|
تسلمين على التكمله
عبدالله من جد يقهر يترك موزه عشان وحده اهلهاا مرخصينهاا حشى كانهم ماصدقوا حد يتقدم لهاا زايد الحمد لله اخذ حمده بس هل هذا معناته انه سامحهاا؟؟ كلهم امورهم تيسرت بس موزه اللي كسرت خاطري ننتظرك بالتكمله |
بسرعه كملها
بليييييييييييييييييز لا طولين |
مشكووورة حبيبتي على البارت و أخيرا زايد بيتزووج ،، و عبد الله بس ما توقع بظل مع ريم مسكينه موزووه :0023: ننتظر الخميـــس على احر من الجر |
تسلمي يالغلا عالتكملة و بانتظارج يوم الخميس....
|
سورى على القطاعه
واااااااااااااااااااااااو كل جزء احلى من الثاني يسلموووووووو انا انتظر البارت الياى على نااااااااااااار مو طولين يا الغلا |
تسلمين على القصة الروعة وحبيت أسأل إنت كتبتيا بنفسك
يلا نترياك حنا بس لاتتأخرين علينا |
هلا بنات ومشكوووره لمروركن
لا تتفاجئن اني اليوم رديت عليكن انا رديت لاني باجر مابروح المدرسه مشكووره لمرووركن بنات مره ثانيه ونورتن الغلا |
الغلا لا تزعلين غذا تأخرت في الرد لكن اليوم غن شاء الله بطلع من البيت فبتاخر
|
لا حبيبتي بلونه
انتي معذوره وهذي ظروفج انا ما اقدر اتحكم فيها متى ما ييتي بتنور الصفحه وانتن يابنات تراني اترياكن عشان تنورن القصه الغلا |
باك البارت (40) لعب الزمن ما هو مثل باقي للعاب إلعب على كيفك واذا تروم لا تْتوب بَيْجيك يوم وْتندفن تحت الِتْراب عقب الدفن بَتْعَرْف وش يعني لْعوب لو انك فَتحت أبواب لك غَالقٍ باب ولو انك تعرف العيب العيب عَذروب بديت أكتب واجلب كْتاب بكْتاب آخذ معَانيهن واخلّيهن بْصوب إذا الشِّعر يا ناس قِدْ جاب ما جاب وان جاك شِعري بالفعِل جَاك مَكْتوب هذا وانا أرقى على كل مرقاب أسري بليل الضدّ من فوق عَرقوب هذا وانا أشّر وهي تطير أسراب بيض الحَمام تطير ما تحمل ذْنوب هذا وانا تايب وإبليس ما تاب هذا وانا أنعَت وهو ضَيّع دْروب هذا وانا أضحَك وهو يضحك بْناب ثوبي ستير وصاحبي عَاري الثوب هذا وانا اعدّ الخَطا عَد لِتْراب ينعد كيف انعد وهو كان محسوب بعض البشر تحسب على كيف الاسباب وبعض البشر من دون سِبّه ومطلوب كلٍّ يحَسْب احساب وآنا احسب احساب وْكلٍّ يجي باسلوب وآنا لي اسلوب بَابٍ فتح من بَاب والباب كَذّاب بَابٍ إذا يفتح ترى الباب مَكْذوب هذا وانا اغنّي وانا اقول سَحّاب سَحّاب يَمطر صوب وانا أمطر بْصوب مثل العروق تجيس وتدق الاعصَاب أو مثل سَاحِر طار في الجو مجلوب من هو يأمِّن يمشي بْليل في غَاب بعض العَسَل يا صاحبي سَمّ مَشْروب هذا هَدفيه صبته وْصَاب بصواب صوب الذي صَوَّب ولا صاب مَصيوب بحرٍ غزير وْطامي البحر عَبّاب ونَارٍ تطَفّي نَار من حَرّ لاهوب حَدٍّ عليه عيون والناس رقّاب وْحَدّ اختفى لو كان بالحيل مَرقوب حَدٍّ يشلّ سلاح وْحَد شايل حْراب حَدّ يعشق شْروقٍ وْحَد يعشق غروب حَدٍّ يشيل الهَم في ضَرب الاصحاب كل من ضَرب في يوم له يوم مَضروب أنا معَادِل آخذ الحُب لاحباب وْكلٍّ يحب الطيب .. الطيب محبوب قالوا سَهَل إنّي أنا أفتح الباب وانا هويت الصعب لو دارت حْروب لعبَه وانا ألعَب على كل الالعاب طبعي أنا غَالب ولا آكون مَغْلوب قرت موزوه هالكلمات الى فى دفترها حاطه فيه صوره عبدالله و حظنت الدفتر ويلست تصرخ مب قادره تستحمل الى يستوي فيها هذا اكبر من مسؤوليتها انها تتحمل ... فى صاله ام سالم ... ميرووه: بس امااايه مب جانهم استعيلوا على عبدالله سالم: شو استعيلوا ام سالم: هيه و لله وابوى وين موزوه سارت ميروه(انقبض قلبها): ما ادرى و لله سالم: اماايه كلهم بيعرسون الا انا ميروه: خلاص عيل بسير عنكم اشوف موزوه رن تيلفون الصاله و كانت ام خالد للى ردت عليها ميروه ميروه: مرحبا خالووه ام خالد(اطالع خالد): هلا يابنتى شخبارج ميروه: الحمدلله بخير ام خالد: وين امج عيل ميروه: اهنيه لحظه ميرووه عطت امها التيلفون وسارت فوق اتشوف موزوه وقفت عند باب الحجره ودقت الباب و دخلت شافت المكان هادى بس تسمع صوت حد يصيح سكرت الباب و تقربت من موزوه الى من شافت اختها حظنتها بكل قوتها و هيه تصيح ميرووه: حبيبتى خلاص و لله خلاص موزوه: اريد اموووت ما اريد اعيش اكره هذا الانسان (اتصيح) ميروه: انتى مستحيل تكرهين عبدالله انا اعرف هالشى موزوه: شفتى شو سوى شفتى ميرووه: يمكن الموضوع امى فهمته غلط موزوه: شو غلط (تصيح) ميروه: بنتصل حق سارووه موززوه: دخيلج تاكدى ميرووه: صبرى ازين .. مسكت تيلفون الصاله و اتصلت على ساروه .. ام زايد: الو ميروه: مرحبا خالووه ام زايد: مرحبا ميره شحالج ميروه: بخير ربى يسلمج بس وين ساروه ام زايد: ساروه فوق بحولج عليها و لله يخليج كلميها ما تكلم حد فى البيت ميروه: انشا لله حولت ام زايد ميرووه على ساروه ...واول ماشافت الرقم ساروه شلت السماعه ميرووه: مرحبا ساروه ساروه(بصوت حزين): هلا مرحبا ميروه: شوفيج ساروه: متضايجه و لله ميروه: من شو ساروه: ما ادرى شو اقول حق موزوه ميروه: اماايه خبرتنا انا عبدالله بيخطب ساروه: هيه صح التفت ميروه على موزوه الى صاحت من سمعت الجواب : بس من بنته ساروه: بنت سعيد المنهالى ميروه: شووووووو ساروه: بنت سعيد المنهالى ميروه: انتى تعرفينها ساروه: لا ميوروه: بنت سعيد خالد المنهالى ساروه: هيه ميروووه: سارووه انتى راقده على اذنج ساروه: ليش ميروه: هذى ربيعه موزوه من زمان بس ما عرفتها الا يوم ردت من عرس فهد ساروه: نعم اى وحده ميروه: الى لابسه وردى قالتلى موزوه انها مشبه عليها حد و طلعت هيه سارووه: لا تكون ريم موزوه: هيه ريم (تصيح) برااايج ساروه ساروه: موزوه انا مالى ذنب و لله موزوه موزوه: ادري و لله حبيبتى ميروه: لله يعينا احين ساروه(تصيح): حبيبتى لا تسووين جذا فى عمرج موزوه: ما عليه ::++بعد ما استوت السالفه و خطبوا ريم حق عبدالله و خالد خطب ميره و استعيل فى العرس و زايد بعد مستعيل و خطب حمدووه بعد ما مرت فتره على الخطبه خليفه كان يالس فى الكارفور وشاف عمته ام زايد سار صوبها وشاف وحده واقفه عدالها خليفه: شحالج يالقاطعه ساروه(متغشيه): انا القاطعه يالقاطع خليفه: شو اسوووى الغراشيب مغربلينى ام زايد: احين سكتها ساروه: نعم تضربه بالكي على ريله خليفه: شو بلاج امزح ساروه: احلف انته بس خليفه: مابحلف ام زايد: حتى فى السوق (شافت بنيه جانها ريم بنت سعيد) ساروه ساروه(ترمس خليفه) ام زايد: ساروه وصمخ ساروه: هاا شو ام زياد: مب هذيج ريم بنت سعيد ساروه: وين خليفه: انتوا تعرفونها البنت ام زايد: هيه نعم خطيبه عبدالله ولدى (مستغربه) خليفه: شو ؟؟(يطالع ساروه) ساروه: خليفه شو فيها خليفه: عموه ولدج اعمى ام زايد: ليش ياولدى خليفه: عمووه هذى مب مخليه حد الا عرفته ازين شوفى منو يالس وياها ام زايد(التفت شافت ولدها عبدالله): يالله بالستر يالله تستر علينا ساروه: خليفه طلع اماايه لا يرتفع ضغطها خليفه(خايف): هااا شو (سحب عمته و طلعها من الكارفور) طلعوا من الكارفور فى سياره خليفه و ام زايد اتصيح من الحسره على الى شافته و ساروه تشم ريحه السياره الى كلها عووود وريحتها حلوه خليفه يلس يسكت عمته لين ما هدت اشوى شاف ساروه من المنظره الصغيره و غمزلها خليفه: هذا لج (فر عليها دهن عود) ساروه: لله حلو تسلم خلوووف خليفه: عمووووووه ام زايد: هلا ياولدى خليفه: قريب بتسمعين شى يسرج (يطالع ساروه الى استحت ونزلت راسها) ام زايد: لله يسمع منك نزلهم خليفه وسار وهو مستانس بعد فتره طويله ماشاف ساروه و اليوم شافها ياسلام وطول على المسجل على اغنيه راشد الماجد طاحت الحيه .. هلا باللي سبى قلبي واخذني حسنه بقوّه سَلَبْ روحي واخذ صبري وأنفاسي من يْديّه أحسّ انّه لعب بالقلب لعبة شاطر وْمَوّه يبعثرني.. ويجمعني رجا واحلام ورديّه إذا نوّر ظلام الليل عرفت ان الفجر ضوّه تبسّمْ من جبينه مبسم الصبح وضحك ضيّه واذا سلهم برمشه طرت من جَوّي إلى جوّه ورحّب به خفوقي غصب عنّي قال يا حَيّه أثاريني بحسنه طحت وانا اظن الهوى توّه فكيف ان الهوى توّه وانا غرقان في طيّه تعلّقته وصار اليوم نوّ القلب من نوّه مع انّي قبل هذا اليوم كانت نيّتي نيّه قبل يطري الحسن حسنه لفظ قبل اسمه سْموّه تسامت به سنا الحسن وسرت له سحب وسميّه تقول ارفق بمن حَبّك وعقب الي تبي سَوّه ترى ميْتك إذا شافك ترد الروح به حَيّه حبيبي خاطري عن ما بدا له عبّر وْنوّه ومن شرواك يفطن وانت شمس الخاطر وْفَيّه إذا كان الحيا يمنعك.. ما تمنعك لِمْروّه واذا خايف من الحِسّاد قِلْ لي.. طاحت الحِيّه .................................................. .. خلص هذا البارت بس بيتم كل شي نفس ما هو ولا بيتغير عطني رايكن وردودكن وتوقعاتكن الغلا |
مشكوووووره وبارت خطير احس بصير تغيرات ما ادري ليه
والظاهر إن الطلعه تاجلت عشان كذا داخله |
مشكووووره لمرورج بلونه
بنات مابقي شي على القصه لو قدرت لو قدرت انشا الله اليوم بنهيها وبتخلص الغلا |
واااو ،، بارت راااااااائـــع اذا كان البارت الاخير اليووم نبيه طويـــــــل:pleasantr |
البارت (41) الكل مستانس الا موزوه الى تحس عمرها خلاص اشوى بتموت يست فى حجرتها كالعاده لا اكل و لا شرب تفكر فالانسان الى تحبه و بياخذ ربيعتها : اااااااااااه ياربى شو هالحظ ليش انا جذيه حظى شو سويت انا و لله انى احبك يا عبدالله و لله العظيم رقدت موزوه و هيه تفكر بحلم حياتها عبدالله .... ::++بيت ام زايد::++ ام زايد كانت معصبه من ولدها عبدالله لدرجه ماتوصف........ دخل زايد البيت و هو مستانس شاف امه زعلانه و تقرب منها زايد: الغاليه شو فيج ام زايد: عنلاته الهرم يضحك على زايد: امنووووه ازين ام زايد: اخووك عبدالله زايد(مستغرب): شو استوى ::++دخل عبدالله البيت::++ عبدالله: السلام عليكم ام زايد(معصبه): خبرنى وين كنت عبدالله: عند ربيعى بعد وين ام زايد: عند ربيعك و الا اتشوف حرمه المستقبل زايد من سمع الرمسه انصدم ووقف عدال سارووه زايد: شوووووووووو؟؟؟ عبدالله(مرتبك): شوفيج اماااايه ام زايد: انا هالبنت ما اريدها فى بيتى و اذا تبا تاخذها اطلع انته و ياها من بيتى لا انته ولدى و لا انا امك زايد: لا امااايه لا تقولين هالرمسه عبدالله: ازين بس انا شو سويت ام زايد: الحين تتصل و تقوللهم خلوا بنتكم عندكم عبدالله: بس امااايه خلاص خطبتها ام زايد: ماملجت عليها بعدك زايد: عبدالله انا اشوف كلام امى صح عبدالله: بس سارووه: عبدالله انته تريد تخسر امك عشان هذى عبدالله نزل راسه عرف انه غلط بس كيف يصلح غلطته تقرب من امه و حبها على راسها: سمحيلى الغاليه وشوفى الى يريحج (يبتسم لها) ام زايد(تصيح): ياولدى لا تعق عمرك على هالوهايف ياولدى عبدالله: و غلاتى ما اتصيحين امااايه ام زايد(اتصيح و تفتح ايدينها): تعال ياولدى تقرب عبدالله من امه و حظنها و هيه تقول و لله ما بخليها تاخذك منى ياولدى .....زايد يلس يطالع ساروه و يبتسم لها ... ::++العصر فى بيت بومحمد::++ بومحمد: هاااااا خالد وين خالد: متى بملج بوخالد: وابوويه صبر اشووويه و بتملج ناصر: انته و زايد عرسوا فى نفس اليوم بومحمد: هيه و لله خالد: و لله ازين بس انتو خبروا زايد اخااافه مايطيع بومحمد: زايد بعمره ماقال لا حق حد بيقولك انته خالد: يالله يا سلام متى بستوي معرس ام خالد: اشوفك ملغوث على العرس بومحمد: ياحرمه خليه دام لله هداه ام خالد: انشا لله ::++دخل سعيد::++ سعيد: السلام عليكم الكل: و عليكم السلام بومحمد: هاياولدى وين دارك سعيد: الا اهنيه ابووويه بومحمد: وينك امس سعيد: سرت مع خليفه المول بعدها ودرته ورديت البيت بوخالد: ماشفته خليفه من امس و لله ناصر: صبروا بدق عليه تيلفون توووووووووووووووت توووووووووووووووووووت خليفه: هالوووووووووووووووووووووووه ناصر: ههههههههههه هلا خلوووف وين انته خليفه: عند الحرمه ناصر: اييييييييييه ارمس عدل و ين انته هههههههههه خليفه: هههه فوق فحجرتى ناصر(يطالع امه): امااايه تقول انته مب فى البيت خليفه: قولها طالعى عدال هههههههههههه ناصر: عنلاتك يالخام هههههههههه انزل يالله خليفه: ههههههه ازين برااايك بومحمد: هايولدى شو قالك ناصر: الحين بينزل .. خليفه وهو ينزل يلس يغنى وشل البيت كله بغناه : جيتك على الموعد ولا جيت وش عن لقانا مانعنّك كَنّك عن الموعد تخلّيت يا ويل يَالي عاشقنّك ليتك لصوت المغرم أصغيت أوتار صوته يعزفنّك كل حرف منّك يستوي بيت وارْبَعْ حروفٍ ينطقنّك ياما على شانك تحدّيت سود اللّيالي واسهرنّك منّك أنا لا حَيّ لا مَيْت لا مَيتْ ولا حَيّ منّك يوم بْنِظَرْ عيني تربّيت وامرت بامرك طايعنّك ليش التغلّي والتعنّيت آهات صدري ما كفنّك لو نِكْ تباعدت وتقاسيت لك في المحبّه عكس ظنّك إن كان لي يوم وتمنّيت شوفة عيونك طالبنّك ::++دخل خليفه الصاله::++ خليفه: السلام عليكممممممممممممممممم الكل: و عليكم السلام بوخالد: هاااا علموك تيلس فى حجرتك واختك لانها عروس ما بتشوفها ماعليه و انته خليفه: يدى شوووفه كل يوم جذا بومحمد: يا محمد كله و لا خليفه بوخالد: علموووك تفتن خليفه: ههههههههه و لله شو اسووووى ادلع من حقى خالد: لو بنيه ما عليه ههههههههه خليفه: احلف انته بس يرن تيلفون خالد .... خالد: مرحبا الساع و لا يسدن زايد: ههههههههههههههههههههههه خالد: هههههههههههه وابوويه شو فيك تضحك زايد: اضحك على طريقتك بالرمسه خالد(يطالع امه): حيالله النسيب شحالك زايد: الحمدلله علومك انته خالد: و لله تمااام ها شحاله عبووود معرسنا الصغير زايد: سوله طاااااف خالد: اشعنه زايد: امااايه كنسلت ما تريد البنيه خالد(مصدوم ): ليش ازين زايد: شو درانى انا خالد: من بنته هيه زايد: بنت سعيد المنهالى على ما اظن خالد: شوووو لا تكون ريم زايد(مستغرب): هيه ريم خالد: لا اله الا لله محمد رسول لله زايد: ليش شو سالفتها خالد: بخبرك عقب زايد: وين بتروح الحين خالد: انته وين بتروح زايد: صوب الشركه بتخاوينى خالد: هيه نعم ياينك زايد: اترياااك يالله فى وداعه لله خالد: فى وداعه لله ::++سكر خالد التلفون::++ بومحمد: شو فيه زايد خالد: ماشى يسلم على بومحمد: مب جانى سمعت ان ام زايد كنسلت خطوبه عبدالله خالد(مرتبك): هيه صح بومحمد: ليش خالد: بروحى ما اعرف خليفه: ازين شو السبب خالد: و لله ما اعرف يالله بترخص انا الحين بوخالد: وين ياولدى خالد: بسير الشركه صوب زايد بومحمد: خلاص براايك ياولدى ام خالد: سلم على ريل بنتى خليفه: هههههههههههههههههه ياربى يا امووون تصدقين ام خالد(تضربه بالكلينكس): اموون فى عينك ::++يدخل سعيد::++ دخل سعيد و حب ابووه وقعد عداله يسمع خليفه وهو يطفر بامه خليفه: هيه شو اسمج عيل خالد: ههههه خلووف بس عااااد خليفه: ههههههههههههههههههه اماااااااااااااااااااااااااااااااااااااااااااااه ام خالد: احطبه خالد: اقول برااايكم و اذا شفتوا ناصر قولوه انا اترياه فى الشركه الكل: انشا لله ::++بعد ماطلع خالد نزلت حمدوووه ::++ حمدووه: السلام عليكم الكل: و عليكم السلام ام خالد: هاا بنتى شحالج حمدوه: بخير ربى يسلمج و يعافيج خليفه: ناصر فوووق حمدوه: لا خليفه: هيه ازين بخبرج كنسلوها الخطوبه و الملجه حمدوه: شوووووووووووووو؟؟ سعيد: ههههههههههه خسك لله عبدالله كنسل خطبته حمدوه(مصدوومه): قولوا و لله (فاتحه عيونها) خليفه: بسم لله الرحمن الرحيم ردى عيونج لله يخليج بيطلعن من الجمجمه سعيد: بنلزقهن حمدوه: صدق و لله ترمسووون بومحمد: هيه و لله خليفه: شوفيج ايييييييييييييييييييه حمدوه: يا سلام احلى خبر سمعته سعيد: ليش عااد شو يهمج حمدوه: ما يهمنى انا بس احلى خبر بوخالد: ليش ازين حمدوه: تحيدون البنت الى قبل خالد يريد ياخذها و عمره 22 سنه ام خالد: هيه حمدوه: هيه نفسها بومحمد: استغفر لله خليفه: ونتى شودراج فيها (معصب) حمدوه: تستوى ربيعه موزوه قبل بس ودرتها عشان افعالها خليفه: خلى موزوه تتجنبها حمدوه: موزوه اصلا ماادانيها عشان ع............ خليفه: عشان شو ؟؟ سعيد: امممممم نكمل و لا اتكملين حمدووه: ما تصدقون اشقد فرحانه و لله بومحمد: لله يتمم عليكم ايام السعد (وقف) بوخالد: هاابويه وين بومحمد: نسيت انك بتودينى العزبه ياولدى بوخالد: لا مانسيت (وقف عشان يسير ويا ابووه) بومحمد: يالله براايكم عيل يرن تلفوون البيت وترد عليه ام خالد .. ام خالد: الوووووو .......:الووووو ام خالد: السلام عليكم لطيفه: مرحبا خالوووه ام خالد: منو لطيفه: انا لطيفه بنت سعيد الهاملى ام خالد(اطالع خليفه): هلا لطيفه انصدم خليفه و طالع سعيد الى وقف و سحب التيلفون ورد يكلم لطيفه سعيد: نعم لطيفه(يدق قلبها): سعيد شحالك سعيد: شو تبين طلعوا كلهم من الصاله الا حمدووه الى ياسه تسمع شو يقول سعيد حق لطوف و خليفه يطالعه لطيفه: انته ليش تعاملنى جذا سعيد: ما ادانيج يابنت الناس لطيفه: شو سويت انا سعيد: لالالالالالالا و لله ما سويت شى ::++وقف عداله خليفه::++ لطيفه: تعرف انى احبك و مستحيل احبك غيرك سعيد(يقرب السماعه من خليفه الى سمع كلامها ورد ورمسها): انا ما احبج لطيفه: بس كنت قبل تحبنى سعيد: قبل هذاك لطيفه: سعيد تذ..........(سحب خليفه التلفون) خليفه: تعرفين انتى انسانه وقحه و قليله الادب واذا اتصلتى مره ثانيه قسم بالله بسير عند اهلج يسكر التلفون فى ويها ويطالع سعيد الى ابتسم يوم شافه سعيد: تعجبنى خليفه: ههههههههههه ادرى حمدوه: شو السالفه ازين خليفه: حلينا مشكله الشرق الاوسط سعيد: ههههههههههههههههههه حمدووه: قوم ازين بتصل تيلفون خليفه: ليش حمدوه: قلت حق ساروه بتصل عليها اليوم خليفه: قولى و لله اندوج تيلفونى حمدوه: لا تلفون البيت سعيد: هههههههههه عنلاتك يالهرم ................................ شوه بيستوي فموزه بتفرح وبتستانس ولا عادي احين ما يهمها الانسان الي خلاها تابعني فالبارت الياي وعطني ردودكن وتوقعاتكن الغلا |
حبيبتي العشوقه
لو قدرت انشا الله من عيوني وانتن تامرن امر الغلا |
مشكوووووووووووووووووووووره وتعبناك معانا
وبصراحه كلمة شكراً قليله عليك وأكيييييد موزه بتفرح عشان عبدالله |
مشكره على البارت
بس اتمنى في الجزء الجاي يكن اطول |
مشكوووووووووووووووووووره
لمروركن بنات حبيبتي بلونه هذا من واجبي لا تشكرين الغلا |
البارت (42) ::++حمدوه تتصل على بيت ام زايد::++ حمدوه: الووه ساروه: مرحبا حمدووه حمدوه: شحالج (يسحب خليفه التلفون) ساروه: بخير شخبارج انتى و شخبار خليفه خليفه: يسمع صووتج ههههههههههههه ساروه: بسم لله الرحمن الرحيم و ين حمدوه خليفه: طبختها علومج الغاليه ساروه: بخير ربى يسلمك عطنى حمدوه فى شى خصوصى خليفه: خبرينى ايااااااااااه سارووه: لا هذا غرض بناتى انته مالك خص خليفه: اهااابس بتخبرينى باجر ساروه: كيف خليفه: بسير بيتكم ساروه: و لله (فرحانه الحبيبه وقفت على الكرسى و امها اتشوفها) ام زايد: نزلى لا تكسرين الكرسى ساروه: ازين هههههههههههه (ترد ترمس خليفه) خلوووف تعال اليوم خليفه: مشغول اشووويه و لله ساروه: ازين خليفه: شو ازين (يسمع عمه سعيد يزقره)ساروووه برايج (فر التلفون قبل لا تقول مع السلامه) حمدوه: هلا سويره سورى اخويه واايد دفش ساروه: لا عااااادى حمدوه: يالله منو يقدر يقول على حبيب القلب كلمه ساروه(مستحيه): عااااد حمدوووه حمدوه: هيه صح اليوم خالد يقولنا انكم كنسلتوا خطوبه عبدالله ساروه: هيه الحمدلله ياربى حمدوه: شو رايج انسير عند موزوه نبشرها ساروه: و لله فكره صبرى بقول حق امااايه التفت ساروه على امها عشان تقولها انهم يبون يسيرون بيت ام سالم عند موزوه وافقت ام زايد ونفس الشى ام خالد الى اقتنعوا بسرعه حمدوه: عيل خلاص نتلاقا اهناك ساروه: خلاص عيل حمدوه: منو بيودينى ساروه: اتصلى بس رنه على خالد و بيوديج حمدوه: لالالا خليه يساعد زايد بنسير مع الدريول انا و اماايه ساروه: خلاص نتلاقا اهناك مع السلامه .. ::++بعد ما سكرت يلست ساروه عدال امها ::++ ساروه: يالله اماايه فديتج سيرى اتلبسى ام زايد: يالله فديتج قولى حق ميرى تزقر الدريول ساروه: انشا لله سارت ام زايد حجرتها و ساروه زقرت الخدامه عشان تقول حق الدريول يطلع ........فى الطريج ساروه تفكر شو رده فعل موزوه بس هيه لين احين تحب عبدالله و مستحيل تنساه اول ماوصلوا بيت ام سالم نزلن ودخلن الصاله وسلمت ساروه على ام سالم و ميروه بس نوره كالعاده يا راقده ياطالعه برع محد كان يعرف ان سالم موجود فى البيت دخل عليهم الصاله فجاه وسلم عليهن سالم: شحالكم ام سالم: و اشعنه ما تقولى انك اهنيه سالم: دخلت الفير بعد شو شوفى الساعه كم ام زايد: وااابووويه نفس خليفه ساروه فى خاطرها تقول كله خليفه سالم: هاااساره شحالج ساروه: بخير تتقرب حمدوه منها : بخبر خليفه ساروه: شو قلت انا ازين سالم: شحالج يابو الشباب حمدوه: منوووه ميرووه: ههههههه حرام عليك شو بو الشباب بعد حمدوه: يحيدنى بغلبه سالم: ههههههههههه ام سالم : بارك حق اختك و بنت خالك سالم: ليش ؟؟ شو استوى ام زايد: حمدوه تستوي حرمه ولدى و ميروه بتستوي حرمه خالد سالم: صدق و لله (فرحان) ام خالد: هيه نعم ياولدى سالم: مبروووك و لله (يطالع امه) ونوره ام سالم: محد ياها سالم: انشا لله بأيها نصيبها الكل: انشا لله ساروه: خالوووووه ام سالم: هلا يابنتى ساروه: وين موزوه ام سالم: فى حجرتها سالم: فيها شى ام سالم: لا مافيها شى بس ماتيلس ويانا ساروه: بسير اشوفها ام سالم: خلاص برااايج يابنتى سارت ساروه صوب حجره موزوه دقت الباب و دخلت سارووه: السلام عليكم موزوه منسدحه على الشبريه و سمعت صوت ساروه وقفت و حضنتها : و عليكم السلام ساروه: شحالج حبيبتى (تبتسم) موزوه: بخير ربى يسلمج ساروه: عندى لج بشاره موزوه: شوووووووه ؟؟ ساروه: امااااااااااايه كنسلت خطوبه عبدالله موزوه: قولى و لله ساروه: هيه و لله موزوه(تحط ايدها على ثمها): صدق ساروه (تصيح و تحضن ساروه) ساروه: هيه و لله موزه: لله يبشرج بخير ساروه: انشا لله تقربت ساروه من البلكون شافت سياره خالد و زايد و خليفه بس لمحت خليفه واقف مع وحده منو هذى بطلت البلكونه و طلعت وشافت خليفه يضحك وسولف مع نوره .....تغير لون ويها موزوه تقربت بعد شافت المنظر و مسكت ايد ساوره موزوه: خليفه ماينخاف عليه ساروه: ليش يرمس نوره موزوه: عاادى مثل ما ترمسين سالم و خالد و ناصر ساروه(لمحت ان خليفه عطاها شى ودخلت بسرعه البيت): شوعطاها موزوه(وقلبها يدق بقو): ما اعرف خلينا ننزل ساروه: يالله ازين بسرعه نزلت ساوره و موزوه الصاله و سمعتهم يضحكون و يغلسون كل واحد بالثانى اول مادخلت شافها خليفه خليفه: هلا و لله هلا كيف حالج ساروه: بخير حس خليفه ان فيها شى معقوله شافتنى انا و نوره ...يمكن خليفه: ليش معصبه انسه ملعقه ساروه: مب معصبه هههه تشوف اضحك ::++دخلت نوره و هيه اطالع خليفه::++ نوره: السلام عليكم (اطالع ساروه بعين تحدى) ساروه ماردت عليها و لفت ويها نوره: على ما اظن انا سلمت ياساروه سالم: بس بس ساروه: امااااايه ام زايد: هاا يابنتى ساروه: اريد اروح البيت الكل: شووووووووووو؟؟!! ام زايد: اشعنه ساروه: بس ودينى البيت و الا بركب بشكاره خالوه معاى اريد ارد البيت خليفه: ليش ما عطته ويه ساره وقف وسارت صوب الباب ..... زايد: ساروه ليش تبين اتسيرين ساروه: بس تعبانه اشوويه زايد(يطالع امه): خلاص انا بوديها بتسير خالد خالد: هيه نعم سيارتى انا في الشركه زايد: يالله ساروه ساروه: ازين موزوه: ساروووه ساروه: نعم موزوه: شو فيج ازين ساروه: ماشى (اطالع نوره و خليفه) خلى الى ياكل العسل يتهنابه كله خليفه: شوقصدج سارت و لا كلمته كلمه وحده بس ركبت السياره و هيه متغشيه عشان محد يشوف دموعها خليفه يخونى مع نوره و موزوه تعرف ليش ياربى انا شو سويت هذي هي يزاتى انا زايد: ساروه ليش متغشيه مستحيه من خالد خالد: اول مره تتغشى وانا موجود ساروه: لا بس جيه زايد(سمع صوتها متغير): ساروه فيج شى ساروه: لا (تحاول تغير صوتها) وقف السياره زايد و التفت على اختها الى قاللها تعق الغشوه و شاف انها اتصيح خالد: سارووه اشفيج حد مزعلنج ساروه:.......................................... زايد: حد قالج شى اهنااااك ساروه: ............................................. زايد: حبيبتى ساروه قوليلى انفجرت ساروه من الصياح و تقول حق اخوها اريد ارد البيت زايد لله يخليك خالد: انسير بيتكم بنفهم كل شى زايد: انشا لله طول الطريج وساروه اتصيح ما تعرف شو تسوى اول ماوصلت سارت بسرعه فوق ويلست تصيح بدون محد يسمعها حتى زايد و خالد اول مادخلوا البيت مالقوها فى الصاله .. زايد: تعال نيلس ساروه محد عندها خالد: انشا لله زايد: شوفيها ازين خالد: انا بروحى مستغرب بس ما تلاحظ انها ماترد على خلوووف زايد: لاحظت خالد: بس شو السالفه زايد: ودر عنك سالفه ما سالفه خبرنى شو سالفه هاى ريم خالد: لله يسلمك ريم هذى انا كنت اعرفها قبل زايد: كيف يعنى خالد: كنت معاها على علاقه كان طيش و لله بس الحمدلله على كل حال زايد: شوفهمت انا الحين خالد: الى فهمته انى انا اعرف هذى البنت من قبل وهيه عمرها الحين 35 زايد: و الخيبه 35 سنه حشى و عبود عمره الا 23 خالد: نفس ما ضحكت على ضحكت على اخوووك زايد: و لله البنات يوهقن بصرااحه شو ماعندها حد هذى خالد: عرست و اطلقت و الحين هيه يالسه فى بيتها بروحها زايد: حذرك ياخالد ميره انسانه محترمه و تستاهل كل خير خالد: يا زايد انا ميروه احبها اكثر عن نفسى و لله لو شو تسوى مستحيل اودرها زايد: لله يوفقك انشا لله خالد: امين يارب العالمين .. فى الحظه الى طلعت فيها ساروه من بيت ام سالم بخمس دقايق طلع خليفه مستغرب من طريقه سارووه شوفيها ياربى اتصل على اخووه ناصر و قاله ايي صوب المبزره ....اول ما وصل ناصر سلم على اخوه ويلس ويااه ناااصر: شو فيك مهموم خليفه: سارووه ناصر: شوفيها ساروه خليفه: يمكن اقول انها شافتنى واقف مع نوره ناصر: يعنى خليفه: نوره يت تسالنى عن رقم اوين يدقلها كل يوم مطفربها عطتنى الورقه ورديت عليها يمكن تتحسب انى ارقمها ناصر: شو بتسوى خليفه: انا اسالك انته شو اسوى تسالنى انا ناصر: اممممممم صعبه لو فهد اهنيه و لله كان حلها خليفه: شو اسووى خبرنى ناصر: فهمها الموضوع خليفه: كيف ناصر: اتصل على البيت منو موصلنها خليفه: زايد ناصر: اتصل على زايد اذا فى البيت لا تتصل خليفه: وبعدين ناصر: واذا مب فى البيت اتصل خليفه: و لله فكره صبر اتصل خليفه على زايد الى قالة انه هو فى الشركه الحين مع خالد و ارتاح خليفه ...فى هالوقت كانت سويره ياسه فى الصاله تفكر فى خليفه : ياربى انا بعد اصلا مستحيل خلووف يخونى ازين ليش ماسال انا شو فينى على لاقل احس انه مب خاين لا و اشوى يرن تلفون البيت وتركض ساروه ترد عليه ساروه: الو خليفه: مرحبا ساروه: منووووه نعم شو تبا اخووبه خليفه: سوويره انا خليفه ساروه: خليفه خليفه: ممكن تخبرينى شو السالفه طلعتى من بيت ام سالم معصبه ليش ساروه: شو بينك و بين نوره خليفه: و لله العظيم ما بينى و بينها شى ساروه: شو كان فى الورقه خليفه: عطتنى ورقه فيها رقم اووين يطفربها ساروه: لا و لله ما عندها اخوى لو انته ذكى انته تتصل على تيلفونها خليفه(مستغرب): شوووو ساروه: هيه مب اول شى فى الرقم 544 خليفه: هيه ساروه: هذا رقمها دوم تتصل بيتنا عشان تسمع زايد يرمس خليفه: قولى و لله صدق انى خبل ساروه: الحين عرفت خليفه: هيه نعم بس ساروه و غلاتى عندج ما تزعلين ساروه: ما اريدك تكلمها وايد خليفه: انشا لله بس لا تزعلين ساروه: انشالله بس اوعدنى عنى ما تغيب خليفه: اوعدج و لله ساروه: خلاص عيل وعدتنى تراااك خليفه: من عيووووووونى يا عيونى ساروه: خليفه بسير اشوف امااايه باجر بتى بيتنا خليفه: هيه بتغدى عندكم ساروه: اتريااااااااااك خليفه: انشا لله ساروه: مع السلامه خليفه: ديرى بالج على نفسج ساروه: و انته بعد خليفه: انشا لله و لله يحفظج بعد ماسكر خليفه التلفون حس براحه نفسيه اول مره يحسها فى حياته ويطالع اخوه ناصر الى يلس يبتسم له و ياشر له بعلامات النصر ناصر: يالله اخليك احين بسير الشركه عند خالد خليفه: لا و لله ناصر: هيه و لله خليفه: اهاااا زين عيل برااايك ناصر: بتسير بيت ام زايد باجر خليفه: هيه بتغدى عندهم ناصر: يالله عيل براايك يابووويه خليفه: برااايك . أنساك كلمه مالها أيّة وجود بمرجعي والقلب لامنّه نوى غيرك حبيبي بامنعه تنتابني ذكراك ما بين الوعي واللا وعي ما كنّك الاّ بحر حلمي والمشاعر الأشرعه من وين تطلع كنّك الاّ تقول يا شمس اطلعي يتنفّس الفجر بنفس حسنك ويشرق مطلعه مع إن فرعك لو رميت الشمس به عيّت تعي إن الدجا يسري لها من دون ما تتوقّعه إن الدجا يكنز عبيره للنسيم المطلعي كلّه على شان النسيم المطلعي يلعب معه يمتد ليلي واشعلك شمعة غلا بين اضلعي ويمر بي طيفك ويتناثر بصدري واجمعه تحتاج تتعبني وأنا أحتاج لك وأنته معي بعض المشاعر تتعب المشتاق لكن ممتعه موقعك من قلبي تدلّه بس حدّد موقعي وبعدين خذ قلبي وفي دنيا غرامك ضيّعه وإن طاب لك شوقي وطاب لصوت همسك مسمعي القلب لك والشوق في عروقي بكيفك وزّعه القلب ملكك والفصول الأربعة من مطمعي دام التقت في مبسمك كل الفصول الأربعه خليفه كان يردد هذى الكلمات كل مالمح طيف ساروه الى استحوذ على قلبه و عقله وكل مافيه اااااااااااااه يا ساروووه انتى كل شى فى حياتى و لله الا و اشوى يرن تلفون خليفه يوم شاف الرقم تذكر انه نفس الرقم الى عطته اياااه نوره رد عليه واذا اشوويه صوت انوثي من الجهه الثانيه ....:الووووووو خليفه: ......................... سكر خليفه التيلفون ولا رد على التلفون لين ماوصل الشركه و شافهم متيمعين حتى سالم يلس عدال سالم و حط تيلفونه جدامه سالم: ليش خليفه: بس شوف احين ............................................... شوه بيسوي زايد وليش حط التيلفون مجابيل سالم شوه بيستوي تابعني فالبارت ال 43 الغلا |
بنات بليز
الي بدش تقرا القصه لازم ترد علي على الاقل لو بجمله وحده لأني احس ان القصه ما عيبتكم |
لا حرام ليش خليفه يسوي كذا اكيد يبغى يفضح نوره
ومشكوووره وإن شاء الله عبدالله يخطب موزه |
تسلميييييييييييييييييييييييييين سوري إنقطعت فترة بس إعرفي إني دايما متابعه معك اوكي
يلا بقرا هذي الأجزاء وابي ارجع واشوف جديده >>>>>>>>>>>>> طرارة وتتشرط |
ههههههههههههههههه انجل لا تقولين جيه عن عمرج
وانشا الله بكمل بس باجر قولن انشا الله مشكووووووووووووووووووووووووره لمرورج بلونه |
يعطيج العافية يالغلا عالتكمملة...
تسلم الايادي..وبانتظاار بقية القصة... |
البارت (43)و,(44) لأن البارت 43 وايد قصير البارت احين (43) يرن اليتلفون نفس الرقم استغرب سالم يوم شاف رقم اخته و عصب اكثر و خبره خليفه بالسالفه و طلع من المكتب معصب ساير البيت اول مادخل سالم قال حق امه وين نوره خبرته انها فوق اول ما دخل حجرتها ضربها ضرب ...لان هذى حركه مب حلوه ويوم يعصب سالم محد يقدر يوقف جدامه كان هذا الشى الوحيد الى كان خليفه يقدر يسويه عشان سمعه سالم و الحمدلله انها فى خليفه طاحت مب غيره .... ::++بيت بو محمد::++ خليفه على غير العاده واعى الصبح و محتشر من الربشه رابش البيت ربشه ..يلس يغنى على الصبح و بومحمد يالس يضحك عليه .. بومحمد: ياولدى شو فيك خليفه: يدى و لله انى مجروح القلب و الفوادى بومحمد: اشعنه يابوووك ::++يدخل بوخالد::++ بوخالد: من الدلع الزايد و لله خيلفه: فديتك انته ياربى (يحب راس ابووه) بومحمد: لله يرضى عليك ياولدى خليفه: و عليكم كلكم ::++تدخل ام خالد::++ ام خالد: السلام عليكم الكل: و عليكم السلام خليفه: مرحبا حسن الغراشيب لو فتان مايعنى ام خالد: شوفيك مهموم خليفه: لاه بومحمد: هههههههه لله يهديك خليفه: ليش ما تيوزينى ام خالد: بيوزك يابوى بومحمد: بالبركه انشا لله بوخالد: خل الحرمه توافق بالاول خليفه: غصبا عنها بتوافق ليش هيه بتلقى غيرى ::++يدخل ناصر::++ ناصر: السلام عليكم (يطالع خليفه) ما بطالع غيرك و لا تبا غيرك ام خالد: و لله ما اوافق اذا طايح على وحده من هالوهايف خليفه: صج انج مصريه ام خالد: انا مصريه قم قم عنى خليفه: يالله فديتج عاد تزعلين من اخر العنقود ام خالد: حتى لو شيره البلوط ناصر: هههههههههههههههههاااااااااى حلوه منج يااماااااااااايه ام خالد: يالله فديتك ياناصر اريد اشوفك معرس بوخالد: انشا لله خليفه: طاعوا انتوا هذيل بومحمد: اشفيك ياولدى خليفه: يدى ما اريد ايلس عندهم بسير اخذ وحده من برع ام خالد: يوم اموت سو الى تباااه خليفه: اماااايه انتى تحبينى؟؟ ام خالد: هيه اشعنه ما احبك خليفه: عيل خلاص (يطلع ظروسه و يضحك) بومحمد: ههههههههه يالله عنى ما اخلى من شوفتك ياربى خليفه: لله يخليك لى يااحلى اب وايد فى الدنيا بوخالد: عطونا اشوى خليفه: ابوويه انته كل شى فى حياتى فديتكم و لله ::++يدخل خالد::++ خالد: السلام عليكم الكل: و عليكم السلام خالد: يالله برايكم بومحمد: وين ياولدى ايلس اتريق خالد: بسير مع زايد ورانا شغل و لله بوخالد: براايك لله يحفظك خليفه: خالد خالد: عونك خليفه: عانك الرحمن بس بغيت اتشغلنى عندكم فى الشركه .............................. احين البارت( 44) ::++يدخل عمهم سعيد::++ سعيد: السلام عليكم (يطالع خالد) وانا بعد خالد: انشالله.. يالله مع السلامه .. :::++الظهر (وقت الغدا ) فى بيت ام زايد::++ ساروه: ميرى ميرى: يس مدام ساروه: حطيتى الاكل ام زايد: عشتوا كل هذا عشان خلوف بأييى ساروه: اووهوه يا امااايه تعرفين انه من الحول للحول لييش بعد ما تبينه اييى ام زايد: انا يا ام لسانين قلت هالكلام يالله بسج يوم خليفه بن محمد اييج لين بيتج ساروه: شو قلنا نحن ام زايد: ماقلتى شى يا ابووج عدلى (تسمع صوت سياره) ووويه هذا زايد واخوانج وصلوا ساروه: شو اسوووى ام زايد: قربى الغدا وسيرى لبسى عدل ساروه: انشالله اماايه ما يصير خاطرج الا طيب فديت روحج ام زايد: يالله يابنتى ::++دخلوا زايد و خالد و عبدالله ناصر البيت ::++ ام زايد: حيالله الشباب شحالكم الشباب: بخير ربى يسلمج زايد: عيل وينه خليفه زايد: قال بأييى ام زايد: سارووه تقولى خالد: يمكن اييى كلهم سمعوا صوت سياره خليفه الرنج تدخل الكراج و الكل يالس يضحك وساروه من فوق اتشووفه .. دخل خليفه البيت و سلم على ام زايد ويلس يطالع التلفزيون وكلهم يلسو عداله مستغربين ام زايد: اشدراها ساروه انك بتى خليفه: طال عمرج يعنى كانت ترمس حمدوه وقلت حق حمدوه تخبرها زايد: هههههههههههههه ام زايد: خليفه خليفه: نعم طال عمرج ام زايد: شو فيه لسانك اليوم ناصر: يوفر عموووه صبرى اشووويه بس خليفه: هيه عمووه مثل ماقال محامى الدفاع (يطالع خالد) بتشغلنى خالد: هيه خليفه: وين خالد: إدارى فى قسم الحسابات و عمى سعيد فى قسم المبيعات خليفه: إدارى خالد: مسؤول الموظفين فى قسم المبيعات ناصر: شغله حلو الصراحه ::++نزلت ساروه ودخلت الصاله::++ ساروه: السلام عليكم الكل: و عليكم السلام والرحمه خليفه: هلاااااااااااااا و لله شحالج شخبارج شو مسويه ام زايد: شو فيك انته خليفه: انتى الى شو فيج اسلم على بنت عمتى فيها شى زايد: لا افا عليك ساروه: شحالكم خليفه: شحالكم ؟؟؟ وين هذى انا واحد مب عشره ساروه: ههههههه ادرى بس اخوانى واخوانى ما اسلم عليهم يعنى خليفه: لاه الكل: بدينااااااااااااااااااااااااااااا الحين ام زايد: خلوهم يتضاربون انسير نتغدى خالد: يالله خلووف اخطف جدامى خليفه: تبين غدا ام زايد: واي عليها بنيتى مسويه غدا اليوم خليفه: لا و لله تعرفين تطبخين بعد ساروه ساروه: هيه بعد شو خليفه: و لا اطبخين بعد ساروه: هيه و لله هيه خالد: ههههههههههههههههههههه و لله تضحكون انتوا الاثنين ولله بعد ماخلصوا غدا يلسو يلعبون ورقه و يشربون الجاى فى الصاله ... دخلت عليهم ساروه و هم يلعبون ساروه: تبون تشربون شى زايد: شى عصير الرمان ساروه: هيه شى خليفه: انا بعد اريد ؟؟!! ساوره: انشالله (اطالع خالد و ناصر) تبون عصير خالد: هيه نعم اريد ناصر: ساره حطيلى ويااه ثلج دخيل لله خليفه: ليش انشالله ناصر: احب الثلج خليفه: هيه ازين ههههههههههههههه ساروه: خلاص براايكم طلعت المطبخ و طرشت على الخدامه تييبلهم عصير و رجعت لهم والخدامه يابت العصير و عطت كل واحد كوووبه خليفه: اقووول زايد زايد: لبيه خليفه: انته و خالد عرسوا فى ليله وحده زايد: الشور شور خالد ساروه: ياسلام و لله فكر خليفه: نحن نرمس يعنى انتى سكتى ساروه: لا و لله هذا يتسمى هضم حقوق المراه خالد: بديتوا انتوا الاثنين الحين يابوك يا زايد موافق انا ما عليك منهم زايد: على بركه لله ::++يرن تلفون البيت::++ ساروه: الوووووووو ...::....................... ساروه(اطالع زايد): الوووو منو معاااى البنيه: لطيفه ساروه: منو انتى لطيف: كيف تكسرين بين قلبين ساروه: نعم الغاليه ليش هالرمسه وقف زايد و تقرب من ساروه و حطه على الاسبيكر الثانى عشان يسمع لطيفه: تعرفين خليفه ساروه(اطالع خليفه الى انصدم): هيه شو تبين فى ولد خالى لطيفه: هذا حبيبى ساروه: ههههههههههههههههه ضحكتينى شو اسوى فيج يعنى وقف خليفه و سحب التلفون لطيفه: و لله ................. خليفه: بقولج شى هذا اخر تهديد لج و اذا تميتى تلحقينى بسير عند اخوج سند لطيفه: سند خليفه: هيه سند و الا شو لطيف: بس ليش جذا تسوى فينى خليفه: اقولج اياه اذا حصلت رقمج اهنيه و الا فى بيتنا قسم بالله لا اخلى فضيحتج فى الدوله كلها سكرت التلفون لطيفه و هيه خااايفه بالفعل وخليفه كان واايد جدى فى كلامه ...............خليفه عق عمره على الكرسى الى مجابل ساروه و يتنهد تقرب منه ناصر و يلس يهدى فيه ناصر: خلاص مااستوى شى خليفه: اسمحلى زايد انا بسير (يطالع ساروه) خالد: تو الناس خليفه: بسير ساروه: ما حصل الا كل خير خليفه (تبتسم) ارتاح خليفه يوم شاف ابتسامه ساروه و قلبه ارتاح خاف لا يستوي شى بعدين يكتشف زايد انه يحب ساروه ..... خليفه: انشالله خالد: ياله ايلس بلا دلع ::++على العصر::++ طلعوا الشباب من البيت سايرين صوب الشركه و يخلصون اشغالهم الى يبالها تثبيت ... و مسرى الحب فى شرايين العايله سكنت فى قلب كل انسان منهم .... بعد المصيبه الى استوت حق نوره استوت انسانه تكره نفسها و عايلتها و مر وقت على هذى السالفه بس مستحيل حد ينسى .......الايام تمر و ملجه خالد وزايد تحددت فى نفس اليوم و الى هو يوم الخميس فى نهايه هذا الاسبوع طبعا الكل مستانس وفرحان لهم و موزوه من صوب كانت اسعد انسانه بعد ماعرفت ان عبدالله خلاص ما بيخطب ...ويمكن يحس فيها و بكثر ما هى تحبه تتمناه لها .. ::++يوم الخميس يوم الملجه::++ حجز بو محمد قاعات الخبيصى عشان الملجه من غير الحجوزات حق العرس البنات كلهن سارن صالون الافراح عشان يتعدلن اما ميروه و حمدوه اتفقوا مع راعيه صالون مورا عشان تييهم العين عشان يتعدلن .......ام زايد كانت اسعد انسانه لانها كانت تتمنى حمدوه من قلبها حق زايد (غرشوب العين) ::++ المغرب فى صاله الخبيصى::++ الاهل كلهم متيمعين مع بعض و اليهال يرزفون اما فى الجهه الثانيه الرياييل يرزفون و يراوون مهارتهم فى اليوله و خالد وزايد ياسيين عدال بعض و مستانسين على بعض خالد: مبروك يا بو سلطان زايد: لله يبارك فيك يابوسيف خليفه: هههههههههه سمعوا انتوا حطوا حق عمارهم عيال ناصر: خلهم انا هذا فهد بذبحه مايرد ما بيحضر....(الا و اشوووى حد حط ايده على جتفه) فهد: مبروك ناصر: فهوووووود حبيبى انته فديتك ياربى (يلوى على فهد) زايد: مرحبا الساع متى رجعت فهد: من يومين (يسلم على خالد) مبرووك المعرس خليفه: وشو تشوفنى انا ما تسلم على فهد(يسلم على خليفه): مرحبا الغالى الا و اشوى عبدالله يوم كان يرزف شاف فهد فر المسجبه وسار صوب اخوه ولوى عليه عبدالله: لك وحشه و لله فهد: لاه زايد: شو لاه يالله يلسو عبدالله: مها يبتها وياااك فهد: هيه خليفه: ياربى متى بعرس انا خالد: ههههههههه بعد ناصر ناصر: لا لا ما افكر فهد: شو ما تفكر انته بعد ناصر: ياربى شو مب مستعيل خالد: فهد ما عليك منه امااااايه بتيوزه فهد: انشالله عبدالله: يالله نرزف خلوووف خليفه: بغلبك عبدالله : يالله ازين قاموا الشباب يرزفون ونرجع حق الحريم ....دخلت مها و سلمت على خالتها ام زايد الى استانست يوم شافتها مع انهم طولوا برع وسلمت على باقى البنات الى استانس بشوفتها ساروه: ما بغيتى ترجعين انتى وريلج مها: و لله شو نسووى فهد كان عنده شغل موزوه: لا و لله مها: هيه و لله الا و اشووى يسمعون الحريم يطالعون باب الصاله كانن ميروه و حمدوه يدخلن على اغنيه البدر حق راشد الماجد وكانت كل و حده احلى عن الثانيه و كانهن يقولن انا و انا الحريم يلسن يسمن بالرحمن و يباركن حق اهل العروس و المعرس .... الوقت المنتظر ان خالد وزايد بيدخلون عليهم بس اول شى دخل خالد لان ميره بتستوي حرمته و حمدوه اخته دخل لبس حرمه الخاتم وطلع وياها عشان يتصورون اما زايد دخل بعد ماطلعت ميروه لانه مايستوي يدخلون رباعه ...اول مادخل زايد الكل يلس يطالعه من بنات و حريم حتى المعرسات انبهرن فيه لبس حمدوه الخاتم و يلس وياها اشوى وسارو يتصورن ...يلسو المعازيم يتعشون اما اهل العروس و المعرس كلهم كانوا فوق الاو اشوى الشباب واصلين البنات تغشن و خليفه يحاول يشوف ساروه ما اعرف اى وحده فيهن حب يغايضها عشان ترمس و يعرفها ... تقرب خليفه من ام زايد و امه خليفه: اريد اعرس ام خالد: لا و لله منو خليفه: وحده مزيونه ساروه بطلت عيونها اطالعه من تحت الغشوه ام زايد: وين هذى ؟ خليفه: يالله ياخالوه و انا ياى فوق شفتها ذبحتنى ذباح ناصر: ههههههههههه لله يعينك فهد: يحفر قبره قبل موته ساروه: نعم ؟؟؟؟؟؟؟؟؟؟؟؟؟ خليفه:هههههههه شو ؟؟ ساروه: منو هذى لا يكون حبيبه القلب؟ خليفه: بسم لله اى وحده فيكن ترمس كله اسود اشووف ساروه: انا سووويره خليفه: طاااااااااعو ادلع عمرها بعد ساروه: هيه بعد شو طال عمرك ام زايد: وابووويه عليج من لسان ساروه: لا و لله لسانى قصير سعيد(خالها ): لا و لله طويل اتقول علم خليفه: هههههههههه حلوه سعيد(يضربه على جتفه): منو هذى الغرشوب الى شفتها خليفه: خسكم لله اقص عليكم ما شفت حد ساروه: هيه تبانا نسكت بس ناصر: و لله العظيم ماشاف حد و لله ساروه: انته تعرف تستر عليه بس عبدالله: وش فيج يامره خليفه: ههههههه عاااش السعودى (يطالع ساروه) قسم بالله ماشفت حد يالغياره ................................................ هذي عشان ما تزعلن مني وانشا الله اكوون عند حسن ضنكم الغلا |
والله سوري بنات لو ما عيبتكن القصه
بس انتن قولنلي القصه حلوه ولا لاء انتن تحسسني ان القصه ما عيبتكن |
إحنا نزعل منك؟؟
لا واللله بالعكس كفيتي ووفيتي والله لايحرمنا منك ومشكوووره وبالمباركه |
بالعكس يالغلا حلوة القصة بانتظار التكملة ...يعطيج العاافيه..
|
مشكووورة يال يالغاليه على البارتات ،، يجننون و اخيرا زايد تزوج هو مع خالد ،، و الدور على عبد الله و خليفه تسلمين على الرابتات ،، و ننتظر ابارت اليديد تقبلي مني خالص التحيات في أمان الله |
يسلمووو يالغلا على الروووعه
والقصه من جد رووووووووعه ننتظرك بالتكمله.... |
الله لايحرمنا منك ياالغلا كفيتي ووفيتي
والقصة من كثر ماهي روعة ماحد يقدر يوفيج حقك وكلامك في الحفظ والصون تسلمين حبيبتي ويمكن أنا ماأقرأ الجزء الأخير بس سامحيني لأني مظطرة أسافر لأهلي بس فور رجوعي راح أقرأه وواثقة إنه روعه |
يسلمووووووووو على القصه الحلوه
في انتظارج يا الغلا |
مشكوره اختي الغلا يالله انتظرك على احر من الجمر
|
مشكووووووووووووووووووووووورع الغلا
لا ولو القصه كثيييييييييييييييييييييييييييييير حلوه يالله ابنستنا التكمله اختك الفردوس |
غلا ويينك؟؟
كملي القصه لوسمحتي |
http://www.asmilies.com/smiliespic/FAWASEL/042.gif شو هلحكي يا الغلا القصة كثير حلوة وانت ابد ما قصرتي والبارتات كثير حلوة تسلم ايدك حبيبتي واحنا في انتظارج لا تطولين مع اطيب تمنياتي لك اختك اللؤلؤة المكنونة http://www.asmilies.com/smiliespic/FAWASEL/042.gif |
يلا الغلا وينـــــج ؟! ننتظرج ؟! |
الغلا .. مشكورة عالتكملة ؟..
و انتبهي لدراستج ترا مابقا شي عالامتحانات .. و موفقة انشالله |
انا رجعت احين بس والله اني تولهت عليكن بس كان عندي شوي ضرووف البارت (45) سكتت ساروه ماتريد اتجادل خليفه اكثر لان حاسه عمرها بتغلط عليه .....بعد ما خلصوا المعاريس تصوير ردوا بيوتهم ....ام سالم ردت مع بنتها نوره البيت و موزوه سارت مع ساروه فى سياره عبدالله ساروه: موزوه ليش ما ترمسين عبدالله يطالعها من المنظره) موزوه: شو اقول( و هيه منزله راسها ) ساروه: اى شى سولفى موزوه: ماعندى سوالف عبدالله: موزه موزوه(يدق قلبها بقو): نعم عبدالله: انتى زعلانه منى شى موزوه: لا و لله عبدالله: عيل ليش ماترمسين ساروه: البنيه تستحى عبدالله: ممكن تسكتين اشوووى ساروه: انشا لله عبدالله: ازين موزوه و بعد موزوه: ماشى عبدالله سار عبدالله صوب هاى فلور لان ساروه تريد تشترى ورد حق ميروه و حمدوه كانت موزوه بتنزل بس ماخلاها يريد يرمسها فى موضوع ... بعد مانزلت ساروه التفت عبدالله على موزوه الى كانت مستحيه عبدالله: قوليلى شو فيج موزوه: على ما اظن سمعتنى قبل عبدالله(يحط راسه على الكرسى): بعدج تحبيبنى موزوه ما عرفت شو تقول حق عبدالله لانها صدق تحبه : عبدالله انته ماتحب الوحده الى تعق بعمرها عليك عبدالله: انتى جاوبينى قبل لا ساروه تيي موزوه: عبدالله انا مستحيل اقول انى ما احبك بس شو اسوووى كل شى استوى و احس ان الكل ضدى عبدالله(يبتسم): ادرى انى ما ايلس ارمسج جيه فيها قبايل بس موزوه ياليت لو تحبينى مثل قبل موزوه: ليش عبدالله: لانى محتاج انسان يفهمنى و انتى ترومين تفهمينى موزوه: ...................(اطالع عبدالله و تبتسم) ::++سكت عبدالله لانه شاف ساروه بتدخل السياره::++ عبدالله: اووووووووف شو هالحاله ساروه: شو فيك ياريااااااااااااااااال عبدالله: هذا خلوف ادق عليه مايرد على التلفون ساروه: يمكن مخلنه فى السياره عبدالله: يمكن وصلوا الورد وصلوا موزوه الى من سمعه رمسه عبدالله و هيه مستانسه .....اما ساروه كانت بطير من الفرح دخلت البيت و هيه تغنى شافها زايد زايد: اووووه يالخبله ساروه: هالمعرس زايد(مستحى): شوفيج ساروه: ماشى يالله سى يو زايد: برااايج غناتى سارت ساروه فوق فى حجرتها تبدل ملابسها ....زايد وفهد ياسيين يرمسون و مها ياسه مع ام زايد وعبدالله يشوف التلفزيون الا و اشوووى يرن تلفون البيت رد زايد على التلفون لانه كان اقرب زايد: السلام عليكم خالد(يصيح): زاااايد زايد(خايف): خالد شو فيك ؟؟ الكل صد صوووبه كان شكل زايد يخوف خالد: خليفه سوى حادث يازايد ويقولون انه يمكن يموت زايد: لالا مستحيل خالد: و لله يا زااايد شو نسوووى زايد: الحين بايييك سكر زايد عن خالد ويلس على الكرسى وحط ايده على راسه ... ام زايد: شو استوى ياولدى زايد: خليفه سوى حاادث امااايه عبدالله+فهد: شووووو ام زايد: ياحسرتى على ولدى ياويلى (تصيح) زايد: يالله انسير المستشفى فهد: بخاويك انا و عبدالله ( يطالع حرمته) ام سعيد لا تقولين حق ساروه شى مها: انشالله طلعوا كلهم صوب مستشفى توام وسألوا عن خليفه اول ماوصلوا يلست ام خالد تصيح على ولدها وكلهم ياسيين وطلع الدكتور من بعد مافحص خليفه و قاللهم انهم بينقلونه العنايه المركزه لان حالته وايد صعبه ..... بومحمد: يادكتور شو فيه الولد الدكتور: و لله ياشيخ ما اعرف شو اقولك حالته وايد صعبه بوخالد: فى امل طال عمرك انه يعيش الدكتور: الاعمار بيد لله (طلع شى من مخباته) هذا لقيته فى كندوورته طلع الدكتور قلاده مكتوب عليها خليفه وساره بشكل واايد حلو كان خليفه ياخذها معاه وين مايروح مسكها بومحمد ونزلت دمعتها ولف على زايد : زاااااااااااااااااايد زايد: عونك يدى بومحمد: سير يب سارووه الكل انصدم ساروه حق شووووه زايد: بس ساروه شو تسوى يايدى بومحمد(يطالع الدكتور): لقيتلك العلاج يادكتور الدكتور: علاج اييه ياحج بومحمد: زايد طرش اختك المستشفى زايد: انشالله الحين بسير ايبها سار زايد بيتهم اول ماوصل زقر ساروه ويلس يترياها فى الصاله .... ساروه: هلا زايد شو تبا زايد: لبسى عباتج ونزلى ساروه: ليش زايد: بعدي بتعرفين بس يالله بسرعه ركضت ساروه وقلبها يدق بكل قوته لبست عباتها ونزلت وركبت السياره ويا اخوها شافت عمرها فى المستشفى ساروه: زايد شو السالفه ماطاع يرد عليها لانه مايستحمل يشوف اخته جدامه تنهار اول ماوصلوا نزلت ساروه وتقبضت فى زايد شافت اهلها كلهم متيمعين سارت صوب امها ... ساروه: امااايه شو السالفه ام زايد(تصيح):............................. ساروه: امااايه ردى (شافت خالها سعيد) خالى شو السالفه حد منكم يخبرنى شو مستوى تقرب منها خالد خالد: خليفه ساروه(بطلت عيونها): خليفه خالد: خليفه سوى حادث ساروه(تصيح): لا مستحيل و ينه ام خالد(تتقرب منها): بس يابنتى ساروه: وين خليفه (تشوف يدها) يدى وينه خليفه يدى (اطيح على ريول يدها) بومحمد(يصيح وينزل عندها): فى العنايه يابنتى ساروه: اريد اشوووفه دخيلك اريد اشووفه بومحمد: خذى هذا اول (عطاها القلاده الى اول مره اتشووفها فى حياتها) ساروه(تصيح): من وين هذى يومحمد(يصيح و يبتسم): مالت خليفه ساروه: و لله (تمسح دموعها) وصل الدكتور وقال حق بومحمد : وينه العلاج بومحمد(ياشر على ساروه): هذا هو العلاج الكل: شوووو ساروه: انا بومحمد: هيه يابنتى دخلى على خليفه يمكن يرد عليج الدكتور: تعالى ماتخافيش ساروه: بسير بروحى الدكتور: اتفضلى دخلت ساروه حجره العنايه اوا ماشافت خليفه ارتجفت و نزلت دموع الحزن و تقربت منه اشوى شوى ويلست على الكرسى ....خليفه كان فى غيبوبه فضيعه مايسمع حد و لا يحس بحد ... ساروه: خليفه خليفه: ...............................(مايرد عليها) بومحمد يطالع ساروه من الدريشه ساروه(تحط ايدها على شعر خليفه): خليفه انا ساروووه رد على (اتصيح) خليفه بدى يتحرك ساروه وقفت من شافته يتنفس بصعوبه ودخلوا الدكاتره و الممرضات و هيه تشوفهم يقولون عااد نبض القلب عاااد دخل بومحمد وبوخالد وهو مستغرب شو السالفه و الدكتور يطالع ساروه : انتى حرمته ساروه: لا خطيبته الكتوره: ماشالله الحمدلله انك ساعدتيه بس عملتى ااايه بومحمد(وقف عدال ساروه): القلوب يادكتور ماتفهم غير صاحبها الدكتور: ااااااااااه قول كده من اول بوخالد: شو بيفهمه (يطالع ساروه) يالله يابنتى تعالى انسير عندهم برع ساروه: ما اريد اريد ايلس بوخالد: ليش ساروه: خلنى ياسه اهنيه اليوم انتوا سيروا بومحمد: خلاص (يطالع بوخالد) طرشهم كلهم البيت ساروه بتيلس عنده اليوم بوخالد: بس يابووويه بومحمد: سير قول الى قتلك ايااه بوخالد: انشالله طلع بوخالد وبشرهم بان خليفه طلع من الغيبوبه وقاللهم يردون البيوت وان ساروه بتكون عنده الكل استغرب بس شو يسوون هذا الى يباه بومحمد الى يلس مع ساروه يجابلون خليفه اربعه و عشرين ساعه ... الفير الساعه 3 كانت ساروه تكتب على ورقه الفحص كلام حق خليفه : القلب شال الحب والحب شاله مدخل غرامي والأحاسيس حوله وضاع الفكر ما بين حاله وحاله واسهل حلوله صارت أصْعَبْ حلوله الحِسِنْ لي يفرض علينا سؤاله كيف الربيع امتد لاربع فصوله كيف ابتداه الحِسْن ثم انتهى له يا لين حتى الحسن منّه خذواله وانا اتخيّل في خيالي خياله فرصة عمر تحت ابتسامة طفوله غرٍ صفا حسنه وقلبي صفا له سهل التمنّي بس صعبٍ وصوله يحتار فيه الي يوصّف دلاله ويهين به لي عن جماله حكوا له يخجل جماله من صفاوة جماله ويغيظ ربّات العيون الخجوله يمشي معاهم بس كنّه لحاله معهم ولكن كن هم لي مشوا له والي تعرّض في مرامي نباله والله ما يكسب ولا ربع جوله عادل ولكن ما برمشه عداله يظلم مجبّينه برمشه وطوله أصلاً جنوني بس في حَب خاله وشلون لا باوصف تفاصيل زوله إن قال صَدّي.. قلت: لله قاله وان قال وصلي قلت: بالله قوله هذا الذي قلبي من الشوق شاله مدخل غرامي والأحاسيس حوله تقرب منها بومحمد وابتسم ورد يرقد هيه حطت راسها على طرف السرير وين خليفه حاط ايده ورقدت ...على الساعه 6 الصبح فتح خليفه عيونه بصعوبه ولف شاف ساروه : ياسلام على هذا الملاك الى عدالى نزلت دمووع خليفه .....بومحمد قام وشاف خليفه فاتح عينه و سلم عليه الا واشوى ساروه قامت ساروه: خليفه انته بخير خليفه: هيه بخير (بصوت تعبان) بومحمد: شو استوى ياولدى خبرنى شو السالفه خليفه: و لله يايدى شو تبانى اقولك بومحمد: قول براويك شى عقب خليفه: كنت ساير بيت عمتى ام زايد تعرف لطيفه بومحمد: الى خاطبنها قبل خليفه: هيه نعم بومحمد: ازين خليفه: لطيفه طرشت حد يدعمنى ودعمنى وصار الى صار ساروه: هذى شو تبا بومحمد: بلغ ياولدى خليفه: بس يايدى بومحمد: كل مجرم ياخذ حقه ياولدى ساروه: ما علينا منها انته شحالك احين خليفه: بخير دامج تبين تخنقينى بالواير ساروه(انتبهت على الواير): هههههه ازين ماشفتك ::++دخل عليهم الدكتور::++ الدكتور: السلام عليكم الكل: وعليكم السلام الدكتور: كيف حالك يا خليفه خليفه: و لله انا زين الدكتور: العلاج فعال كده خليفه(معصب): اييييييه شو تقول انته الدكتور: مافيش حاجه طلع الدكتور من حجره خليفه وبعدها بخمس دقايق دخلت ام زايد وزايد وفهد و عبدالله و بعدها وصلت ام خالد و عيالها وريلها بعد الكل استانس يوم شاف خليفه يالس بس يبان عليه التعب و خبرهم بالسالفه و سالفه لطيفه الى عصب من سمعها خالد وخاصه سعيد .. ام زايد: تعالى ساروه ساروه: ها شو ؟؟!! ام زايد: بخبرج سالفه يلس بو محمد عدالهم عشان يتقهوا معاهم و الكل يالس ساروه: شو السالفه ام زايد: يا عيالى زايد: نعم اماايه ام زايد: فى ناس يبون يخطبون ساروه ساروه: شووو خليفه التفت يطالع عمته بنظرات غريبه وعدل يلسته ناصر و خالد طالعوا اخوهم الى حاط ايده على قلبه بومحمد(معصب): من هذيل وشو قلتيلهم ام زايد: و لله الريال ما ينعاب وولد ناس بعد ام خالد: من وين ام زايد: من بوظبى ساروه: ما اريد اعرس ام زايد: واشعنه ما تبينه شايفه عليه شى ساروه: انا ما اريد حد (تصيح) خليفه ما قدر يستحمل الى يستوي جدامه نزل راسه بس ناصر وقف عدال اخوه و حط ايده على جتفه ..... ام زايد: تعرفين منو ابووه ساروه: خير ياطير شو يعنى زايد: امااايه مب غصب ام زايد: منو تبين عيل لايكون حا....... بومحمد: قطعى يا حرمه (معصب خلاص) ام زايد: بووويه بومحمد: لا تجبرين البنت ام زايد: يا بوويه البنيه منو بياخذها بعدين خليفه استجمع قوااه و تكلم جدام الكل بنبره تحدى وواثق من رمسته: محد بياخذ ساروه غيرى انا ناصر: خليفه ؟؟!! ساروه اطالع خليفه و الكل انصدم بس بومحمد ابتسم و طالعه ام زايد: لاه خليفه: محد بياخذ بنتج غير خليفه بن محمد طال عمرج واذا تبين تيوزينها اترينى اموت ذيج الساعه سوى الى تبينه ام زايد: بس ياولدى خليفه: لا يغرج مكان اهنى ترانى مب مشلول و لا شى ساروة وقفت وطلعت من الحجره وهيه تصيح لحقها زايد .. زايد: سوويره بلاج ساروه: زايد (تحضن اخوها و تصيح) زايد: بس يا سويره خلاص ساروه: اماايه بتغصبني على شى ما ابااه زايد(يبتسم): لا يا سارووه ساروه(اطالعه مستغربه): شو زايد: خليفه يباج وحد يقوله لا .................................................. سوري والله بنات على القطاعه وانشا الله لو قدرت باجر القصه بتنتهي وبخبركن شي لو خلصت القصه اتريا الردوود الغلا:) :pleasantr |
يلا ابى
ردوووووووووووووود |
| الساعة الآن 07:26 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.