لماذا يضع الشباب والبنات بعض صور الفنانين او الفنانات ؟
السلام عليكم ورحمة الله وبركاته موضوووعي اليوم يتكلم عن ظاهره ما هي بهينه ولا بسيطة تفشت في الاونة الاخيرة في مجتمعاتنا العربية الاسلامية .. ظاهرة تكاد تكون خطيرة .. ما ادري .. هل نعتبرها فساد اخلاقي .. ام هي حرية شخصية لدى شباابنا الظاهره هي وضع بعض الشباب والبنات صور المغنين او المغنيات او حتى اللاعبين في تواقيعهم او في غرف نومهم او حتى كخلفيات لهواتفهم النقالة او شاشات اجهزة الكمبيوتر ما ادري يا جماعة الخير انتو شو رايكم ؟ هل هذا شي ايجابي ؟؟ انا انقهر من البنية اللي اتقوولي يوم اسالها عن سبب وضعها لصورة احد المغنين اترد عليه وبكل بروود (( فديته ايعجبني :sm140: )) ... يعني يا ناس يا عالم والله احنااا مسلمين من متى واحنا ننعجب بالفنانين والا الفنانات لااه والقهر بعد بعض الشبااااب .. معلق لك صورة هيفاء وهبي والا جنيفر لوبيز .. يعني والله ما ادري شو اقولكم بس والله هب حلوة هالاشيا اللي تصير وابي رايكم في الموضووووع بكل صرااااااحة هل هذي الظاهره سلبية .. او ننساها ونعتبرها حرية شخصية ؟؟ تحياتي |
والله انك صادقه شي يقهرررررررررر:hmm:
وانا رأيي ان اللي يسوون هالحركات يحسون ان المغنيين والفنانيين هم القدوه لهم ويقلدونهم في كل شي .. وهذا لانهم لم يوجههم والديهم ويعلمونهم من هو الشخص القدوه المفروض اتباعه وهو رسولنا عليــــــ الصلاة والسلام ـــــــه وصحابته رضوان الله عليهم .. الله يهديهم .. اللهم يامقلب القلوب ثبت قلوبنا على دينك ومشكورة حبيبتي على الموضوع الحلو:give_hear |
اولا مشكوره
واحب اكون معك صريحه اني صدق احط لي صوره فنانه او بنت عجبتني متلا احطها في المسن بس مو اني احبها او اموت فيها وكتير يمووووووووووتون وكنه شي جنوني عندهم اني انسانه احب التوازن الوسط لا اكون مره متشدده ولا مره فله الوسط ومشكووووره:48: |
انا مثلج ياسارا
انا اذا شفت صورة فنانه حتى اني توني اعرف انها مغنيه او ممثله بس اللقطه حقتها عجبتني ممووو يعني اموووت فيها مثل ماقالت سارونه |
صج شي يقهر
أنه ما حب أحد عجب الفنانين والفنانات مفروض نعجب بالصحابه و الأنيباء والرسل موفي هذلين إبي أعرف أحد من هذلين سووا شي خير لأخرتهم كله يلعبون ما في شي عدل وشنو رايكم :dunno: |
الحمدلله والشكر .. !!
هذولا :stretcher |
صح كلااامكم حبيبااااتي .. ووين الباقيااات ما عرفنا رأيهم ..!!! |
الصراحه اختي ليست فقط هذه الظاهرة بل ظواهر كثيرة ظهرت في مجتمعاتنا العربيه الاسلاميه و السبب هو الفراغ و الابتعاد عن الدين تلاقين في قناة تطلعلك برنامج ديني و بعده ما يخلص بخمس دقايق يطلعلوك اغاني و فنانين شبه عاريين والعياذ بالله اكيد الشاب او الشابه الي ايمانه ضعيف راح يتبع هالفئه و راح تتلخبط عليه امور كثيرة و تلاحظين انه فيه بنات واااايد ما يبون يتزوجون الا واحد يكون شبه الفنان الي تحبه و كذلك الشباب يعني والله حاله لا ومش هاي المشكله المشكله الاكبر انهم صارو قدوة لهم بيقلدوهم بكل شي الله يحفظنا بس ويستر علينا وعلى امة محمد والف شكر يالغلا عالموضوع الحلو اختك في الله روزاريما |
السبب برايي ضعف الوازع الديني .. ووجود الفضائيات لانها تغسل عقول الشباب بنات واولاد .. طيب وش الفايدة من تعليق الصور ؟؟؟؟ فيها اجر ؟ ولا بينفعونا ؟ الله يهدي فتيات المسلمين ويجنبهن الفتن .. |
هلا .،. فعلا يالغاليه .،. هذي الظاهره صارت عند بناتنا وأولادنا هداهم الله .،.، والأساس في هذا ,.: رفقة السوء و ضعف الوازع الديني وغياب الرقيب .،. وأذكر قصه .،. (( في بنت أهلها من النوع الملتزم جدا ولا عندهم شي مثل قنوات وغيرها .،. المهم تقوول شفت شكلها بالمجله عجبني شلت صورتها وقلت إني معجبه فيها أو أمووت عليها وكل يوم أتعلق فيها أكثر بس من المجلات والصور إلي فيها .،،. وفي يوم حلمت إن في مثل باب كبير واهي تناديني والباب أسود ةالمكان أيضا مظلم واهي ذايبه وعرفت أن المكان في نار حهنم وأنا أصرخ وأقوول بعدوني عنها وقامت من النوم متخرعه وشقت كل صورها )) يعني هذي المغنيه لا شفيعه لكـ ولا لغيركـ على ايش تحبيها .؟؟ ولا قدمت لكـ حتى خدمه غير إنكـ كل يوم تكسب ذنوب يعني بالله هذي خدمه ؟!! اقتباس:
ولايمكن نسيانها .،.، ولا تكون حريه شخصيه إذا فيها تدمير لنا ولهم ،.،. يجب النصح أولا لعل وعسى ان تتوب وتستغفر علام الغيوب .،.، أكتفي بهذا .،. وأعتذر ع الإطاله ،.،. |
أهلين عيوونك أوطاني .. الإعجاب بالفنانين والمغنين والممثلين .. مرررض خطير .. لأن الإعجاب مايجي بدون حب .. واللي تحب ممثله أو مغنيه .. تتخذها قدوهـ .. أحيانا لو تسألينها منهي قدوتك بتقول : أمي .. لكن لاشعورها تلاحظينها تقلد هالمغنيه اللي معجبتها في كل شي .. في لبسها وطريقة كلامها ويمكن إسلوبها حتى ! وأكيد هو شي سلبي جدا .. لأن المغنيه عمرها ماكانت قدوهـ حسنه .. الله أكبر عاد .. قدوهـ حسنه في طريقة رقصها مثلا إن كانت رقاصه ؟ أو في لبسها العاري اللي ماكأنها لابسه شي .. حاطه لك خرررقه على جسمها وتقول لابسه ! ولا على اختلاطها بالرجال إذا كانت ممثله ؟ الحمدلله والشكر بس على نعمة العقل والدين يارب ومشكووورهـ |
والله كلااامكم 100% صحيح .. وانا اؤويدكم ..وشكرا على طرح أراّئكم الجميل ..!!!! |
مو شرط يكون قدوه انا اذا حطيت صورهم فهو لان شكلهم حلو ومرتبين
بس البعض ممكن يكون متعلق في ممثل بجنون والبعض بيكون لفت نظر:bluebiggr |
ظاهرة انتشرت مؤخرآ بصورة كبيرة بين الفتيات والفتيان
والمصيبه سكوت الأهل عنها والسبب انهم فى مرحله مراهقه.. الفتاة فى هذا السن لا تعرف مصلحتها او حتى الصح من الغلط ويجب على الأم والأب نصحها بهدوء تام وعدم الضغط عليها وان نقتعها بأن ما تفعله لن ينفعها ولن تستفيد غير الذنب وتضيعه الوقت يجب الأقناع وليس الأجبار على تركها فهم يتخيلون ان هذة الفنانه تحبهم او هذا المطرب فتا احلامها .. هنا دور الأهل وهم المسؤلين عن اولادهم اشكرك على طرح هذة الظاهرة ومناقشتها |
انا بقول شغلة : و هي ان السبب في كل هذا هو غياب القدوة الحسنة عن هؤلاء و ثقافتهم الضحلة >>>هذا اذا كان عندهم ثقافة أصلا !!! بالاضافة إلى ان الكتب صارت ( موضة قديمة ) عند شباب اليوم و حلت محلها الفضائيات و ما تحتويه من سموم تدمر عقولهم فتعرض لهم في كل دقيقة أغنية ماجنة و أشكال مخزية التي ينبهر بها الشاب أو الشابة فتصبح شغله الشاغل هذا هو حال معظم الشباب ... هداهم الله ! |
دانة جدهـ .. حبيبتي .. أنتي بنت مسلمه أرفع من إنك تتنازلين وتعلقين صور حثالة المجتمع في غرفتك .. وأنتي تدرين إن أي إنسان يعلق صورة إنسان ثاني على الجدار يعني يعظمه ؟ ..................... الآنسه فراوله .. يعني معقولة كل الآباء والأمهات سيئين لدرجة مايصلحون يكونون قدوهـ حسنه لعيالهم ؟ ماظن .. |
مب شرط ان الاباء و الامهات ما يصلحون قدوة لكن الشباب يحبون يقلدون الناس اللي برع لأنهم يحسون انهم كبروا و لهم شخصية و استقلالية على عكس الاطفال اللي يعتبرون امهاتهم و آباءهم قدوة لهم في كل شي فبدل من انهم يقلدون الفنانين و خرابيطهم المفروض انهم يقتدون برسول الأمة عليه أفضل الصلاة و السلام و راح يشوفون كيف رح تتغير حياتهم للأفضل ^_^ |
والله صادقين
وانتوا كفيتوا ووفيتوا |
والله صادقين
ومشكوره على طرحك لهذا الموضوع وانا اقول صديقات اختي ارنوبه في ثال ابتدائييي يقولون شفتوا هيفاء ماعليها لبس ووو ....... الخ كيف يعني اهاليهم يخلونهم يشوفون؟؟ اما انا صديقتي رحت لبيتها مره ورحت لغرفتها شفت معلقه صور ستار اكاديمي وتواقيعهم ولا بعد راحت الاردن عشان تاخذ تواقيعهم وهشام كاتب لها حبيبتي ..... كيف يعني هي تخليه وامها وابوها يرضون بس انا شفت امها وتقول عادي وبس والمفروض الاباء ينتبهوا لابنائهم من هذي الظاهرة |
إذا البنات والشباب يقلدون بنات وشباب الغرب .. هذا يعني إن تربية أهلهم لهم من يوم كانوا صغار فيها خلل |
ايه صحيح كلامك اختي ..!!
بس مو دايم الاهل هم السبب يمكن الاهل تربيتهم احسن تربية بس رفقاء السوء لهم دور..!! |
صح كلامك .. لكن لو كانت تربية الأهل صح .. أكيد بيشيكون على أصحاب عيالهم |
مو دايم لانه الولد اذا ما حصل الاهتمام الوافي له من جهة الاهل بيلجأ لهذي الاشياء..
وجهة نظر احترم وجهة نظرك اختي..!! |
أرجع أقولك .. إذا كانت تربية الأهل من البدايه لولدهم صح .. أكيد راح يلقى منهم الإهتمام الكافي |
وانا بعد ارجع واقولك ..!!
وجهة نظر ولازم عليّ احترمها..!! |
تسلمين حبيبتي على الإحترام والتفاعل الرائع :yes: |
الله يخليك اختي روزاليندا...!!
|
:yes: ويخليك يارب .. ولا أخفيك بأن النقاش معك أسعدني جدا |
بأمانة وانا بعد لانه حصلت موضوع احد يناقشني فيه..!!
|
انا احط مرات فنانات ومرات اعمل تصاميم بس مو حبا فيها بس مرات الاستايل مالها أو الملامحها شده انتباهي وعجبتنى بس مو الي متابعه لها أو المهتمه فيها او معجبه فيها لا
ومشكوره بس صح الاغلب يحطونها حباواعجاب بالفنانين حتى الاسمائهم متشبهين فيهم بس انا اشوف الظاهرة السلبيه الي مااقدر اسويها انى اكتب ابيات حب او حزن لاغنيه اكتفي باسمي بالتوقيع |
اللي يحب فنان أو فنانه ،،،، ما عنده سالفة ،،،، وبس
|
عشق حبيبتي .. ماتلاحظين في كلامك تناقض : انا احط مرات فنانات ومرات اعمل تصاميم بس مو حبا فيها بس مرات الاستايل مالها أو الملامحها شده انتباهي وعجبتنى بس مو الي متابعه لها أو المهتمه فيها او معجبه فيها لا |
كلامكم صحيح بس انا بصراحه بلمسن احط صورة فنانين بس مثل ما قالو البنات مو يعني امووت فيهم لالالا بس انا انصدمت في بنت اعرفها البنت تحب اليسا وفي صوره الها تكون مسويه وشم على كتفها فقالت البنت انها بتسوي مثلها بس بتقنع امها اول امها ماتقول لا وحاولت معاها وقلت لها حرااام الوشم بس مافي فايده بس يعني انا اكككره جذي يعني اوكي معجبه في شكلها مو تروحين تسوين مثلها وهذا رئيي ومشكووووره علموضوع |
انا اقول ان ذي الظاهرة اصلها الابتعاد عن دينا و عاداتنا الراقية و انجرافنا الاعمى و راء الغرب و تقليدهم ...!! و ياريت الشباب و الشابات بيقلدوهم في الاجتهاد في العمل و الاخلاص فيه و الجد و المثابرة ( مع العلم ان هذي من اول القيم اللي حث عليها دينا الاسلامي الرائع ) بس يقلدوهم بالتفاهة و الخلاعة و تقليدهم اللي ما تيجي جمب تقاليدنا بشي .. الموضوع مهو بس صور فنانين و فنانات .. بس اكبر بكثييييييير .. الموضوع هو الهوية الاسلامية التي يفتقدها اغلب شبابنا اليوم .. للاسف , , , هذا رايي .. , , , , ,مودتي ,, زهرة اللوتس |
انا اشوف الموضوع عادي لأني حاطه الصوره لأنها
عاجبتني ما فيها شي طبعا البنات فئات في منهم المتدينات وطبعا الكل يفتخر فيهم وانا احترمهم جدا جدا جدا وواضح انو اكتر العضوات اللي ردو على الموضوع منهم ماشالله عليهم يعني اللي اقصدو انو البنات فئات ومو كلهم متشددات وبالنسبه ليا عادي الصور اللي تعجبني احطها ومرسي |
بصرررراااااااااااااحه انا ماافكر احط صورر من فنانييييييييين
ويدل هذا على قله التربيه انا بنت مسلمه واخاف من الله معاكم فديــــــــــــــتكـ والله |
اولا بشكرك على الموضوع
وبالنسبه للصور بتكون حريه شخصيه لو كانت صور مغنية او فنانه تكون الصورة محترمة وده نادرا او اصلا مش موجود اما انا بشوف موبيلات شباب حطين صور قزرة بمعنى قزرة والله ربنا يهديهم مانقدر نعمل شئ |
أختي أنا أوافق سارا ... أنا أحط الصورة لأنها عجبتني مش لأني بمحبها و أموت فيها! هي سلبية في بعض الأحيان و في بعض الأحيان حرية شخصيـهـ!
|
طبعا ظاهره سلبيه لأن الاعجاب في الاصل حراااااااااااااااااامـــ
مايجووووز .... هذا رأيي الشخصي ... يسلمو اختيـ موضوع يستحق النقاش ... |
السلام عليكم ..ورحمه من الله وبركاته
الصرااحهـ انا اعتبر هالضاهرهـ {تفاهه وشخافهـ} لابعد درجهـ ...الناس تعتز بدينهم وبأخلاقهم صاروا يعتزون بفنانين ومطربين مين هالفنان عشان تفتخرين تحطين صورته سواء بغرفتك او توقيع لكـ ..!! الله لا يبتلنا ..والله يعز الاسلام والمسلمين ياارب...شاركرهـ لك موضوعك اختي تقبلي مروري ڼسيٺـﮗ بهډۉئے |
الساعة الآن 12:45 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.