي الثانية لا الوان الطيف >> هع هع ما بقول اسمي استاذنت جلست كملنا الحصة و دق الجرس والابلة ما خلصت واحنا نبا نطلع والبنات من الفصل الثاني فكو الباب والابلة قفلته وللي لبست العباية قامت الابلة تقول قلة ذوق وكملت شوية وراحت و صاحباتي لسا ما دخلو اشيائهم جننتهم الين ما دخلوها نزلنا ورحت عالبييت

الوان الطيف 04-10-2011 04:28 PM

كل اللي شافو مساحتي وعندهم شي ما عجبهم فيها يرسلولي

الوان الطيف 05-10-2011 03:55 PM

السلام عليكم كيفكم بنات اليوم الاربعاء 7\11 طبعا اليوم حبيب الكل احللى يوم في الاسبوع صحينا تجهزنا خللصنا بس تاخرنا شوية وصلت المدرسة لما دخلت لقيت بنات الموسط كلهم طلعو والثانوي لسا يطلعو طلعت الحصة الاولى كان علينا تفسير خلصت بعدين كان علينا رياضيات برضو عدت الحصة وهيا كئيبة بعدين جا وقت فوفة جات ابلة التدبير تنزلنا لانو المراقبة كانت مختفية وقالتلنا انا عليكم الحصتين الاخيرة الدرس في المكتبة فرحنا لانو بيسير تغيير شوية جلسنا في الساحة طبعا 2 م عندنا اكثرهم مراجيج ويرفعون الضغط دايما وحدة مننا تتعور منهم المهم خلصت الفوفة و طلعنا كان علينا جغرافيا ابلة الجغرافيا ما سرنا نكرهها زي اول يعني عادي برضو الحصة عدت بعدين كان علينا دين اشرنا لاختبار يوم السبت جات حصة العربي و قبل ما تجي واحنا ما نباها كان علينا تعبير وقالتلنا حتسوو تحقيق صحفي مجموعات وتسلموها الاسبوع الجاي احنا اخترنا الموضوع حوادث السير وباقي الحصة كنا فاضيين بعدين جا الفرج حصتين التدبير نزلنا المكتبة كان الدرس عرض خلصنا وكان عن التغذية السليمة او شي زي كذا بعد ما خلصنا قالت كل وحدة تكتب فكتابها وجبة غدا قالت ابا اشياء تفتح النفس زي الفصل الثاني شهوني طبعا كتبنا وخلصنا بعدين صار عندنا الحصة الثانية كمان تدبير بس فاضيين قعدنا نقرا مجلات من المكتبة وكل وحدة توري الثانية بعدين قالت يلا اطلعو الساحة كان باقي شوية ويدق جرس الصرفة طلعنا الساحة وكنا فرحانين لانو المكان اللي نحبو ما نلاقيه فاضي اما اليوم سبقنا البنت اللي تجلس فيه وجلسنا بعدين نادى اسمي ورحت وانتهى اليوم :{h,,,3}::{h,,,3}:


الساعة الآن 10:36 AM

Powered by vBulletin® Version 3.8.8
Copyright ©2000 - 2019, vBulletin Solutions, Inc.

Adsense Management by Losha

جميع الحقوق محفوظة لـ شبكة بنات دوت كوم © 2014 - 1999 BANAAT.COM