منتديات بنات دوت كوم - مُدَوِنتـــــْيُ لآعـْـًنـٍـۈاِن ‏يَستطِيع

http://img849.imageshack.us/img849/2898/68368005.png

ما أدري بأي مقدمة ابدأ , لكن اشكر كل من دعاء لجدي الله يرحمه
, وماأدري صرآحه وش أكتب لكن أشكركم جميعاً وجزاكم الله خير

بالنسبة لموضوع جدي رحمة الله عليه الحمدلله كانت هناك مبشرات خير
في إنه الله يرحمه ويغفر له إن موتته سريعه ودفنه كان سريع سبحان الله
كأنه حلم ماكنا مصدقين , الناس إللي جوا يعزون كانوا كثيير وبعضهم مانعرفهم
جدي الله يرحمه كان من اللي قلوبهم معلقه بالمساجد كان يحب الصلاة يحب المسجد
كان انسان وفي ماتت زوجته زمان ورفض يتزوج لأنه كان يحب جدتي ومايبي يخونها
كان انسان مضرب للمثل انسان حكيم بتصرفاته انسان ماأدري وش أقوول أكثر من كذا
جدي أنسان مايتعوض لكن هذا حال الدنيا حياة وبعدين موت
الحمدلله ع كل حال هو جدي الوحيد وهو أبو أبوي
الحمدلله ابوي كان صابر وماتوقعنا ردة فعل أبوي كذا
لأني ابوي يعشق التراب إللي تحت رجول جدي , أبوي ماشاء الله عليه
كان مايقصر مع جدي لدرجة إن جدي جاته فترة صار يضيع ومايدري عن نفسه
فكنا نسولف معه ساكت نسأله ساكت وإذا جبنا طاري أبوي وقلنا له ابوي يسلم عليك
يتكلم ويبتسم ويقول الله يسلمه

الحمدلله ع كل حال أنا صرآحه مصدوومه كثير
ماني مصدقه لكن الحمدلله موته ارحم من جلوسه في الدنيا وهو تعبان
ومريض كذا فالحمدلله ربي رحمه واخذ روحه

جدي قبل مايموت كان تعبان يوجعه بطنه
وكان يستفرغ الله يكرمكم
وراح للمستشفى وتأخر الدكتور عليه واستفرغ دم
واعطوه اكسجين لكن توفى , وهو في هذي الحاله
يعتبر مبطون والمبطون من الشهداء إن شاء الله

ماأقول إلا الحمدلله رب العالمين
صحيح إننا بنفقده كثير لكن بإذن الله رآح يكون
لنا لقاء في الجنه http://www.banaat.com/vb/images/icons/1432/29.gif