|
حبيايبي وش فيكم على هدوب ......
تلقونها ياعمري ماهي فاضيه ولو فاضيه... كملتها وخلونا نعذرها...... |
سلااااام يسلمو أوب صاحية .. بصراحة معج حق ظروفي حيل صعبة و جهازي صار له اسبوع خربان و انشغلت عنه بالدراسة بس و الله كنتو على البال و القصة بافكارها معاي بالهون بالهون علي أن شاء الله في أقرب فرصة أنزله بعدين مثل ما خبرتكم الجزء هذا رح يكون طويل فلا تأكدو أني رح أتأخر بليييييييز أبي صبركم و طولت بالكم و يسلمووو على تواجدكم الحلووو تحياتي .. ريماني الفوارس .. |
مشكوووووره حبيبتي على اهتمامك..
والحمدلله انو انتي بلغتينا عنك ..المهم دراستك احنا خليينا بعدين مستقبلك اهم... الله يوفقك ويهون عليك وييسر لك ياااارب .. |
اللــــــــــــــــــــــه يكون معاش
يالغاليه ربي يوفقش ويسعدش |
في إنتظارك عزيزتي
خذي راحتك .. |
الله يكون في عونك
يلا نستا ماورانا شي |
الله يكون في عونك
يلا نستا ماورانا شي خذي راحتك هدوب |
دراستك اهم حبيبتي والله يوفقك
وخلينا احنا اخر شيء |
اللــــــــــــــــــه يساعدش
|
هلااااا بالغاليات :013: تراني يايتكم و معاييي لكم شين حلووو ههههه و في شي احلى من الجزء بس قبل كل شي بوضح لكن معلومات بسيطة بأن الجزء الحادي عشر مثل ما خبرتكن واايد طويل عشان جذي قسمته الى عدد من الفصول و اليوم اكتمل الفصل الاول من الجزء الحادي عشر و رح اتركم معاه و اتمنى يعجبكم يارب من كل قلب لا تنسوني بعد الفصل ما تقرونه و أحــــــــــــــــــلى فـــــــــــــــــصل لـــــــــــــــــكم _"_ الجزء الحادي عشر _"_ ( الفصل الأول ) ..دقات قلبي.. http://www.w6w.net/album/42/w6w_2005...6381fdd8c4.jpg خذني بحنانك وطف البرد بعظامي يمكن "بحضنك" أنام الليل واحكي لك .. محتاجأسافر بعيد فيك بأحلامي وأنزل بصوتي على شاطي مواويلك .. واحط راسي على "صدرك" شوق وهيامي واترك خفوق تعذب فيك يشكي لك _ بين لحظات هدوووء ريم و أهي طالقة العنان لتفكيرها يروووح بعيييد لولوه وصلت لغرفتهم و أدخلت بأزعاجها الحلللوووو... لولوه:_ هلااااااا بأم حمود قولي لي شخبار نصوووور عمي فديته وحشني. ريم كلش مب معا لولوه ورباشتها... لولوه:_ يا خاتمت الله و خير اشفيها ذي كلش مب معاي ايه مع الحبيب جسوم و تقول ما ابيه طل في ويهي المنافقة. ريم تلتفت لها و تناظرها بقوة:_ شقلتي؟ لولوه:_ ها لالا و لا شي سلامتج عمري ما قلت الة شخبار عمي فديته وحشني. ريم:_ فارجي لا ييج كف على كلامج هذا لسانج يبي له قص. لولوه:_ الحمدالله و الشكر بسألج أنتي من شنو خالقينج. ريم:_ لولووووووه كلش مب فاضية لج. لولوه:_ عيل لمنو فاضية. ريم:_ ياااااااااااااربي هذي اليوم بذبحها و لا حد يلومني. لولوه:_ زين زين لا تطلع زيرانج علينا المهم شخبار عمي. ريم:_ و الله ما يشكي باس . لولوه:_ يـــــــــــــمه منج اشوي و تكفخني زين زين طالعين مب باقين معااااج سي يوووو ( و حملت المخدة الي حذالها و رمتها على ريم ) . ريم:_ سخيييييييييفة. لولوه قبل لا تطلع:_ محد كلمج الحين انتي اشلج تغلطين مالت يمه منج تخرعين كلها على بعضها عظامة ههههههههههه. و أطلعت و اتركت ريم تضحك و اهي بوسط تفكيرها الي محيرها مع أحاسيسها ارتمت على سريرها و اهي تتعلق يدينها و تشتبك بوسط خصلات شعرها الناعم و تناظر لوين ما طاح نظرها عليه و بالها متشوش يا كثر تفكيره بأمور واااايد كانت تبي من يسمعها و يفهمها لكن وين ... و يقطع على حبل افكارها تلفونها يرن ارفعت حالها و لقت هناء المتصلة ارفعت التلفون و اهي تهمس لحالها:_ يتي بوقتج هنوووي.. ريم:_ الو. هناء:_ هلااااا ريمان. ريم:_ هلااا فيييج تدرين توج على البال. هناء:_ ايه لازم اكون على بالج مو باجر بصير حرمت عمج الغالي. ريم:_ هههههههه احسبي الله على بليسج هنوي اشفيج انتي اليوم للحين تأثير الصبح فيج. هناء:_ أهو خليتي في عقلي انتي شي انا اسمع بطاريه اتخبل مو اسمع صوته و قاصدني و يسأل عن اخباري لالا يوووووبا خريييييت اقول لج. ريم:_ هههههه بسج اطناز زين اقول لج عندي معاج سالفة اشكبرها. هناء:_ قبل لا تحجين انتي اشفيج انا حاسني قلبي فيج شي او صاير لج شي بس و الله من كلمت عمج نساني الدنيا و ما فيها. ريم:_ يشهد الله قلبج على قلبي ايه يوبا احساسج بمحله فيني شي و صايبني شي. هناء:_ صج عسا ما شر . ريم:_ الشر ما ييج بس تدرين منو جفت امبارح و اليوم عند عمي يزوره. هناء:_ أمممممم منو ؟ ريم:_ يلا هنوووي بلا نحاسة شغلي بالج و توقعي. هناء:_ ريمووه كلش مب معااج انا انتي احين قولي وخلصيني. ريم:_ ياااااااربي دوم تحرق الشي من اوله زين انا الي بقول الي جفته اهو. هناء:_ ايييه كملي اشفيج سكتي. ريم تنطقها و اهي تتذكر تراسيم ويه جاسم في بالها:_ جاسم ولد عمي ابو وليد. هناء و اهي تشهق:_ الله واكبر ريموووووووووووووووه من صجج شفتي ولد عمج جاسم. ريم بصوت واطي:_ ايه. هناء:_ مب جنه مسافر على ما اظن. ريم:_ لمن سمع عن عمي نزل على الكويت من اول طيارة في مطار باريس. هناء:_ زين انا مو شغلي مسافر و الله بالديرة قولي لي اشلون شفتيه اهو شافج و شنو صار و اشلون شكله. ريم:_ جفته و جافني. هناء و اهي تصفر بقوة رباشة البنات:_ واااااااااااااااااااااااو كملي كملي بس لا تقولين صار فلم اكشن. ريم:_ هنووووووي يوزي ترى ما اقول لج بكل شي. هناء:_ ياربي لازم تجعمنا زين كملي. ريم:_ هنوي انتي تعرفيني زين مب من البنات راعين سوالف الحركات الي مني و الله مني بس و يشهد الله اول ما التقيت فيه ما كنت اعرف انه ولد عمي و بعدين ملامحه تراسيم ويهه شكله اهو كله على بعضه اربكني و هز كياني و اول مرة احس قلبي لمن ناظرته يدق بدقات قوية و غريبة و برغم الجو كااان بارد بالمستشفى حسيت المكان من حولي دافي و خديني صارو داافين بقوة و ادركت نفسي و وخيت راسي و ما طولت بنظرتي له. هناء:_ وااااااااااااااااااااااي مو جنه فلم هندي كملي اقول وهو اشلون كان يناظرج. ريم:_ هههه لا تذكريني عينه ما انشالت من علي ليش ما ادري بس ما كنت ادري انه ولد عمي بس تخيلي بعد ما شفته تركته وهو دخل لعمي بعد فترة لمن طلع كنت انا توني واصلة من الكفتيرية و اهو طالع تخيلي شنو صار. هناء:_ شنو شنو. ريم:_ انا الهبلة الي ما اطالع زين ضاع بصري بذاك الوقت ودعمت فيه. هناء:_ وييييييييييييييييييييييييييييييه لا تقولين ريمووه واي واااااي اشصار. ريم:_ طبعاً انحرجنا بس تأسف و لمن بمشي خطوتين و الة موقفني و سألني تقربين لعالية بن فارس قلت له ايه لمن سألته تعرفهم قال تقريباً. هناء:_ ياربييييييييييييييييييي و يعرف يجذب بعد. ريم:_ ههههههه سمعي كل هذا صار و انا الخبلة ما ادري انه ولد عمي بس يوم ثاني لمن ياني طلال الصبح ياخذني من عمي لمن نزلنا في الباركات تلاقينا معاه و الي فاجئني طلال ناشده وهو يقول له جاسم جاسم بن فارس و تخيلي انصدمت بذاك الوقت و بديت ارجف من قلب. هناء:_ مو معقوووووووووووووووولة انتي كلش مو معقوووووووووووووولة انتي مع ولد عمج خووووش فلم اكشن. ريم:_ طالع هذي جوف شتقول انتي لو بمكاني صابتج جلطة قلبية و الله للحين مب مستوعبة هذا الي جفته ولد عمي. هناء:_ شوقتيني يا النحييييييييسة خاطري اجوفه بس لا تقولين طويييل. ريم:_ و بزوووووووودة. هناء:_ ياربي انا اموووت لمن اجوف واحد طويل و الله احمر. ريم:_ هههههه عيل الله يعينج على عمي. هناء:_ واااااااي فديته بعد روحي كلها. ريم:_ الحمدالله و الشكر. .................................................. ...... بالرميثية في بيت أم فيصل وين ما كان نواف ينزل من على الدرج وهو يغني.. سلامات حبيبي مو على بعضك سلامات ... مريم و اهي تناظره:_ يا خاتمت الله و خير اشعندهم اليوم متونسين. نواف وهو يوصل الصالة و يقعد حذال مريم:_ هاااي عمري. مريم:_ الحمدالله و الشكر باين مصخنين بعض الناس. نواف:_ صج ما عندج اصول و سنع اقول لج هاي ما تردين. مريم:_ اقول باين عليك مصخن. نواف:_ لا ما اظن بس ما دريتي. مريم:_ شنو. نواف:_ عمي ناااصر عسا ياربي يخليه قام بسلامة و انقلوه للجناح الخاص. مريم:_ احللللللللللللللللللف نوافوووووه و ربك قولي و الله. نواف:_ يمه قومي زين عن اتلزق صج لين قالو البنات وييييع. مريم:_ مااااااااااالت عيل انتو شنو يا رياييل الة ويع وييييييييييييع. نواف:_ من الحرة يوباااااا لكن حريمتج اوديج السالمية. مريم:_ هههههههه كلش عاد بيسوي لي أغراء الحين لا يوباااا الله يخلي فيصل حبيبي. نواف:_ ايه بجوف انا اذا وداج غير اتحلم ما كو. فيصل يقاطعهم:_ ما طلبتي مريوووووم لو عيوني تبينها ترخص لج بس السالمية ما طلبتي. مريم:_ واااااااي على الي بيتفجر ويهم من الحرة. نواف:_ حرة بعينج عبالج هلي يكلمج قد كلمته يوووبااا خليها لغيرج هذا يقول لج كلمة مني و يخونها بعد ثانية كلاام و بس. فيصل:_ اقول الي يتكلمون يلقطون لسانهم احسن لهم لا يصيبهم شي. مريم و اهي تصفر:_ وااااااااااااااااو شهود لحقي اقول يبي العلم و تعالي زين الحرب العالمية الثالثة رح تبتدي. نواف:_ وليييييه شكلها اليوم ام كشة زيرانها طالعة اقووول عن اذنكم بعدين فيصلوووه ترى عمي نقلوه الجناح الخاص يعني على المغرب رح ننزل الجهراء نطل عليه الاهل كلهم رح يكونون عنده. فيصل:_ صج و الله عيل اروح اريح لي علشان بعدين ننزل الجهراء. مريم:_ وييييييه و السالمية. نواف:_ سالمية بعينج كلامي ما خاب خلها عنك فيصلووو تدلع بنات ماله طعم وااااااع عليييهم. مريم:_ اصبر لي يالخاااايس. مشى عنها نواف و فيصل صعد فوق غرفته و بقت لحالها مريم بصالة... .................................................. .............. نرد للجهراء وين ما كانت مروة بغرفتها اهي و ملاك قاعدة لحالها و مسوية لها جو مع أغنية الجسمي الي مشغلتها و بالها بعييييد و الي قدر يملك تفكيرها و قلبها و حياتها كلها ماحد غيره ((طلال)) لكن وين الي يخبره بغلاه عند مروة.... قطع على حبل افكارها تلفونها يرن رقم غريب و من طبع مروة حتى الارقام الغريبة ترد عليها فرفعته و بصوتها الناعم ردت عليه... مروة:_ الو. الطرف الثاني " كان صوت ريال لكن تقريباً عمره 24 او 25 سنة "... الطرف الثاني:_ الو السلام عليكم. مروة من اسمعت الصوت ارتعش قلبها:_ و عليكم السلام. الطرف الثاني:_ لو سمحتي اختي هذا تلفون بنت. مروة:_ ايه امر اخوي من بغيت. الطرف الثاني:_ عيل السموحة انا غلطان في الرقم ما يامر عليج عدوو بس السموحة على الازعاج. مروة:_ لا كل واحد ماله داعي تستسمح. الطرف الثاني:_ تسلمين و الله من طيب أصلج على العموم كنت غلطان بالرقم في أمان الله. مروة:_ في حفظه و رعايته. تــــــــــــــــــــــــــابع |
سكر الطرف الثاني و مروة سكرت و بالها انشغل منو هذا ليش كان حب الفضول فيها هلكثر لتعرف من يكون الي متصل ما تدري بس تم سؤال في بالها منو هذا؟ ؟ ؟ .. >>> هم أحنا نبي نعرف منو بس باين السالفة اشوي غامضة مع الوقت و الاحداث رح نعرف منووو ؟ ؟ ؟ ... بهلوقت كانت أم مشعل توها مسكرة التلفون و التفت لها ابو مشعل... ابو مشعل:_ اشعندها ام فايز متصلة عليج. ام مشعل:_ مثل ما تعرف ماهب من اطباعها القطيعة متصلة تسأل و تسلم و هم تسأل عن سالفة فايز و مروة... ابو مشعل الي بدى ينزعج من هسالفة:_ يا ام مشعل كم مرة قايل لج ردي عليها و خبريها برفض البنت يا ام مشعل انتي حرمة كبيرة و عاجل ماهب ياهل و انتي اعرف بان كل الأمور يمكن تنأخذ بالهواش الة أمر الزواج هذي حيات اثنين و باجر بتتعلق في حياتهم يهاال هذي مب سالفة لعبة و بس و شور و راي البنت اهم من كل شي و انتي بنفسج عارفة رفض بنتج ليش تبين تسوين الي ما يصير و لا يرضي ربي العالمين حرام عليج البنت ما تبي ولد خالتها. ام مشعل بغرور و كبرياء متعالي فيها اوقفت و كأنها بكل شموخها تواجه الريح و تصدها:_ مو انا الي يردني عن افعالي كلام الناس حتى لو هلكلام يكون كلام بنتي او ريلي الي ابيه يصير و انت ادرى بان مروة من الصغر محيرة لولد خالتها شغير السالفة الحين. ابو مشعل وهو يوقف لها :_ الي غيرها العيال كبرو و ماهب انتو الي تحكمون تصرفاتهم و تححدون حياتهم و علمن يوصلج و يتعداج بنتي مروة ما تتزوج الة برضاها فاهمتني. و ترك لها الغرفة و مشى عنه وهو ضايقة به الدنيا اشلون يقدر يحلها مع هلحرمة همها تسوي الي تبيه و لا تراعي و لا تحسب لمشاعر غيرها و لزمن الي كل شي يتغير فيه ... اما ام مشعل بعد ما طلع زوجها ناظرت بعيون كبرياء:_ انا و الزمن طويل و رح تجوفون ان ما تزوجت مروة ولد خالتها ما اكون انا ام مشعل... ابو مشعل وهو يمشيى لمكتبه التقى في بنته مروة توها طالعة من غرفتها لقت ابوها و ابتسمت له ناظرها و بعيونه الدمعة ابرقت و قلبه يناشده ويقول .. حرام و الله يغصبونج على ريال ما تريدينه الله يسهل الامور و الله انا عارف بان امج لو حطت شين ببالها يصير يعني يصير... مروة و اهي تبتسم لابوها:_ يوووبا وين رايح. ابو مشعل بطيبة قلبه الكبيرة:_ ماكو نازل المكتب تامرين على شي. مروة:_ مشغول و الله بتقعد تتصفح لك بالكتب. ابو مشعل وهو عارف مروة تبي تقعد معاه:_ ما كو شي يشغلني عن حبيبتي و بعد دنيتي كلها مروة. مروة:_ بليييه شعرفك بيي بقعد معاك و احشر حالي وياك. ابو مشعل:_ افاا مو انتي بنتي و قلبي كله لازم اعرف لحبيبتي شنو في بالها قبل لا تقول. مروة بدلع:_ عسا الله يخليك لنا يبه و لا يحرمنا منك. ابو مشعل:_ تعالي معاي يبه ترى قعدتي بالمكتب لحالي تضيق خلقي ساعات. مروة:_ من عيوني. ( مشت مروة مع ابوها و اهي الوحيدة من بين اخوانها و اختها دووومها القريبة لبوها و لقلب ابوها و ان تضايقت غير ابوها ما تسولف له و لا تقول كل الي في قلبها لغير ابوها و من الصغر معلمها على الصراحة و لمن نخبي شي بقلبنا نتعب فعمرها ما عرفت تخبي شي على ابوها من لمن كان عمرها 4 اسنين أي شي يصيبها راحت تشكي لبوها و تبجي على صدره وهو الي دوم يراضيها اذا زعلانة و يفرحها اذا متضايقة ) .... ادخلت مروة مع ابوها المكتب و سكرت الباب .. بنفس الوقت ام مشعل اطلعت من غرفتهم على صوت الباب و عرفت ان مروة مع ابوها فتوجهت بغرورها للمكتب... مروة مسرع ما استرخت على الكرسي احذال ابوها و الة ام مشعل تدخل عليهم و تناظر زوجها بلا احساس خجل و لا شي يوقفها عن اغرورها و تكبرها و تعاليها على الصغير و الكبير على الغريب و الله القريب... مروة بطيبة قلب:_ هلا يمه. ام مشعل:_ ساحب بنتك تحميها مني و الله تحشر افكارك الجاهلية براسها اسمعني زين مروة بنتي قبل لا تكون بنتك و غير ولد خالتها المحيرة له ما تاخذ ولو اعتلت لعالي سما ما لها الة ولد خالتها و سالفة دلع بنات و ما تبيه تشيلها من بالها و كل شي رح تحطه براسها تراني اعرف اغسل عقلها مثل ما تعرف انت تحشر فيه هلكلام التافه . مروة اسمعت الكلام مثل السم الي يقطع قلبها و اهي تناظر امها اشلون تجرحها و تزيد الجرح اكثر و لا تفكر تداويه... ابو مشعل:_ الله يسامحج بسج الظن في غيرج بسج. ام مشعل:_ مب فاضية لهذرك الزايد كلمة و اقولها بنتي لولد خالتها و لا تفكر بشي ثاني غير هلحجي و انت عارفه من لمن كانو اصغار و عارف شنو موقفي بهلموضوع من البداية . و مشت و اهي تطلع من المكتب و تترك مروة تنهار و توطي راسها و تبرق عيونها بالدموع الدافية على حالها تلاقيها من وين و الله من وين مو كافي الي تعزه ما يدري عنها و هم يغصبونها على انسان ما تبيه شهدنيا الي ما تحس بحد لا اصغير و لا اكبير... ارفعت راسها و ادموعها بدت تجري على خدينها .. مروة :_ يبه. ابو مشعل:_ عيون ابوج. مروة:_ تكفى تركني معاك تكفى يبه و الله تعبت من هدنيا و الله تعبت لولا طيبت قلبي ما عشت و لا تحملت تكفى يا يبه اتركني معاك اتركني احتمي بحضنك مالي غيرك بهدنيا. ابو مشعل و قلبه ينجرح على حال بنته يروح حذالها و يلمها لصدره و يسمح على راسها:_ و مالي غيرج يا يبه انا بهدنيا انتي بنتي و عزي كله و انا لج و كاني معاج العمر كله و اذا باجر رحلت عنج تراني ما تركتج لحالج اكو من يصونج بعينه الي ما تنام وهو ربج يا يبه. مروة:_ اسم الله عليك عسا يومي قبل يومك لا تقول جذي بس ليش يا يبه امي ما ترحمني و لا تحس فيني مو انا ضناها ليش ما تفهم اني ما ابي ولد خالتي ليش . ابو مشعل:_ شقول لج يا يبه هذي امج و هذا طبعها و انتي عارفتها زين انا ما اقول لج الة تركي كل شي على رب العالمين و الصبر زين يا يبه خلج صابرة و الي يصبر الله ما ينساه و يجازيه بدنيته قبل اخرته على صبره. مروة:_ ليت الموت خذاني و لا اعيش بهدنيا ذليلة و ينكتب علي اعيش مع انسان ما ابيه و اكون مجبورة فيه. ابو مشعل:_ ذكري الله يا مروة مو هذا العهد فيج يا يبه انا ما علمتج جذي هااا لا تخيبيني في ترابايتي. مروة و اهي تبتسم لابوها و سط ادموعها الي بللت اجفونها:_ عساني فدوة لك يا يبه و الله اجذب لو قلت ما احبك. ابو مشعل وهو يلم بنته:_ و اكثر يا يبه و عسا الله يرفع راسي فيج و بخوانج الباجين. مروة:_ ان شاء الله. .................................................. ................... وقفت و اهي تلم يد وليد بحظن يدها و تدفيه اما وليد فكان شارد باله لبعيد و كلش مب مع بدور و الهوى البارد الي كان يهب على البلكونة و يطير خصلات من شعر بدور الناعم الحلووو.... بدور:_ حبيبي تفكى لا تفكر واايد و الله ما يهون علي اشوفك مشغول البال.. وليد وهو يلتف لبدور و اول ما المحت عيونه عليها خجلت و وطت راسها تقرب من اذنها وهو يهمس لها:_ مثل ما يموت الليل في مشرق الصبح يموت همي لا سرحت و ذكرتج... بدور مثل عوايدها دومها تناحس وليد بالشعر و الكلام الحلوو:_ تعبك راحة و أحبك مهما تتعبني شفت الغلا كيف سوا من التعب راحة. وليد وهو يناظرها بعيونه إلي تتميز بحلات الغرور الرجولي:_ كل منا قلبه على الثاني لو ضحك واحد فرح و ابتسم الثاني ولو انجرح وحزن واحد مننا صرخ اه علني فدى نصفي الثاني .. احنا غير البشر احنا توأم الواحد منا روحه و حياته رهن لثاني... بدور و أهي تتحداه بحركة اعناد بالشعر:_تزعلني وتراضيني وأضيع فحربك وسلمك!!تحيرني بنظراتك وتتعب قلب مضنونك..أبدماأسمع لعذالي ولو يتمادوا في ذمك..أنا من زود حبي لك أحس انهم... يمدحونكنعم لك حق تتدلل مدام ان العسل دمك...نعم لك حق ياعمري تعاند من يحبونك !! وليد وهو يصفق لبدووور:_ فديييييييييت ابو العناد كله بالشعر بدورووه تتحديني. بدور:_ قدها انت. وليد:_ و اكثر. بدور:_ اخاف تندم. وليد وهو يعاندها و يبتدي لها ببيت شعر:_ على هونك على هونكحبيبي لا يغرونكنصيحة لا تصدقهملو قالوايحبونكقليل اللي انجبر فيهموكثير اللي تخليهممحبه مالها أيأساس أكيد في يوم ينسونكحكيهم كله قيل وقالصدقني هذا هو الحالوإذالحظه تغيب عنهمورى ظهرك يطعنونكأنا اللي بصدق حبيتك وفي وسط القلبحطيتكخذني كيف ماتبغانيلكن لا يهزمونك تبيني فارس أحلامكتبيني دومقدامكـعطني بس لو فرصهوأثبت إني مجنونكـ... بدور و اهي بكل قوة نحاسة تناظر وليد:_ وش هالكون بعدكعلمني وش يكون؟؟وش هي الدنيا بدونك غير صمت وسكون! الصبحشاحب! والليل تملاه الظنون! والزوايا موحشه فاقده قلب حنونعادي كلهالناس عندي يروحون او يجون . .الا انت غير كل هالناس "روحتك ماتهون "... وليد وهو يناظر بدور و ناوي عليها بشي اهي قالت بتتحداه و تراه لازم يكسر راسها بشي تقرب منها بحيث كانت تبعد خصلات من شعرها عن عينها و باسها على خدها و اسر يدينها.. بدور و اهي بدت تخجل:_ وليد. وليد وهو أسر يدينها:_ عيونه اشفيج علي جذي اشوي و تكفخيني. بدور:_ قلت اتحداك بالشعر ماهب بشي ثاني. وليد:_ انتي الي قلتي بتتحديني و غيويتني من شعرج الي تقولينه و خلاني اسوي الي في بالي. بدور:_ زين اشلك بيدي اتركها. وليد وهو يقرب يد بدور على صدره:_ لامسي هصدر و حسي بدقات قلبه و الله انه يبيج. بدور:_ و انا كلي فدوى له. وليد:_ يوزي عن كلامج لا تحصلين شي اكثر. بدور:_ لالا و لي سلمك خلاص اسكت احسن لي. وليد:_ اقول شخبار الحمال معاج عسا مو متعبج. بدور:_ الحمدالله كل شي ابخير و عافية و للحين ما بدت اشهور الثقل علي علشان اتعب بعدين اتعبي علشانك راحة. وليد:_ تسلمين و الله. بدور:_ اقول شلي مضايقك هلكثر. وليد وهو يفتح قلبه لبدور الي دوم تسمعه و تفهمه و تحمل حزنه و همه عنه:_ أااااه يا بدور هدنيا غريبة و مالها حال مستقر يوم تحزنك و يوم تفرحك و يوم تحيرك بين هذا و ذاك و الله صعب الواحد يعيش بيامها و اسنينها. بدور:_ وليد تحسسني انك عايش بهدنيا وحيد و لا كأنة اكو من يحاتيك دوم و يخاف عليك و يحمل همك لاحزنت و تضايقت. وليد:_ عذريني يالغالية و الله الي قاعد يصير لنا محير تفكيري و مشيب راسي. بدور:_ ما عاش الي يحيرك يالغالي و الي يصير هذا المقدر و المكتوب من رب العاليمن و مالنا عرضة عليه و خل أملك بربك كبير و ماكو شي يصعب على رب العالمين وهو العارف بالحال. وليد:_ بس ليش ابوي الله يخليه يقسى علينا جذي و يزيد حالنا هم اكثر و الله مو ذابحني الة الوالدة الي كل ما تنذبح من افراق واحد من عيالها تكتم الي فيها و ما تشكي الة لربها يعلم الله ان حاس فيها لكن و ين الي يقدر ظروفها و يحس فيها . بدور:_ هذي الدنيا يا وليد و عمتي الله يخليها ان شاء الله صابرة و الله عاطيها الصبر بليا حدود و لها جزاتها من ربها و الله ما ينسى من تمسك به. |
وليد:_ و النعم بالله. بدور:_ عشان جذي حبيبي لا تنهم و تضايق باجر الله يفرجها ان شاء الله. وليد:_ الله يسمع منج. .................................................. .............. في هذا الوقت وين ما كانت نوف مع جاسم توهم واصلين المزرعة و انزلت نوف من السيارة .... جاسم:_ نوف دخلي انا بلحقج بالجناط. نوف:_ لا جاسم خل الدريول يحملهم عنك. جاسم:_ ماله داعي اكلف عليه. نوف:_ و الله بذبحك اشفيك انت اليوم يوبا انا الي ابي اكلف عليه مب انت. و ناشدت نوف الدريول و حمل الجناط من سيارة جاسم و اخذهم لداخل الفلة للمزرعة... نوف و اهي تنزل اشال على كتفها و تتدلى خصلات من شعرها الناعم على خدينها:_ و الله خاطري بالفلة من زماان ما تيمعنا و ييناها. جاسم:_ هذا انتو هل اسم بس اهل دوم القطاعة بينكم. نوف:_ شنسوي يعني هذي الدنيا و انت اخبر بها. جاسم وهو يزيح الكاب عن راسه و يقوم يمشي لوين ما كان المطبخ:_ اااه لا تيبين طاري هدنيا الي ذابحتني. نوف:_ اسم الله عليك من الذبح عسا يومي قبل يومك. جاسم يلتف لنوف:_ فديتج انا. نوف:_ يوز ماهب حرمتك انا عشان تتغزل فيني. جاسم:_ ياليييييت القى حرمة لي مثلج و الله من دون سؤال اطير لها و اخذها معاي تعيش العمر كله حذالي. نوف:_ و من قال لك مافي اصلاً في و تعدوني بالطيبة و الاخلاق و الحلى كله. جاسم عرف ان نوف تقصد ريم و رجعت ريم على باله و حس حاله كل ما يبي ينساها يرجع الزمن يذكره فيها... نوف:_ اشوفك سكت ما قلت منو هذي. جاسم:_ ما يهمني الموضوع. نوف:_ يالمقروووووود قصدك لانك عارف منو عشان جذي ما سألت. ضحك جاسم و دخل المطبخ يفتش له على شي يشربه من الصبح ما كلى شي... .................................................. ........ و على العصر كل من عويل عايلة بن فارس تواجدن عند ناصر بالمستشفى و الكل افتقد تواجد ابو وليد لكن هذا المكتوب اما ابو وليد كان قلبه على اخوه رايد يتطمن عليه فبقى ينتظر اعياله يردون و على المغرب لمن اظلمت الدنيا اول من ردو محمد معاه امه و نوف .... وين ما كان ابو وليد بصالة اول ما دخل محمد اتجه لبوه يسلم عليه... محمد:_ هلا يبه. ابو وليد:_ هلا فيك ها عسا عمك ابخير. محمد وهو وده يصرخ من الوناسة ابوه قاعد يسأل عن عمه واااي ... :_ الحمدالله طلع منها بسلامة و ما يشكي باس و مو ناقصته غير شوفتك يا يبه. ابو وليد تجاهل لكلمة ولده محمد ( مو ناقصته غير شوفتك يا يبه ) :_ الحمدالله على كل حال. محمد:_ يبه انا استأذن بصعد داري تامر على شي غير سلامتي. ابو وليد:_ ما يامر عليك عدو. محمد:_ تسلم عن اذنك. ابو وليد:_ اذنك معاك. طار محمد لفوق و الة نوف تنتظره... نوف:_ حمووود شلي قاعد يقوله لك ابوي. محمد بخبال:_ كللللللووووووش. نوف:_ هي هي يوز اشفيك ردي علي لا تحرقني. محمد:_ سكتي يا نويفوه ابوي يسأل عن عمي شحاله. نوف:_ احلف يا المقرود ما اصدقك انا اعرفك تلعب بعصابي من الزين. محمد:_ شعصابه يا نويفوه اقول لج يسأل عن عمي اشفيج مب مصدقتني. و بهلوقت وليد توه صاعد معاه بدور و رنيم توهم واصلين من المستشفى لانهم كانو ورة محمد بالدرب... وليد:_ خير شهلعفسة عندكم من بيعرس. محمد:_ ههههه يقولون انا ههههههاي ماكو شي بس ابوك يسأل عن حال عمي. وليد:_ حمودوه منصجك تتحجى. بدور:_ لا تستغرب وليد ترى عمي هذا طبعه ينكر مشاعره الي بداخله بس احياناً ما بقدر يكتمها وااايد. نوف:_ ايه و الله كلام بدور زين العقل بعدين تركوه بالنهاية رح ترد المياه لمجاريها و مثل ما يقولون عمر الجفن ما يعلى على الحاجب. وليد وهو يبتسم لبدور ارتاح باله جزئياً... محمد:_ هي مستر وليد عن اتبقق بعينك تراك ذبحت حرمتك. نوف:_ انت اشعليك منه حلاله. وليد:_ وااااااي سكتوه سمعت شنو حلالي اقول بدور امشي زين معاي خلنا من هلمطفوق. محمد:_ بدور الله يعينج تراه ناوي نيتن شينة عليج اليوم.. بدور بنحاسة لوليد:_ ما يقدر رنيم صاحية ماهب راقدة. نوف:_ هههههههههههههههههه حسبي الله عليج يا بدور. محمد:_ فديتها مرت اخوي خوش حرمة سنعة ايه خلج جذي قدها. وليد:_ بدور شناوية على عمرج عشان تقطين هلكلام. بدور واهي تغمز له بعينها:_ و لا شي. فمهما وليد انها نحاسة منها مع محمد و مشى و راحت معاه لغرفتهم... محمد:_ وااااااي يا قلبي متى بس اشوف شهد معاي طول العمر مثل ما هلمزهوق مع حرمته. نوف:_ صل على النبي لا تحسده و من هذا لك. محمد:_ الله و كبر اول مرة نويف تدعي لي بشين زين اقول مب جنج مصخنة. نوف:_ لا امبردة. محمد:_ ههههههههههاي باخية. نوف:_ دامها بايخة شلي ضحكك. سكت محمد .. نوف:_ هههههههه تبلعم الريال لكن مقيولة من مصاختك تضحكت باااي. محمد:_ صبري لي يا لوسة بسنعج بعدين دواج عندي. نوف تبلحس على محمد بلسانها و تمشي عنه لغرفتها و محمد بالمثل مشى لغرفته ... .......................... الي قبو مع ناصر من الاهل كانو الشباب طلال و زياد و قاعدين سوالف و غشمرة.... طلال:_ ما خبرتك عمي. ناصر:_ شنو لقيتها حبيبت القلب. طلال:_ أي حبيبت قلبك الله يهداك شي ثاني. زياد:_ بس امرقهما عيل. طلال:_ وليييه اشفيكم علي خلوني اتحجى زين. ناصر:_ زين تفضل يا فيلسوف زمانك انت. طلال:_ اقول لك اليوم دقيت على عبدالله ارفيجي و بالغلط شكلي لخبطت بالارقام و الة تكلمني بنت. ناصر:_ واااااااااااااي طلولو احلف بذمتك طلع رقم بنت. طلال:_ ايييه بس ما طولتها استسمحت و سكرت. زياد:_ ايه زين العقل سويت. ناصر:_ طاع هذا مالت على فهمك يدب اشفيك ليش ما طولتها معاها. طلال:_ البنت من كلامها كان يبان عليها محترمة و عشان جذي فرضتي علي احترمها و ما اطولها معاها. ناصر:_ يوبااااا صج انك ماهب عاقل يمكن تكون هلغلطة فرصة لعمرك ليمتى انت ما تبي تتزوج يا اخي. طلال:_ طاع هذا شنو يعني الي يبي يتزوج يتعرف من اتلفون. ناصر:_ هههههه احدى طرق الزواج المتقدم. زياد:_ قصدك المتخلف. ناصر:_ اقول انت الي مخربه و مخليه واحد معقد مثلك ياخي خله يشوف حياته يحب و يتزوج و يكون له بيت و ييب له عيال اشفيك انت يا اخي. زياد:_ بس مب جذي و الله مب عدلة لا في حقه و لا بحق البنت. ناصر:_ وليييييه زيووود يوز لا افضحك على سوالفك عبالك ناسي سالفت.. زياد ينقض حاله:_ لالا عمي شسالفته ناسيها لالا اقول طلالو كلام عمي زين العقل لازم تطولها معاها و الدام الرقم للحين بسجل المكالمات تقدر تدق بالوقت الي تبيه. طلال:_ اقول عمي شلي اقلبه زيود بليييه ليكون عنده سوالف. ناصر:_ و بزوووووودة أسال جاسم و خله يعلمك تراني جاكه بسالفة مب جسوم الي ادرة عنه بكل شي. زياد:_ الله يطلعنا طلال حبيبي ماعليك منه عمك للحين فيه تأثير الحادث. ناصر:_ ههههههههه يا عيني عليك تعرف تلفها لا يوبا طلال تراني ابخير و مثل ما تجوف عينك سليم و صحي زيود الي يبي يعدلها علشان لا ينفضح بس ماعليه علشان خاطره بسكر موضوعه و الله ترى اقول لك تحذر منه ترى ياما تحت الدواهي سواهي. طلال:_ هههههههههههه ما اظن زيود عاقل بعدين هسوالف طبع في نحاسة الشباب يعني مب معناتها يكون خطير. زياد:_ فديتك طلال هذا الي يحبني مب الي وييييع. ناصر:_ لا تغلط لا ييك كف الحين يلف لك راسك. زياد:_ افاا انا اغلط على عمي لالا من يقول جذي. ناصر:_ ما اقول لك خطير اهو الي يبدي و بعدين يقلبها عليك. .......................................... مر الوقت بلمح البصر و اصبحت الدنيا ليل بظلمتها وين ما كان في بيت ابو مشعل كان زياد و مشعل بصالة و ملاك و مروة معاهم و كان الوقت ليل على الساعة تقريباً 11:00 ... زياد:_ تصدق مشعلووه عمك هذا مخرب طلال من الزين. مشعل:_ زيود بذبحك انا الي يسمعك يقول انت ماهب مخترب. زياد:_ وليييه من اتكلم مع احد يابوها علي زين اسمع. ( مروة من اسمعت بطاري طلال تمت تسمع كلام زياد و لمن قال انه اخترب عرفت معاناتها صارت عنده سوالف بنات و خافت بس بدنيته انسانة يعزها)... زياد يكمل كلامه:_ يقول طلال اليوم بالغلط خربط بالارقام و بدال لا يتصل في رفيجه عبدالله اتصل على رقم بنت. مروة و اهي تسمك قلبها و حست ان الكلام الي يقوله زياد مثل الي صار لها اليوم مع الي اتصل بالغلط فيها... مشعل:_ قول و الله و شنو صار. زياد:_ يقول ما طولها لمن عرف هذا رقم بنت استسمح و سكر. مروة و اهي تنصدم الي اتصل فيها سال اذا هذا رقم بنت او لا و بدى قلبها يدق بدقات قوية معقولة يكون طلال الي اتصل فيني اليوم و كلمته ياربي شهصدفة مو معقولة... مشعل:_ وليييه كلش مب راعيها ولد العم. زياد:_ ايييه اهو ناقص بعد روح كمل سالفت عمك و علمه زوود ليش انت مقصر لا اشهد الله مكفي و موفي مع. مشعل:_ جب لا ييك شي اشفيك اليوم علينا تبي تفضحنا انت. ملاك:_ مروووي اشفيج صاخة جذي. مروة:_ ها لالا و لا شي بس عيني حارقتني اخليج بقوم ارقد. ملاك:_ و انا بالمثل مالي غير اقوم ارقد من الفير صاحية. قامت مروة و من وراها ملاك. مشعل بطناز وهو يغني:_ وسعو المعلب و زين العذارى في وسط. ملاك:_ وخر اقول عن اتثيقل. زياد:_ يا زينهم يا مشعل شوف الحلا يوبا هذا الزين كله. ملاك:_ وليييه ثقالة مروووي نطريني تراهم لزقو بي هلمطافيق لا تخليني معاهم. مروة ما كان بالها مع ملاك و اصعدت فوق و تمت نحاست زياد و مشعل على ملاك الي يننونها... صعدت مروة غرفتها و اهي بسرعة تروح تدور على تلفونها و لمن لقته بلمح الصبر راحت تجوف رقم الي ياها اليوم و كان بالغلط و تمت تناظر الرقم و بالها ينشد له اكثر و اكثر و تحس بان وراه شي كبير .. و انشغل بالها طول هليل ليمن ارقدت و تركت تلفونها سايلنت علشان لا يزعجا ليمن يدق احد عليها... ....................................... هذي نهاية الفصل الأول أتمنى كفيت و وفيت بهذا الفصل و انتظروني بالفصل الثاني بس شنو تتوقعون معقولة الي اتصل بالغلط على مروة يكون نفسه طلال؟ ما رح احيركم بالأسئلة وااايد بس تريوني بالفصل الثاني من الجزء الحادي عشر وهذي عيديتكم بمناسبة العيد الأضحى مقدماً في انتظار تواجدكم الي عودتوني عليييه تحياتي .. ريماني الفوارس .. |
يااااااااااااااااااااااااااااااااااااااااااااااااا اااي انت مؤلف واااااااااااااااااااااااااايد روعة
مشاالله عليج عندج موهبة و خياااااال خصب,لا وبعد يمكن اتصيري مؤلقة مسلسلات خليجية مشكروة حبيبتي على هالقصة تسلمي,شوقتينا يلا يلا ننتظر الجزء الثاني على احر من الجمر |
الصراحه كفيتي ووفيتي
تسلمي والله يعطيك ألف عافيه |
الثصصه جناااااااااااااااااااااان سلمتي أختي ولكن كان الجزء قلييييييييييييييل ونحن على شوق لمعرفة النهاية فأرجوك بسرعه لأن أعصابي تلفت
|
حبيبتي هدوووب.........
يسلموووووووعلى الجزء الرووووووووووووعه..... ونحن بإنتظارك....... |
تسلمين يالغالية على التكملة الجميلة ...
وأنا أنتظر تكملة القصة .. أرجو إنج ماتتأخرين ... |
اقتباس:
تسلميييين و الله و أنتي الأروع يالغالية و الله تواجدج نور بصفحاتي و عساني ما اطول عليكم بالأنتظار أن شاء الله عسا الله لا يحرمنا تواجدج و طلتج الحلوة تحياتي .. ريماني الفوارس .. |
اقتباس:
يسلموووووووووو و الله يعافيج يارب و يسلمج و يحفظج نورتي بتواجدج معانا تحياتي .. ريماني الفوارس .. |
تسلمين على التكمله
في منتهى الروعه في إنتظار الجزء الثاني ألف شكر |
اقتباس:
أنتي الجنان بتواجدج معااااي بالقصة و متابعتج الحلوة معااي والله الجزء كان قليل علشانكم بس صبرو علي اشوي علشان اكفي و اوفي بالفصل الثاني من الجزء الحادي عشر و ما عاش الي يتلف اعصابك السموحة على تأخيري تحياتي .. ريماني الفوارس .. |
اقتباس:
هلااااااااااااا فيج توه ما نور المكااااااااان الله يسلمج و يحفظج و أنتي الأروع حبيبتي تحياتي .. ريماني الفوارس .. |
اقتباس:
الله يسلمج يالغالية و أنتي الأجمل و أن شاء الله ما أتأخر عليكم بس أبي صبركم علي تحياتي .. ريماني الوارس .. |
اقتباس:
الله يسلمج و يحفظج يالغلا أنتي الرووووعة نورتي و الله العفوووو ولو ما سوينا شي غير الواجب تحياتي لكم .. ريماني الفوارس .. |
مشكوووووووووووووووووره حبيبتي ...
ويسلمووووو.. ننتظر البقيه ... واهنيك ما شاء الله تبارك الله ..عندك هوايه من جد بدووون مجامله حلللوه ..ما شاء الله تبارك الله.. ننتظر البقييه |
عمري انتي فديت قلبش يالغالليه زين سوووتي
والله رجعت قريت العااشر عشان اذكر الاحدااث يسلموووووووووو بلييييييييييييز كمليها بسسسسسسسسسسسسسسسرررررررععععععه يسلمووووو |
(( بلونه حمرا )) الله يسلمج يالغالية تسلمييين لي و الله و أنتي الحلوووة بطلتج معانا عسا الله لا يحرمنا من تواجدج (( layla.u.f.m )) أنا إلي فديتج الله يسلمج يالغالية أن شاء الله من عيوني أنزل لكم الفصل الثاني من الجزء الحادي عشر بس ها بالهون علي لا تستعيلوني واااايد أبي يكون الفصل الثاني أطول علشان أكفي و أوفي بيه و تسلميييييين على هطلة الحلووووة عسا الله لا يحرمنا من تواجدج بينا و معانا تحياتي لكم .. ريماني الفوارس .. |
مشكوورة هدباء على التكملة..
وأنتظر الجزء الثاني .. لاتطولين... |
هدبــــــــــــــــــــــــــــا طول علينا يالغلى بالجزا
وينه |
هدوووب وش فيك تأخرتي علينا........
عسا المانع خيرر إن شاء الله........ |
هلااااااااا أسم الله عليكن شصابكن قلبتو الصفحة ردود جذي هههههههه ما عليه السموحة على التأخير بس دووم الجزء شاغلني بس علشان أكمله لكم بأسرع وقت و كاني ييتكم وهو معاي شنو تبونه لو اخليه مرة ثانية ترى على راحتكن يعني ما اسوي الة الي يرضيكن ههههههههههههههههههههههههههههه صج لمن تقول لي ارفيجتي ملعونة صدقت ما جذبت ادري اني منحووسة يلا ما بشوقكن اكثر و بخليكن مع الجزء بس تررراااااه طويل يعني لا ترقدوون و تييكم النودة و تخلونه يولي بذبحكم :006: يووووووووه نسيت هبي نيو ير و كل عام و أنتوا بخير على سنة 2008 و أن شاء الله تكون حظ عليكن حلووووو و الله يكتب لكن السعادة بكل ايامها و لياليها و يبعد عنكن كدر هدنيا و مصايبها يااارب ..".. الجزء الحادي عشر ..".. _"_ الفصل الثاني _"_ .. بحر شوقك .. أنا كتبت الحب وأعليـت شانـه...حتى ولو قابلني الحـظ بصـدود العهد خطيتـه وعنـدك ضمانـه...يبقى الوفاء والعهد بالفعل موجود أغليك من قلـبِ يعانـدزمانـه ...ما ينتهي عمر الغلا دوم موعود يا شمس عمري يا دفاه وآمانـه ..ياأغلا الملا فيك الغلا دايم يزود _"_ الفصل الثاني _"_ مضى هليل على كل من عاش بهدنيا من بشر و من قلوب ناس مهمومة و من أمواج بحر تلطم على الصخر بظلمة الليل و من طيور تخبت من وحشة الظلمة و بقى جاسم بهاليل سهران و ما جفت له رمش أو عين ترقد و باله دووم مشغوول خذته الأفكار لبعيد و باله ماهب مستقر على شين يفكر فيه كل ما يفكر بحاله و بموقفه بين هله انرسمت له ريم بملامحها جدام عينه و بباله و يحسها مثل الشي إلي يحلي فكره و يزيح كل الهم عن صدره .. وطى راسه جاسم وهو وسط افراشه و البرد يحوي الغرفة لحجمها الواسع و الفاخر بالأثاث الروعة وهو يفكر بباله شهلحساس الي كل ما اريد اشغل حالي بشي ريم تيي لي ببالي و تنرسم لي بحلاها الي ما توقعته ان اكو احد بهدنيا يمتلك مثله و ليش صارت راحة لهم صدري و لقلبي المهموم معقولة حبيتها معقولة هلأنسانة الي جرحتها برفضي لها و الي سافرت علشان مابي اتزوجها تأسر قلبي من أول مرة التقي فيها معقولة معنات ذكرها الي ما فارق بالي من يوم التقيت فيها انها قدرة تملك كل حياتي و تفكيري و روحي أاااااااااه غريبة يا دنيا و الله غريبة ما كنت ممن يعشق بنت تقرب له لكن من يعيش بدنياج مجبور يقبل بكل شي فيج يصيبه ... اااااااه باين يا جاسم اشي الي بيرضي الكل عنك هو زواجك من ريم بس اشلون ريم اهي احين الي ترفضني ماهب انا و متأكد انها باعتني مثل ما بعتها بيوم سافتر برع البلاد و الهدف بعدي عنها و عن الزواج بها ... ااااااااه القايها من وين و الله من وين يارب سهل لي الدرب يارب و الله و انت شاهد علي تراني ناوي بكل ما فيني اقبل بلي وصو به هلي و اتزوج بنت عمي بس يارب يتيسر كل شي عارف ياربي الي سويته هدم كل الي بنوه هلي عارف بان انا الي سببت رفض ريم الحين عارف بان انا الي صعبت الموقف علي لكن هذا الي مقدر و مكتوب و لازم يحصل لو شنو صار و مهما حصل ... ................................................ بين هلحظات وين ما كان زياد ببلكونة غرفته و الهوى باااارد بالحيل و كان من حواليه الحاف يلم حاله فيه و باله لبعيد شارد و عينه على السمى متعلقة و نور القمر كان يسطع على عين زياد و تبرق لحلها الروعة مال براسه ناحية البيت إلي حذالهم و تم يناظره وهو بسكات يكتم كل الي يحمله هلبيت بداخله .. " رح اخبركم طبعاً لتكونون مع زياد بالأحساس نفسه .. زياد يحب بنت جيرانهم و دوم يلتقي معها بصدفات لمن يطلع من بيتهم و اهي كانت احياناً تبتسم له و تتركه بذاك اليوم يعيش دنيته ناسي كل الهم و المصايب و أحياناً تتجاهل شوفته جدامها و تتركه متولع بشوقه لها و يزيد حبه لها يوم بعد يوم .. زياد بطريقته قدر يتوصل و يعرف رقم تلفونها لكن كل ما يتصل فيها ما ترد على رقمه و هذا الي حارق قلبه ".... زياد وهو يناظر تلفونه و بباله يسأل نفسه أتصل فيها أو لا يمكن ترد يارب ليش ترفض تكلمني ليش شنو السبب الي يمنعها صار لي ثلاث اسنين كل ما اتصل فيها ما ترد على أي مكالمة ليش ياربي ليش .. بين لحظات حيرته زياد و لحظات و يعلن وصول رسالة على تلفونه و بلمح البصر رفع تلفونه و فتح المسج ((يمكن كسير العظم يبرا بتجبير ..و يمكن علاج العين بـآيات تقرا ..و يمكن صياح الألم يبرا بـتخدير..و يمكن قلوب الناس بفلوس تشرا ..كل العلل تبرا بسبّه و تدبير ..لكن مريض البعد وشلــــــون يبرا ..! )) ... المرسل :_ ********* ( نفسه رقم بنت جيرانهم ) ... تم يناظر المسج زياد و عينه ما تصدق الي تشوفه طرشت له مسج معقولة مستحيل ثلاث اسنين و بالنهاية بعد ما فقد الأمل تطرش لي مسج يالله يالله شقاعد يصير يارب الحمدالله لك الحمدالله لك .. التفت للمسج و انتبه لحاله معقووولة تحبني اااااه لا مستحيل مب قارد استوعب الي يصير و لا افهمه يارب الحمدالله لك الحمدالله لك على كل حال رجيتك و ما رديتني خايب الحمدالله ... زياد بجنون ماحد يوصله بدى يكتب لها مسج ((لا تخون قلبي ولا تنويالا سواه ..ولا تظن اخونك والعهد اكبر وفايه ..هذا فوادي وان بغيته مااباه يفداك خلي والعمر لحظه سنايه ..خليني اعشق خافقك واطلب رضاه وخلينياشره والمحبه هي دوايه ))... وصلها المسج سارة بعد لحظات و ارتسمت الابتسامة على ويها الناعم لكن مسرع ما انتهت من قرأة المسج هلت ادموعها تحرق عينها لحرارتهم و اهي ترفع راسها لسمى يارب لا تعذبني و تعذب الغالي يارب حرام اني ما اكون له يشهد الله ملك روحي و كل ما فيني و ما اقدر اكون لغيره يارب رحمتك على حالي يارب ... زياد بفرحة ما يقدر قلبه يحملها بقى ينتظر مسج من سارة لكنها طولت فمن جنونه رفع التلفون و اتصل فيها ... ارتعشت اول ما سمعت صوت تلفونها يرن سارة لقته رقم زياد احتارت شتسوي بهذي الحظة فقدت كل صوابها و بكل شوق ارفعت التلفون لأول مرة و قلبها يدق بدقات قوية تتفجر معاه أحلى مشاعر الشوق و الوله.... سارة بصوتها و أهي ترتجف لبرودة الجو:_ ألو. زياد أول ما سمع صوتها أرتعش قلبه و تخلله أجنون ماحد يلقاه بهدنيا رد عليها و أرعش قلبها بصوته:_ هلا. سارة و الدمعة ألمعت بعينها و أهي تقول بقلبها فديت صوتك يالغالي:_ هلا والله. زياد و قلبه بياكله من الشوق:_ شخبارج سارة. انصدمت سارة اشلون زياد يعرف اسمها :_ الحمدالله ما نشكي باس أنت شخبارك. زياد:_ دومي أسأل عنج. سارة و خدينها دفو لخجلها من كلام زياد معاها:_ سألت عنك العافية. زياد:_ أسف لو أزعجتج بهليل و الوقت متأخر. سارة:_ لا لا تقول جذي عمرك ما زعجتني و عمر الوقت ما كان مقياسي بهدنيا لمشاعري. زياد:_ تسلمين كلج أصل و ذوق. سارة:_ الله يسلمك و يحفظك. زياد ترك لنفسه الحرية و بدى يضحك .. طار عقل سارة لمن اسمعته يضحك... سارة:_ علامك شلي مضحكك. زياد:_ ههههه و لا شي بس مب مصدق أني أكلمج. سارة:_ و أنا أكثر. زياد:_ ممكن سؤال. سارة:_ من دون ممكن قولي الي على بالك و الي بقلبك. ابتسم زياد من قلب و اخذ نفس عميق:_ سارة ( دق نبض قلبها لمن اسمعت اسمها على لسانه ) ممكن أعرف ليش ترفضين تردين على أتصالاتي لج من 3 أسنين ممكن أعرف شلي يمنعج ؟؟؟ سارة:_ ليام وحدها رح تعلمك يا زياد ما أبي أضايقك من أولها. زياد:_ شلي تقصدينه يا سارة بكلامج؟ سارة:_ قبل كل شي حنا يا زياد بهدنيا لازم نرضى بكل الي ينكتب علينا لانه قدر و مكتوب من رب العالمين و مالنا عرض عليه صح. زياد:_ أكيد. سارة:_ علشان جذي أنا بقلبي لك كلام واااايد و قبل كل شي أبي قبل لا تسمعه ما تفهمني غلط و تحط شين ببالك بأن هذا واقع و لازم نتقبله أن كان مر أو حلو أن كان قاسي أو حنون. زياد:_ أنتي تامرين و عمري كله ما أفهمج غلط و إلي تقولينه كل هذا ببالي و أنا عارفه. سارة:_ أوكي زياد أنا حرمت نفسي منك 3 أسنين و كنت دومي أرفض أرد على أتصالاتك علشان شي واحد و رح تعرفه قريب بس أنا اليوم و بهليلة حبيت أسمح لك و اترك لك المجال تكلمني لأنة قلبي ما عاد يقدر يقسى عليك أكثر لأني أعيش الي تعيشه و أكثر و طيبتي ما ترضى تشوفك حيل متضايق و متعذب بدنياك. زياد:_ لا تعجزين لساني عن الكلام يسارة . سارة:_ ما عشا الي يعجز لسانك بس اتركني اقول لك الي بقلبي. زياد:_ القلب مفتوح لج طول العمر و يسمعج و يهون عليه يحمل همج و لا يشوف تعبج قولي الي تبينه. سارة:_ أسم الله عليك زياد عندي لك كلام وااايد و ما أظن أقدر أقوله لك الحين بس إلي بطلبه منك لا تشغل بالك و تحط ببالك افكار وااايد الي بقلبي رح تسمعه و أنت أول من أعترف له بلي داخلي بس زياد الوقت ليل و متأخر أن شاء الله بوقت أنت ما تكون فاضي سو لي مسكول و أنا أتصل فيك. زياد:_ طول عمري فاضي أنتي بس أمري. سارة:_ عيل على باجر أن شاء الله أكلمك. زياد:_ بنتظارج. سارة:_ تسلم .. تصبح على خير. زياد:_ الله يسلمج و يحفظج و أنتي من أهل الخير تحملي بحالج. سارة استحت من كلمة زياد لها ( تحملي بحالج ) :_ و أنت أكثر في أمان الله. زياد:_ بحفظه ورعايته. سكر زياد وهو ماهب مصدق عمره نسى الكلام الي بتقوله له سارة الأهم أنه سمع صوتها و تم طول اليل على فراشه يترنم بصوتها بأذنه و كل أشوي يهمس بلسانه بجنون " أحبج .. أحبــــــــــــــج " و على هذا الحال لأول ليلة يرقد فيها زياد بعد شقى و حرمان طول ثلاث أسنين .... سارة من صوب ثاني سكرة أتلفون و غرقت عينها بدموعها حاسة أنها ما تبي تجرح زياد بالحقيقة ما تبي تقسى عليه ليش القدر لازم يكون قاسي ليش لازم يكون مألم والله أني أحبه ياربي أحبه ليش جذي ياربي ليش هذا جزاتي لني عزيته بقلبي و عطيته روحي رحمتك يارب رحمتك.... (( شهلحقيقة إلي معذبة سارة هلكثر؟ و معقولة هلحقيقة بتجرح زياد؟ مع الأحداث رح نعرف أن شاء الله )).... تــــــــــــــــابـــــــــــــــــع |
:042" :042"هدبـــــــــا :042" :042"
والله ليتني قريبه جنبكــ كان ذبحتك اليوم قبل باااااااااااااااااااااااكر وين البااقي جننتيني تقوولي طوويل ولا نوود قمت وجبت لي قهوى عشان ما انوود بس جزا وصغير بذبحش بس انتي عطيني عنوانش واجيش .26. اووووف .26. :042" امزح معااش حبيبتي لا تاخذي على خااطرش:042" |
هدوووووب حراااام عليك
كان طولتيه كمان شوي يالله لا تتأخري علينا |
مشكوورة هدباء على التكملة ..
لكنها واايد صغيرة .. أرجو إنج تكمليها بأسرع وقت.. |
رائعه ياغاليه
تطيلين الغياب ولكن تعودين بأحداث اجمل واجمل قلمك رائع بارك الله بقلبك وقلمك ودمتي كما تحبين |
مشكوره هدوب ع الجزء خيااااال
بس قصير !! في إنتظار التكملة يا الغالية |
والله حبيبتي القصة وايد حلوة
ولاتحرمينا من الباقي والله يعطيك العافية على القصة الحلوة :032: |
السمووووووووحة والله حظي يبقى عوي على طووووول الجزء هذا مو كله هذا قليل منه و يمكن و لا شي منه من صج اهو اطويل بس لمن كنت انزله انقطع عندنا خط النت و ينني والله كنت رح انزله كله لكن شفتوا اشلون حظي بس ييت اخبركن اولاً ردودكن خبااااااااااااااال يالغالين ثانياً وعد مني على باجر انزل لكن بقية الجزء تراه كامل و ينتظر بس انه يكون بين يديكن أنتظروني ..... غاليتكم و كاتبتكم .. ريماني الفوارس .. <<< مصدقة عمري أني كاتبة خخخخخخ أنتظروني و أحلى تحيا لكم يالغلا .. ريماني الفوارس .. |
أشرق يوم ثاني يطل بأشعة شمسه الذهبية إلي تتخبى وراها أشياء وااايد تنتظر البشر و الناس لتصيبهم بكل لحظة و كل ثانية و كل يوم بحياتهم .... بالمستشفى وين ما كان ناصر بجناحه الخاص كان توه صاحي صلى الفير و رد لسريره يريح ... بين هلحظات وصل جاسم المستشفى و طل على عمه بالغرفة... جاسم بن جسمه باين من الباب:_ شنو صاااحين. ناصر وهو يناظر ابتسامة جاسم و طلته:_ و ننتظرك حياااك. دخل جاسم وهو يسحب من وراه زياد بيده:_ صباااح الخير. ناصر:_ هلا و الله صباح النور. زياد:_ اشلونك نصور أن شاء الله تمام. جاسم:_ لالا باين عليه تمااام مو جذي. ناصر:_ إلي تجوفه نظر عينكم. جاسم:_ ما قلت لك. ناصر:_ شنو اليوم أجوفكم عندي ماكو دوام. جاسم:_ والله دوامي بالمطار حالياً أرضي و من رديت من السفر ماخذ لي أجازة أسبوع و عسا الله لا أيخلصها. زياد:_ عااااد أنا مترخص و ييت مع جسوم لأنة عندي لكم خوش خبر. (( جاسم و زياد و ناصر ربع من الصغر و عمرهم ماخبو على بعض شي )) ناصر:_ صج و الله تحجى لا تحرق جبدي تراني حرمة. جاسم:_ هههههه حسبي الله على بليسك خير زيود اشعندك. زياد وهو يناظرهم و ينطقها:_ كلمت سارة. جاسم و ناصر إلي بعلم على حب زياد لسارة و بعلم أنه ثلاث أسنين ترفض ترد على أتصالاته أشهقو مرة وحدة:_ شنهوووووووووووووووووووووووو ؟؟؟ زياد:_ هههههههههه أشوي أشوي لا يصيبكم شي. ناصر:_ شي بيعينك تحجى بسررررررعة أعترف شصاير اشلون كلمتك. جاسم:_ زيووود و طول الطريج امخبي علي تكلم و لي سلم عمرك. زياد:_ زين زين اشوي امبارح فجأة ياني مسج منها طرشت لها مسج و من الينون ما صبرت و اتصلت فيها و ردت علي كلمتها و على اليوم رح اكلمها ان شاء الله بس مالكم دخل شنو سولفنا. ناصر:_ ياعيني من بدايتها تخش علينا. جاسم:_ تركه بعد جم يوم بيي لك و بيصف لك السالفة من أولها لتايلها. ناصر:_ ايه و الله. زياد:_ اقول اخليكم ترى شغل الدوام فوق راسي انا استأذن نص ساعة و ارد الدوام. ناصر:_ يا خي توه الناس خلك معانا. زياد:_ وقت ثاني يلا في أمان الله. جاسم+ناصر:_ في حفظه و رعايته. ناصر:_ الله يهنيه و اخيراً ردت على اتصالاته. جاسم:_ و الله كلش ما توقعت هشي يصير بعد ثلاث اسنين. ناصر:_ بهدنيا كل شي يصير و ماهب غريبة شي. جاسم:_ و أنت قلتها على فكرة اليوم ياييك و حاب أخبرك بقراري و أتمنى توقف معاي هلمرة لأني محتاج حيل. ناصر:_ والله أني صرت أخاف أخاويك و أعاونك تراك كلش مب ريال أنت تدخلنا بمصايب جوف اخرت عنادك شسوة. جاسم:_ ياربي لا تذبح ضميري ترى اشكثر يأنبني. ناصر:_ و لا عليك أتغشمر ابشر و أنا معاك العمر كله. جاسم:_ تسلم بس أنا ناوي أتزوج .. ر ر ريم. جاسم:_ شنو شنو شنو شنو وااااااااااااااااااااااي كللللللللللللللللللللللللللللللللللللللووووووووووو ش احلف جسوم بذمتك احلف. جاسم:_ قصر حسك اشفيك فضحتنا. ناصر:_ اشلي في الناس ابي اتونس من صجك ناوي تتزوج ريم. جاسم:_ أنا ناوي بس يا خوفي ريم إلي ترفضني. ناصر:_ أبعد عنك هلكلام أنت لمن تحط هشي ببالك قاعد تحط الحواجز لنفسك لا تقول جذي توكل على الله و ربك ما يصعب عليه شي. جاسم:_ و النعم بالله بس ها انا حبيت اخبرك بقراري و ان شاء الله بس تقوم بسلامة و تكون بصحة اتقدم لريم. ناصر:_ وااااااااااااااي مب مصدق ليت بس من باجر من الحين اطلع من المستشفى و السبوع الياي زفتكم. جاسم:_ وليييييييه هلكثر مستعيل بالهون بالهون اقول لا تستعيل بيي هليوم الي تنتظره بس ها جانك قدها بتقدر توقف معاي و تقنع ريم لو ارفضت. ناصر:_ ما طلبت شي جسووووم من عيوني ريم هذي عندي لها دواها بس والله لو ارفضت معاها حق الي سويته فيها ماهب قليل. جاسم:_ عمي تكفى لا تصعب الشي علي و تذكرني بلي وريته ريم عمري كله عشته و ماريد اجرح احد لكن شسوي اذا الدنيا كاتب لي جذي. ناصر:_ يلا بوحمود مو انت الي تيأس انا اتغشمر معاك شدعوة يلا با هلبرطم الي ماده شبرين خلك ريال و قدها و بأذن الله رح تتزوج ريم و ترضي الاهل أن شاء الله. قطعت على حديثهم النسر ليلى أدخلت أهي النرس المخصصة لناصر ... النرس ليلى ارتعشت اول ما لقت جاسم حذال ناصر :_ السلام عليكم. ناصر لاحظ ارتباك النرس لمن ناظرت جاسم :_ و عليكم السلام. النرس ليلى:_ ها شنو أن شاء الله اليوم أحسن. ناصر:_ الحمدالله ماشي الحال. النرس ليلى توجهت لعند جهاز التغذية الموصل لناصر و بدت تبدل له موصل التغذية:_ أن شاء الله على باجر نسحب عنك موصل التغذية ما شاء الله صحتك عال العال. ناصر:_ تسلمين و الله الة على امتى أن شاء الله رح أقدر أطلع من المستشفى. النرس ليلى:_ على حسب هذا القرار بيد الدكتور أهو بس يوصل المستشفى رح يوقع على عدد من ملفات المرضى الي راقدين عندنا على حسب تطور حالتهم الصحية و يمكن تكون أنت من ظمنمهم بس حالياً الدكتور ماهب موجود بالمستشفى. ناصر:_ اهااا مشكوورة. النرس ليلى:_ العفو .. عن اذنكم. اطلعت و اهي تناظر جاسم بعيونها .. ناصر وهو يناظر جاسم:_ جفت الي جفته انا. جاسم:_ ههههه قصدك نظراتها لي. ناصر:_ ايييي اول مرة اجوف بنت جذي بحياتي. جاسم:_ هم انا مستغرب. ناصر:_ لا مستغرب بعد شوف شمسوي للبنت من حلاك. جاسم:_ هههه الله و الحلا لو زين غوى ريم علشان تقبل فيني. ناصر:_ هههههههههه و من قال ما غواها بس اهي تخش هشي بذمتك من يجوفك يردك لا يابوك هذا صج مخبل. جاسم:_ لا تحرجني اقول خلك ريال. ناصر:_ ههههههه و حشتني نحاستك. جاسم:_ يوز لا العوزك اليوم تراني جاهز بأي وقت. ناصر:_ هههههههه و هذا الي ابيه. .................................................. ........... زياد و ين ما كان توه واصل الشركة و وصل مكتبه و قعد على الكرسي وهو باله بسارة مشغول لحظات و إةل مسكول على تلفونه بسرعة لمح البصر رفع التلفون و لقاه مسكول من سارة و ياكثر فرحته زياد رفع اتلفون و اتصل فيها ... زياد:_ الو. سارة و اهي وسط افراشها و شعرها كان مفتوووح:_ هلا زياد صباح الخير. زياد:_ الصباح النور . سارة:_ عسا ما ازعجتك. زياد:_ اذبحج انا لا تقولين ازعجتك حلالج تزعجيني تشغليني حلالج. سارة و اهي مستحية:_ تسلم شخبارك. زياد:_ أخباري تسأل عن أخبارج. سارة:_ سألت عنها العافية .. الحمدالله على كل حال عايشين انت شخبارك. زياد:_ الحمدالله ابخير. تم السكوت بينهم للحظات و قطعه زياد:_ ها شنو امطولة و انتي ساكتة. سارة:_ ههههه لا بالعكس أنا الي ابي اتكلم معاك و اقول لك كلااام وااايد. زياد طار عقله من سمع ضحكة سارة:_ و أنا أسمعج يلا تكلمي قولي إلي بقلبج و لا تخشين شي. سارة:_ أوكي زياد تقبل إلي بقوله لك بكل واقعية و أعرف أن في من اهو فوقنا وهو ربك وهو إلي مقدر هشي يحصل ويصير وبعدين ما كو شي يصعب عليه. زياد:_ و النعم بالله كل هذا يا سارة ببالي لا تفكيرين ياهل و ماعرف جوفي شطولي شكبري لا تقولين هلكلام قولي الي تبينه مباشرة. سارة:_ أن شاء الله .. بصراحة يا زياد بعترف لك بسبب رفضي لردي على أتصالاتك من ثلاث أسنين أنا بصراحة يا زياد .. أنقطع صوتها و حتارت مب قادرة تقولها له. زياد زاد نبض قلبه خاف تكون مرتبطة بأنسان:_ أنتي شنو لا تهزين قلبي و تخيلين احاتي تحجي سارة. سارة:_ أنا أنا محيرة لولد عمي. سكتت من بعدها سارة و جمد زياد مكانه و حس الدنيا تدور فيه المعت عيونه بالدموع و قلبه اهتز هزة اجبال العالم و روحه حسها طلعت منه... سارة و صوتها بجي:_ يشهد الله ما حبيتك غيرك و لا حد قدر يسكن قلبي غيرك لكن أنا إلي أنحكم علي أنجبر بنسان ما أبيه أنذبحت لمن عرفت أني محيرة لولد عمي إلي أكرهه كره الموت و كل ما أكبر سنة يزيد هرج هلي عن زواجي بولد عمي و كل من يالقيني يدعي لي بأن الوقت يمشي و اتزوج ولد عمي و أنا كل ليلة و كل ليلة أذوق المر و الألم و ادموعي كل ليلة تبلل اجفوني و محد يحس بلي فيني اشذنبي انظلم بهدنيا و انا ما سويت لحد شي اشذنبي مالي غيرك يا زياد اشكي له و انا الي عمري كله تميت حاملة همي بصدري و ما اشكي لحد خايفة لا ازيد همي غيري هم ثاني لكني تعبت و اقولها لك بي من يرحمني والله رح اموت حرام الي اذوقه حراااام. زياد يقاطعها:_ بس سارة لا تذبحين نفسج اكثر ما عاش الي يغصبج على شي و انا عايش بهدنيا. سارة وسط بجيها:_ اشبيدك يا زياد علشان تسويه ترى هلي يردون كل من يتقدم لي و ينتظرون بس ولد عمي يكون نفسه ليتقدم لي. زياد يبلع ريجه من الغصة و هو يتحسس لنار الي بقلبه تشتعل:_ قلت لج ما عاش الي يغصبج على شي ما تبينه و انا عايش لا تشيلين هم يا سارة أنتي الي حبيتج و ملكتج بهدنيا و ما اقبل اجوفج تنذلين علشان هلج لو علشان واحد ما يقدر يقدرج و يحطج على راسه ويعرف يقمتج بين المخاليق الي بطلبه منج لا ترديني فيه ما بي هلحزن عليج دامج معاي بهدنيا لا تنهيمن و لا تشيلين هم شي فاهمتني يا سارة. سارة:_ زياد. زياد:_ عيونه. سارة لا أرادياً و أهي لي تتغرق بالخجل لمن يكلمها زياد بهطريقة أنطقتها من دون تفكير وسط ادموعها:_ أحبك. زياد أهتز قلبه لمن سمعها منها و بلهج لسانها المعت عينه بالدموع و نطقها... :_ ليت حبي لج يساوي شين بهدنيا و هلعالم بس من الصعب يساوي شي ..سارة. سارة:_ فداك. زياد:_ أحبج .. أحبج بينون. سارة و أهي بتين على همس زياد لها بكلامته:_ عسا الله لا يحرمني منك. زياد:_ تسلمين لي. سارة:_ السموحة عطلتك أنا الحين أستأذن و أنت وقت ما تبي تكلمني أتصل فيني و رح اكون بنتظارك. زياد:_ لا تقولين جذي اتعطل فدوة لج أن شاء الله من عيوين والله وقت ما أشتاق بدق و لا يهمني مشغولة فاضية بدق و بكيفي و تردين غصبن عنج. سارة:_ هههههههه عمري ما انشغل عنك. زياد:_ تسلمين لي يلا اجوفج على خير تحملي بحالج. سارة:_ و أنت أكثر على خير أن شاء الله. سكر زياد و أدموعه إلي مسكهم لمن كان يكلم سارة أنهارت على خدينه بحرارة وهو بداخله يصرخ والله ابيها و أحبها ليش تنكتب لغيري ليش... يفجأه بالدوخل عليه مشعل اخوه .. و بلمح البصر يمسح ادموعه و يلتف لمشعل... مشعل و كأنه بتفحص ملامح زياد:_ زيووود بلاك من عاطيك بكس مخضر لك عينك جذي. زياد:_ ولي سلمك مشعل ماهب بمزاجك كلش. مشعل:_ زيوود اشفيك عسا ما شر. زياد:_ سلامتك بس أنا تعبان اشوي و برد البيت اذا ابوي سأل عني قول له أخذ ساعة مرضية من الدوام. مشعل وهو يمسك زياد من يده قبل لا يمشي:_ مب انا الي امشي لك هلمزاج المعكر تحجى اشفيك. زياد:_ اوهوووووو مشعل كلش مب فاضي لتحرشك تركني لحالي ولي سلم عمرك في أمان الله. مشى زياد و ترك جو متوتر و مشعل متفاجأ من تعكر مزاج زياد بهطريقة هذي أول مرة زياد يكلمه بهطريقة الزفت أكدي فيه شي ماهب مثل عوايده.... |
بالمستشفى وين ما كان جاسم توه طالع من غرفة عمه و بأحدى الممرات يمشي متوجه لطابق الأول ليطلع من المستشفى بهلحظات ألتقى بالنرس ليلى ما أعارها أي أهتمام و واصل دربه لكنها أستوقفته و أهي تناديه. النرس ليلى:_ جاسم بن فارس. جاسم يلتفت لها و يتوقف عن المشي:_ لبيه. النرس ليلى بكل جرئة كبيرة و عيونها على جاسم:_ السموحة لو باخذ من وقتك شوية بس عندي معاك موضوع حابة أفاتحه معاك تسمح لي. جاسم أستغرب شهلموضوع إلي بيني و بينها و أهي مجرد نرس تعاين و تشرف على حالت عمي " جاس قلبه جاسم أحساس أن هلبنت وراها شي كبير و خاف لنظراتها إلي كان ما يحبهم أبد ".... جاسم بطيبة قلبه:_ لا أبد و الله ما تاخذين من وقتي بس حالياً مشغول أن شاء الله بوقت ما أفضى أزورج المستشفى و نلتقي. النرس ليلى و من الفرح تملكت الغرور و التفاخر:_ مشكور بس وقت ما تفضى رح تلقاني بالمستشفى. جاسم:_ أوكي في أمان الله. النرس ليلى:_ في حفظه و رعايته. مشى جاسم وهو يفكر أشتبي فيني هلبنت والله من لقيتها و قلبي خايف منها باين وراها شي كبير الله يستر .. ما شغل باله بالموضوع وااايد و واصل بدربه ... ليلى من صوب طارت من الفرح أخيراً تجرئة تاخذ موعد من جاسم مشت لمكتب النرسات و أهي تناظر كل من حولها بنظرة أغرور لكونها قدرت تحقق إلي في بالها... .................................................. ......... مضى الوقت و الزمن بالهيوم و سارت الدنيا على القدر المكتوب لها بهليوم و كل من هلبشر عايش بهدنيا و يحمل بقلبه ضيقة او هم او سعادة و يعيش فيها بين الناس الي حواليه .. على الساعة 4 العصر وين ما كانو عايلة بن فارس بالمستشفى و جمعتهم شحلوها مع ناصر حتى عايلة أم فيصل أنزلو من الرميثية للجهراء .... (( لنعيش الجو معاهم و نعرف منو الي مملين الغرفة الخاصة لناصر و الغرفة الثانية المفتوحة على غرفة ناصر .. المتواجدين عايلة أبو طلال كل أبوها و عايلة أبو مشعل لكن ما عدى زياد ماهب معاهم و لا أم مشعل و عايلة أم فيصل و عايلة أبو وليد لكن أبو وليد و جاسم ماهب معاهم )) ... أبو طلال إلي كان واقف حذال ناصر:_ ها شنو بعد بتطلع روحنا عليك مرة ثانية. ناصر بغشمرته:_ لا مرة ثانية على واحد من الشباب. مشعل:_ مااالت عليك تدعي علينا. نوف و أهي تضحك من سمعت كلام مشعل ... أبو طلال:_ لا أسم الله عليكم كلكم الشر ما ييكم. فراس يناحس عمه:_ سمعت عين الحسود فيها عوود. ناصر:_ لولوووووه شخبارج شمسوية ويا ذقلتج. لولوه:_ ياربي توني اقول ماله حس بل بل عليك خلك مع الرياييل اشلك بالحريم انت. ناصر:_ هههههههه فديتج اموت فيكن انا. لولوه:_ ما قلت لك غواينكن لكن ما تصدقني. محمد:_ اقول عمي مب جنك بتفضحنا سكر موضوعك. ناصر:_ خلك انت مع حبك الموعود شهد. محمد يهمس لعمه:_ و لي سلمك جوف بس جوف ماهب عاطيتني ويه ياربي بموووت انا. ناصر:_ تبي اناشدها لك. محمد:_ ههههههههههه ولي سلمك سكر ثمك لا تفضحنا مصدق لي حاله الريال بعد. ناصر:_ شسوي يقولون لي ريال لازم أصدق حالي. محمد:_ نصوووور جوف وليدوه الخسيس متربع حذال حرمته و ناسي أن في رياييل حذاله و عالم. ناصر:_ أصبر أصبر أخسبكه لك الحين. محمد:_ وييييلي عليك عمي عندك أياه. ناصر:_ وليدوه ما تيوز أنت ما تيوز يعني مستشفى و خلق الله و ما تفارج. وليد:_ جب و لا كلمة أحترم نفسك شمسوي لك أنا يعني مأذيك. ناصر:_ طاع هللسان الطويل و علي انا بعد لكن الشره مب عليك على الي يكلمك اقول بدور خلج منه و قعدي حذال الحريم تراه ما يوز بيفضحنا محد غيره الة فاضحنا بين الرياييل يموووت على قعدة الحريم. وليد ينغزل لناصر:_ اشلون ما اموت على قعدة الحريم و عمي جذي لازم اطلع عليه. ناصر:_ وليدوه يوز لا افلعك بشي الحين. وليد:_ ما تقدر عندي حماية ضد الصدمات. محمد:_ هههههههههههههههه يفكر حاله برسوم متحركة. ناصر:_ ههههه كفك حمووود. مشعل:_ افاا خلوه حلاله اشفيكم عليه. طلال:_ ايه يوبا تسنع السالفة لك علشان لمن تتزوج ماحد يتحشر فيك. ناصر:_ ههههههاي مشعلوه شغلي هذا لمن يتزوج بأذيه بوريه النجوم القايلة. فيصل:_ كفو والله خالي عندك أياه يتساهل والله. ناصر:_ عاد نواف شغل منو. نواف:_ لا عيوني ماهب مينون مثلكن أتزوج شنو ناوي على عمري أنا. ناصر:_ الحمدالله و الشكر فيصلووه عقل أخوك مادري من فار له عقله و مخربه هلكثر. نواف:_ ماحد مخبر لي عقلي ألة بالعكس اشزينه عقلي يهبل ماهب مثلكن كل واحد وله حبيبة. ناصر:_ فيصلووه و رماح يلف اخوك سكته لا يودينا في ستين الف داهية. محمد:_ هههههه اعنبووه يعطيك قنابل قويية. فراس:_ هذا الشغل المظموون عيل اشلون هذا الخوي الي اعرفه. نواف:_ اقول فراس خلك منهم تراهم حييل خربانين. ناصر:_ الحمدالله و الشكر. .................................................. ............... بهلوقت وين ما جمعة الأهل اشحلوهاا وصل جاسم المستشفى و أول ما وصل للممر الي فيه غرفة عمه سمع صوت جمعة هله و وقف وعرف بأن اكيد كل هله موجودين بهلوقت و دخلته عليهم حيل صعبة لموقفه الي اخذوه منه لمن سافر فترااجع خطوتين و بدى يمشي متجه بيطلع من قسم عمه و بهلحظة اظهرت ريم من غرفة عمها و تلتقي عينها بشخص يغادر قسم الي فيه عمها لكنها ميزته لجسمه الوسيم و طوله الفارغ و عرفته انه جاسم و ارتعش قلبها و بلمح البصر دخلت غرفة عمها ما تبي تلتقي فيه لكن ليش ارتعشت اول ما شافته هذا الي استغربت منه ريم من نفسها .. جاسم من صوب وهو بطريجه مر على مكتب النرسات المحته ليلى و ناشدته... النرس ليلى:_ جاسم بن فارس. جاسم وهو يلتف لصوت الي ماهب غريب عليه:_ لبيه ( ويلتقي بليلى تظهر من مكتب النرسات ) هلا. النرس ليلى:_ هلا والله . جاسم وهو يتذكر الموعد الي اخذته منه النرس ليلى:_ الة على فكرة تقدرين تقولين انا حالياً فاضي اذا تبيني بالموضوع الي حاجيتيني عنه تراني مستعد اسمعج الحين. النرس ليلى:_ صج يعني ما اخذ من وقتك لو فاتحتك فيه الحين. جاسم ببتسامة مجاملة:_ اكيد لا . النرس ليلى:_ تفضل اكلمك اهني او بالكفتيريا تحت. جاسم:_ المكان الي يعجبج. النرس ليلى:_ عيل حياك استراحت النرسات عندنا فاضية رح اقدر اكلمك بالموضوع الي ابيه فيك. جاسم:_ اوكي. مشى وراها وهو مب طايق عمره يحس انه قاعد يضيع وقته مع انسانة جذي بس الي شاده لانه يقعد معاها ويسمعها اهو شلي تبيه منه بالظبط اذا اهو مجرد من الزوار الي ايون لمرضى المستشفى وحساسه الكبير بأن وراها شي هلبنت يشده لها اكثر ليكشف حقيقتها أكثر ... وصلو لأستراحت النرسات وقعد جاسم على كرسي و قباله او تقريباً على جنبه النرس ليلى اقعدة. جاسم:_ تفضلي قولي الي تبينه و انا اسمعج. ليلى:_ قبل كل شي اسمح لي اطلبك و لا تردني بلييز لا تفهمني غلط و لا تفهم قصدي غلط و لازم تتقبل كلامي بواقعية اكثر. جاسم:_ لا تشيلين هم كل هذا عمري ما فهمت احد بهدنيا غلط و عمري كله متقبل الدنيا و بكل شي فيها بواقعية لانة و بكل بساطة هذي حياتنا الي نعيشها بالحقيقة و ماهب بسراب او حلم او وهم رسمناه لحالنا. ليلى و اهي تستمع لمنطق كلام جاسم الحللو و الموزون بدقة تفكير هادية و ابتسمت و اهي متونسة على جاسم وسيم و فاهم و ولد نسب و اصل و فصل.. ليلى:_ يعني اقدر اخذ راحتي و اقول لك كل شي ابي اقوله بصراحة. جاسم وهو يبي ينهي كلامه معاها ويبيها تييب كلامها من الأخر:_ اكيد. ليلى و اهي تاخذ نفس عميق:_ جاسم بصارحك بشي يمكن يفاجأك و يصدمك واايد ويمكن يتركك تاخذ عني افكار غلط وااايد بس الي ببالي و بقوله لازم تفهمه بانه شي صار و مالي عرضة عليه بس قبل كل شي بسألك .. عمر المشاعر كانت بيد الأنسان؟ جاسم وهو الي بدى يفهم قصدها لكنه يبعد التفكير الي فهمه انه يكون صح او اهو نفسه قصدها :_ سؤالج ولو انه غريب بس رح اجاوبج عمر المشاعر ما كانت بيدنا ولو كان هذا الشي يحصل ما كانت الناس عاشت بشي اسمه هم و حزن او بلاوي تحل علينا . ليلى:_ و انت قلتها علشان جذي بصراحك بمشاعري اتجاهك ( اسكتت لمن لاحظت عيون جاسم ترتفع و تناظرها بحدة و بقوة و تبرق اعيونه بنظرته لها ). ليلى و اهي مرتبكة و توخي راسها:_ السموحة اكيد انصدمت بس بليز اتركني اقول لك الي ابي اقوله. جاسم بجدية رجولية:_ شلهدف من انج تقولين لي بمشاعرج اتجاهي و أي مشاعر هذي الي تتكلمين عنها انا مجرد من الزوار الي ايوون للمستشفى لمرضاهم شلي يربطني فيج انتي كموضفة و نرس تداومين بهلمستشفى و متخصصة بحالة المريض الي يقرب لي. ليلى:_ السموحة لا تفهمني غلط بس ما وضحت لك مشاعري وقصدي اكثر. جاسم وهو عارف قصدها اخذ نفس عميق و اخذ الموضوع بطيبة قلب وهدووء:_ لا تفكرين فهمتج غلط و انا عارف قصدج من دون ما تقولين انتي يا نرس ليلى الي تبين توصلينه لي بان قلبج احتوى مشاعر غلات و معزة لي و هذا القصد انج تحبيني صح كلامي او لا. النرس ليلى توطي راسها و قلبها يزيد نبضه لمن قالها جاسم بلسانه تحبيني ما عرفت بشنو ترد عليه و ارتبكت زوود. جاسم:_ صح كلامي والله انا غلطان. ليلى:_ صح. جاسم بهدووء ملائكي حلوو يكلمها و بطيبة قلب روعة:_ ليلى ارفعي راسج ما يحتاج توطينه مشاعرنا يمكن بيوم تكون عار علينا بس لا تفكرين بان هلكلام صح مشاعرنا ماهب بيدنا و القلب عمره ما كان بيد الانسان بس انا ابي اقول لج كلام و تحطينه ببالج انا حاس بلي تحسينه الحين و عارفه و لا تفكريني مو فاهمج بالعكس فاهمج و عارف بكل شي بس يا ليلى في شي يسمونه قدر و هذا لمن ينكتب على الانسان لازم يكون مجبور فيه صح. ليلى:_ اكيد. جاسم:_ علشان جذي انا رح اخبرج انتي بذات و ابيج تقدرين موقفي بتجاه مشاعرج الي قاعدة تعطيني اياها انا يا ليلى. ليلى تقاطعه:_ انت شنو ( المعت بعيونها الدمعة الدافية ) مرتبط بانسانة. جاسم:_ هدي نفسج و تركني اكمل كلامي ايه يا ليلى انا مرتبط و مصيري كله مرتبط بانسانة قدرة تاخذ كل تفكيري و كياني و تستحوز على قلبي و مشاعري انا بعد كم شهر بأذن الله رح اكون مرتبط فيها انتي وصلتي بعد ما القدر خط مصيره علي و اسمحي لي ما بيدي شي اعطيج اياه غير اني اتمنى لج حيات حلوة و مستقبل حلوو و الله يهنيج بدنياج و يحفظج و يكون معاج بكل خطوة بحياتج. ليلى بصوت هز قلب جاسم و اهي وسط ادموعها:_ بس انا احبك. جاسم:_ لا ليلى مب انا الي استاهل هلكلمة و هل مشاعر صدقيني ما امتلك شي لج علشان اعطيج اياه ما اقدر ابادلج نفس الي تبادليني فيه من احساس و مشاعر لا تتركيني اكون سبب جرحج بحياتج ربي يشهد ما ابي اجرح احد بهدنيا لا تخليني سبب عذابج تكفين. ليلى و أهي توقف على حيلها و تمسح ادموعها:_ الجرح يا جاسم لمن يخط اعروقه على القلب يبقى له اثر طول العمر و انت يا جاسم كلامك هذا سبب اجروح بقلبي ماهب جرح واحد ( ناظرته بعيون تمتلي قهر و حرة قلب و بقسوة اظهرت منها لا أرادياً جدام جاسم ) ليام بينا و بين البشر و اذا اليوم لي علشان اذوق هلعذاب باجر رح يكون عليك لتذوقه ... تــــــــــــــــابـــــــــــــــع |
| الساعة الآن 04:36 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.