بلادكـ وبلاديـ .....كل مايميز بعضهما عن الاخر...هذا مستقومين به هنــا..ادخلي لتعرفي
 

ووينكم يابنوتات انا في الانتظار

بنات وينكم ليش متردون

هلو أميرتنا لاتزعلين علينا مو صايرين مانفوت للمنتدى هالأيام
فردنا صاير قليل وماندري همين شكو ماكو بيه بس همزين أني اليوم فتت حتى أكون أول وحده أرد عليك .
والله أني همين من العراق وإنتي ذكرتي مايميز العراق (جنوبه بس)
ولو ذكرنا كل مايميز العراق كان ماخلصنا ولا حنخلص (مو بالله) وتدرين عجبتني الأكلات وضحكت اهوايه لأن شهيتيني بيهن الله اشقد طيبات بس بعد أكو ماذكرتيهن (زنود الست وأكو حلاوه همين إسمها خدود الست هههههههه حلوه مو . وأكو الدهينه الطيبه والكاهي اشقد طيب ولا نسيتيه ويا القيمر والعسل هسه من صدق اشتهيت أكلهن والداطلي والعوامه (لقمة القاضي) كومه عدنه حلويات ماينحسبن عود من أذكر أرجع أكتبهن .
والأكلات أكو (السمك المسقوف نسيتي تذكريه همين والبرياني يجنن وكومه بعد عود أسأل ماما وأقوللكم عليهن شكرا على الموضوع الحلو.

هاي اشبيهن البنات ليش مدا يفوتن ويكتبن مايميز بلدهم ولا ماعدهم شي تتميز بيه بلدانهم هذا مستحيل لأن كل بلد بيه كومه مميزات اتميزه .المهم أمبين الموضوع هذا بس إليه اليوم راح أكتب فد معلومات بسيطه عن اللغات واللهجات المستعمله بالعراق .
أولاً نبدأ من الشمال :الشمال محافظة دهوك والسليمانيه وأربيل تكثر فيها القوميه الكرديه واللغه الرسميه لهم هي اللغه الكرديه ويوجد في الشمال الكثير من الديانات منهاالإسلام و المسيحيه والأيزيديه والشبك هذا اللي أعرفه وفي هذه المناطق يكون الجو جميل حتى في الصيف وفي الشتاء يتساقط الثلج وتكثر الجبال في شمال العراق والطبيعه خلابه في شمالنا الحبيب .
والموصل ايضاً قريبه جداً من الشمال وأهل الموصل يتميزون بلهجتهم الجميله التي فيها اختلاف عن اللهجه البغداديه الحلوه والموصل جميله وفيها المناره الحدباء الأثريه ويمتازون أهل الموصل بأكلاتهم الطيبه كحال كل الأكل العراقي ويوجد في الموصل الديانات الأتيه :المسلمين وهم الأكثريه والمسيح والأيزيديه أيضاً والكثير الكثير .وكركوك أيضاًُ من المناطق التي تكثر فيها القوميه التركمانيه العراقيه التي تتحدث باللغه التركيه .
وثانياُ :الوسط بغداد العاصمه أجمل شيء في نظري هي حبيبتي بغداد ويمتاز البغداديون بلهجتهم الجميله جداً وهي لهجة أهل العراق التي تكون لهجه مميزه جداً لجمالها واللهجه البغداديه يتكلم بها أكثر العراقيون في جميع انحاء العراق واللهجه البغداديه العراقيه ليست كاللهجه الشاميه وليست كاللهجه الخليجيه فلهجة أهل العراق مميزه لأنها لاتشبه بقية اللهجات في الدول العربيه
ومن الوسط أيضاُ محافظة ديالى محافظة البرتقال حيث يكثر فيها زراعة البرتقال والحمضيات كافه
ومحافظة سامراء أيضاُ محافظه مقدسه لما فيها من مراقد للأئمه والأنبياء وأهل سامراء أناس طيبين جدا كباقي أهل العراق الذين أحبهم .
والأنبار المتكونه من الفلوجه والرمادي وعانه وراوه والقائم وحديثه وغيرها وفي الأنبار كل ماتتميز به باقي المحافظات وأهل الريف والعشائر يتكلمون الكلام البدوي مثل الدول العربيه والأنبار جميله أيضاً يكفي إنها في العراق .
أما الجنوب متكون من النجف وكربلاء المقدستين ومحافظة الحله والسماوه والديوانيه والبصره والقادسيه والناصريه وغيرها وأهل الجنوب يتكلمون بلهجة مختلفه عن اللهجه البغداديه ولكنها لهجه جميله ايضا وتكثر في الجنوب الأكلات الجنوبيه المعروفه هذه المعلومات التي اتمكن من كتابتها الأن

فكره حلووووه وشكرا على الطرح المميزه وانشالله بيب لكم معلومات عن الامارات مره ثانيه لاني مشغوله اشوي