|
مـــا يــهـــزك ريــح يـا مــركــب هــوانــا ♡ خيالية دراميـة رومنسية [ ڪاملـۃ ]
السلام عليكم و رحمة الله و بركاته ياهلا فـ احلا عضوات عضوات منتدى بنات دوت كوم اقدم لكم هنا3 رواية لي في هذا المنتدى اللي بتكون رومنسية درامية ومغامرات و قليل من الخيال و الكوميديا > لوول نشبت لكم انا و رواياتي :هق: و راح احاول اطولها اكثر من اللي قبل نبتدي بالشخصيات الجميلة و البيوت الجميلة بيت ابو فيصل ابو فيصل : طيب و بشوش و دمـه خفيف ام فيصل : طيبة و حازمة فيصل : عمره 23 سنة موظف حنطاوي طويل شعرة اسود و عيونه سود شبه كبير من ابوه و هو طيب لكن لين عصب يمممه منه روضة : 21 سنة متزوجة حنطاوية و طويلة شعرها اسود متوسط الطول مدرج و عيونها السود احلى مافيها طيبة لكن على نياتها و حساسة سعد : عمره 20 مصرقع اكثر من ماتصورون وخفيف دم طالع على ابوه سارة : 17 سنة تشبه اختها روضة لكن على اجمل عيونها كبار مكحله طبيعي / حنطاوية / شعرها اسود طويل / انفها سلة سيف هبلة و حبووبة وعد اخر العنقود : 4 بيت ابو سعود ابو سعود دايما مسافر لان شغله يتطلب جي سعود : 22 سنة صايع ولا شي همه و قمة الاستهتار اسمممممر و شعررره اسسود و عيونه كبار خخخخ عبدالله : 19 سنة اهببل و حبوب رشيق عيونه على صغرها لكنها حلوة و جذابة امل : 17 مع سارة دايما حلوة سمرا شعرها بني فاتح عيونها مثل عيون عبدالله انفها صغير و شفايفها صغار جاسم : 15 سنة اهبل و دايما يدلعونه دلوعة ماما بيت ابو خالد ابو خالد : متوفي الله يرحمه ام خالد : حنونة على عيالها وحاطتهم بعيونها خالد : 22 سنة طويل عيونه كبار فاتحة جذاب و حنون و طيب جواهر :17 اجمل البنات الموجودات راح اوصفها لكم عيونها كبار فاتحة جميلة خشمها صغير و شفايفها ممتلئة وردية جميلة كأنها لعبة _ ويها مدور جميل شعرها ناعم مائل للبني بس عندها مشكلة انها منعزلة و غامضة ناصر : 16 سنة اهبل و مرجوج بيت ابو طلال طلال : عمره 23 سنة وسييم طويل و رزة و عريض ملامحه حاده حنون و طيب و لكن نفس طبع فيصل اذا عصب يستوي مايعرف حد فالح : 21 صايع و دايما ماشي مع سعود حلو ويشبه طلال لكن مب بوسامته طلال اوسم مريم : 19 سنة حلوة سمراء طويلة رشيقة كأنها غزال لوول راشد : 17 سنة شاطر ف المدرسة و دايما ياكل الكتب على قولة الشباب لوول منيرة : 15 سنة حلوة مقصصة شعرها وصابغته بني فاتح جسمها حلو قمة الخبال لوول طبعا الكل : ابو طلال ابو خالد ابو سعود ابو فيصل أخوان ملآحظ’ـة اسمح بنقل لكن مع ذكر اسمي في الرواية / هٍمس الآحساس مـــا يــهـــزك ريــح يـا مــركــب هــوانــا ♡ روآية قطرية رومنسية للكاتبـة /هٍمس الآحساس البارت الاول مدخل : طول عمري خالي الفكر سالي عايش بحالي ما عرفت المحبه ماكل من شفته اناديه غالي وماكل واحد ودي اقعد بجنبه ((L)) بيت ابو سعود فيصل : ويما كم مرة اقولكم انا ماحب السمك ماحب السمك ارجع من الدوام ميت جوع والاقي سمك ليش يمة ام فيصل : ابوك يبي معليه ياولدي كل شوي سعد : انزين لاتسندرنا مب عاجبك اطلب من المطعم خلاص فيصل : اسكت جب زين وهذا اللي باسويه باطلب من كنتاكي ام فيصل : وليش المطعم و كل شي موجود ف الثلاجة ابوك مايقصر يايمة سعد : ابي اعرف وجه الشبه بين الجبن و البيض اللي ف الثلاجة و سندويتش كنتاكي ام فيصل : اوووه كيفكم جات سارة راجعة من المدرسة : السلام عليكم فيصل يدق الرقم / الام رايحة فوق / و سعد قاعد ياكل سارة صرخت : السسسسسسسسسسسسسلاااااااااااااااااااام عليييييييييييييييكم فيصل سكر الخط : وجععع سارووووه و بعدين معاج انتي سعد : حضرتج داشة على صمخان و علييكم السلام ذبحتينا ترا سارة : اسلم ماتردون شدراني عنكم جات تبي تشوف الغدا سارة : اففففففففففف سمك سمك سمك قطاوة احنا :{h,,,3}: سعد : وبعدين معاكم انتو سمك شفيه السمك شزينه..... وياكل سارة التفتت على فيصل شافته يكلم كنتاكي : فيصل اطلبلي معاك و راحت فوق سارة تتكلم مع امل : لا مادري انا مابلعت الابلة اليديدة شكلها حدها مليييغة من اولها كوز :sg.1: امل : زين تعالي عندي ندرس مع بعض حق الكوز سارة : مشكله خاطري والله بس امس طلعت و اكيد بيقولون لا امل : زين خلاص انا اييج سارة :ايه حياج تعالي بسسسرررعة امووول امل :ايه اوكي يادبه سارة :اناا دبببة يالخايسسة و طبعا هذروا .. خخخخ طق طق طق > صوت الباب وعد : ساااارة فيييييسسل يبببييج سارة : حسابي معاج بعدين باروح اكل انا مب فاضية لج يالله سي يو امل : عواافي سي يووو نزلت تحت و شافت فيصل و ابوها حبت راس ابوها و شافت روضة جايتهم و سلمت عليها و سوالفت شوي و تذكرت الاكل طالعت فيصل فيصل و هو ياكل الساندويتش : اننن خنيته ف الكي ( اكلج خليته ف الكيس ) سارة اطالعه باستغراب .. سعد : شفيج اطالعينه جي تنطرين الترجمة ابو فيصل و روضة : ههههههههههههههههههههه سارة : هاهاهاها يالمليغ فيصل عقب مابلع : اكلللج خليته ف الكيس شفيج ماتفهمين سعد : ناا شنون طبيها طفهم ياخ فيصل و انت تبلع ( لاا شلون تبيها تفهم يااخ فيصل و انت قاعد تبلع ) سارة و روضة و ابو فييصل : هههههههههههههههههههههه فيصل : انت اسكت يالدب مالك خص سارة خذت اكلها و قعدت تاكل _ _ _ _ _ _ _ _ _ _ _ _ __ _ _ _ _ _ _ _ _ _ _ __ _ _ _ _ _ بيت ابو سعود سعود دش وشاف امل و عبدالله ياكلون : لاا جماعة الفلبن ( الفلبينين ) ياكلون بدوني ( سعود يقولهم الفلبينين لان عيونهم صغار مثل ماقتلكم لكنها حلوة و هو عيونه مب صغار ) عبدالله : هههههههههه وقاموا الصايعين ينكتون نعم ننطرك لين تشرف مثلا اكيد بناكل امل : محتر لانه انا و عبيد احلا منك صح عبدالله : ايه ايه محتر لانه انا و عبيد احلا منك .... هااه عبييد التفت لامل : عببييد ف خشمج قولي الشيخ عبدالله امل : مالت عليك مب ويه واحد يدلعك كمل اكلك بس سعود : بدوا توم و جيري .. قعد ياكل دشت ام سعود امل : يمااااااا باروح بيت عمي عند سارةاليوم ام سعود : وليش ان شاء الله امل : يما انا وساروووه بندرس ويا بعض ام سعود : قعععدي ف البيت و ادرسي شهالعيارة اللي فيج عبدالله يغني : عييييااار كانوا يسموني و كلهم يعرفوني. اني امل ام العيارة امل : دب مالك خص انت امل : يالله عاد يمااا عفففييييه ام سعود : زين روووحي روووحي فككييني سعود : انتي ماتخلينا ناكل بهدووء امل : لا سعود : جب امل : سعود تدري انك مليييييييييييييييييييييغ و ماتنبلع سعود يضضضحك : اتغششمر اموول شفيج زعلتي امل مكشرة سعود : فديت الفلبن انا الا الفلبن اهلنا و اخوانا مارضى عليهم امل : و لا انا مارضى على الهنود فديت قلبهم ( قصدها عنن اخوها لانه اسمر بزيادة ) عبدالله : هههههههههههههههههههه شخبارك كيساهي .. تكفى هز راسك سعود : هنود احسن من فلبن ياجماعة طن طان طو ههههه عبدالله بدا يتكلم سريع : اننه نار نبلتنل تثيه ننلنو ن نب > او انه هندي امل : شتقول عبدالله : مايفهم الكلام الا سعود وعقب ماخلصوا الغدا امل فتح التلفزيون على امل انه يطلع لها شي اوكي قعدوا سعود و عبدالله فرت على فلم بوليودي غير مترجم عبدالله : اللله خلييه سعود ترجملنا سعود : يااملاغتك امل : ههههههههههههههه و قطت المخده على عبدالله : الله يقطع بليسك عبدالله : قط المخدة على سعود و تموا يقطون على بعض دش جاسم : حمدالله و الشكر لا اخواني فيهم شي اليوم عبدالله : وصل دلوعة ماما ( مع انه مب مدلع بس عشانه اخر العنقود ) جاسم : دلوعة ماما مايسوي حركاتك يانونو سعود : وين كنت ؟ جاسم : تغديت مع رفيجي بعد وين كنت عبدالله قط على جاسم المخدة و يجيه جاسم و يصفقه بالمخده و يكملون ضرب _ _ _ _ _ _ _ _ _ _ _ _ _ _ __ _ _ _ _ __ _ _ _ _ نجي لبيت ابو خالد خالد : يما وين جواهر ام خالد : قاعده ف غرفتها بعد وين يما خالد راح فوق و بطل الباب خالد : جواهر جبتلج الايسكريم اللي تحبينه و حطله ع الطاولة و طلع جواهر خذت الايسكريم و كلته خلني اقولكم عن هيئة جواهر جواهر مثل ماقتلكم هي الاجمل ووصفتها لكم فوق لكن ماتهتم ف نفسها شاحبة و خوافة لابسة نظارة طبية رايبن العودة اللي مغطية نص وجهها و شعرها لين الكتف و مبعثر دايما ماتحط مكياج ابدا تميل للكآبة و الوحدة و الغموض _ ليش جواهر جي بنعرف كل شي بوقته ناصر دش على جواهر : جووووووووجووووو جواهر : هلا ناصر : تعالي برويج شي جواهر لحقته بدون كلام ناصر : شوفي فلم كوميدي نتابعه مع بعض جواهر : اوكي جاب ناصر البوب كورن يتابعون الفلم ناصر : هههههههههههههههههههههههههه شفتي شلوون طاح جواهر : ههههههه أي ناصر :شوفي شوفي ههههههههههههههههههههههههه جواهر : ههههه و قعدوا يتابععون الفلم بيت ابو طلال مريم : يمممما نبي نطططلع منيرة : ايي يما ام طلال : وين نروح يعني قتلكم بنروح بيت عمكم ابو خالد عندي كم شغلة اخلصها مريم : لا يممماا خللنا نرووح أي مجمع امل : يما عند جواهر عاد حتى مب معطتنا ويه ام طلال :عيب علللييج ماتخافين ربج البنت اللي شافته مب سهل و اذا ماتبون تروحون كيفكم ماغصبتكم انا > ( ويبقى السؤال :شلي شافته جواهر ) مريم و منيرة : ....................... العصر مثل ماقرروا امل و سارة انهم يجتمعون امل لابسة قميص بنفسجي بولو و سكيني جينز سارة لابسة قميص وردي و سكيني سارة : اففففففف ياشين الدراسة امل : كملي و انتي ساكته سارة تدرس امل : ساروه يبي لي شي اشربه سارة : نعم تشوفيني ادرس لازم و اكتب روحي قولي لـ شاني امل : مافيج فايدة يالعيووووووووووز امل قامت : لحظة اخوانج وين سارة بملل : محد يعني اذا هم موجودين باقولج انزلي ؟ امل نزلت شاااااااااني ماردت راحت المطبخ و سوت نسكافيه لها و لـ سارة جات تبي تدور السكر ماعرفت وينه هي تعرف انه في اكياس سكر ف المطعم و في هذا الوقت كان الاخ سعد ف الحمام اللي فيه غرفة المطعم دشت امل التفتت يمين و يسار مافي حد دخلت و خذت اكياس السكر و جات بتروح سعد بطل الباب و هي خافت لدرجة انها طاحت سعد بطل الباب و شاف امل اللي خايفة و طايحة ماعرفت شتسوي خذت السكر و جات بتروحي وهو الشيخ متنح و شردت سعد ( اكيد امل فيها شبه من عبود حمدالله و الشكر و انا شفيني قعدت متنح ساعة ..) امل شردت المطبخ ماعرفت شتسوي !! سعد الباب اللي كان مبطل صكره امل راحت على طولل فوووق امل : سارووووه سارة : نعم امل : روحي اخذي النسكافيه سارة : وليش ماجبتيه امل : سمعت صوت اخوج يالعيوووز سارة : اهااا اوووكي و راحت تجيبه امل ( كله مننننج ياسارووه اوبي شبيقول عني سسعد ياووويل حالي ) _______________________________________ نرجع للزمن شوي لورا 3 سنين تقريبا يوم كانت جواهر اجمل و اروع البنات جواهر كانت بنت رقيقة حياوية هادئة تضحك و تلعب و تمكيج و تدلع يوم من الايام رجعت جواهر البيت ام خالد تصيح خالد يصيح جواهر : يمما شسالفة جواهر : خاللد شسالفة ام خالد تشهق و تصيح جواهر : يمما قوليلي خالد ماقدر يستحمل راح لاخته : جواهر جواهر : ها خالد : ابوي جواهر : ابوووي ششفيه خالد : ................. جواهر : خالد قوووولي ابوي ششففففيه خالد : عطاج عمره هااااااااااااه شهقت شهقة خالد قال كلمة قوية كلمة مب طبيعية ابوها ابوها و دنيتها و حبيبها انهارت ماقدرت تتخيل حياتها بدون ابوها ابوها اللي مدلعها اللي يحبها ابوها اللي خاطرها ف شي يجيبلها ابوها ابوها و قعدت تصيح تصصيح من اقوى الصدمات اللي تعرضت لها تمت تصيح : يمااا مب صصج صصح خالد يمزح صح ام خالد تصيح جواهر : يما لا كذب صح يما صح و تصاارخ جواهر طاحت و هي تصيح و تضرب الارض : يبااااااااااااااااا يباااااا يباااااااااااااااااااا بعدين في اوائل ايام العزا العزا كان في بيت الجد و هي لين الحين مصدومة و تصييح راحت تجيب لها ماي من المطبخ اللي برا واحد من العمال اللي يشتغلون في بيت الجد ( كومار ) جافها و راح المطبخ و قرب منهاا |( يبي يتحرش فيها ) التفتت جواهر و شافته قالت :لاااا لااا و قاااومت و صصصررررخت باقوى ماتقدر و اغمى عليها خاااف كومار و خلاها و شرد تجمعوا العيلة و شافوها بروحها مغمى عليها ودوها المستشفى قالوا انها مصدوومة اللي فسروا انها تذكرت ابوها اللي فسروا انها تخيلت الحادث لكن محد يعرف السر الا جواهر نفسها تعرضت للصدمات اكبر منها و اكبر من قوتها صارت تخاف تروح المطبخ تخاف تروح بروحها صارت غامضة و كتومة و ... و و البعض يحسها مجنونة او متعقدة كل هاي جافته و هي ماتجاوزت ال15 و هذي قصة جواهر نرجع لـسارة و امل سارة : يالله اشوفج بكرة ف السكول امل : ان شاء الله .. الله ونااسة بكررة الخمممييس سارة : واااو بكككررة بنففللها امل : ههههههه يصير خيير امل : يالله باي سارة حضنتها : بايات ياجميل راحت امل سارة راحت لاخوها سعد سعد مسبه و يفر القلم سارة : سعود شففيك مسسبه سعد : هااه ولا شي تعباان شوي سارة : يعني مالك خلق أي شي سعد : اييه سارة تأفأفت و صكرت الباب سعد ( امل آآآه يأمل ) مخرج : شفته البارح حكيت وحكالي واعجبني اسلوبه وصدقهوقلبه ~ بعدها مادري وش اللي جرالي الله يستر قلبي لا يكون حبه : : : : نهاية البارت الاول شرايكم ف الشخصيات جواهر ؟ و هل حد راح يعرف السر ؟ و هل بتعالج مشكلتها ؟ سعد و امل نقدر نقول بداية قصة حب ؟ و الباقي احدااث رائعة بأنتظاركم :sg.15: |
وعليكم السلام ورحمة الله وبركاته ق1 همووووووسه ق1ق1ق1 يالبى رواياتك ق1 من زمان وأنا إأنتظر روايه من رواياتك تنزل علينا ض1 ق1ق1 اقتباس:
لآ ما نشبتي لنا ق1 العكس ق1 ما بعد قريت البارت بقراه وبرد أن شاء الله لي بآأإك ق1 |
همووووسه ق1 أيش هذا البارت ق1 والله بارت روووعه ق1ق1 هذا وهو البارت الأول .. البارتات الباقي وش بتصير ق1 أعجبتني شخصية جوااهر ق1ق1ق1ق1 جواهر ؟ و هل حد راح يعرف السر ؟ و هل بتعالج مشكلتها ؟ أمممممممم .. أتوقع مريم و منيرة بيعرفون السر .. أتوقع بتعالج مشكلتها ق1 سعد و امل نقدر نقول بداية قصة حب ؟ أمممممممممممم . ممكن ..:همف: |
يععطيك العافيه ان شاء الله متابععه لي باك :sg.15: |
شموخ الفجر
يالبببى قلبببك والله ق1ق1ق1 انا والله ماتخيل اي رواية انزلها مافيها رد من ردودج :هق: والله اقرى ردج اييني حمااس مب طبيعي :هيا: فديتج والله ولا تحرميني من طلاتج الحلوة و ان شاء الله الحين جايبتلج البارت الثاني :flower01: رايقــــة ياهلا فيج يالغلا نورتي الرواية تسعدني متابعتج فديتج ^_^ |
اسمحولي ياحلوين أمس يوم جيت بانزل البارت انقطع النت :52yicz:
عشان جي تأخرت |
البارت الثاني صدفه تلاقينا بدون مـيـعـاد وماخطر في البال إنه ضنيني في جيته لي تباشير وأعياد وفي غيبته كن الهموم تشقيني أمل و سارة فـ المدرسة و تمشي معاهم جواهر جواهر طبعا طول الوقت ساكته امل و سارة يحبونها و يرحمونها المهم تموا يسولفون امل : ممممم بنات شبتلبسون اليوم ( قصدها بيت الجد ) سارة : والله مادري و انتي جوجو جواهر : مافكرت سارة : بنااااااااااااااااااااااات امل : يما حذاج احنا شنو سارة : عندي لكم فكرة جهنميية اليوووم لازم نسوييها امل : الله يسترمن افكارج قولي سارة : شوفوا الحين بيت جدي مب قريب واايد من مجمع ال ......... امل : اييه سارة : و اليوم مب امهاتنا بيروحون عرس مادري من امل : ايييه سارة : وبيخلالنا الجو المهم كل وحدة تبوق نقاب امها و نجيب كعب عالي امل : و بعدين سارة : ووقت الصلاة الرياييل بيروحون و عمامي كلهم و عمامي مايدرون عنا فـ نلبس النقابات و نروح مشي المجمع امل : واذا صادونا سارة : افا ماتثقين ف سارة ام الافكار ..جوجو شرايج جواهر : للااا اخااف سارة :يالله عاد بتستانسين احنا نبي نستانس مانبي نسوي شي غلط امل : اووكي بس لازم نتفق مع مريوم و منور سارة : ياللله عادجووجوووو جواهر : آآ اوك سارة : خلاص تم .................................................. ............................................. بعد يوم حافل ف المدرسة .. كلن رجع بيته .................................................. .............................. بيت ابو فيصل دشت ساره وهي مستانسة و مستعده لانها بتروح تكلم مريم : سعد : مافي السلام عليكم امس حاشرتنا مسمعة الفريج كله و اليوم داشة شاقة الضحكة شسالفتج فيصل + روضة : ههههههههههههههههههههههههههه فيصل : أي والله شعندج سارة ترقع : اليوووم الخميس اللله مافي سكوول روضة : ايه وانا اقول شعندها ساروه شاقة الضححكة سارة : اييه ماتحسوون انا شكثر مستانسة لاني انكرفت هالاسبوع روضة : زين روحي بدلي و تعالي تغدي معانا اليوم مسويتلج معكرونة بالباشميل سارة : فديت اختي الوحيدة العزيزة سعد : مصاالح وعد : وانا سنو سارة : لا عاد وعد حبيبتي اختي الثانية وراحت فوق تبدل .................................................. ..................................... بيت ابو سعود امل : هااي ام امل : وعليكم السلام هذي سلامكم بنات الحين عبدالله : كلش عبالهم كششخة امل : انت ماللك خص ...السلااام علييكم ام امل : ايه هاذا السلام العدل وعليكم السلام كانت ميته من الجوع فقعدت و حطت لها اكل و قعدت تاكل .............................................. بيت ابوخالد دخلت جواهر و بهدوء : السلام عليكم خالد +ناصر+ام خالد : وعليكم السلام خالد : جوجو جواهر : هلا خالد : شوفي شنو شريتلج جواهر : شنو خالد : بلاك بيري جواهر ابتسمت : مشكور ( خالد يسوي أي شي عشان يرجع جوجو لطبيعتها الجميلة الرقيقة الجريئة يبيها تخالط الناس ) خالد : فتحتلج الخدمة بعد جواهر : مشكور خالد : العفوو .................................................. ................... نرجع لـ سارة اللي كانت تكلم مريم سارة : ايه ايه انتي و منور خذوا نقابات امج اليوم بيخلالنا الجو مريم : انزين و متأكده الخطة بتمشي تمام سارة : افاا علييج خلي كل شي عليي مريم كانت حاطة سبيكر و حذاها منور منيرة : اللللللللله خووووش فكررة فديتج سوسو ام الافكار سارة : اعجبج انا صكروا و سارة تذكرت شي مهم سارة اتصلت ف جوال جواهر سارة : الووو جواهر : هلا سارة سارة : جوجو شوفي جيبي عدسات لاتلبسين نظارتج خليها عليج و جيبي عدسات جواهر : اوكي بس سارة : بس شنو جواهر :انا خايففة سارة : ياللله جوجو سوي كل شي مثل مااقولج جواهر : اوكي .................................................. .................................... بيت ابو سعود امل قاعدة في الصالة و معاها عبدالله و سعود و كلهم قاعدين ع الكنبة و يفكرون و سرحآآنــــييييـــن دش عليهم جاسم و شافهم جاسم : ههههههههههههههههههههههههههههههههههههههههههههه عبدالله : نعــم !! ازعجتنا تراك جاسم : هههههههههههههههههه انتو لو شفتوا شكلكم هههههههههههههههههه امل و سعود و عبدالله طالعوا بعض : هههههههههههههههههههههههه دشت ميري : هههههههههههههههههههه سنو فيه عبدالله : ههههههههههههه وانتي شتبين يالله روحي مناك ههههههههههههههههه تضحك و هي ماتدري شسالفة امل طاحت ع الارض: هههههههههههههه ههههههههههههههههههه ههههههههههههه عبدالله : لا ينت البنت جاسم : لحظة يالله شكنتوا تفكرون فيــه عبدالله : انا اقولك سعود يفكر ف البنت اللي توه صايدها / امل تفكر شتسوي اليوم مع البنات و بيحشون فـ من و الخ / و انا افكر انه اليوم لازم نطلع سعود : يقطع بليسك يالفلبيني داش ف مخي انت امل ( الله ياخذ بليس جابها ع الجرح) : اصلا البنات مايحشون سعود : عيل ذيك المرة جني سمعتج طايحة سب ف ابلتج و تكلمين ساروه بنت عمي امل : عاد ذيك بطت جبدي الدبة توقفني بدون سبب عبدالله : كل البنات ف العالم يحشون ههههههههههه ذاك اليوم يقولي سعد انه سارة قطعت البنات ف المدرسة من الحش امل اول ماسمعت اسم سعد ضحكت : ههههههههه عبدالله : ايه كلكم واحد .................................................. ............... مر اليوم و جا وقت جمعة بيت الجد ( كلهم لابسن سكيني و قمصان ) جات سارة اول وحده : السلام عليكم و سلمت على االجد و الجدة اللي كانت مستعدة بتطلع بتروح العرس وجاو بعدها _ امل _ جواهر _ مريم _ منيرة _ روضة اخت سارة ماجات وطبعا امهاتهم راحوا العرس و ابهاتهم و اخوانهم برا البنات مجتمعين سارة : سمعوني عدل اتبعوا خطواتي لين اقولكم شي امل : الله يسستر اول مايأذن الاذان بنروح نراقب المجلس من دريشة الصالة الثانية البنات : اوكي > ماعدا جواهر اللي طول الوقت ساكته بعد دقائق معدودة الله اكبر الله اكبر أذن المؤذن سارة : الحين يالله نروح الصالة الثانية مانبي الخدم يحسون فينا امل : و جدي سارة : جدي راح اكيد بيقعد بروحه اكيد راح مع عمامي راحوا الصالة و و افتحوا شوي الدريشة عشان يسمعون لوول طبعا الدريشة كانت عاكسة ولا يبين شي و كانوا مصكرين الستارة صوب الجزء المفتوح طلعوا عبدالله و سعد امل استانست ماتعرف ليش لوول سعد يصارخ : ياكفار قريش ترا اذن الاذان يعني تنطرون الاقامة عبدالله : اضاهر احنا المسلمين الموجودين البنات : ههههههههههههههههههههههههههههه كل وحده صكرت حلج الثانية عبدالله : ماسمعت صوت سعد : ايه جنه الخدامات يضحكون مادري شعندهم البنات ماسكين الضحكة :: سعود : اوه اخ فلبيني مسلم تصدق مادريت فالح معاه : ههههههههههههههه عبدالله : ولا انا اخ (بابو) احسبك تعبد البقر وأشر على فالح طلال و فيصل و خالد و هم جايين صوبهم : ههههههههههههههههههههههههه و البنات بيموتون من الضحك راشد : ياجماعة ترا تأخرنا الحين بيجون ابهاتنا و بنسمع محاضرة طلال : ايه امشوا يالله ناصر : اووووه بيقيم شوف الساعة كم يالله امش جسوم نروح طبعا مشو كلهم سارة : يااللله البسوا الكعابة و النقابات الى المجمع و مثل ماوصيتكم على وضوء ولا لا ؟ البنات : ايه لبسوا و طلعوا برا بقيادة سارة سارة تطل من الباب الخارجي : راحوا يالله و مشوا لين المجمع اللي يفصل بينهم شارع دخلوا المجمع طبعا راحوا صلوا و بعدها تمشوا و يشوفون الاغراض ساره و صتهم مايشترون الا اشياء صغيرة تنحط ف الشنطة ماتبين قعدوا ف كافيه و شوفوا المصيبة يوم قعدوا فـ الكافيه الا داشين الكوفي عبدالله و سعد و راشد و ناصر و جاسم سارة تأشر لهم انه اسكتوا و تصرفوا عادي سعد :وانتوا يالبزران شلا جايين معانا ناصر : أي بزران وصلنا طولكم و لين الحين بزران جاسم : زين اذا ماتبونا قولوا ترا عادي سعد : امزح امزح شبلاكم احب استفزكم سعد : جيب 5 كابتشينو هابعد العزيمة عللي شتبون راشد يقرا كتاب تاريخي عن ابطال العرب راشد : تصدقون ان محمد الفاتح يوم .... ناصر : حشتنرنا يارجال احنا نخلص من المدرسة اتجي انت الدولة العثمانية و ابطال العرب راشد :هذي ثقافة و تاريخ نفخر فيه شفيك انت عبدالله: سكتوا بس اكو جا الكابتشينو و طبعا البنات بعد ماخلصوا شربوا طلعوا من الكافيه و تنهدوا تنهيده قوية خخخخخخ طلعوا و راحوا صوب محلات المكاييج فالح : سعودوه شوف شوف شلة بنات يمشون سعود : اوووه والله امش امش يالله سعود مر احذاهم : ياحلوات الرقم امل ( الله يفشلك ياسعود ) > مع انه كل البنات يدرون انه سعود و فالح مغازلجية البنات ماسكين الضحكة فالح : يالله عاد اذا مب رقم ....بيبي PIN مريم خاطرها تثور على اخوها طبعآ شافوا البنات ماعطوهم وجه راحوا البنات يضحكون بصوت خفيف : هههههههههههه امل : سعودوه الخايس مريم : سكتي شفتي فلوح شلون .. فديت طلول عاقل ماعنده هالحركات البنات : ههههههههههههه منيرة : الصراحة احلى شي الثنائي المضحك سارة : سعد و عبدالله منيرة : ايه سارة : ها جوجو شرايج مب وناسة جواهر : هههه أي سارة : شفتي شلون قتلج ساعة صار للبنات و هم ف المجمع سارة : هااااه بنااات تأخرنا يالله لازم نمششي البنات : يالله بعد ماطلعوا برا امل : هااااااااااه ليكون بندش من الباب الكل بيشوفنا و بيذبحونا مريم : اوبي مافكرنا فيها منيرة : ياررب سترك سارة : لا شفييكم انتوا احنا بندش من الباب اللي ورا صوب المطبخ الخارجي و بندش الصالة البنات : اها سارة : يالله اقطعوا الشارع و راحوا ورا و دشوا من الباب اللي برا و دخلوا الصاله و نجوا بأعجوبة سارة : هههههههههههههههههه شفتوا شلون انا ام الافكار امل :سكتي ياام الافكار بغينا نروح ف ستين داهية جواهر كانت تفكر من زمان ماستانست مثل اليوم على انها خافت وايد سارة : الاااااااااااا تعالووووا بناااااااات البنات : what سارة : شرايكم نروح نتمصلح عند جدي عشان نسوي جمعة للعايلة بكرة مريم : وفـ ويين ؟ امل : في الحديقة شرايكم منيرة : اووه حاقة قمييــلة واللهي سارة : يالله راحوا عند جدهم اللي كان مع أبو فيصل البنات : مرحبا جدي الجمييل ابو فيصل : اخلصوا شعندكم شكلهم ناويين نيية البنات : الاىرت اتبابرلاتبتلبا اا اعابا > فهمتوا شي يعني كلهم تكلموا بنفس الوقت الجد : شوي شوي يابناتي ها شتبون امل : جدي احنا خاطرنا بكرة نروح احنا و العيلة كلنا الحديقة و نستانس الجد : والله خووش فكرة اقولكم فكرة احسن ناخذ لنا شاليه شرايكم بس يوم نتم فيه البنات : وااااااااااااو ابو فيصل : أي والله اول مرة تجيبون فكرة زينة قلت الحين بيقولون نبي نروح السوق البنات ( ماهو لنا احنا رحنا السوق اصلا ) الجد : اقول ياولدي ابو فيصل : سم يبة الجد : قول لاخوانك انه كلنا بنروح الشاليهات بكرة البنات : يااااااااااااهووووو سارة : فديتك يااحلى جد و حبت راسه الجد : ولو تستاهلون انتوا بناتي من لي غيركم انا و طبعأ تعرفون حركات البنات من تفدي و مادري ايش خخخخخ > مصالح سارة تهمس لجواهر : حبي راس جدي يالله جواهر : هآه آآآ آستحي سارة : شنو تستحين يالله و جات جواهر و حبت راس جدها جدها حضنها كان يحب جواهر لانها تكسر خاطره كثثثثير ويحب يشوفها مستانسة الجد : هايابناتي عيل بكرة الوعد البنات : اكيييييييد ______________________ رجعوا البنات و هم متفآألين بـليله جميلة جواهر ( اه من زمان ماحسيت بها الشعور الحلو ) سارة ( ياه ونااسه ونااسه شبسوي اهم شي اشرك جوجو ف كل عمل مرعب ههههههههه ) مريم ( يارب انا لازم اجهز من الحين ) منيرة ( آخذ كيمرا التصوير ممم آخذ مضرب التنس ووو ) امل ( يالله معقــولة حب لآ ياامل مايصير جي يمكن اعجاب حب !! و من طرف لآ آآه ياراسي) مشيت في حبه طايع ومنقاد غصب المحبه باديه في جبيني صياد ياصياد واليوم منصاد سهمن ركز في داخل القلب فيني شبيصير فـ كل منهم امل حب / اعجاب ؟ ولو حب هل من طرف ؟ جواهر بتبتدي تتغير ؟ و الاهم شبيصير فـ يومهم المنتظر احداث شيقة بأنتظاركم تـآبعوني |
ها ياحلوين اذا شفت ردوكم راح انزل البارت الثالث اليوم :sg.15:
|
واااي خاايفه
احس جواهر اللي منعزله دايم اذا طلعت بتصير لها مصيبه >> سوداويه :هق: همووسه يعطييك العاافيه عجلي علينا بس ض1ق1ق1 |
الله يعافيج يالغ ـلآ :sg.15:
ان شاء الله راح احاول خبرك متحطمة مافي تشجيع :Emoticons-plus.com |
على اني ماتحمست لكن نزلتها عشان خاطر المتابعات ان شاء الله يعجبكم البارت :هق: البارت الثالث أنا أشهد إنك على~ القلب غالي وحبك بداخل القلب ]محفور[ ابيك>>دايم طول عمري قبالي يامهجة *أفكاري* ويازاهي النور مر اليوم على البنات و بأنتظار اليوم الجميل اول ماقاموا طبعآ اللي جهزت الكاميرا و جهزوا اللبس و جهزو كل حاقة رآآحوآ بيت الجد و انطلقوا الساعة 10 البنات فـ سيارة > حنوا ع الجد انهم يكونون بروحهم خخخخ و الامهات فـ سيارة و الشباب طبعآ مو ف سيارة-_- حتى روضة كانت موجدة لكن دايم مع الامهات البنات كان يسوق فيهم ابو فيصل الامهات الدريول ووصلوا الشاليه طبعا حطوا اغراضهم البنات يتمشون : ملاحظة كلهم ماغطوا وجيهم ف الشاليه بس لبسوا نظارة شمسية الا جواهر كانت نظارتها الطبية و منيرة اصلا ماتغطى سارة : الله بنات صج وناسة و ترفيه عن النفس امل : ايههه الله وناااسة منيرة : ماقدر اصدق اااه مريم : اييه فدييت جديي والله سارة : الا تعالوا اقولكم شي امل : الله يستر منيرة :قولي يام الافكار جواهر : قولي > لاول مرة تتكلم البنات طالعوها و سارة ابتسمت لها جواهر استحت ماتدري ليش >< سارة : شوفوا شرايكم نتسابق منيرة : يالله امل : لا ياهبلة فششلة بعدين الشباب يطلعون يلاقونا نركض جنه مهابيل مريم : عادي و شفيها هم حلال عليهم كل شي و احنا حرام بعدين مافي حد هني امل : اممم اوكي جواهر تهمس لسارة : مابي سارة: انتي بتلعبين اول وحده صفوا عشان يتسابقون طبعا ماكانوا يشوفون العيون اللي تراقبهم الجيش الشبابي كلهم لووول سارة : جوجو اذا ماسرعتي راح تكونين سبب في خسارتي 1-2-3 سارة ركضت و مريم و منيرة و امل و اللي يضحك انه سارة ماسكة يد جواهر و تركض خالد قاعد يطالعهم جواهر فالبداية كانت تركض من سحب سارة بس تذكرت هي ماتبي تزعل سارة ركضت بااكثر شي تقدر تركضه كلهم يطالعونها !!! جواهر اول وحدة!!! و بعدها سارة و منيرة قريب منهم جدا و بعدها امل بعدها مريم جواهر تركض جواهر محد توقع هالشي و بعدها سارة و بعدها منيرة بعدها امل بعدين مريم خالد قاعد يطالع جواهر هو مستانس مستانس انها تلعب مستانس انها تركض بعدها جواهر فازت سارة حضنت جواهر و طلع تصفيق و تصفير من الجمهور الشبابي جواهر مبتسمة مستانسة ماتنوصف سعادتها و تطالع اخوها خالد اللي مبتسم و رافع ابهامه و البنات مستحيين ان الشباب شافوهم بأشكال خخخخخخخ طبعا بعد التمشي و الوناسه حزة الغدا ام فيصل : يالله يابناتي حزة الغدا البنات جو و طبعا وهم ياكلون لازم حش و سوالف سارة : شفتي البنات هابين هبة ف التان وع احس مو حلو مريم : باللععععكس والله احس حلو امل : البنات كل ماسوت مغنية و لا ممثلة شي راحوا يقلدونها سارة : اييي ههههههههههه طبعا جواهر كلعادة تاكل بصمت وتفكر سارة التفتت لجواهر لقتها مبتسمة قالت لها : جـــوووجــــووو جواهر :ها > مسبهه البنت سارة غمزت لها : اشوفج مستانسة جواهر استحت سارة : هههه ايه استانسي احب اشوفج مستانسة عقب ماخلصوا سارة : الا بنات البنات : هلا سارة : طبعا عقب ماتغدينا شرايكم نروح دكان الهندي اللي هناك > طبعا قصدها ف الشاليه منيرة رن جوالها و راحت تكلم رفيجتها امل : انا تعبانة و بطني منترس مريم : اوه عاد سوسو تونا ماكلين سارة : مافيكم خير باروح مع جوجو احسن لي سارة : يالله جوجو البسي عبايتج البسوا عبايتهم و راحوا الدكان سارة و جواهر دشوا سارة : ايه جيب سنكرز الهندي : باد سنو يبي سارة : و 5 بيبسي و جيب شيتوس الهندي : بس سارة : ايه بس طبعا شلوا الاكياس و يوم طلعوا من دكان الشاليه الا اثنين من الشباب الاول : ياحلو يقول لجواهر الثاني : فديتكم عطونا ويه عاد الاول جاف جواهر المرتبكة جا بيمسك يدها سارة انتبهت و بحركة سريعة سحبت جواهر وراها سارة : انت ماتستحون روحوا بعيد يالله قال لها : ترا محد يسمعج حبيبتي جواهر كانت لازقة ف الطوفة و سارة قدامها سارة خايفة بس ماتبين : روح يالله ياللي ماتستحي جواهر مغمضة عيونها ماتبي يتكرر الموقف كافي صدمات ف حياتها الولد : اقوول ترا و يقرب و سارة قدام جواهر سارة قاعده تصيح كانت لابسة نظارة شمسية الا يجيه واحد يسحبه من ورا و يعطيه بكس الثاني شرد و الاول الحقه خالد : شاف سارة و جواهر شاف جواهر كيف مرتبكة و مغمضة عيونها( لابسة نظارة رايبن الطبيه مثل ماذكرت قبل ) و سارة اللي تتصنع الشجاعة بقد ماخاف على اخته اعجبه موقف بنت عمه تحاول تحميها بأي طريقة و تشجعها خالد : سارة جواهر سارة ماتت خوف لانها عبالها بيهاوش اخته و بيهاوشها و هي السبب سارة :لااا خالد هي مالها خص انا انا قتلها تعالي خالد : انا ماباقولكم شي بس لاتطلعون بروحكم سارة : اااييييه خالد خالد شل الاغراض ووصلهم جواهر دخلت داخل سارة بتشل الاغراض سارة : مشكور خالد : العفو قبل ماتروح سارة قالها خالد : سارة ... سارة طالعته خالد : مب كل مره تسلم الجره ورااح سارة ماهتمت في البدايه و دخلت و هي شاله الاغراض سارة ( شقصده و لييش ) طبعا البنات هجوم ع الاكل خخخخخخخخ العصر الساعة 35: 3 منيرة اللي كانت تبي تلعب مع حد لانها متملله طبعا البنات راقدين تعبانين على قولتهم لوول منيرة العبت مع وعد عقبها طلعت برا و شافت قطوة تممت تلحقها و طااااخ منيرة : آآآآآآآآ ركبها عورتها طاحت على حصا منيرة تصيييح مع انها ماتحب تصيح : شسالفة شفيج منيرة : ريلي اهئ آآآآآ عبدالله : قومي قومي منيرة : ماقدر تعورني اهئ اهئ عبدالله ( لاااحوووول ) راح صوب النسوان الكبار طق الباب طلعت له روضة : نعم عبدالله : وين خالتي ام طلال ام طلال : هلا يما انا هني عبدالله : ياخالتي تعالي شوي ام طلال طلعت و قالها ام طلال : بنننتي الله يسستر راحت لها و حاولت تشلها ام طلال : يما قومي ماقدر اشلج انا منيرة : يما واللله ماقدر عبدالله جا و و مسك منيرة من ذراعها الثنتين و شلها على فوق خخخخخخخخخخ كان شكلها يضحك منيرة حدها استحت عبدالله : الحين تقدرين منيرة : اييه ام طلال : جزاك الله خير ياولدي عبدالله : و جزاج ياخالتي ولو منيرة بنت عمي و مثل امل ام طلال : والله انه عبدالله شيخ منيرة ( خخخخ ولو انه بغى يفصل ذراعي ) منيرة راحت عند امها و داووها النسوان عقب ماضمدوا منيرة و جات بتروح روضة : اقول منيرة منيرة : هلا روضة : ممممم اذا ممكن تناديلي البنات راح اقولكم شي مهم منيرة اوك منيرة راحت على امل تلقى البنات قايمين و سبحان الله طلعوا قايميين منيرة : اقول بنات ترا روضة تبينا سارة : زين بنيي و راحوا كلهم و عقب ماجمعتهم روضة و جمعت الامهات قالت روضة : انا باقولكم شي سارة : وششو حمستينا روضة استحت ونزلت عينها تحت : انا حامل و كلللللللللللوووش و باركوا لها النسوان سارة ضمت اختها : يالددددببة ماتقولين روضة : شاسوي مريم : مبببببرووووك روضوه روضة : هههه الله يبارك فيج جواهر بابتسامة و بصوت واطي : مبروك روضة : الله يبارك فيج جوجو منيرة : ها سميها منيرة امل : لا على كيفج سميها امل مريم : من قالكم انه البيبي بنت سارة : ايه والله ههههههههههههههههههههه ---------------------------------------------------------------- عند الشباب خالد يطالع الجوال ( آآه والله تاخذ العقل ) > شيطالع ياترى ؟! فيصل: يالحبيب شببلااك خالد : مافيني شي فيصل : تطالع الجوال و سرحان و مسسبه و تقول مافيني شي خالد : لا استانست يوم شفت اختي مستانسة من زمان ماشفتها جي فيصل : أي ان شاء الله دايما خالد : يااارب فيصل : ايه الا باقولك ترا كلمت ال ... > سوالف شباب لوول _ __ _ __ _ _ نروح ناحية الشباب اللي كانوا يلعبون جوكر طلال : سعوودوه انت غشااش سعود : ماغشيت من قالك فالح : هاها اذا سعود ماغش انا مب ولد عمه طلال يلتفت صوب خالد و فيصل : ها شباب مب لاعبين فيصل : جايينكم جاييينكم طلال : يالله نرووح صوب اللي يلعبون سوني هههههههههه جاسم : اييه بنششووف من يضحك اخيرا ناصر : انا اورريك الحين العب العدل جاسم : بنشششوف بنششوف راشد يقرا كتابه و صكره >> ( هذولا الاشخاص نادرين جدا لووول ) راشد : شباب من بيلعب معاي شطرنج خالد : انا باجييك العب مابي العب بته معاهم لاني ادري انه نص اللعبة غش راشد : يالله نروح صوب عبدالله و سعد اللي كانوا برا يطالعون البحر كلن ساهي بتفكييره عبدالله ( والله مالها حل لا و تصصيح مسكينه و لا يوم سحبتها و انصبغ وجهها ) عبدالله : هههههه ياحلوها سعد التفت له : قل اعوذ برب الفلق صاحي انت شنو ياحلوها عبدالله يرقع : اقووول (ياحلو الهواء) ياحلو الهواء يهف عليك و انت قدام البحر سعد : ااييه اوكي سعد (ياحلوها ياحلو أمل يـ امل حبج سكن فـ قلبي آآآه ليتج تحسسين ) غلاك( بقلبي) ماهو بإتصالي ولاشعر فوق الورق منثور ّ غلاك انفاسي وروحي ومالي وبسمات طفل كله إحساس وشعور# طبعآآ هاذذييه كان نهاية اليوم و بكرة راح يرجعون شراح يصير ؟ شبيسوون ياترى مامصير ابطالنا خالد × سارة ؟ عبدالله معقولة يحب ؟ و امل و سعد كلن مايدري عن احساس الثاني ؟ و جواهر هل بتغيرها سارة ؟ احداث مشوقة فـ انتظاركم تابعوني |
همووووووسه ق1 آسفة لأني ما رديت في البارت الي قبل :52yicz: .......................................... البارتات تهببببببببببببل @_@ بس بطلبك طلب لآتغيرين شخصية جواهر لأني أموووت في شخصيتها(أحب شخصيتها) ق1ق1 خالد × سارة ؟ أممممممممم يمكن يحبون بعض ض1 عبدالله معقولة يحب ؟ أممممممممم يمكن ض1 و امل و سعد كلن مايدري عن احساس الثاني ؟ مدري ! و جواهر هل بتغيرها سارة ؟ لآ جواهر لآ تغييييييييييييييييييييييييير ! أنتظر البات الي بعـــــــــــــــــــــدوو ق1 |
يالبيييه فدييت قلبج والله :034q:
مايحتاي تتأسفين يالغاليه :sg.13: اما عن شخصية جواهر مثل ماتقولون مرررة ضعيفة ماراح تقدر تواجه مشاكل الحياة :همف: عشان خاطرج انزل البارت الرابع .... |
رجعت لكم البارت الرابع ويـش اسـوي يـوم يخذلـنـيزمـانـي خـانـت ايـامـي وانــا ودي الـوصـول للحـبـيـب الـلــيبـحـبــه احـتـوانــي الساعة 8 الصبح قامت سارة مع كشتها اللي مالها حل سارة : بناااااااااات و تقومهم لووول و كلن قام سارة : ههـي جنا ماصلينا امل : ساروه صج مخرفة و من اللي مقومنا الفجر مب خالتي اللي هي امج ؟ ليكون صليتي و انتي راقدة سارة : اييه صح بل شفيني نسيييت > هذيه حال البنات مخرفات اول مايقومون ههههههههههه مريم : اقولكم شرايكم دامه اخر يوم نتشطر و نسوي احنا الفطور ... امهاتنا ماقاموا لين الحين ام طلال و ام سعود جايين من المطبخ : لا حبيبتي هذا هو احنا مسويين الريوق منيرة : مافينا فايدة كله نبي نتشطر و احنا خرطي البنات : هههههههههههههههههههههه طبعا قعدوا الامهات و اقعدوا البنات و تموا يسولفون عند الشباب كلهم قاموا طبعا اجروا بطابط ( دبابات ) و قعدوا يستعرضون خخخخخخخخ > الله يسلم شموخ و زارا اللي علموني طبعا كل واحد رايح صوب فالح : والله فيصل انت قمة الذكاء الحين الناس كل ابوهم يمشون جي انت تمشي عكس ليش فيصل : شتبي انا عاجبني فالح : روح روح بس طالع غلط بيننا فيصل : اقول اسكت يادب و خلك ع البنات و شخط عليه > هههههههههههه في ناحية ثانية ناصر : وبعدين معاك بزر ماتعرف تشغلها ؟ راشد : اعرف من قال ماعرف بس ناسي ..ياااه بتشغلها ولا شلون ناصر : زينن و شغلها له ____ خالد : وبعدين معاك غبرت بويهي ياريال !! طلال : اقولك احنا غلطانين نمشي ورا سعودوه سعود : انا اوريكم و غبر عليهم و راح ههههههه ___ ___ _ _ _ _ عبدالله : اوووووه الحين هذييه مب ساكت سعد : تستــآهل ..ايه ايه جسوم كمل جاسم : ايه عاد و ........... الاباء : ابو طلال : اتصل ف طلال قاله ينادي كل الشله عاد و طلال جا ومعاه الشباب و يوم شافوا اشكال الابهات اللي لابسين بناطلين و قمصان الشباب ماسكين الضحكة عاد عقب جاسم ضحك : ههههههههههههههههههههههههههههه ههههههههههههههههههههههه راحوا كلهم ضحكوا : ههههههههههههههههههههههه ههههههههههههههههههههه ههههههههههههههههههههه ههههههههههههههههههههه ابو فيصل : مالت عليكم تطنزون ها بنشوف عقب 15 سنة شلون اشكالكم البطن مترين تقول حامل الابهات : هههههههههههههههههههه ابو سعود : احنا جايين نقولكم ان دام الجو مب حار و احنا بنرجع عقب الغدا بنلعب مباراة و بنقسم الفريقين يالله ابو سعود : انا في فريق و ابو طلال فريق ثاني ابو فيصل : وانا شنو احتياط الشباب : هههههههههههههههه ابو سعود : انت اختار ابو فيصل : خلني الحكم احسن يالله انقسموا ابو سعود – طلال – سعد – ناصر – فالح - راشد ابو طلال –- فيصل- سعود – عبدالله – جاسم – خالد لونته عشان تميزون و ابو فيصل الحكم و الجد جا و قعد يطالع اهني كانو البنات يتمشون الا جدهم يأشر لهم عاد البنات جو واشر قعدو في الكراسي البنات شافوا ابهاتهم ماقدروا يكتمون الضحكة : هههههههههههههههههههههههههههههه هههههههههههههههههه حتى جواهر كانت تضحك و الشباب يطالعونهم و البنات : هههههههههههههههههههههه ههههههههههههههههههههه ابو فيصل : انتو بعد عاد من زينكم الحين تضحكون علينا الجد قعد صوبهم : يالله شوفوا من بيفوز انطلقت صافرة الحكم ابو سعود يلعب حق راشد راشد يعطي طلال فيصل يواجه طلال و ياخذ منه الكورة ويعطيها لعبدالله عبدالله يقرب من القول لكن ناصر خذها منه خالد ماعطى مجال و خذ الكورة من ناصر و راح صوب القول و عطاها سعود و سعود سدد هدددف اول قول لفريق ابو طلال > عيشتكم مباراة لوول مريم و منيرة يصفقون و منيرة مستانسة ابوسعود : لا تيأسون و صفر الحكم الكورة عند طلال طلال يمررها لابوسعودابو سعود يمررها لفالح جا جاسم بياخذ الكورة و لكن خذاها سعد سعد يحاور عبدالله و يحاور ابو طلال و يعطيها قووووووووووووول امل استانست و سعد قاعد يطالعها خخخخخخخ نكمل يالله اللي بييب اخر قول بيكون الفريق الفايز > قالوا انهم تعبوا خخخ ياترى من بيحسم النتيجة ... نشوووف ابو سعود عنده الكرة خالد ياخذها يمررها لجاسم جاسم يعطيها لفيصل ناصر ياخذ الكورة من فيصل و يمررها لفالح Ø شوفوا التنافس فالح يعطيها لراشد راشد يعطيها لطلال طلال قرب من القول لكن ياخذها منه سعود سعود خذها و ييجي سعد يمررها لطلال طلال سدد سدددد سددددد و قوووووووووووووووول و حسمت النتيجة و طبعا كان في روح رياضية بين الفريقين امل استانست ههههههه و سارة كانت تطالع مو مهم عندها جواهر مثلها ماتفرق عندها خخخخ صفق الجد و بعدين طبعأ راحواا يتسبحون امل كانت مستانسة لان سعد سدد القول البنات دشوا داخل الا امل كانت طالعة براتكلم رفيجتها صكرت من رفيجتها شافت سعد من بعيد مع عبدالله دمعت عينها ماتعرف ليش ماتتمنى يكون الشعور اللي تحسه حب كانت تطالعه و بعدها لفت سعد طالع بطرف عينه و شاف دموعها اللي كانت تلمع كان حاس انها تطالعه ( شنووو امل انتي !! معقووووولة معقوووولة معقووووله يااامل امل انتي تحبيني معقوله !! انزين اذا تحبني ليش تصيح !! ) > مليون سؤال دار ف بال سعد نروح لأمل أمل ( لا لا ياامل لا تحبينه ياامل كل يوم تحبينه اكثر و اكثر آآه ياراسي هو حتى مايحبني و مايدري فيني لا مابي احبه مابي احببه آآآآآه ليت كان الحب بيدي ليت ليييت ) قعدت تمسح دموعها و عقبها كانت تبي تنسى راحت تبي تسولف و لقت روضة روضة : شفيج امل عيونج حمرا امل ( والله شاقولج ياروووضــة شاقولج اني احببـ....ـــه !) امل : لا عيوني دش فيها تراب و احرقتني رحت اغسها روضة : اها امل : الا ها شتبين تييبيين روضة : اللي بييي حياه الله امل : لا عاد صج روضة : لا والله عادي و كملوا سوالفهم _ _ _ _ _ __ _ _ _ _ _ _ _ _ _ _ _ _ _ _ _ عند الشباب تبون تعرفون شكان يطالع خالد قبل ؟ خالد يطالع صورة جواهر و سارة اللي صورها لهم و هم يركضون و مجودين يد بعض > طبعا محد يدري كانت صورة جميلة توصف التعاون و التماسك و الصداقة خالد يطالعها و مبتسم و يطالع جواهر اللي كانت مبتسمة نروح حق الحلوين عبدالله : سعدوه سعد : هلا عبدالله : انا اعترف سعد : بشنو عبدالله : انا معجب مادري احب سعد : شنو ! عبدالله : مادري ياخي احس اني احبها سعد : ومنهي هاذي عبدالله : منيرة سعد : شنو منور بنت عمي عبدالله : اييه سعد : مب كانها بزر عبدالله : عمرها 15 سعد : ومتى هالكلام عبدالله ممم و قاله كل شي سعد : هههههههههه وكل هاي صار سعد : انت من صجك تحبها عبدالله : اييه شفيك يه انت ماجربت الحب سعد ( آآآآهـ ياعبوود جربته الحب جربته آآه لو تدري ان اختــك سبب عذابي ) __ _ _ _ _ _ _ __ _ _ _ _ _ _ _ _ الساعة 1 ابو طلال : يالله ياعيال تغدوا بنحرك عقب ساعتين ابو سعود مخلص من مكالمته : يالله على هالشغل الواحد مايقدر يستانس ف بلاده ابو فيصل : شعندك بعد سفره ابو سعود : أي والله ياخوي و مشوار طويل الجد : الله يعينك ياولدي ان شاء الله تلاقي شغله احسن _ _ _ _ _ _ _ _ _ _ _ _ _ _ _ _ _ _ _ _ _ _ _ _ الشباب عقب ماتغدوا سعود : وبعدين معاك انت و مع الكتب اللي تقراها اللي جنها وجهك ناصر : وانت شتبي فيه سعود انت من كلمك اكلم رشود انا سعود : رشوود رشووود هييه وجع راشد بكل برود طالعه و رد عليه : أسمر يـآسمراني مين قسـآك عليه الشباب : هههههههههههههههههههههههه خالد : كح كح علييك غبرة بس تصدق صوتك حلو فالح : انا باجرب صوتي أسمر يااسمراني طلال : تصلح يعينونك استاذ النشاز الشباب : ههههههههههههههههههههه فيصل : انا انا باقول ...قــآآل الودااع و مقصده عبدالله : تكففى لا تكمل الشباب يضحكون سعد : و غررق الغرقاان اكثر ناصر : اما انت حالة خاصة ...جنك عنز ياريال الشباب : ههههههههههههههههههههه سعد : انا عنز يالقنفذ اقول روح الحين لا سطرك ابو طلال : جنوا الشباب ابو فيصل : كلكم اصواتكم تجيب المرض الا رشود ابو سعود : ايه مالكم حل عبدالله : انتو ماسمعتوا صوتي ..... و عمـــرك سمعععت بطيير ويحب سجانه ابو فيصل : زين مانهدم علينا المكان الشباب : هههههههههههههههههههههههههههه - - - - - - - - - - - - - - - - - - - - - - - - - - - - - - - - - - - - - - - - - - - و حانت ساعة الوداع بيودعون المكان خلاص مع السلآآمة ياممكان ن جمعهم مريم : اسمتعنا صراحة روضة : اييه والله سارة : يبيلنا بعد مرة امل : ايييه سارة : امشوا يالله ابهاتنا بينادونا سلموا و حضنوا بعض و كلــن راح سيارته فرحوا بيومهم كانت اجازة ممتعة و مغامرات جميلة جمعتهم و بكــرة سكوول خخخخخ سارة : آآآه ياربي ليتنا تمينا اكثثر سعد :آيه والله بس الله ياخذ الجامعة سارة : و المدرسة سارة :ششاني سويلي نسكااافيه شاني : ايوا سارة : حطيلي سكر لو فات في داخل مطعم شاني : اوكي سعد ( المطعم آه يالمطعم ذاك اليوم اللي جمعني ف امل ) سارة وهي تشرب النسكافيه و تعبث بالجوال سارة : يالللللللله نسسسسسسيييييييييييييييييت سعد : سكنهم ف مساكنهم بسم الله الرحمن الرحيم و بعدين معاج انتي ماتخلين هالحركات سارة : نسسسسسسسسسسيييت انا عندي كوز احياء بكرة و مب مخطط الكتاب يالله شلون بادرس سعد : زين اتصلي ف ربعج اتصلي ف امـــل >> شدد على امل سارة : مو ذاك اليوم انا و امل غايبين سارة : باتصل ف جوجو وخذت النسكافيه فوق خذت كتابها الاحياء اتصلت على جواهر ماردت اتصلت ع البيت ...: الووو سارة : الوو السلام عليكم خالد ميز الصوت : هلا والله عليكــــم السلاااام سارة ( شفيه ! ) : ابي جوجو خالد : تامرين امر ...جووووجووو جواهر : هلا سارة سارة مستحية و سرحانه جواهر : سارة سارة : هلا هلا جوجو كنت ابي اقولج انا عندي كتابي الاحياء و مب مخطط ابي اخططه جواهر : ايه اوك لحظة .. افتحي صفحة .... بعـد حكيـه صابنـي صـمـت وذهــول صوته اذهل مسمعـي صوتـهخذانـي تاهـت حروفـي وانـا طبـعـي خـجـول والحكـي يعجـز علـى نطـقـهلسـانـي __ _ _ __ _ __ _ _ نهاية البارت جواهر ؟ شخصيتها هل بترد جواهر المرحة و الرقيقة مرة 2 ؟ سعد و الاسئــلة اللي تدور فـ مخه ؟ امل و الـلـي تحسـه انه حبها من طرف ؟ ســـارة ؟ خالد ؟ عبدالله ؟ منيرة ؟ تـآبعوني في البارت القــاادم |
لبببا ق1هموسهق1 اللي تنزل بارتاتها بسرعه
الله يسسعدك يا شييخه بس تكفيين البارت الجاي لازم ينكشف شي مو كذا كل واحد يحب الثاني وما يدري انه يحبه >>فهمتو شي :هق: ؟؟ يللا يللا تحمسست ض1 انتظرر ق1ق1 |
اقتباس:
مشككورة ض1ض1ض1 ----------------------------------------------- جواهر ؟ شخصيتها هل بترد جواهر المرحة و الرقيقة مرة 2 ؟ لأنا أحب الشخصيات الي تكون غامضة ومنعزلة ق1ق1ق1 ســـارة ؟ بتحب خالد ض1ض1 خالد ؟ بيحب سارة ض1ض1 عبدالله ؟ بيحب منيرة ض1ض1 منيرة ؟ مدري عنها ! تـآبعوني في البارت القــاادم ^ متا بعينك إلى نهاية الرواية -ان شاء الله -ق1 أنتظر البارت الي بعــــــــــــــــــــــــــــــــدوو ق1 |
شموخ + لجين فديت قلبكم والله :هق: :sg.13::sg.13::034q: و هذا البارت الخامس عشانكم :9daf6d8b8708a209c3d البارت الخامس شـفـت انـي 'أحـبـك' و لا أقـاوم حـكـاإأك لأنـي فـي حـبـك مـا لـعـبـت و تـسـلـيـت مـن يـوم مـا أقـفـيـت.. خـاويـت ذكـراك شـفـهـا مـعـي مـن ويـن مـارحـت أو جـيـت .... يوم الاحد بداية الاسبوع كلعادة البنات يتمشون مع بعض في البريك سارة : اما والله هالويكند كااان ابدااااع جواهر : هههه ايه امل : أي شي خيااال سارة : ولا يوم شردنا امل : خخخخخ يوم يدشون علينا الكوفي كان شي رعععب سارة : جوجومتى خفتي اكثر شي جواهر : صراحة يوم فالح و سعود حسيت انهم راح يشكون ان احنا مانرد و راح يعرفونا > جواهر بدت تتجاوب امل : ايييي شي بسسم الله كان ذبحني سعود بيده سارة : ههههههههههههه امل : بس حذري ساروه ترا انتي طايشة موكل مرة تسلم الجرة " مو كل مرة تسلم الجرة " تذكرون الجملة صح هاذي المرة الثانية اللي تنقال حق سارة سارة سرححت و قعدت تتذكر الموقف سارة " يافضيحتي توني منتبهه قصده اني اتحمل على نفسي اوبي اكيد حسني طايشة " امل : هالووو شفيج يابنت جواهر : هههههههه سرحانه سارة : ههههههه ورن الجرس سارة :اففففف هالجرس يرن بسرعة علينا عربي ملاغة امل : بل بل ليش مادانين ابلتناا العرببي سارة : ماتعرف تشرح بس همها المعاش ماعندها ذمه جواهر+ امل : هههههههههه _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ الساعة 2 كلن ذهب لبيته بيت ابو فيصل سارة دششت : آآآآآآآآآآآآآآآآه السلام عليكم و طاحت ع الكنبة ام فيصل : يماا شفيج ؟! سارة : يما عذبوني جننوني الله ياخذ بليس ابلة الكيمياء كتبتنا كسرت ايدنا و ابلة الانجلش بطت راسنا بهذرتها و ابلة العربي هاذي اللي مادري شلون تشرح فيصل + سعد + ام فيصل : ههههههههههههههههههههههههههههه سعد : حالتها يرثى لها فيصل : اسكت من قلب ام فيصل : تعالي تغدي يما و خلج عن هالسوالف سارة : ان شاء الله بس ابدل و اييككم _ _ _ _ _ _ _ _ _ _ _ _ _ _ _ _ _ _ _ _ _ _ بيت ابو سعود امل : السلام عليكم الكل : وعليكم السلام امل : لابارك الله ف ابلة الكيمياء كسرت ايدي لو ارويكم شلون الاوراق تقولون هاذي مألفة رواية سعود : بل بل والله عيل الابلات طلعوا مايرحمووون امل : مايرحمون و بس !! عبدالله : الله يرحم ايام الاساتذة هم اللي خايفين منا سعود : أي والله ام سعود : انتو صبيان البنات وعليه عليهم شحليلهم امل : هههههه أي والله فديتنا _ _ _ _ _ _ _ _ _ _ __ _ _ _ _ _ __ بيت ابو خالد دشت جواهر : السلام عليكم ام خالد : و عليكم السلام شلونج بنيتي جواهر حبت راسها : بخير يما ام خالد : يالله حبيبتي تغدين معانا جواهر : ان شاء الله ع الغدا خالد : ها جوجو شسويتي في المدرسة جواهر : ههههه استانست خالد :ههههه ليش شفيج جواهر : كتبنا وايد اخر حصة في الكيممياء و سارة و امل قعدوا يعلقون سارة تهاوشت مع الابلة قالت لها شدعوه لا مس ليش طابعين كتب اقول احنا بنكتب الكتاب بعد خالد + ناصر + ام خالد : ههههههههههههههههههههههههههه خالد " ياعلني فداج والله " ام خالد : والله انه سارة صاجه اعنبوهم ماخلوا شي ماعذبوا فيه الطلاب ناصر : ايييي والله يما لاتزيدين الجروح _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ بيت ابو طلال مريم : يما انا باروح عقب نص ساعة لانه المحاضرة الساعة 3 ام طلال : ايه ان شاء الله مريم : يما بس لازم نروح نشتري الاغراض اذا خلصت المحاضرة مرري عللي منيرة طبت في السالفة : ويين بتروحون ام طلال : بنشتري شوية اغراض منيرة : انا ابي اروووح ام طلال : يالله بنشتري شوية اغراض و راجعين شسالفتج يا بنت منيرة : يمااا ابي ارووح طلال دش : وين بتروحين منيرة : ابي اروح طلالل مايبون يودوني طلال : والله لو فاضي وديتج أي مكان بس مشغووول و عندي اليوم كم شغلة منيرة راحت صوب فالح : فلوووووح تكفى اخوي العزيز مابي مابي اتم بروحي فالح : مب فاضي انا باروح حق سعودوه اليوم منيرة : آآه ام طلال : فالح ودها معاك خلها تنزل عند امل تغير جو عشان ماتتم بروحها منيرة : اييه ايييه تكفى المهم ماقعد بروحي فالح : زييين زيين صجيتي راسي باودييج _ _ _ _ _ __ _ _ _ _ _ _ _ _ _ __ __ __ _ _ منيرة اتصلت فـ أمل أمل : الوووو منيرة : الووو امل : هلا والله منيرة : اهلين اموول امل : اخبارج منيرة : تمام ... اموول باقولج انتي اليوم طالعه امل : لا ليش منيرة : كلهم بيطلعون و امي قالت لفالح بما انه بيمر على بيتكم ينزلني عندكم امل : ايي حيااج حبيبتي تعالي منيرة : الله يحييج يالغالية _ _ _ _ _ _ _ _ _ __ _ _ _ _ _ _ _ _ _ _ _ _ _ _ _ _ _ _ _ سارة تسولف بالببي سارة مركزة لدرجة مب طبيعية شكلها يضحك فيصل : هههههههههههههههههه مالج حللل سارة : اكلم جوجو ههههههه فيصل : جواهر بنت عمي ماغيرها سارة : ايي فيصل : خبري ساكته و ماتحبب الاشياء اللي تجمعها بالناس سارة : هذا خالد شاريلها ماتطرش برودكاست كلش ولا شي بس اذا كلمتها ترد عللي فيصل : اها _ _ _ __ _ _ _ _ _ __ _ _ _ _ _ _ _ _ _ __ _ __ _ _ عند جواهر خالد : زين والله جوجو تطالع الببي و مبتسمة شعندها جواهر: هههههه سارة تضحكني هي و سوالفها خالد " فديتها " جواهر : ههههههههههههههههههههههههههههههههههههه خالد : شنو جواهر : مطرشتلي نكته خالد : ههههههههه ان شاء الله دووم هالضحكة _ _ _ _ ___ _ _ _ _ _ _ _ _ _ _ _ __ _ __ _ __ _ بيت ابو خالد مريم طلعت فالح :منيرة اذا ماجيتي بارووح عنج يالله منيرة : زيييين جااييه و نزلت ركبت معاه السيارة منيرة : اقول فلووح اخوي العزيز فالح : هلا منيرة : شرايك نمر ناخذ لنا من كافيه بلييييز اخذ لي و لامل فالح : لا والله منيرة : تكففى عييب ادش عليهم يدي فاضية فالح : زيين عشان خاطرج منيرة : يسلم لي اخوي فديته و مروا و خذولهم و وصلوا بيت عمهم ابو سعود فالح يكلم ف التلفون : يالله فصيل انا عن الباب فيصل : اوكي منيرة ركييض و هي شاله الشراب اللي شرته عبدالله كان طالع برا شافها تمر و تركض عرفها على طول عبدالله : منييرة شوي شوي لاتطيحين منيرة لفت عليه عبدالله ابتسم : مب بعدين تطيحين و تصيحين منيرة انصبغ ويهها و هي تتذكر الموقف > منيرة مثل ماذكرت مب متغطيه عبدالله : ايه من الحين اقولج تحملي منيرة مشت شوي شوي : اوكي و راحت عبدالله " ياقلبي والله تستحي " منيرة دشت و سلمت ع امل منيرة عطتها : جبتلج شراب مادري شسمه اسمه غريب كله انساه بس طعمه يشبه النسكافيه امل " آآه ياالنسكافيه " : مشكوورة منوور فدييتج منيرة : العفو امل : يالله تعالي فووق ههههههه منيرة : اوكي راحوا فوق و قعدوا في الغرفة امل : اييه الله يعيينا بس متى بتبتدي هالاجازة منيرة : ايي من قلب تحسسين المدرسسة وع صج لوووعــة امل : اييييييه لو شفتي اليوم شسوو فينا الابلات قطعونا تقطييع لا ومالت و لا وحدة فيهم تغييب كله ناشبين منيرة : انا اطالبهم يسوون الويكند 5 ايام و المدرسة يومين امل : ههههههههههههههههههه منيرة : والله من قلللب عذذبووونا امل : اييه هههههههه طق طق طق امل : ننننعععم عبدالله : انا عبدالله امل : شتبي عبدالله : لاتجون تحت انا و سعد و الربع كل ابونا تحت امل : اوك امل : شدراه هاذيه انه انتي هني منيرة : شافني عند الباب امل : اها هههه اشوفه يقول لاتجون _ _ _ _ _ _ _ _ _ _ _ _ _ _ _ _ _ _ و بعد ساعة راحت منيرة و راحوا ربع عبدالله امل قاعدة تطالع الدريشة شافت 2 يسولفون عبدالله : جات ياسعد جات سعد : منهي عبدالله : منهي يعني سعد : اهههاااا العشيقة عبدالله : ايي زين شغلت مخك سعد : خخخخ عبدالله : شفتها اليوم لا و تستحي فديتها سعد : بسسك فديتها و فديتها عبدالله : انا عاشق ياسعد سعد " و انا شاقول عن نفسي من زمان معجب فيها و عقب حبيتها آآه ياامل ولا شفتج حتى " _ _ __ _ _ _ _ _ _ _ _ _ _ جاسم و را البيت يكلم رفيجه و مطلع سيجارته ويدخخن و ينفخ و يدخخن جاسم : اقولك يااحمدو الضيقة و ماتسوي والله انه السيجارة تريح احمد : من قلب اسكت ياولد مالمت اخوي صراحة جاسم : اايييه والله ماينلامون و ينففخ _ _ _ _ _ _ _ _ _ _ _ _ _ _ _ _ _ _ _ __ _ _ _ _ _ _ _ _ سعد : ههههههههههههه امل تطالع من الدريشة دموعها تنزل غصبا عنها قلبها يتقطع على نفسها " انا لازم انساك لازم انساك انت تضحك و انا ف عز حزني ياسعد " عبدالله : لا و اطق الباب بس اموول لازم تخرب اللحظات السعيدة حتى ماسمعت صوتها سعد " فديـــتــها " لا طـروا اسـمـك بـالـحـديـث / آتـفـدآاك و لا دعـوا بـاسـمـك مـع الـنـاس : لـبـــــــــــــــيـــــــــــت ! لـيـتـك تـعرف الـقـلـب وشـهـو تـمـنـاك♡! تابعوني فـ البارت القادم ماذا سيحصل ياترى ؟ سعد ؟ امل ؟ منيرة ؟ عبدالله ؟ خالد ؟ مفاجآت بانتظار ابطالنا في البارت القادم انتظروني ياحلويين |
همووووووووووسه ق1ق1 لآ تعذبيييني البارتات قصييييرة وآآآيييد !! البارت الي بعــدوو خليه طوووييل .. أوك ؟< تشرط الأخت :××:ض1 لالالا وش هذا البارت الرووووووووعه ق1ق1ق1 اقتباس:
اقتباس:
أنتظر البارت الي بعــــــــــــــــــــــــــــــــــــــــــدوو ق1 |
بلييز بلييز هموسه خلي امل تعرف عن سعد حرااااام حارقه قلبي حدددددي متحمممممسه و ع راي شموخ ياليت لو تطولين البارتاات شوياض1:××: يللا اسستنى ق1ق1 |
شموخ الفجر + لجين
فديتكم والله اسمحولي على قصر البارتات :52yicz: |
قراءة ممتعة :sg.15: البارت السادس في كل مره تغيب تجيني في منامي وكل مره تقرب أقول يهواني أحس في غيبتك موت أحس في غربتك شوق أبي منك عذر مقنع تعبت أعطيك من عندي أبي رساله ترضيني وتحسسني بشتياقي بنفس اليوم اللي هو الاحد عبدالله : خلنا نمشي نروح لنا مكان احسن سعد : وين نروح ورانا بكرة جامعة وحالة اسكت يااخي عبدالله : ههههههه تحسسني انه مدرسة سعد : الله يرحم ايامها اهون من الجامعة _ _ __ _ _ _ _ _ _ _ _ __ _ _ _ _ _ _ __ _ _ _ _ _ _ جاسم و هو ماسك السيجارة ويكلم احمد : شاسسوي يعني فيه مايرد ياريال ..........: جااااااااااااسم !!!!!!!! جاسم :احمد باكلمك بعدين باكلمك بعدين !!! _ _ _ _ __ _ _ _ _ _ _ _ _ _ _ _ __ _ _ _ _ _ _ _ امل فهـالوقت كانت تفكر ( ليــتك تعرف شلون اغليك ياسعد .... آآهـ ياشينها لين صار حبك من طرف واحد ... هههههههه لو يصير البنت تخطب حق نفسها ......... انا شقاعدة اقوووول ...... خلني انام احسن التفكير مب موصلني لشي ) _ _ _ _ _ _ _ _ _ _ _ _ _ _ __ _ _ __ _ _ _ _ _ _ _ _ _ _ _ __ _ _ _ _ سعود : جـــااااااسم !!! جاسم : باكلمك بعدين باكلمك بعدين !!! جاسم صككر الخط سعود مسك الزقارة يد جاسم و خذ الزقارة و قطها !! سعود : اتدددخن ياجاسم اتددخن !!! جاسم : شفيهااا يعني عادي كل الشباب يدخنون اكو انت تغازل بنات و تحبهم و مادري شتسوي و ... الكف اللي جاه ماخلاه يكمل كلامه جاسم وهو حاط يده على خده و يصارخ : مب من حقك تمد يدك عللي ليش عمركم ربيتوني كل واحد فيكم مهتم بنفسه !! الحين جايين تربوني !!؟ سعود بنفس النبرة :العب و اغازل صح .. احب مستحيل !! ولا مرة طلعت معاهم و لا مرة دخنت جاسم : و حتى لو بنات الناس مب لعبة لحظة صمت سعود كان ماسك كتف جاسم .... نزل راسه و بدت الدموع تطيح يتذكر الموقف اللي من سنوات قبل شغل ابوه و سفرته }ابو سعود : خلاص يبا سعود انت بكري و انا افتخر فيك انا الحين كل شغلي برا ابيك تهتم ف اخوانك عدل ابيك تصير ابو ثاني لهم انا متكل عليك ياولدي ياسعود و حب راس ولده و قاله : ياسعود لاتخيب ظني فيك ياسعود لا تخيب ظني فيك ياسعود لا تخيب ظني فيك { تتكرر الجملة على سعود اكثر من مرة و كل مايذكرها يتقطع كنه حد يطعنه .. ضرب الطوفة اكثر من مرة و قعد يصيح قعد يصيح جاسم يطالعه مستغرب ( سعووود سعوود اخوي يصيح سعود اللي ولا مرة ف حياتي حسيت عنده احساس سعود !) جاسم قرب من اخوه : سعوود والله آآسف سعوود سعود لف عليه .. وطالعه جاسم : والله اسسف سعوود انا انا باخلي الزقاير سعود ضم اخوه جاسم سعود و هو يصيح : تدري يوم انولد عبدالله انا كنت بعدني صغير لاكن يوم انولدت انت كانت فرحتي فيك كبيرة ... كنت اشلك و ادور فيكك وانت عمرك سنتين و 3 سنين .. واقول هالطفل بيتربى على يدي و بيصير رجال و صااح سعود : اعرف اني قصرت ف حقك اعرف اني غلطت وايد .. انا خيبت ظن ابوي هو متكل عللي وانا خيبت ظننه جاسم : لا لا لاتقول جي سعود انت رجال و يعتمد عليك والله اسف سعود والله سعود : جاسم ..الزقارة خطرة خطرة تضر بصحتك تضر بعيالك تضر بأسرتك تضر بكل حياتك ليش يااخوي ليش ليش فكرت تدخنها جاسم : والله كانت تجربة و عقبها ادمننت سعود : كل همي اللعب و تصيد البنات ولا مرة فكرت اني اهتم فيكم و لا مرة آآآه سعود و هو يدمع : ياجاسم لاتدخنها جاسم : بحاول سعود : لا تدخنها اقولك جاسم : اان شاء الله رجع سعود وهو يآأس رجع و هو تعبان من كل حياته طلع البلاك بيري في البدايه شاف البنات اللي معبيين اللسته Ø اللهم اغفر لي .. اللهم اني رجعت اليك ...لستتي العزيزة اللي مليانه بنات .. ايه اللي مليانة بنات ( و كان مصور السكرين اللي كان ضاهر فيه اسماء البنات ) ... انا ولا وحدة فيكم احبها ... ولا وحدة فيكم عشقتها ...حتى اسمائكم اغلط فيها من كثركم ...الله يستر عليكم انا راح انهي الجوال كليا .. لاتصدقون يابنات احذروا كل الشباب لعوبين انا كنت منهم تحملوا يابنات ولا واحد فيهم يحب وحده يكلمها كلهم يلعبون آأأنا سعووود تبت الى الله و رجعت الى عقلي اللهم ثبتني على دينك هاي كان برودكاست سعود للسته و حتى فالح....... و ارسل ررساله على ارقامهم ايضا نقل سعود الصور الى الكمبيوتر و المعلومات ..... وحذذذذف البلاك بيري ف الطوفة الى ان تجزء اجزاء صغيرة كانت هذي نهاية صياعة سعود ... ادرك انه كان ف خطأ كان فـ ضلال و فضاوة و هي اللي تبعده عن بيته و اخوانه ... هي اللي ابعدته عن ربه .. ادرك الللعب و مايفيده ف شي سعود تم يفكر ..أأأذن اذان الفجر ..قام سعود و توضى و لبس ثوبه و راح يوقظ اخوانه طق على عبدالله : عبدالله صلاة الفجر عبدالله و هو كان قايم " سعووود يوقظني حق الصلاة معقولة " سعود راح دخل على اخوه و قومه : جاسم صلاة الفجر جاسم و هو راقد : اووكي راح طق الباب على امل و يوم جهزوا اخوانه راح معاهم و صلى و كان من اوائل الصفوف بعد ماكان قبل من الاواخر جاسم كان حذاه ... سعود بطل الكتاب اللي كان من زمان عنه من زمان ماشافه من زمان ماقراه ... و قعد يرتل ايات الله و يبكي بحرارة سعود تاب الى الله سعود كان حاط البطاقة ف جوال نوكيا اتصل فالح و رن الجوال باغنية .. رد عليه فالح : شسالفة سعودوه سعود : رجعت العقلي سعود :راح اقولك اليوم فالح : اوك سعود غير الرنه ومشى مع جاسم جاسم يطالعه مب مصدق انه هاي سعود سعود : جاسم تكفى طلبتك يااخوي لاتحاول تدخن السيجارة جاسم : اوك و مشى للبيت و ناموا _ _ _ _ _ __ _ __ _ _ _ __ _ _ _ _ _ _ _ _ _ _ _ __ _ _ _ _ بعد ساعات من الحدث في البريك في المدرسة امل : اقوولكم استانست معاها بشكل مب طبيعي خلفيفة دم منور سارة : أيييي منوور امل : تقولي امي تبي تشرد عني صرفتني قالت حق فالح ييبني بيتكم سارة + جواهر : هههههههههههههههههههههههه امل : شي شي امس طول يومي اضحك منها سارة : اييه منور فديتها تحب الصرقعة و الافكار الحلوة مثلي امل : ايي اثنينكم تخرعون بافكاركم سارة : حرام عليج امل : اما امس تقول جان زين يسوون الاجازة 5 ايام و المدرسة يومين هههههههههههه تخيلوا امل : ام الوناسة الصراحة جان نفلها 5 ايام سارة : اخيي تخيلي طول اليوم دراسة بيصيرون يومين ممبوذين ههههههههههههههه جواهر + امل : هههههههههههههههههه امل : أي والله جواهر : لا خلنا جي احسن هههههه امل : ههههههه أي بل وايد _ _ _ _ _ _ _ _ _ _ __ _ _ _ _ _ _ _ _ _ _ _ _ _ _ _ _ _ _ فالح كان ياي حق سعود سعود قاله كل السالفة سعود : ياخوي ياولد عمي ... اترك هالطريق فكر لو اني ماحبك ماقتلك اذن اذان الظهر سعود : امش نصلي صلاة الظهر فالح منصدم من سعود اللي امس معاه ماكان جي مشوا صلوا سعود جود القران و عطاه فالح و خذ القران و تم يقرا ايات الله فالح ( آآه يارب من متى مامسكت القران صار لي مددة ) فالح مسكه و قعد يقرا ايات منه آه ياحلاوة القران اه ماجمل كلام الله فالح : سعود سعود : هلا فالح ابتسم : انا شكلي بامشي نفس مسارك يااخوي المسار اللي انا فيه غلط فـ غلط سعود ابتسم له ( اللهم ثبتني على دينك ) _ _ _ _ _ __ _ _ _ _ _ _ _ _ _ _ _ _ _ _ _ _ _ __ _ _ بيت ابو فيصل رجعت ساره و هي حدها تعبانه سلمت ام فيصل : و عليكم السلام يمه تعالي اكلي سارة : لا يما انا حدي تعبانه ماقدر بارقد راحت فوق و رقدت _ _ _ _ _ _ _ __ _ _ _ __ _ _ _ _ _ _ _ _ _ بيت ابو سعود دشت امل عبدالله : واللله يما معتفس من فوق لين تحت تقولين مب سعود اللي احنا نعرفه ... ف ـ اول صف و موقظنا للفجر امل : اييه سعود اللي وقظنا !! عبدالله : ايي عيل من امل : انا سمعت انه سعود بس استغربت دش سعود و هو حاط الغترة على راسة و ماسك القران و شال كيس في مجموعة اشرطة : السلام عليكم و رحمة الله وبركاته الكل : وعليكم السلام و ررحمة الله و بركاته و حب راس امه ام سعود : تعال تغدى يما سعود : عقب يما ماني مشتهي ... وراح فوق ام سعود رفعت يدها : الله يثبتك ياولدي الله يثبتك _ _ _ _ _ _ _ _ __ _ _ _ _ _ _ _ _ _ _ _ _ _ _ _ _ _ نروح لبيت ابو طلال اللي رجع فالح و كان مع سعود يشتري اشرطة دينية و اشرطة تلاوة و راح فوق طلال رن جواله وكان المتصل ... الجد رد طلال طلال : هلا يبا الجد : هلا ولدي طلال طلال : يبة أمر الجد : مايامر عليك عدو .. ياولدي ياطلال بغيتك ف سالفة متى مافضيت تعال لي انت و ابوك طلال : ان شاء الله > ياترى شيبي منه الجد ...نشووووف ! :::::::::::::::::::::::::::::::::::::::::::::::::: :::::::::::::::::::::::::::: بعدها بساعات طلال و ابوه كانوا ف بيت الجد الجد : ها شخبارك ياولدي علومك طلال : حمدالله يبا الجد : والله ياولدي انا ماعرف من وين ابدي لك والخيار لك انت ترفض او توافق طلال حب راس جده ..: ماعاش من يردك يالغالي الجد : طلال ياولدي انت اكبر الشباب و انا جفت فيك الكفاءة انك تقدر .. طلال : اقدر وشووييبا الجد ..: تقدر تهتم فـ بنت عمك جواهر و تاخذها طلال ..... ( جواااهر ... جواااهر الساكته جواهر الغامضة ... جواهر الللي يقولون متعقده جواهر !! ) الجد : كيفك ياولدي طلال : جواهر محد ياخذها غيري يبا تم طلبك الجد حب راس حفيده : الله يسعدك ياولدي الله يسعدك الجد كان مكلم خالد عن طلال لانه يدري انه طلال مايرد له طلب ابو طلال راح حق اهله يقولهم _ _ _ _ _ __ _ _ _ __ _ _ _ _ _ _ _ _ _ _ __ _ _ _ _ _ خالد عند جواهر الجد كان يكلم خالد اول شي قاله انه صغيرة بس الجد اقنعه خالد : جوجو قتلج لا تستحين اخطبج اهو انتي شقلتي و قتلج هو زيين والله طلول مافي احسن منه جواهر مب مهتمه : اللي تشوفونه ام خالد تلووولش _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ و رجعوا البيت ابو طلال : خطبنا له جواهر مريم : شلون ماتقولون ولا حد يقول طلال راح فوق ابو طلال شرح السالفة انه الجد اجبر طلال على انه ياخذ جواهر طلال ( يالللللله شباسوي انا الله يهديك ياجدي ) بعد ساعة من حبسة طلال في الغرفة نزل طلال و هو يآءس طلال نزل من غرفته و هو يفكرر ابو طلال جاف ولده الحزين ابو طلال جا لطلال وضمه ابوطلال : انا افتخر انه عندي ولد مثلك رجال بمعنى الكلمة طلال ابتسم لا بوه و حب راسه : و كل حب يطلع على منو يالغالي ؟ ابو طلال ابتسم : مبروك طلال : الله يبارك فيك يبا مشى طلال لين المطبخ يشرب له شي مريم شافت الحزن اللي ف وجهه راحت له مريم : طلال ترا جوجو والله حليوة و طيبة و اللي مرت فيه مب سهل لبنت اقل من 15 يتوفى ابوها و هي متعلقة فيه بشكل مب طبيعي..... بس والله هي طيبة و حليوة لاتشل في خاطرك يااخوي طلال تنهههد : الله كرريم و راح فوق انتشر الخبر عند العيلة بشكل سريع و قرروا انه عقد القران راح يكون بعد يومين لكن الحفلة بتكون بعدين طلال ( ياررب عييني يارب ) أهديتك قلب ماسكن فيه مخلوق قلبن عجز لايقنعه اي انســـان قلبن عنيد ونظرته دايمن فـوق قلبن كتوم وماشكى همواحزان قلبن بغاك وحافظك وسط صندوق قلبن ترك غيـــرك فلا هزه إنساان اتمنى عجببكم البارت فديتكم ... شرايكم في اللي سواه سعود ؟ وشبيصير للابطال ؟ و خصوصا طلال و جواهر ؟ > الاضافة الجديدة الغريبة !! سعد و امل ؟ خالد ؟ سارة ؟ منيرة ؟ عبدالله ؟ كله ف البارت الجاي ياحلويييـــن ... |
يااااي حلو البارت هذا عجبببني ض1
باستثناء ان الجد يتدخل في احففاده ويزوجهم كرهت كل الجدين من الحركه هذي>> جمع جدض1 معلييش مشي حالك :هق: طلالق1 وجواهرق1 متفائله فيهم خيير ض1ض1 وماااازلت انتظر أمل وسعد يعرفون عن بعض:××: بكلللل حراره استنى البارت الجااي بالتوفيييق هموسه ق1ق1 |
همووووووووووووسه ق1ق1 يَ لبآآآآآك ق1ق1ق1 ببآرت هذا حلــو زييييييييك ق1 شرايكم في اللي سواه سعود ؟ حلـــو جداً وأعجبني قــــوووة ق1ق1 و خصوصا طلال و جواهر ؟ > الاضافة الجديدة الغريبة !! مآأدري وش بيصير ! أنتظر البارت الي بعــــــــــــــــــــــــــــدوو ق1 |
ججججميلــًة ككمليهــآأ يالغلــآأ
|
همووووووووووووووووووووووووووووووووووسه
كمليه متحمسه شرايكم في اللي سواه سعود ؟ ... و خصوصا طلال و جواهر ؟ > الاضافة الجديدة الغريبة !! والله مادري والباقين مادري عنهم |
لجين + شموخ الفجر + نونوز + احلى دنيآ
يالبا قلبكم ق1ق1ق1 فديتكم والله :034q: الحين جايكم البارت :sg.13: |
البارت السابع ,,,,مخنوق يمه، و أحس الخنقة هدتني . . ! ....مكسورقلبي . . و عينيمدري وش فيهآ ! و دموع'ي آللي غ'صب ع'ن ع'يني بگتني. . ....مليت أغ'مض جفوني { . . لجل أدآريهآ ! يوم الثلاثاء _ قبل عقد القران بيوم طلال كان منسدح و يفكر ( معقولة البنت كل هاي صدمة ابوها يااارب اععني عقد القران بكرة و انا حتى مب حاس بالفرحة ...الله يهديك ياجدي ماخليت لي حرية اختارالانسانة اللي اتمناها ) جواهر ماكانت تفكر بأي شي و ماكانت مهتمه و طبعا راحت شرت لبس و هالسوالف _ _ _ _ _ _ _ _ __ _ _ __ _ _ _ __ _ _ _ __ __ _ _ _ _ __ _ يوم الاربعاء اللي هو يوم عقد القران العيلة كلها متجمعة فـ بيت الجد جواهر كانت لابسه فستان ابيض ناعم بدون كم ..لكن معاه كُم ورد ابيض و برتقالي و حاطه مكياج ناعم خفيف و مسويه ستريتر و حاطة وردة برتقالية جميلة و حتى لوكها الناعم كان مبينها ملكة جمال لانها جميلة بعد ماتم عقد القران طلال ماطلب حتى انه يشوف جواهر طلال لابوه : يبا جواهر زوجتي و مب شرط اشوفها اليوم Ø كان منسده نفسه من كل شي حتى ماكان يبييشوفها _ _ _ _ ___ _ __ _ _ _ _ _ _ __ __ _ __ _ _ عند جواهر مريم ( كانت لابسة فستان احمر حلو ناعم و مسوية شعرها البني الحلو فير و حاطة ميك اب خفيييف باكمام خفيفة ) منيرة ( لابسة فستان بنفسجي حلو هلى جسمها ) مريم : مبروك جوجو منيرة : مبروك جواهر حبيبتي جواهر مبتسمه : الله يبارك فيكم سارة : جوووووووووجووووووو ليش تزوجتي قبلي البنات كلهم اضحكوا امل : مريوم بتكون بعدين انتي لا تحاتين سارة : و هو على كيفج هههههههههههه البنات : ههههههههههههههههههههههههههههههههههههههههههه مريم : على كيفها اموول تخطط منيرة : للاااانتوا ماتزوجتوا لين الحين عيل انا متى باتزوج !! البنات : ههههههههههههههههههههههه مريم : خفيــفه منور منيرة : يالله عاد مريوم شدعوة خلصي علينا و عرسي مريم : على كيفي انا صح منيرة : ماشاء الله مب كانه تقدمولج جيش و انتي كله رافضتهم مريم : ايي بعد ابوي يسأل عنهم و انتي ادرى ... منيرة : اقولج روحي الجامعة وشلي لوحة اكتبي فيها ..(البنت تريد رجلآ للزواج ) و سوي مظاهرة البنات : هههههههههههههههههههههههههه مريم : ههههههههه هاي انتي منور اضاهر بتسوينها مريم رن تلفونها و راحت برا مريم و هي تدور صوب المطبخ و تكلم رفيحتها _ _ _ _ _ _ _ _ _ _ _ _ _ __ _ _ _ _ _ _ _ _ __ _ _ _ _ _ و فـ هالوقت عند الشباب كلن بارك لطلال فالح كان يكلم سعود فالح : سويت كل اللي قتلي ليه مسحت ارقامهم و كل شي سعود : احسن شي سويناه ف حياتنا وشو يفيدنا المغازل غير خراب السمعة فالح : و انت الصاج ابو فيصل : ياولدي روح كلم الخدم يسوون و يقدمون خلص الشاهي ولا جابوا غيره فيصل راح حق الخدم الرجاجيل لوول فيصل : وبعدين معاكم انتو اذا خلص الشاهي ماتقولون للخدامات روحوا سوو عبدالقادر : بابا انا يسوي كلام كلش خدامة هذي يسوي مايسمع و مايسمع كلام مال انا فيصل : والله !!! وانت لليييش ماقلت عبدالقادر : والله بابا انا كلام كم مرة هذي قرقر واجد و يضحك و مافي سوي شي فيصل راح معصب صوب المطبخ المكان الللي كانت تدور فيه مريم مريم بصوت عالي و هي تتكلم ف التلفون : اييييه خلاص عاد صكي اليوم يوم اخوي ابي استانس مع البنات فيصل جاي معصب و الشرار يطلع من عينه فيصل جاف مريم و هي تتكلم لكن ما نتبهت له الخدمات : ههههههههههه و يقرقرون فيصل : هااااااااااااااااااااااي انتوووووووووووووو مريم من الخوف صكرت التلفون و لصقت ف الطوفة لان ماتقدر تروح صوب الباب اللي كان فيصل قدامه .. والباب اللي قدام كل الرجاجيل قدام الخدامات ميتين من الخوف فيصل : انتووووو ماتستحوون نقولكم سووو شاي ولا وحده تسوي و تضحكون واللللله مب احسلكم نردكم كلكم المكتب تسمعوووون ولا لا الخدامات خايفين : ان شاء الله بابا فيصل احنا مايعرف فيصل : كذااابين يالله قووووموا سوا شاي و قهوة بس قاعدين تضحكون الخدامات ساكتين فيصل بأعلى صوت : يالللللللللللللللله الخدامات : ان شاء الله اووووكي و من الخوف سوو كل شي دلتين > والله مايجون الا بالعين الحمرا فيصل مشى و التفت و شاف البنات اللي لاصقة على الطوفة و ميتة من الخوف طالعها و راح فيصل يدري انها مريم لانها قالت اليوم يوم اخوي و طبعآ مستحيل تكون منيرة طبعا يبين فارق السن و منيرةكاشفة اصلا فيصل ( ياويل حالي هاي مريوم هههههههههههههههه ميته لاصقة ف الطوفة بعد ) مريم ( يمه منه يخووف فيييصل .....هااااااه فشيله ياربي طالعني و انا بدون شي .. دششت داخل على طوول ) مريم رجعت للبنات سارة : ماتسمعون صوت صراخ منيرة : اييه سارة : كانه صوت فصول اخوي و يتحنطم و يهاوش مريم دشت و هي ميته من الخوف امل : ايه شسالفة سارة سرحانه و تفكر . .. .. عقبها التفتت و قالت بخبث لمريم : مرريووووووم ! مريم : هاا سارة : شصار برع اسمع صوت تهزييئ مريم انصفق ويهها > مريم من النوع اللي كل شئيئ يبين عليها سارة : فصول جافج صصح ؟ مريم خاطرها تسطر بنت عمها و بتنفجر من الاحراج منيرة : ههههههههههههه خلاص واضح كل شي البنات : ههههههههههههههههههههههههههه الا مريم الللي كان واضح عليها انها ميته سارة : الا شصار مريم مطنقرة سارة : شصار مريم : و انتي شلون عرفتي سارة : لانه ياذكية انتي كنت تتكلمين برا و سمعت صوت تهزئ و عقبها ييتينا ركييض معناته هو كان قدام الباب و مامريتي و عقب ماراح جيتي و معناته جافج جافج البنات : ههههههههههههههههههههههه امل : قوولي قوولي شصار مريم : كنت اتكلم برع و جا هو يهاوش الخدامات البنات : هههههههههههههههههه سارة : المهم جافج صح مريم و هي منزلة راسها : أي سارة : حلو .. من الحين اقولج الله يعينج عليه هو طيب و لكن اذا عصب يخرع وحش البنات علامة استفهام فوق راسهم عقبها انطلقت الضحكة :ههههههههههههههههههههههههههههههههههههههههههههههههه فهموا قصد سارة مريم : شله تقولين لي هالكلام و انا شدخلني سارة غمزت لها : وانتي شدخلج .. فصول اخوي و اعرفه عدل منيرة : وووه مسرع جبت لها طاري الزواج وصار هاي اقول بنات سولفوا بعد عني عشان انا اتزوج بعد البنات : هههههههههههههههههههههههههه هههههههههههههههههه مريم : هههي ههي على كيفكم انتو سارة تغمز لها مريم نظرات تهديد _ _ _ _ _ _ _ _ _ _ _ __ __ _ _ _ _ _ _ _ _ _ __ _ _ __ _ _ كلن رجع بيته و ساهي بتفكيرة الساعة 12 في الليل بيت ابو فيصل سارة : والله يما بس ليش طلال ماكان يبي يشوفها ام فيصل : والله مادري يابنيتي فيصل دش : السلام عليكم سارة : و عليكم السلام ام فيصل راحت فوق و سارة ركضت عند اخوها سارة بكل برود : ها قزيت مريوم اليوم فيصل يطالعها سارة : هههههههههههههه لاتخوف ماقالت لنا اختك الساحرة صادتها و عليه شسويت ف البنت جايتنا تركض شوي و تصيح فيصل ماقدر يستحمل وهو يتذكر شكلها فيصل:ههههههههههههههههههههههههههههههههههههههههههههه هههههههههههه سارة : ههههههههههههههههههههه شفييك فيصل : انا رحت للخدم لانه مافي شاي و قهوة و رحت حق عبدالقادر قاللي انه الخدامات مايسمعون كلامه و كانه مب موجود و قاعدين يسولفون و رحت و شفتها تكلم بالتلفون و رحت هزأت الخدامات و يوم كنت رايح شفتها لاصقة ف الطوفة و ميته من الخوف سارة : ههههههههههههههههههه مسكيينه مريوم و بعدين جاتنا ركيض دشت علينا و هي شوي تصيح فيصل : هههههههههههههههههههه وانتي ساحرة عرفتي كل شي سارة : اكيد يوم حللت السالفة فـ مخي فيصل : يما منج سارة : ههههههههههههههه _ _ _ _ _ _ _ _ _ _ _ _ _ _ _ _ _ بيت ابو سعود سعود جا وسلم و حب راس امه و راح يرقد و امل راح فوق بتنام ( آآه ياراسي ) و راحت رقدت _ _ _ _ _ _ _ _ _ _ _ __ _ _ _ _ _ __ _ _ _ _ _ _ _ _ _ بيت ابو طلال طلال ( يـآآرب عيني يارب ) دشت عليه مريم غرفته مريم : طلال انت ليش اليوم مادخلت شفتها طلال : مالي خلق شي مريم مريم ( انا متآكدة اذا شفتها اصلا مب طالع ) مريم : حرام عليك طلال : وانا شسويت مريم : ليش تظلمها وهي ماسوت لك شي و مالها دخل فاي شي حرام عليك كافي صدمة وحده والله حرام ولا حتى اهتميت فيها ولا شي و بعدين طلال ترا جواهر تحسنت تحسن ملحووظ عن قبل تسولف و ترد احسن من قبل بوايد طلال : مريم صكري الباب مريم : كيفك انا قتلك لاتظلمها مسؤولية هاذي هي صارت زوجتك خلاص فكر فيها حس باحساسها و بعدين ترا كل العايلة مستغربين انك حتى ماتبي تشوفها و صكرت الباب طلال يفكر ( صح هي مالها خص ف كل اللي يصير لي............... آه حرام انا نوع ما ظلمتها ) _ _ _ _ _ __ _ _ _ _ _ _ __ _ _ _ _ _ _ _ _ _ _ _ _ _ _ _ _ بيت ابو خالد جواهر كانت حاسه نوعا ما انها متفشله لانه ماشافها لكن عادي عندها ماتفرق وايد و خالد بالتأكيد مايقدر يجبر طلال من ليله البارح وحابسني الضييق عسى صباح اليوميطلق سراحي ! وعادت ليالضييقه على فكه الريق الله يهونها [ ويسعد صباحي ] يالله بكرة الخميس و بكرة جمعة بيت الجد ؟ شراح يصير مع ابطالنا ؟؟ سعد ؟ امل سارة ؟ خالد منيرة ؟ عبدالله مريم ؟ فيصل والاهم !!! طلال و جواهر ؟ البارت الجاي احداث جميييله راح تصير انتظررووني يااحلوين |
^
أنتظر البآآآرت ق1ق1ق1ق1 وربي متحمممممممممممممممممممممممممســــه :ewqqq::هيا: ... |
فدييتج قرآآءة ممتعة يالغ ـلآ > ^ :هق: اناو انتي نزلنا الرد ف نفس الوقت
|
^ رديت قبل ما تنزلين البآرت < ردينآ مع بعض ض1 لآلآلآلآلآلآلآلآلآلآلآلآلآلآلآلآ ! وش هذآ البآآآآآآرت الرووووعه والحلووو ق1ق1 مقدر كملي اليوم مآ أقدر أصبر بعـــدين !!!! اليوم البآرت حمآآآآآآآآسيي جدآآآ !!!! اقتباس:
^ يآلبـــــــييةة يآ مريوم رحمتهآآ :52yicz:(ق) لآ تعليق .... أنتظر البارت الي بعـــــــــــــــــــــــــــــــــــــــــــــدوو ق1 |
:ملاك:
فديتج شموخ ق1ق1ق1ق1ق1 تم انهاء البارت اللي بعدووو ياشوشـة ض1 :58vp: |
البارت الثامن أنت المطر تفرح بك أروآح البشر ومثل المطر (عذب وقرآح) وكثر,,تشفي الجرآح وأولهم جروحي.. في المدرسة اليوم الثاني امل : والله اممس وناسة سارة : ايي جوجو كنت طالعة قمممر ماشاء الله جواهر : ههههه مششكورة سارة سارة : العفوو والله جوجو ماقدر اصدق انج خلاص تزوجتي امل : صراحة انا عندي سؤال لج جواهر جواهر : هلا امل : انتي يعني مرتاحة لطلال جواهر : ولا صادفته و لا مرة بس خالد يقول زين و انا قلت على كيفكم امل : اهاا سارة : الللله اليوم اليوم الخمييس بيت جدي جواهر : ههههه ايي وناسة امل : ايي سارة : عاد جوجو انتي صرتي حرم طلال ابن العم ههههه لازم تغيرين ستايلج شوي جواهر : شلون ؟ سارة : يعني حطي ميك اب خفيف و فتحي شعرج بدال مادايما رابطته و حطي حلق امل : والبسي قميص elegnt مع بنطلون حلو لان احس مايصلح مع اللوك تيشيرت تويتي ولا سبونج بوب هههههههه جواهر : أي صح ههههههه بس انا باصير جي دايما ؟ سارة : لا بس البدايه هههههههههههههههه و عقب كيفج البنات : هههههههههههههههه _ _ _ _ _ _ _ __ _ _ __ _ _ __ _ _ _ _ _ _ _ _ _ _ __ _ _ _ _ _ _ بعد الدوام بيت ابو فيصل سارة رجعت وهي طبعا شاقة الحلج فيصل : طبعا نعرف كلنا ليش سارة شاقة الحلج حد مايعرف ؟ سعد : لا حفظنا جملة لانه اليوم الخميس روضة : وباروح بيت يدي اقعد انا و البنات فيصل : نحش و نسولف و نقطع الابلات سعد : اقول جنكم جبتوها نفس الوزن الكل : ههههههههههههههههههههههه ام فيصل : يااللله تعالي يابنيتي تغدي سارة : ان شاء الله بابدل و يايتكم _ _ _ _ _ _ _ __ _ _ _ _ _ _ _ __ _ __ _ _ _ _ __ _ _ _ _ _ _ _ _ _ بيت ابو سعود امل : السلام عليكم عبدالله : و عليكم السلام سعود: وعليكم السلام و رحمة الله وبركاته ام سعود : تعالي يما تغدي امل : ان شاء الله تغدت و بعدها قعدوا ام سعود راحت تاخذ قيلولة سعود خذ القران و يقرا و تطيح دموعه عبدالله شاف اخوه كسر خاطره انه متحسف قرب حذاه عبدالله ضم سعود : اقول سعود من زمان ماقلتلي يالفلبيني سعود وهو يمسح دموعه : هههههههههه و لا يهمك يالفلبيني عبدالله : ايي هاي سعودوه اخوي عبدالله : سعود اللي فات فات انت مب قررت تتوب خلاص انسى كل شيء سعود : احاول ياخوي ان شاء الله عبدالله : الله يثبتك ياسعود سعود : اجمعين يارب _ _ _ _ _ __ _ _ _ _ _ _ _ _ _ _ _ _ _ _ _ _ _ _ __ _ __ _ _ _ _ _ بيت ابو خالد جواهر جات سلمت : السلام عليكم و حبت راس امها ام خالد : وعليكم السلام هلا بنيتي تعالي تغدي جواهر : ان شاء الله يما الحين بايي _ _ _ _ _ _ _ _ __ _ _ _ _ __ _ _ _ _ _ _ _ _ _ __ __ _ _ _ _ _ _ بيت ابو طلال منيرة : ها شبتلبسين اليوم مريم : مادري دش طلال و شال ف يده كيس : السلام عليكم الكل : وعليكم السلام قعدوا و تغدوا طلال : مريوم مريم : هلا طلال : بطل الكيس و روا مريم خاتم كان جدآ حلو الماس و على شكل وردة مريم : واو حلو وايد طلال حطه ف كيس و كان حاط بطاقة " اعذريني اذا كنت زعلتج هذي الخاتم هديه بسيطة اتمنى تعجبج .. طلال " طلال : مريم عطيه جواهر احس اني مصختها امس مريم : ان شاء الله ولا يهمك مريم " طول عمرك طيب و حنون و تتحسف " _ _ _ _ _ _ _ _ _ _ _ _ _ _ _ _ _ _ __ _ _ _ _ __ _ _ _ بتأكيد بعد مرور ساعات كل وحده من البنات لبست و تجهزت عشان تروح بيت الجد جواهر ( لبست قميص مشمشي كمه طويل و راقي مع بنطلون ابيض و فلات ابيض عليه وردة فتحت شعرها و سوت ستريت يعني واصل تحت كتفها بشوي .. البست تاج صغير كريستال مع حلق حبة كريستال .. و تمكيجت خفيف .. بس ماتخلت عن نظارتها لووول ) منيرة (لبست بنطلون و جاكيت ابيض مع قميص وردي و جوتي رياضة و رافعة شعرها كان شكلها حلو ) سارة ( كانت لابسة قميص رصاصي راقي و طويل و كمه طويل و كان فيه كريستال عند الكتف لبسته مع ليقنز جنز و كعب رصاصي مخمل و متمكيجة و فاردة شعرها الطويل ) امل ( كانت لابسة قميص برتقالي مع سكيني و حاطة تاج برتقالي و فاتحة شعرها مكسر ) مريم ( كانت لابسة قميص بنفسسجي كمه طويل مع بنطلون جنز و مفيرة شعرها ) يعني كلهم اشكالهم روعه لووول راحوا بيت الجد و بعد ماجتمعوا و كان الكل موجود مريم عطت الهدية لجواهر مريم : مرت اخوي الجميلة ...هذي لج من زوجج العزيز هههه طبعا الامهات كلهم يطالعون جواهر استحت : مشكورة مريم : قوليله اهو ههههه جواهر قرت البطاقة " اعذريني اذا كنت زعلتج هذي الخاتم هديه بسيطة اتمنى تعجبج .. طلال " جواهر اسستحت ههههه وطبعا البنات مايخلون خبالهم صفروا و صفقوا سارة : حركات ولد العم امل : أي والله منيرة : جوجو بطليها جواهر فتحت الكيس و طلعت القوطي و شافت الخاتم .. استانست و لبسته و طبعا رجعوا حق التصفير ههههههههه ام فيصل : يما جواهر تعالي خل نشوفه راحت لهم جواهر ام سعود : لا ماشاء الله طلال ذووق عالي ام طلال : أيه ولدي عاد ذوقه شزينه ام خالد : عليج بالعافيه بنتي طلال ماقصر ابتسمت جواهر و قعدت مكانها حطت القوطي في الكيس و حطتهم قرب شنطتها عشان تاخذهم اما الخاتم تمت لابسته سارة : تعرفين جوجو لوككج ايييييننننن اليوم بس نافقصج شي جواهر: ثانكيو .. شنو ؟ سارة طلعت المناكير الاحمر : تعالي باحطلج جواهر : اوك تسلمين سارة حطت لجواهر مناكير سارة : ها شرايكم فيني هههههههه مريم : واااو جوجو روووعـه عليج جواهر : ثانكيو امل : شفت النشرة الجوية يمكن ايي مطر منيرة : وااو وناسة سارة :وحسب تنبؤات يدي انه بيي مطر منيرة : اللله وناااسة بنتببللل و نتزحلللقق سارة : ايييه روضة جات للبنات : سارة وين وعد اختي سارة : مادري تلقينها تلعب برا مع ( نجلاء ) نجلاء قد وعد عمرها 4 هي بنت الجار ابو عبدالرحمن اخوها دايما يجيبها تلعب مع وعد روضة : شوفيها وين لانها مب ف البيت سارة : اوووه اوووكي سارة طلعت برا سارة : وعد وعد وعد .. وعووود وينج سارة : وعععد سارة : وعععععععدددددد خالد كان برا سمع صوت سارة سارة و شوي تصيح : وععععد ردددي عللي راح التفت يمين و يسار شاف بنت ف الشارع خالد شاف وعد راح لها خالد : تعالي يابابا يا وعدد وعد : باروح حق بيت نجلاء خالد شلها : لا حبيبتي مايصير يطلعون الشارع بروحهم في حرامية بعدين ياخذونج شلها و دش داخل البيت و لقى سارة قاعدة قدام البيت و حاطه يدها على راسها خالد : كانت في الشارع بروحها سارة طالعته .. و سارة استححت تذكرت انها بدون شي خالد ترك وعد خالد ( ياقلبي عليج يااسارة قمر ) _ _ _ _ _ __ _ _ _ _ _ __ _ _ _ _ _ _ _ _ _ _ __ _ _ _ _ _ _ _ البنات كانو داخل يضحكون : هههههه سارة ودت وعد عند روضة و قالت لها انه خالد اللي جابها روضة : وخالد جافج !! سارة نزلت راسها تحت و هزت راسها سارة : والله مادري روضة هو اللي دخل روضة : مب مشكله تحملي مرة ثانية انتبهي يا سارة سارة : اوك و راحت عند البنات ام خالد : يما جواهر يبيلي ماي جواهر : ان شاء الله يما راحت جواهر للمطبخ جواهر راحت المكان اللي من 3 سنين ياما سبب لها صدمة نفسية كان ممرضيق المؤدي للمطبخ دخلت المطبخ صبت الماي و حطت نظارتها عشان تنظفها و يوم انترس القلاص ماي خذته و راحت توديه لامها لكن تذكرت انها حطت النظارة داخل المطبخ و جات بترجع تاخذها لكن ......: ايه من ثلاث سنين قدرتي تفلتين بس هالمرة لا > باللهجه القطرية ترجمت الكلام جواهر لفت لمصدر الصوت و جافت وجهه : لآآآ لآآ كومار الحقير اللي سبب لها الازمة النفسية ايه كومار صبي الجد كومار ( باللهجه القطرية المكسرة ) : صح يوم جيت صرختي و وودوك المستشفى لاكن الحين محد يسمع جواهر الصقت ف الطوفة : لااااا لاااااااااااااا لااااااااااااا كابوس يجيها من يوم صغيرة سبب لها عقدهـ كبيــره كومار قرب منها جواهر ماعندها أي مكان تهرب له و كان الحقير يقرب و جواهر تمت تصيح والصقت ف الطوفة : لااااااااا خاااالللد خاللللد يمممماااااااااا يمممممما يمااااااا ناااصر ساارة مريم منيييرة امل .. قالت كل اسامي القريبين الا اسم واحد جواهر ضمت رجلينها جا لكومار عطاه بكس كسر وجهه و مسكه و وكسره ولو ماجوا اللي اسمعوو صراخ كومار كان مات على يده سمعوا بو فيصل و الجد جو يركضضوون بو فيصل : عسسى مااشر طلال طلال حذفه ع الارض : هذي الزبالة يتحرش بزوجتي جواااهر هو الللي سبب ازمتها النفسية هو السبب اللي خلاها يغمى عليها من ثلاث سنين حاول يتحرش فيها بس فشل و جا الحين يبي يحاول مرة ثانية Ø بالتأكيد سمع جزء من المحادثة و استوعب الموقف .... كومار : والله بابا طلال رفسه و كومار يصارخ خذوه بو فيصل و الجد منه اجتمعوا الكل كل النسوان و البنات و عرفوا السالفة و خذوا كومار المركز ام خالد تركض عند بنتها اللي كانت ضامة رجلينها و تصيح ام خالد : يممما يماا جواهر طلال اشر للكل انهم يروحون و ام خالد كانت قاعدة عند بنتها ام خالد : جوااااهر يماااا بنيييتييي قوووومي الله يرررضضضى عليييج جواهر : .......................... طق المطر و جا طلال حب راس خالته و اشر لها ام خالد راحت وهي متقطع قلبها على بنتها و متحسفة طلال قرب من جواهر اللي كانت ضامة رجلينها طلال شاف الخاتم اللي ف يدها طلال قعد حذاها و قالها : جواهر انا طلال طالعيني جواهر كومار خذوه المركز جواهر طالعيني انا زوجج طلال التفتت له و شافته و كانت عيونها مليانه دمووع و خشمها احمر طلال "ياللله هذذذييي جواااهر ! هذي جواهر ماصدق عيني !!ياللله سبحان من سوى البشر " طلال قربها له سندها عليه و حط يده ورا ظهرها طلال : لا تخافين دام طلال معاج ياجواهر طلال : جواهر قوليلي القصة كاملة جواهر ساكته طلال : جواهر قوليلي انا ابي اعرف السالفة جواهر ميتة من الحيا لانه طلال احذاها و يده عليها و هي مب متعوده عليه اصلا طلال كان عارف انها مستحيه ..: قوليلي شصار جواهر انا زوجج و من حقي اعرف جواهر كانت مستحية حدها: اا نا من 3 سنين في عزا ابوي كنت رايحة المطبخ و جا كومار و تمممت تصصييح وقرب مني لكني صرخت و اغمى عللي جواهر تكمل و دموعها اربع اربع : يـ ـ ـ ـ ـوم رحت المستشفـى خفت وايد لكن بعدها تطمنت لانهم قالوا انهم سمعوني اصرخ و مامرت دقيقة الا هم جوني طلال " الحقير " : وليش ماقلتي لحد جواهرتصيح :خاااييففة ممااعرف للييش مادري طلال : المطر صار اقوى طلال وقف جواهر و فصخ جاكيته اللي كان لابسه و لبسه جواهر عن المطر و حضنهاا ....... طلال : محد راح يتجرأ يقرب منج بعد اليوم جواهر كطبيعتها اللي تستحي كانت بتقوم من حضنه لكنه شدد عليها جواهر ساكته و مرتجفة طلال مسك يدها و مشى لين الحوش و قعد على الكرسي و قعدها معاها الكرسي اللي يجيكم كانه مراجيح و يكفي 3 اشخاص كان يبي بأي شكل من الاشكال يفرحها و مسك يدها اللي فيها الخاتم و طالعها و يدها كانت ترتجف جواهر لافه الصوب الثاني : شـ ـ ــ كــرآ طلال : العفو هو حلو بس انتي مخليته احلى جواهر مستحيه طلال : اووه شفتي المطر شلون قام يصير اقوى جواهر : أي جواهر : جاكيتك ماتبيه ؟! طلال مسح على راسها : لا الحين مابيه بس عقب باعلقه و مب مغسله لانج لبستيه و ابتسم لها جواهر نزلت عينها تحت طلال " يحليلها ... براءة لا حدود لها " مثل المطر أنت! تبلل عروقي تروي ظمآ شوقي! تحييني لآمت! (يآقلبي يآروحي) -هو صحيح أنت المطر؟! وألآ المطر أنت! و خلص البارت ها شرايكم توقعاتكم ماذا ينتظر ابطالنا من مغامرات ..تابعوني ياجميلات أحب اشكر كل اللي ردو :sg.15: و اقولكم > ردودكم هي اللي تشجعني و تخليني اكمل :ewqqq: و شكر جزيــــــل للي مشجعيني من البدايه :9daf6d8b8708a209c3d لـ:sg.13: لجيين و:sg.13: شموخ الفجر |
وآآآآآآآآآآآآآآآآآآآآآآآآآآآآآآآآآآآآآآآآآآآآآآو ق1ق1ق1ق1ق1ق1ق1ق1ق1ق1 مآشآء الله تبآرك الله بآرت رآآآآآآآآآآئع ق1ق1ق1ق1ق1ق1ق1 اقتباس:
يآآلبيــــــــــــــــــــــــــــــــــــــــــةة .. وربي رحمتهآآآآ ق1ق1:52yicz::52yicz::52yicz::52yicz::52yicz: جوآهـــر : أرحمهآ وبقـــوة مسكينــهه هالأنسآآآنه ق1ق1 طلآل : ق1ق1ق1ق1ق1ق1ق1 كومآآآآر : حقيــــــــــــــــــــــــر وكل أنوآآع السبآت فيه :#::#::#::#::#::#::#::#: العفــوق1 أنتظر البارت الي بعــــــــــــــــــــــــــــــــــــــدووق1 |
گمليها تراي متحمسه :ewqqq::هيا:
جواهر رحمته :52yicz::"(: طلال .... كومار حقير بمعنى الكلمه:#: |
شموخ الفجر + احلى دنيا
فديتكـم مشكورين ع المرور الحلو .. :ewqqq: ان شاء الله اكمل البارت و انزله .. ق1ق1ق1 اسمحولي والله امتحانات و مدرسة و هاي اللي مخليني اطول شوي :52yicz: |
همووووسه
يالله وين الباآرت 9:هيا::ewqqq: :034q:* |
همووووستناااق1ق1ق1ق1ق1
ايييوا كذاا انا احببببببببببببببكق1ض1 عجبببني الباارت جدددددا:ewqqq::ewqqq: والله والله متحمممممسه حددددي عجلي عليينا الله يخلييك ق1ق1 |
هموووووسه
تراي متحمسه:ewqqq::هيا::××: الله يوفقكگك بالأختبارات >>أجل أنا مخلصه من يوم السبت لوووول والمستويات يوم الثلاثاء(ق) أنتظر أحر من الجمر |
لجين
حمدالله انه اعجبج يالغاليه احلى دنيا فديتج والله :9daf6d8b8708a209c3d راح احاول يالغاليه انا مشغولة شوي يمكن احطه بكرة او اليوم في الليل :هيا: > اوعدج ماراح اتأخر اكثر تسلمون فديتكم ماغير تشجيعكم اللي مخليني اكمل :sg.13::sg.13::034q: |
نحس بوحشة الدنيآ.. اذا غآب الضيآ و النور .. و الاصعب لوفقدنا نور.. يمد الليل من ضيه .. :msn-3df89df958::msn-cc7aeae6af: صحيح انا لحيآه تمضي .. و صحيح انا لليآلي تدور .. لكن ماني متعود .. مكانك يفقد الجيه..!! :kez_09:|~ البارت التاسع طلال : اووه شفتي المطر شلون صار اقوى جواهر : أي جواهر : جاكيتك ماتبيه ؟! طلال مسح على راسها : لا الحين مابيه بس عقب باعلقه و مب مغسله لانج لبستيه و ابتسم لها جواهر نزلت عينها تحت طلال "ياحليلها ..... براءة لا حدود لها " > مع انه مب تصرفات بو صروال و فنيلة :p _ _ __ _ _ __ _ _ _ _ _ _ _ _ __ _ _ _ طبعآ عند البنات منيرة تزحلق هههههه و امل و سارة تحت المطر مستانسين و معاهم مريم مريم : طلول شكله ناشب ف جوجو الحين خلاص جافها سارة و امل : هههههههههههههههه و فهالوقت و منيرة تزحلق طاحت طيحة -____- منيرة : آآآآآآآآآآآآآآآه مريم : و بعدين معاج سارة : مسجلة رقم قياسي في الطيحات منيرة : آآآآآآه تعالوا ساعدوني انتو تكسرت جو ساعدوها منيرة : يالله مب مشكله يالمطر لاني اعشقك باتحملك سارة : من تكلم ذي امل : ههههههههه منووور ينيتي مريم : أي عاد منور تموت على شي اسمه مطر جواهر جاتهم سارة : ها خلصتوا رومانسيات انتي و الاخ جواهر كانه حد معطيها كف وااايد استحت مريم : شحارج يابنت __ _ __ _ __ _ _ _ _ __ _ _ _ _ _ _ __ _ _ _ _ _ _ _ __ مر يوم الخميس مثل ماشفتوا طبعا القانون اتخذ اجراءاته مع كومار جواهر ( يالله انا شلون ماستحيت و قعدت ارد عليه) طلال ( والله غيير بالنظارة و شكلها ف الشاليه مبهدل اثاري طلعة احلى وحدة فيهم الا قمر لا وتستحي ولا يوم قتلها عطيني البن هههههههه ) طلال قام الصبح و طرش لجواهر الصبح ماهو طلعت الشمس للكون واليوم ماهو يوم لو مر دونك ق1ق1 .. . . تدري لو ان الامر بيدي ( وش يكون)؟ اعلن صباح الناس : طلة عيونك > :sg.15: جواهر طالعت المسج ابتسمت و طرشتله صورة مكتوب فيها "صباح الورد :sg.13:" طلال كان نازل من ع الدرج و بأيده الجوال طالع الصورة طلال : هههههههههههههههههههههههههههه هههههههههههههه منيرة : لا استخف اخوج مريم : من قلب سكتي شفتي الفرق قبل كل هموم الدنيا على راسه و الحين شاق الضحكة منيرة : ايه شافها و انهبل مريم : ههههههههههههههههههههه فالح نازل من الدري : شعندك طلال طلال : ههههههههههههه ههههههههههههه ولاشي ههههههههههههه مريم طالعت فالح "الله يافلووح فرق بين اول والحين " مريم كلمت الخدامة تجيبلهم الريوق راشد قاعد يطالع التلفزيون _ _ _ _ __ _ _ _ _ _ _ _ __ _ _ _ _ _ _ _ _ _ _ _ _ عيلة ابو فيصل كلها متجمعة و قاعدين يتريقون عقب ماخلصوا فيصل : يممما يببا اسمعوني ابيكم ف موضوع مايتأجل دقيقة سارة تطالعه و متأكده من اللي بيقوله سعد : واحنا نسد اذانينا يعني فيصل : على راحتك تبي تسد اذنك سدها ابو فيصل : قوول ياولدي فيصل : ابي اتزوج ام فيصل : الساعة المباركة ياولدي الحين ادور لك وحدة ابو فيصل : صبري صبري .... انت حاط عينك على وحده فيصل .. اعتفس هههههههه ماتوقع يسئله ابوه فجأة ابو فيصل : ههههههههههههههه قول ياولدي عادي اليوم اخطبلك اياها اذا تبي فيصل : أي يبا .....انا ابي مريم بنت عمي صالح ( ابو طلال ) ابو فيصل : مريم .. ان شاء الله مايسير خاطرك الا طيب ام فيصل : أي والله انه مريم خوش مرة ابو فيصل : خلاص اليوم اكلم ابوها فيصل شق الضحكة سارة همست له : هاه حاط عينك عليها فيصل : اوهو نششبه ساروه سعد : من قلب ..كيفه عاجبته انتي شتبين سارة : والله ملقوووف خير حد كلمك يادب سارة : معليــه فصوول كنت باقترح اقتراح من اللي يحبه قلبك بس رووح فيصل : والله شنو قولي ... سارة : ههههههههههههه سعد (هو عاجبته و بيموت عشان يخطبها ...عيل انا شاقول) ابو فيصل و هو يكلم ابو طلال _ _ _ __ _ _ __ _ _ _ _ _ _ _ _ _ _ _ _ __ _ _ _ سارة تتكم و هم في قروب البلاك بيري سارة : عاد يالله بنات عن الملاغـة و تعالوا بيتنا امل : اوكـ انا باقول لأمي انه بنتجمع مريم : زين حتى انا مب طالعه و لا شي جواهر : اوكـي ان شاء الله منيرة : مريم تروح تستأذن انا مالي خص هع امل : اففففففففففف عبوود نشبلي هالدب طول الوقت يسويلي Ping سارة : اييه العيال نشششبه هههههههههه مثل حركات سعد ههههههههههه مريم : ايه كله ماشين مع بعض لازم نفس الاطباع هههههه سارة : يالله عاد الوعد ف بيتنا هاا البنات : اوك _ _ _ _ _ _ __ _ _ _ _ __ __ _ _ _ _ _ _ _ _ _ __ __ _ _ _ و بعد ماتفقوا كلهم يروحون بيت سارة نزلت سارة تحت كان يأذن اذان الظهر و لقت فيصل سرحااان و سعد ماسك الببي و ابو فيصل و ام فيصل و روضة و ووعد > كان قلتي العيلة كل ابوها سارة : يما اليوم بيجوني البنات سعد كان ماسك الببي بس قاط اذنه فيصل شاق الضحكة ابو فيصل لاحظ فيصل : فصييل ترا سارة اللي بتقعد مع البنات مب انت الكل : هههههههههههههههههههههههه ابو فيصل : يبا شوي شوي لاتصير خفيف قلتلك اليوم باخطبها لك سارة : هههههههههههههههههههههه فيصل : لا يبا اصلا ... ابو فيصل قاطعه :خل عنك اصلا مااصلا انت لو تشوف شكلك شلون فيصل انحررج ابو فيصل : انزين يبا فيصل اليوم بنكلم عمك بس تعال معاي ها احنا اليوم متجمعين فـ بيت ابوي عندنا كم مشوار فيصل : خلاص ان شاء الله يبا ابو فيصل و هو قايم عشان يروح يصلي : و بعدين معاكم.. تسمعون الاذان يأذن قوموا فزوا روحوا المسيد شكلي باسميكم سعيدة و فصيلة و بالبسكم حجاب الكل : ههههههههههههههههههههههههههه سارة تضضضحك : ههههههههههههههه سعييدة و فصيييللة العيال قاموا فزوا _ _ _ _ _ _ _ __ _ _ _ _ _ _ _ _ _ _ __ __ _ __ _ بيت ابو سعود سعود : يالله عبدالله ..يالله ياجاسم اخلصوا علينا أذن و لازم نروح عبدالله : وو زين قام يتحنطم راعي البقالة الكل : هههههههههههههههههههه سعود : راعي البقالة ارجل من اللي يبيع ف محل الاسكريم و يترقص ع الاغاني الكل : ههههههههههههههههههههه جاسم : ياجماعة توم و جيري بيبدا امل : هههههههههههههه أي اما سعود و عبدالله الحين شيسكتهم عبدالله :يما انا باسئلج ليش يايبة من مختلف الجنسيات ام سعود : يبا شنو مختلف الجنسيات سعود طالع على جده اسمر اما انت و امل من صوب اهلي و جاسم مخلوط سعود تذككر : يالللله فزززووا انا ببروح و لبس غترته و راح المسجد امل كانت رايحة تجهز لبسها شبتلبس و شبتسوي و هكذاا _ _ _ _ __ __ _ _ _ _ __ _ _ __ _ _ _ _ _ _ _ _ __ _ _ _ بيت ابو طلال فالح كان رايح يصلي مريم : يممما كلهم بيروحون طلال كان قاعد التفت لها : من كلهم مريم : يعني من انا و منور و سارة و امل و جواهر طلال : وين بتروحون مريم : بيت عمي ابو فيصل طلال : زين انا اوصلكم منيرة و هي نازلة من الدرج : غررررييييبة طلال يوصلنا شصاااير طلال : انا ماكلمت كلامي .. اوصلكم و نمر على جواهر اوصلها معاكم منيرة : اييه و هذاالمطلوب قول من البداية انك تبينا عشان تركب البنت معاك الكل : هههههههههههههههههههههههههه راشد : ههههههههههههههههه منور ام لسانين طلال : لا الدريول محد و كسرتوا خاطري قلت اوصلكم منيرة تغمز : أي رقع راشد : يما ام طلال : ها يما راشد : ابي اتزوج الكل : هههههههههههههههههههه طلال : شتزوج ياريال خلص دراستك اول ام طلال : و انا ليش جي جايبة عيال الكبار احن عليهم مافي فايدة و الصغار بيموتون عشان الزواج ( الكبار : طلال قبل .. و مريم , و الصغار : راشد و منيرة ) مريم : يما انتي تدرين ان كل اللي اخطبوني مب المواصفات اللي ابيها راشد :و انتي شنو المواصفات اللي تبينها مريم : محافظ على صلاته و مايدخن / محترم طلال : صح كلام مريم يما كل اللي خطبوها سألنا عنهم و ظهروا مب كفو مانبي نتكلم عنهم خلاص منيرة همست لاختها : لاتخوفين ياختي العزيزة جايج جايج ان شاء الله مريم فهمت قصدها و طالعتها بنظرة منيرة غمزت لها _ _ __ _ __ _ _ _ __ _ __ _ _ _ _ _ __ _ _ _ _ _ _ __ بيت ابو خالد كانت الاجواء عادية خالد طالع و جواهر قاعدة مع امها و ناصر يلعب بلايستيشن جواهر جاها اتصال و شلته جواهر : هلا مريم مريم : هلا جوجو .. اخبارج جواهر : تمام الحمدالله انتي شلونج ؟ مريم : زي الفل . .. الا جوجو بغيت اقولج اليوم بنمر عليج انا و منور و طلال معانا قبل مانروح و جي نقعد ف مكان سنع نشرب لنا كوفي .. شرايج جواهر : ان شاء الله اقول حق امي و اردلج خبر مريم : اوكي حبي اخليج جواهر : باي مريم : باي جواهر : يما مريم و منيرة بيمرون ياخذوني مع طلال قبل مانروح بيت عمي نشرب لنا شي ام خالد : روحي حبيبتي جواهر حبت راس امها _ _ _ _ __ __ _ _ _ _ _ _ _ __ _ _ _ _ _ _ _ _ _ _ _ _ _ _ _ _ عند بيت ابو طلال الساعة كانت اربع و كانوا جاهزين عشان يطلعون و يمرون على جوجو طلال متحمس عشان الطلعة طلعوا و مروا على جواهر جواهر كانت مرتبكة هي لحد الحين ماعودت على طلال .. نزلوا مريم و منيرة و خذوها مريم : اوه جوجو شعندها وين نظارتج جواهر : ههههه لبست عدسات > ماكانت تبيها لانها تذكرها باللي حصل تركوا لها الكرسي الامامي جواهر ميته من الخوف بس ركبت جواهر ركبت وسلمت صكرت الباب و لفت الصوب الثاني طلال : ماراح تسألين شخباري جواهر : ......... طلال : اوكي شخبارج جواهر : تمام انت اخبارك طلال : تمام جواهر لافة الصوب الثاني ومييييييييتة من الحيا و مريم و منيرة قاعدين يطالعون بس و يتكلمون بنظرات طلال : يالله نزلوا منيرة و مريم نزلوا طلال راح صوب جواهر اللي كانت نازلة و مسك يدها و مشى لين الكافيه طلال كان قاعد مقابل جواهر و طول الوقت مبتسم و يطالعها جواهر ميته من الحيا و بعدها خلصو وراحوا بيت ابو فيصل نزلوا االكل .. طلال همس لجواهر : ماوصيج على نفسج > ياولد تراها رايحة بيت عمها :هاع: جواهر ابتسمت و هزت راسها و راحت داخل _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ بعد ماكان الكل متجمع و يسولف و يضحك سارة : آآآه والله وناااسة بنات من زمان ماييتوا كلكم بيتنا مريم : أيـــه اصلا شفينا الفترة الاخيرة كل متجمعين بيت يدي منيرة : ههههههه أي والله سارة : تبون نسكافيه امل: ايييه مريم : مع انه تونا شاربين بس ييبي جواهر : أي انا بعد ابي منيرة : و انا سارة : يعني كلكم .. مريوم وين شربتي مريم : انا و جواهر و منور رايحين كافيه و جيناكم سارة : وماعزمتوناا امل : ماشاء الله الامور عندكم سهالات رحتوا مع الدريول منيرة : لا طبعا اخونا العزيز الجميل طلطل قال باوديكم الكافيه مريم تطقها : استحي على ويهج شنو طلطل منيرة : يااه كيفي منيرة تضرب جواهر بكوعها : طلال من شاف جواهر استخف مادري شفيه مب طلال اللي نعرفه جواهر استححتت البنات : هههههههههههههههههه _ _ _ _ _ _ _ _ _ __ _ _ __ _ _ __ _ _ _ _ _ __ __ _ __ _ في بيت الجد عند ابو فيصل و ابو طلال ( تحديدا ) ابو فيصل : والله ياخوي مادري شاقولك جايك اخطب بنتك مريم لـفيصل ابو طلال : يابو فيصل فيصل خوش رجال وولد اخوي و هو اولى من الباقي بس مثل ماتعرف رااي البنت مهم ابو فيصل : اكييد ياخوي خلها تاخذ راحتها _ _ _ _ _ __ _ _ _ _ _ _ _ _ _ __ _ _ _ _ _ _ _ _ _ _ _ _ _ __ _ بعد ماقضوا يوم جميــل و استمتعوا مع بعض راحوا مريم و منيرة كانوا سارة و امل و جواهر جواهر : و شوفوا هنيه كنا في تركيا ......< كانت ترويهم صور في الكاميرا سارة : اللللللله امل : رووووعععه جواهر : وهالصورة ههههههههههههههه خالد كان يتهاوش مع ناصر سارة طالعته و سرحتت (..وتذكرت المواقف اللي معاه دموعها نزلت ماتدري ليش ...... مسحتها : لحــــــــظــــة لحـــظـــــة ليش هالدموع يا سارة ليكون انا .. وسكتت ....... امل : ساروووه شفييج سرحانه جواهر : ههههه سارةصايرة تسرح وايد هالاياام سارة : ههههههههههههههههههههه امل : اعترفي شكنتي تفكرين فيه سارة : لا افكر في انه بكرة يوم السبت اليوم الممل شبسوي فيه صوت باب يدق الباب سارة : ممممممممممن : انا ميري يالله يابي روووه امل امل : اوووه عيل باخليكم بنات سارة : اوكي امل :باي حبيباتي سارة و جواهر : بايات ميري ركبت السيارة امل تمشي و لقت عند الباب شخص ماكانت تبي تشوفه لانه يحزنها كثثيير ايه سعد كان مستند على الباب ( لابس ثوب و كاب ) حاط الكاب على وجههة و يشرب بيبسي امل لفت الصوب الثاني كانت تـــــــصيــــــح : ( يالله ليش ياسعد مابي اشوفك ياسعد مابي أبي انســــآآآآآآآآآآآآك :"(:) .........: دموعج غاليه امل مصدومة لفت على مصدر الصوت ( معقووولة سعد معقووولة و شلون شافني ) مشت سعد : امل انتظري ياامل امل التفتت له سعد نزلت منه دمعه :والشـــآهــد الله انــي احبـج والشـــآهــد الله انــي احبـج والشـــآهــد الله انــي احبـج !! ( يالله سععععععععد!!!!! شيقووول مستحيييييلل !! انا احللــم اكييد ) ..كذبت اذنها و كانت فقمة ذهولها و تطالعه و شافت دمعته ............ سعد : اييــه أحبــج امل ( سعد يحبني سععععد !! ) دموعها نزلت فرحة.......صدقت اذنها هالمرة لانه مستحيل تكذب مرتيــن مسحت دموعها و ركضت راحت السيارة سعد ضحك يوم شافها تركض وكان حاس نفسه مرتااااح و مستانس امل كانت مب سايعتها الدنيا من الفرحة ..من زمـــان تنطر هالشعور كانت حدها فرحانه مدري القصايد فيك وش ممكن تكون لا صرت [ صفحة] مالها بالغلا طي . ؟ ما أبيك تسأل كيف أنا أغليك وشلون . ؟ ! الحب كله فيك أنا أشوفه . . [شوي] يكفي أشوفك : [كل شي بهاالكون] وأشوف كل الكون دونك :] ولاشي ] . ! و هذي نهاية البارت التاسع ها توقعاتكم ياحلوين ... جواهر و طلال ؟ سعد و امل .. بعد الاعتراف ؟ مريم و ردة فعلها على خطبة فيصل ؟ سارة تحب خالد ؟ و عبدالله و منيرة وينهم ؟ كله في البارت القادم تابعوني لجين و جـآ اليوم اللي تنطرينه :هق: > سعد و امل < بنات اعذروني وايد اذا تأخرت عليكم اسمحولي هم المدرسة والدراسه و الله مو سهل اعتذر لكم وآإآإآيــد و ثلاث ورود للمتابعات :sg.13:احلى دنيا :sg.13:لجين :sg.13:شموخ الفجر |
| الساعة الآن 11:10 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.