|
جاسم وهو يوقف لها:_ لو سمحتي انا كلمتج بكل صراحة و ما خشيت عليج الحقيقة و غدرت فيج و من بعدها مشيت عنج و رميتج بالأرض و انا مالي ذنب اذا انتي حبيتيني و انا ما اقدر اعطيج شي ما امتلكه لج و انتي سامعتني و قلتها لج انا مرتبط و اذا ببالج شي شين علي والله تبين ترويني الي وريتج اياه علمن يوصلج و يتعداج الي يقرب من حياتي او حتى حيات الي رح ارتبط فيها و تكون لي و اكون لها رح يلقى النار اقرب له من انه يجيس حياتنا بشي. ليلى و اهي تناظره بقسوة و قهر:_ ليام بينا و كلن منا رح يجوف مصيره شنو. مشت ليلى عنه و اتركت الخوف يتخلل قلب جاسم و انهار و قعد على الكرسي وهو موطي راسه يارب تكفى ارحمني مب كافي مشاكل و مصايب انا مب كافي ليش كل هذا لازم اتحمله ليش يارب رحمتك يارب علي يالله شلي قاعد يصير لي ... ما طول بقعدته جاسم و طلع من المستشفى وصدره ضايق عليه من الي صابه من لحظات وهو خايف من المستقبل لو ارتبط بريم شرح تسوي هلبنت له اشناوية عليه يارب بس رحمتك يارب و سترك علينا... ................................................ مضى اليوم مثل لمح البصر و على المغرب وين ما كان زياد بسيارته يلتف بالشوارع اتصل عليه جاسم بهلوقت و جاسم الثاني كان بالمزرعة بغرفتها بالطابق الثاني على فراشه مسترخي.. زياد وهو يرفع التلفون:_ الو. جاسم وهو يتحسس لنبرة زياد الغريبة:_ هلا زياد شحالك. زياد:_ ما نشكي باس. جاسم:_ دووم الة زياد اشفيه صوتك. زياد:_ و لا شي. جاسم:_ لاااا باين الكلام على تلفون ما ينفع انت وينك فيه الحين. زياد:_ وين يعني بسيارة التف بشوارع الكويت. جاسم:_ وشلك بالدوارة دام جذي خذ طريج المزرعة و تعال لي والله اني لحالي و زهقاان بالحيل. زياد:_ متأكد لحالك يعني الأم الحنونة الثاانية مو معاك ( يقصد نوف ). جاسم:_ ههههههه ياليت بس باين انها مشغولة و مايات اليوم انت الحين اشعليك منها تعاال. زياد:_ عيل مسافة الطريج و انا ياي لك. جاسم:_ لا تصيف. زياد:_ لا تشيل هم كلها بالكثير عشر دقايق و اكون عندك. جاسم:_ بنتظارك سي يو. زياد:_ مي تو بااي. سكر جاسم و بقى على فراشه وهو ماليان اهموم و مصايب و زياد بالطريج و همه مع سارة يحمله بقلبه بسكاات... ................................... ببيت أبو وليد وين ما كان محمد بنحاسته ملعوز نوف المسجينة معاه ... نوف:_ حمودوه و جع اقول لك قوم ما بيضرك وصلني المزرعة و روح لوين ما تبي اشفيك هلكثر زطي علينا. محمد:_ عن الهذر و لا تأذيني قلت لج ماهب موصلج يعني ماهب موصلج. نوف:_ ويييييه صكة على هلويه ماالت اقوول مالي الة وليدووه جان يتنازل و يتكرم علي و يوصلني. محمد:_ ههههههاي تلقينه مع حرمته و ما يطيع يفارقها لو ثانية بس. نوف:_ اووووهوووو حمودوه يوز لا تلعوزني بنحاستك قوم وصلني. ويقطع عليها تلفون محمد يرن و ما عطل محمد و يرفعه.. محمد بالتلفون( هلا .. لالا مسافة الطريج و وياينكم وين انتو بس .. ايه لالا مدليكم عيل يلا في أمان الله )... نوف تطير له بعباتها و تلف شيلتها على ويها الابيض الروعة و تسحب خصلات شعرها لداخل الشيلة لتغطيهن عدل:_ حمود حبيبي على طريجك تكفى. محمد:_ مالج طلعة انرزي بالبيت اشلج بالدوارة بليل. نوف:_ ياربي حمودوه يووز. محمد:_ سمعيني اخر مرة اوصلج مب هذا اخوج المطفوق سوة الي سواه و هاجرنا برة البيت و بتلينا فيج انتي مسوتني ادريول لج جان اهو يبيج يطرش لج ادريول على حسابه. نوف:_ و اشلى يطرش كاهو حبيبي حمود خوش ادريول. محمد:_ تدري اشلون عيل. نوف و اهي تمسكه:_ لالا خلص انتي حبيبي شدريوله هذا لالا انت حمود حبيبي أي يلا عاد خلك سنع و خذني على طريج عنده. محمد:_ يلا جدامي و بلا هتزقرت عاد بسج و لا ملكة جمال السودان. نوف:_وييييع مالت عليك انت وياها. محمد:_ وشلي فيها انا تجمعيني معاها امشي زين. ................................ بعد ثواني اوصلت نوف المزرعة قبل لا يوصل زياد لانة زياد بالدرب مر على محطة بنزين و تعطل اشوي و هم طريج المزرعة كان ابعيد عنه اشوي... نوف اول ما ادخلت و جاسم يسكر الباب من وراها:_ هلااا نووف غريبة من موصلج الي اعرفه ادريول البيت سفرتوه من شهرين. نوف:_ الله يخليه الي ملعوزني دنيا و اخرة حمودوه. جاسم:_ هههه الله و كبر اهو الي موصلج شصاير اكيد مصخن اليوم. نوف:_ أي مصخن الله يهداك الى ملعوزني قبل لا اييك لولا ربعه دقو عليه و على طريجه لهم يابني لك. جاسم:_ أي قوليها من البداية والله حمود مو راعي شهامة يوصلج. نوف:_ الة اقول اذا تراك مواعد احد بتطلع عندك مشوار خذ راحتك انا قلت ايي عندك عن الزهقة بالبيت. جاسم:_ لالا بس زياد بيمرني اهو بالطريج الحين. نوف:_ ايه كان بالمستشفى اليوم لمن كنا عند عمي. جاسم وهو يتذكر الي صار بينه و بين ليلى لمن ذكرة نوف طاري المستشفى و تغيرت ملامح ويهه. نوف:_ خير جاسم اشفيه ويهك انقلب جذي. جاسم يرجع للواقع:_ هلا لا معاج و لا شي ( وينقذه زياد بوصوله و يدق الجرس )... نوف:_ خل عنك انا اقوم افتحه هذا اكيد زياد. قامت نوف بعباتها و اهي ترفع شيلتها الى على كتفها و ليمن وصلت للباب و فتحته لتلتقي بزياد.. زياد يناظر نوف:_اووه نويفوه اهني ( يلتف لجاسم) هذا جذااااب عوود يقول لي لا لحالي قاعد ماهب معاي احد. نوف:_ شنو يعني تبيني امشي مضايقة عليك. جاسم:_ لحظة لحظة قبل لا تعلقون ببعض انا مو شغلي نوف وصلت و انا ما ادري توها من اشوي لو ادري قلت لك لمن دقيت عليك لا تتهمني بشي مالي فيه شغل. زياد:_ ههههه يالله جذااب عووود و يبري نفسه من كل شي. جاسم يضحك و نوف ترد على جاسم:_ ما عليك منه ناوي يلعوزك الة اقول ادخل مب زين البرد لك. زياد:_ واااي تخافين علي ويلي اقوول جسوم باين اختك تحبني. نوف:_ ويييييع عاد ما دورتك الة انت روح اقول مالت عليك روح جابل رافيجك لا تلعوزني بنحاستك. جاسم:_ افاا ليش ناسي من حبيب قلبها افااا عليك ما هقيتها منك يا زيوود. زياد:_ اووووه ولي يعافيك والله ذكرتني الله يخليه مشعلووه كاهو راقد ابو الراقد و لا يشبع. نوف بدفاع عن مشعل:_ شلك فيه حلاله نوم العوافي. زياد:_ وااااااااي تحبه جوف بس جوف اشلون تدافع عنه. نوف:_ وليييه اروح عنكن ابرك لي. جاسم:_ على وين. نوف:_ بسوي لرفيجك هذا شي يشربه لو ما تعرف السنع و بعدين بصعد اشوف غرفتك اعرفك قالبها قلاب على ما خبري رافيجك عنده بين و بين اسرار. ضحكو عليها و اهي مشت عنهم للمطبخ تسوي لهم عصير... جاسم ياخذ الفرصة و يتلقى زياد:_ ها اشفيك مب توك الصبح شزينك. زياد:_ ها لالا و لا شي ياربي والله باين قعدة نويفوه احسن لي. جاسم:_ ههههههه تحلم يلا تحجى اشصاير. زياد وهو يرمي بوكيهه و التلفون على الكرسي بخفة و يسند راسه لورة الكرسي و يتنهد بألم و هم كبير. جاسم:_ اقوول لا تزيد فضولي اشفيك تحجى. زياد ينطقها بحرارة و يستقبلها جاسم بصدمة كبيرة و ما يات على البال ابد:_ محيرة لولد عمها. جاسم:_ يالله يالله لا تقولها تكفى لا تقولها. يرجع راسه زياد و عينه مملية دموع:_ اذا ما قلتها القدر بقولها قبل لا الساني يقولها. جاسم:_ أاااااه العوين الله لا تنسى ربك يا زياد و خلك قوي. زياد:_ لا تظن اني بتنازل عن سارة بيوم او لحظة اهي ما تبي ولد عمها وولد عمها بجبور فيها بس ابوها و عمها غاصبينهم على بعض و مب انا الي ارضى تنذل و تنهان سارة و انا عايش و لا انا الي ارضى تنجبر على شين ما تريده بهدنيا و انا موجود. جاسم بخوف من كلام زياد:_ شلي بتسويه يا زياد شلي ناوي عليه. زياد:_ تطمن لا يروح فكرك لبعيد انا ولد عمك و ارفيجك و خويك قبل كل شي و تعرفني زين لمن ابي احصل على الشي لكن مب معناتها رح اسوي شي يدمر غيري. جاسم:_زين شلي بتسويه . زياد:_ بعدين تعرفه و انا للحين ما هب مستقر و هادي من كثر التفكير من يوم ما قالت لي و انا تايه بهدنيا و كلمتها تتردد بأذني انا محيرة لولد عمي ما تتوقع اشكثر كانت صعبة علي يا جاسم صعبة حسيتها قاعدة تجرحني بسكاات و انا اتقبل بهلجرح ينزف و يزيد على هم بعدها عني ثلاث هلسنين. جاسم يمسك كتف زياد و يبتسم لزياد:_ انا معاك و رح ابقى وياك و ربنا معاك لا تيأس أنت بس توكل على الله و بأذن الله اذا اهي مكتوبة لك ما رح تكون لغيرك صدقني زياد. زيا ببتسامة تطمن جاسم و تريح زياد جزئياً:_ عسا الله لا يحرمني من تلعوزك فيني و نحاستك. جاسم:_ ههههههههه يوز اقول ماهب مزاج ضحك كلش. زياد:_ افاا ليييش. جاسم وهو يلتفت لوصول نوف الصالة:_ بعدييين اقول لك. نوف:_ و رماح يلفكم ايه مقيولة المطافيق لقوني يايية اسكتو وهم من اشوي ما يسكتون. جاسم:_ هههههه الله يهداج اشلى مكلفة على حالج. نوف:_ اسكت و لي سلم عمرك و لا كأني مسوية لك مجبوس و الله كباب لحم كلها كاسين عصير. زياد:_ تسلمين والله. نوف:_ الله يسلمك ويه زين طلع منكم وااحد يعرف لسنع بشي. جاسم:_ افااا لا تزعليني مب جنج تغلطيين. نوف:_ يلا عاد تعال جوف هذا الي يصدق بسرعة اشفيك اتغشمر. زياد:_ اشفيك عليها اليوم. جاسم بغشمرة:_ ساحرتني جوف شمسوية بحالها زايدة حلى اليووم. نوف:_وييييييه بصدقك انت الحين وية هلويه ما قلت الة ريم كل يوم تكبر و تكمل هلحلى الي تحتويه والله صايرة اشحلاتها الصلاة على النبي ما ابي احسد البنت بعد. جاسم من سمع ذكر ريم تذكر ملامحها و زياد ضحك:_ طالع هذي اشلج تذكرينه بريم الله يهداج. نوف:_ واااااااااااي لا تقولها يحبها. جاسم يقرص زياد و زياد يقلب حجيه:_ لا مب قصدي جذي بس يتذكر كل الي صار و السبب هلوصية و زواجه من ريم. نوف:_ أي خله ايووز احسن له و يقبل فيها و الله ريم كل من يتمناها والله انه مخسر حاله ما ادري ليمتى ما بيقتنع يتنازل عن هلغرور و التكبر و التغلي. جاسم:_ بل بل بل الله ستر هذا جدامي كلتني بكشوري لو من وراي الله يعين حسوووووووودة و لسانها يطول اذنها نعنبووج مب بنت. نوف:_ اقول الزمنا بسكاتك و عن اذنكن صاعدة فوق. زياد:_ لا خلج وين توه الناس ما طولتي بقعدتج معانا. نوف:_ بس اكمل شغلي بفوق انزل. زياد:_ اذا جذي عيل على راحتج. نوف بنحاسة:_ اكيد على راحتي عيل الى راحتك انت. جاسم:_ هههههههه خوش رد عجبتني. زياد بعصبية يكفخ كتف جاسم:_ جب احسن لك جذي سكتتني اختك و لا تدافع عني انت مالت بس راز الفيس. تـــــــــــــــابــــــــــــــــع |
جاسم بنحاسة يطلع لسانه لزياد و زياد بالمثل و نوف تركتهم مع بعض و اصعدة فوق..... .................................................. .......... ببيت أبو طلال وين ما كان طلال بغرفته و شاغل حاله مع تلفونه وهو يناظر بسجل المكالمات لمح رقم البنت إلي مرة غلط بالرقم لأتصاله رفيجه عبدالله و دق عليها و خذته الذكريات لكلام عمه و ابتسم على غشمرة عمه .. لكن شي شده لهرقم و لأنه يدق عليه و امتلك جرئة كبيرة و دق الرقم و اتصل عليه ... بهلوقت وين ما كانت (( ؟؟؟ خلونا نعرف من تكون صاحبة هرقم مع طلال ولو اكيد انتو خمنتو قبل مووه )) ... لحظات و يتلقة طلال صوت نفس صوت البنت الي سمعه بذيك المرة و قلبه دق بقوة اول ما سمع همسات صوت البنت... البنت:_ الوو. طلال:_ السلام عليكم. البنت عرفت بأنه نفسه إلي غلط معاها و شدها الفضول تعرف منو ( واااي على نحاستي بخرب الأكشن بفجها مب شغلي البنت تكون مروة بنت عم طلال ).... مروة من سمعت صوت طلال ارتبكت لكنها اهي بالمثل كانت تبي تعرف من هذا يكون:_ منو معاي لو سمحت اخوي. طلال:_ بصراحة اكيد عرفتيني من الرقم. مروة:_ أي بس لو سمحت اخوي ممكن سؤال. طلال وهو مستغرب شبتسأله:_ اكيد تفضلي. مروة بجرئة حلوة:_ انت اسمك طلال بن فارس ؟ فج عينه على وسعهن طلال اشعرفها بسمي من تكون هذي... طلال:_ ممكن اعرف من معاي. مروة:_ مو قبل ما تقول اذا هذا اسمك او لا. طلال:_ بصراحة أي انا طلال بن فارس انتي منو. مروة خلاااص اهتز قلبها مو معقولة طلال نفسه يكلمها وهو الي داق على تلفونها ما قدرة تمسك حالها من الفرح لكنها داركت حالها و صدمة طلال:_ توقع في بالك انا من اكون. طلال:_ ما رح اترك لتفكيري يروح بعيد بس على ما اظن دامج تعرفين اسمي اكيد تعرفيني و يمك شايفتني بعد. مروة و اشوي و تموت ضحك من الفرحة:_ اكييد بس توقع. طلال:_ بصراحة حالياً ماكو أي توقع ببالي انتي قولي. مروة و اهي تترنم بسمها و تصدم طلال:_ أنا مروة بنت ابو مشعل بن فارس. طلال يشهق بقلبه الله وكبر بنت عميييييييييييييييييييييي ؟؟؟؟؟ تم ساكت طلال و مب عارف شيقول شيرد مفتشل اشبتقول عنه... مروة:_ صدمتك؟ طلال بهدووء:_ وااايد بعدين مسامحة و لي سلمج لا تفهمين قصدي غلط. مروة:_ لالا لا تقول جذي عمري ما افهم احد غلط بعدين انت ولد عمي لا تنسى و ما رح افهمك غلط. طلال:_ السموحة منج. مروة:_لا تستسمح ماله داعي السالفة ما تستاهل. طلال:_ تسلمين كلج اصل و طيبة. مروة:_ الله يسلمك ( مروة و اهي تناظر قدووم مشعل ) أوكي طلال اكلمك بوقت الي يريحك باين مشعل يبيني بشي. طلال بغشمرة:_ سلمي لي عليه. مروة تنصدم لكنها تنفرط بالضحك:_ تهقى اكون قدها. طلال:_ لالا لا تقولين له شي ما ابي احد يعرف بلي بينا يلا تحملي بحالج و بحفظ الرحمان. استحت مروة لمن قالها لها تحملي بحالج و ردتها له بالمثل:_ و انت اكثر دير بالك على حالك و الله معاك. طلال:_ ان شاء الله سي يو. مروة:_ باي. سكرة مروة و قلبها زين ما يطيح و اهي تناظر مشعل ليمن وصل حذالها وقعد... مشعل:_ ها تكلمين منو. مروة:_ ها أي هذي ارفيجتي. مشعل:_ هو اشفيج جذي متخسبكة ؟ مروة:_ لالا و لا شي سلامتك. .................................................. .................... طلال من صوب تم يفكر اشلون تكون هذي بنت عمه و أي وحدة انا ما اعرف الة ملاك معقولة عمي عنده بعد بنت بهلأسم زين كم عمرها والله حيرة ان رحت سألت ريمووه بتلعوزني و يمكن تكشفني بعد و لولووووه الفضيحة العوودة و شيخووه اييييييي شيخووه هذي الي تعجبني.... و ما عطل وهو طاير لوين ما شيخة كانت بالمطبخ مع عفستها .... طلال وهو يدخل المطيخ برباشته:_ كللللللللللللللوووووووووش ما وصلج اخر خبر شيخووه. شيخة:_ بسم الله يمه منك اشبلاك اشفيك جذي داخل علي اشعندك تيبب من بيعرس ان شاء الله. طلال:_ هههههههههه الله يهداح بذمتج شفتي عروس تسأل من بيعرس. شيخة:_ و قطيعة تقطع صكتك ويا هلويه. طلال:_ افاا افااا انا اخوج جذي ترميني بالكلام الجراح ااخ يا قلبي الحزين من سوايا شيخووه. شيخة:_ ههههههههه بسك تمثيل لنا و الي سلم عمرك مسوي لي حاله عادل امام يتبجبج و ماهب عاارف. طلال:_ ههههه شسوي بعد الظروف يقولون تخلي الواحد يصير خرووف. شيخة:_ لا صج عيل خلك خرووف للعيد ان شاء الله السنة الي بتيي. طلال:_ جب يلا عاد لعوزتيني و انا ساكت. شيخة:_ والله محاد ضاربك و قايل لك تشرف اهني بالمطبخ. طلال:_ شي واحد بس جابرني سؤااال ببالي. شيخة:_ لا صج اقول برة احسن لك. طلال:_ زين عطيني اخر فرصة اهو سؤال. شيخة:_ برة لا بلملاس على راسك. طلال:_ جب يلا عاد وهو سؤال لا تذلينة علشانه. شيخة:_ خير اشعندك. طلال:_ اليوم اسمع مشعلووه يسولف و ياب طاري بنت اسمها مروة عمي ابو مشعل عنده بنت بهلأسم. شيخة:_ طااااااااع هذا الي ما يعرف بهوى داره الحمدالله و اشكر بسألك انت تعرف اهلك زين. طلال:_ اعرف الرياييل اشلي بالحريم. شيخة:_ عيل اشلك تسأل. طلال:_ شسوي فضول ذابحني انتي جوابي انا عندي بنت عم بهلأسم. شيخة :_ أي و بعمر ريم ياللثول اعنبوك ما تعرف هلك. طلال:_ صج والله. شيخة:_ لا قاعدة اهذر عليك انا برة اقول برة. طلال:_ ماالت تذلنا ذل علشان الشي. .................................................. ..................... بالرميثية وين ما كانت شهد بصالة قاعدة و أهي تلف و تدور بحجيها على أمها و مريم كل أشوي و تلعوزها بتحرشها.... شهد:_ يمه أقول لج القطاعة ماهب زينة ليش ما ننزل الجهراء نزور أهلنا والله أوحشونا. أم فيصل:_ يمه شهد تونا نازلين لخالج لمن رقد بالمستشفى و شفنا الأهل كلهم اشلنا ننزل مرة ثانية و نثقل عليهم. مريم:_ علشان الحبيب. شهد ترمي التكية على مريم:_ حبيب بعينج عن اتليقف ملييييييييييغة و ما تنطاقين. مريم:_ الاهم قلت الي بقلبي. شهد:_ الي بقلب اهو الصج ماهب الجذب الي قلتينه. ام فيصل:_ هو يمه يوزو حريم اشكبركن تتناجرون يلا خلو عنكن هسوالف و قمنا معاي ازهب العشى ابوكن مسافة الطريج و ياي. قامو شهد و مريم و العانة وااصلة حدها بينهم وهم يتناحسون .... .................................................. .. شنو ما شبعتو تبون بعد أحداااااث .. لالا يقولون القناعة كنز لا يثنا خلكم راضين وااايد عليكن جذي ههههههههه السموحة الي تحس الجزء قصير تصارحني و تقول بس و الله تعبت و انا اكتبه و كل يوم افكر بالأحداث اشلون اخليها حلللللوة لجلكم يلا الله الله فيني ابي خوش ردود مثلكن تبيض الويه لا تسودن ويهي خلنا مثل كل جزء نحط توقعات حلللوة <<<<< شلي تتوقعونه يحصل بعد ما قرر جاسم بزواج من ريم ؟ هل توافق ريم على جاسم و ترضى فيه بعد ما ذلها و جرحها و هانها ؟ وشلي تقصده بكلامها ليلى لمن قالت الايام بينا يا جاسم ؟ هل تحطون شي ببالكم انها رح تسبب مشاكل بحيات جاسم ؟ هل هلمشاكل بتكون أثرها اكبير على حياته أو بيقدر يعديها مثل لمح البصر؟ و طلال و مروة شتتوقعون لبداية هلعلاقة الي بينهم ؟ و هل مروة بتقدر تعترف لطلال بلي في قلبها ؟ زياد و سارة شمصير هلثنين الي الزمن قاسي عليهم ؟ و غيره و غيره من أحداث كل هذا بالأجزاء الياية أن شاء الله تعرفونه ................................. أتمنى كفيت و وفيت بحقن علي و يلا لا تخيبوني و مثل ما عودتوني على صراحتكم برئيكم بكل جزء أنزله بأنتظااااااااااااااركم و السموحة على التأخير أغلى و أحلى تحياتي لكم .. ريماني الفوارس .. |
مشكوووورة على الجزء الروووووووووووووووووووووووووووعة..
وماتقصرين والله.. ويشرفني أن أكون أول من يرد عليج.. يلا حمستينا عاد والأحداث استوت تسخن.. السموحة... |
اقتباس:
العفو حبيبتي و أنتي الأروع بتواجدج و متابعتج الحلوة مع قصتي و أنا إلي الشرف أكثر تكونين أحدى المتابعات معااي و بين صفحات قصتي و ماله داعي يالغلا تستسمحين و هم أنا أكثر تحمست بكتابة الأحداث بس أنتظروني بالفصل الثالث من الجزء الحادي عشر تحياتي .. ريماني الفوارس .. |
لاا الصراحة الجزء روووووووووووووعه
والأحدااااث أرووووووووع تسلميين والله يعطيك ألف عافيه بس لا طولي علينا كثير |
ما شاء الله وصلتي للصفحة الثامنة
أبدعتي يا الغالية قصة رااائعه جدا بل اكثر من راائعه و الاحداااث جميلة مبدعة يا الغلا أبدعتي يا الغالية وفقك الله.. ** .. و دمتم بود |
يااااااااااااي يالغلا........... بصراااااااااااحه جزء روووووووووعه........ وأقص السانها اللي تقول قصيررررر...... وتعبنااااااك معانا ياروحي..... ولو عندي ملاحظاااااات بس خليها بيناااا....... ووووووووبالتوووووووفيق ياقلبوووووووو...... |
هلا
القصه رووووووووووعه:018: بس حبيت أسئل من كم جزء متكونه القصة؟ ومتى رح تكملين القصه وبتوفيق أنشاءالله تعالى رح تكونين كاتبه معروفه ومشهوره في المستقبل:001: |
يسلمووووووووووووو يالغاااالين منورين و الله و أنتو الأبداع كله و الروعة ما تقصرون و الله الله يعطيكن ألف عافية يالغلا تحياتي .. هدباء .. |
مشكووووووووووووووووووووووووووووره اختيه
|
العفووووو و هلاو الله فيج بين صفحات قصتي تشرفنا بتواجدج معانا و عسا الله لا يحرمنا من تواجدج دووم تحياتي .. ريماني الفوارس .. |
متى رح تنزلين الجزء ؟؟؟؟
ومن كم جزء متكونه القصه؟؟؟؟؟ |
بصراحة حبيبتي ما أقدر أحدد لج بالظبط كم جزء لأنة يعتمد على أحداث القصة كل ما كانت طويلة فيمكن توصل لثلاثين جزء و كل ما كانت قليلة توصل تقريباً إلى 26 جزء و على موعد تنزيل الجزء ماله وقت محدد لأني حالياً أكتب بالجزء و أن شا ءالله مثل ما عودتكن أول ما يكتمل أنزله لكن أول بأول و مشكووورة على تواجدج الحلوووو يالغلا تحياتي .. ريماني الفوارس .. |
خذي راحتك حبيبتي
بس لا تطولين علينا:42: |
شكرا لك اختى العيزيز القصه اكثر من رائعه
|
هلا بصراحة كلمة رووووووووعة قليلة في حق القصة لانها فعلا روعة و حلوة <<< من قدج هدباااء طلعت لج متابعة من خلف الكواليس اتمنى تكملينها في اسرع وقت مممكن لاني متشوققة للاحداث واااااااااااايد راح اعلق على الشخصيات و راح ابدا بالبطل و البطلة جاسم في بداية القصة كان اوكي .. لكن بعدين شكثر قهرررني يوم سافر شنو هذا ما يحس ما عنده قلب .. بس زين حس على عمره يوم سمع بخبر الحادث و رجع لكن من صدق كرهته لكن بعد ما شاف رييم و اعجب ابها بديت شوي اتقبله ... اتمنى ما يقلب مرة ثانية ريم شكثر احبهاااااااا .. ما الومها في البداية لما رفضت جاسم لان تفاجئت بالخبر ... بس بعدين يوم واقفت زاد اعاجبي ابها لان تفهمت الوضع مب مثل جسووووم الي ما يحس ... بس لو الحين ترفض جاسم اذا فكر يتقدم لها وااااااايد زين حتى يحس على روحه شوي ... تعجبني اذا اجتمعت اهي مع عمها ناااااااصر سوالفهم حدهاااااااا عجيبة ناصر احس كل شي يصير في العايلة يطيح على راسه ... بس قهرني بوليد لما طرده شنو ذنبه اهو الي قدر عليه سواه شله يسوون فيه جذي و الله ما يستاهل ... تضايقت لما سوه الحادث و الحمدلله الحين رد مثل اول .... طلعت بعد عنده سوالف يحب هناء لكن ما عليه بالعافية علييييييه هناء و انه اقوووول شفيها كلما سمعت صوت ناصر ترتبك الا اثاريها تحبببببه زين و الله حتى يصير الحب من طرفين .. محمد لا تعليق عليه امووووت على سوالفه خصوصا اذا كان مع عمه ناصر ... لمن صارت العزيمة و شاف شهد اووووه ما توقعت انه يسوي جذي بس ما الومه الحب و سوالفه شهد كل تبي تنزل الجهراء مب منها من حبيب القلب و اذا نزلوا تدلعت و استحت طلال ما توقعت عنده حركاتت ... بس الله يهداه ناصر مب مقصر مب مخلي احد ما علمه ... و زين علمه على شي زين حتى يعرف بغلاه عن مروة و الله و يا اليوم الي يدق عليها ان شاء الله تجرأ و تقول له انها تحبه مروة ان شاء الله ما يغصبونها على فايز ... و ان شاء الله تاخذ طلال بعد ما كلمته خلاص مافي خوف بيي لها و يتقدم زياد هذا الي ما يسوي شي طلعت سوالفه من سننننين بعد و لا مع بنت الجيران سالفة حب جديدة هذي <<< خخخ ... ان شاء الله يقدر ايسوي شي قبل ما تنخطب رسمي لولد عمها سااااارة ان شاء الله تقدر اتسوي شي ايوقف خطوبتها لولد عمها نوف تحب مشعل بعد ... وولا بعد تجرأ و تكلمه في التلفون .. مشعل شهل الجرأة الي عنده ياخذ رقمها و يدق عليه ما يدري هو شيسوي فيها من يتصل لها يربكها من راسها لي ساسها وليد عااااد هذا الي ما استحمله شكثرررر رووووووومنسي .. و طلع بعد بييه بيبي بدوور هذا الحيا كله صابغها على طول الوقت ... ما الومها وليد مب مقصر فيها .. لو انه مكانها ما عطيته ويه .. شوف اهي شلون تعطيه مجال و ذابحها ابوليد قهررررررررررني لما طرد ناصر و جاسم من البيت و لما ما زار ناصر في المستشفى ام وليد شكثرررررر تحب عيالها... بس ما تقدر تجادل ابو وليد في قراراته ام مشعل غصب يعني تزوج مروة من فايز ابو مشعل يعجبني لما يرد على ام مشعل و يقول لها بنتي ما تزوج غصب و عذرا اذا نسيت احد من الشخصيات و توقعاتي للأجزاء القادمة 1- جاسم يتقدم لريم و يمكن اهي ترفضه 2- مروة تعترف لطلال بحبها 3- ناصر بعد ما بيطلع من المستشفى ما بترجع علاقته مع ابو وليد مثل قبل اممممممم بس هذا الي اتوقعه و يلا ما اوصيييييج بسرعة نبي الجزء لا تتاخرين و مرة ثانية اقول لج القصة كلمة روعة قليلة في حقها تحياتي الفراشة الهائمة |
هلا بالفراشة الهائمة ما شاء الله من ورانا تقرين يعني بس احسن شي سويتيه سجلتي لتكوني من احدى متابعات القصة و انا اتشرف تكونين منهم و توقعاااتج حلللللللللوة و رئيج في كل شخصية واااااايد عجبني عسا الله لا يحرمنا من تواجدج يالغلا دوووم و ان شاء الله ما أطول عليكم بالجزء تحياتي .. ريماني الفوارس .. |
سلمت يداكي يا غاليه على الجزء الجديد الرائه بحق يلا لاتتأخري تراني متشووووووقه كتيييييييييير
|
هلا حبيبتي
متى بتخلصي امتحاناتك ؟! لاني تعبت وانا انتظر الجزء الجديد مع كل احترامي :032: |
مشكورة على هذة الكتابة الجميلة
وان شاء اللة بتزيد مهاراتك في الكتابة مع تحياتى |
حبيبتي وين باقي القصة
والله الي نفس اعرف باقي القصة |
لااااااااااااااااااااااء..
تكفيييييييين,, كمليييهاا.. بصرآحهـ.. القصة رـوـوـعهـ.. الأسلوب والأحداث والشخصيات.. ماشالله عليج.. وأكثر الشخصيات اللي عاجبتني بالقصة.. ريم و محمد و ناصر و شهد و مشعل.. يلااا ننطر باجي القصة.. بس قوليلي جم بارت باقي..؟!! |
السلام عليكم
الصراحة انا تونى مسجلة فى المنتدى وعجبتنى القصة كثير:0016: اللة يوفقكى ويحقق كل امانيك يارب ماشاءاللة عليكى ابداع والى الامام دائما وخذى راحتك المهم الجزء يكون ممتع وشكرا لكbl3 |
|
مرحبا اختي هدباء انا سجلت خصيصا عشان اشكر جهودك المبذولة واقولك ان القصة بصراحة اكثر من روووووووووووووووووووووووووووووووووعة وانا من اشد المتابعين للقصة و اتمنى لك التوفيق وانك تحاولي تكملي القصة لانك في كل مرة تشوقينا للقصة اكثر من المرة الي قبلها ودمتي:thumb_yello: :thumb_yello:
|
مساء الورد و صباح الندى هذباء.. رائعه جدا في كتابتك اهلين اختي هذباء هذي اول مرره اشارك كنت متابعة القصة بس خلف الكواليس عجبتني القصة وعجبني اسلوبك فيها صراحة قصــه رائعه جــداً وفيها تشويق ومتعه اهنيك عليها والله يوفقك بس مررررررررره يحزني ناصر ريم &جاسر احسهم مررررره لايقين لبعض :001: :001: :032: :032: :025: :025: في انتظار البارت الجاي وي وي الحلوه |
اسمحيلي هدووووووووووووباء على التاخير
بس انا قريتها وم رديت من زمان تسلمين لي الاحدث مررررررررره صارت تحلو بزياااده ربي يخليش للمنتدى ولنا يارب وانا وحده ادخل النت عشان اشووف كملتي ولا لا عجلي علينا وروينا الجزا ياقلبي تسلمييييييييييييييين تقبلي مروري |
كملي القصة
|
..يلاااااااااااا..
..والله إني خايفة على زيااد.. ..حرااام خلييه يتزوجهاا أهو يحبهاا وإهي تحبه..((بكيفــي هاه خخخـ.. ..ونصووور ياخي يعجبني هالولد عااد هاااه ما أوصيج خليه يتزوج هناء وعجلي بعرسه الله لا يهينج هههـ.. ..ياااااي ماني قادرة أصبر يلاا.. ..وياحليلها مروة والله تعجبني يااااي وأخيييرا سمعت صوت حبيبها.. زين ماطلع قلبها خخخ.. وحمّود هذا توحفة ياحليله.. ومشعلوووه يازينهـ هههـ.. يلااا كملييها بسرعهـ.. وأهنيج ع القصة الروعهـ.. بس عندي نقد صغنطوطوا..!! القصة مو باللهجة الكويتية..!! ماعليه..ماعليه.. أهم شي القصة حلوـوـوة.. تسلمين الله لا يحرمنا منج ومن مواضيعج.. |
وااااااااااااااااو القصة حدهااا روووووعة .. ماشاء لله عليج فنانة .. بس عجلي لو سمحتي المدارس بتبدي جرييب وماعتقد ان بقدر ادش عشان اكمل :( .. والله يوفقج انشاء الله
|
هدبا عجلي والله متحمسه
كمليها بلييييييييييييييييييييييييييييز |
..الله يسامحج..
..طولتــي علينــا..!! |
حدددددددددددددددددها عجيبة وكملي .. ترى ليليحين ما كملتها بس حدي تشوقت :031:
|
وااااااااااااااااااااااو تهبل القصه
روعه |
هدبـــــــــــــــــــــــــــــــــــــــــــــــ ـاءطولتي ياحتي عليناوينـــــــــــــــــــــــــــــــــــــككككـ ــــــــــــ
|
..إي والله تصدقين ليلى..
..حدهـــا طولـــت.. ..أنـــا نسيت اللي قبــل.. ..شلــون بكملهــاا..؟!! ..هههـ.. ..أستعبط.. ..يلاااا هدوبه.. |
هااااااااااي هدوووب
تسلم إيديك على هالباااااااااارت روعه جد روعه و الأحداث مشوقه مره ونحنا متشوقين للبارت الجااااااااااااي على ناااااااار ناطرينك خيتووووو لا تتأخري ....... |
وينها هدباء شكلها انقرضت..........
وينكــ ياهدباء خلصي البارت وبعدين نقرضي عنا |
بليز
عندي سؤال ممكن؟؟؟؟؟؟؟؟؟؟؟ وينه ؟؟؟؟؟؟؟؟؟؟؟؟؟؟؟؟؟؟؟؟؟ (( القصة وينها )) ؟؟؟؟؟؟؟؟؟؟؟؟؟؟؟؟؟ جواب بليز ................... جواااااااااااااااااااااااااااااااااااااااب ؟ |
وينه السؤال
؟؟؟ ماني فاهمه سؤالش تقصدي القصه ؟؟ ولا كاتبة الرويه؟؟ اذا قصدي القصه هي في الصفحه الاولى في البدايه امه كاتبة الروايه (ذهبت ولم تعد )) |
| الساعة الآن 08:24 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.